كما نراها الحياة .. بالتفاؤل .. والفرح ... والكآبة .. والحزن
مسارات يحددها .. القدر ... ونحيلها .. للظروف
تبقى أروقة الحياة ضيقة إذا مافقدنا الأمل
وتبقى المشاعر دوماً تقودها الدوافع
للأمومة .. هموم وأمنيات ودموع
للرجولة .. مواقف وعبر ودروس
للأخوة .. أرواح متصلة
وللصداقة .. آراء منفصلة
وللحياة .. جنة أو نار


...........................





تعريف بالشخصيات :
محمد ( أبو جوري ) : رجل أعمال ، متواضع ومحبوب من الكل
أم جوري ( نادية ) : من عايلة متوسطة الحال ، ماغيرتها الملايين على أهلها
جوري : بنتهم الوحيده ودلوعتهم ، 20 سنة


......


سلمان : ( بو يوسف ) : شريك أخوه محمد ، مايرضى بالغلط على عياله حتى لوكانوا غلطانين
أم يوسف ( سعاد ) : بنت عمه ، تحب السوالف والمزح والمطبخ خخخخخخخ
يوسف : 29 سنة ، يكره موضوع الزواج ، مدمن شغل
أحمد : 25 سنة ، عكس يوسف ، مايحب الشغل
العنود : أكبر بنات بو يوسف ، متزوجة من ضابط اسمه صالح
خلود : 20 سنة ، تؤام جوري بالجامعة
رنا : 17 سنة ، حبوبه وايــد ، يسمونها روح العايلة
لمى : 12 سنة ، أفكارها أكبر من سنها

............


جواهر : أخت محمد وسلمان ، عايشه بالشرقيه مع زوجها مسفر وعيالهم
فارس : 28سنة ضابط ، متزوج بنت عمه مريم
فهد و أبرار : 20 سنة ، تؤام
مي : 14 سنة ، بتعرفون عنها وايـــد " مريضة بالقلب "


.............


والبقيه بتتعرفون عليهم بأحداث القصة :


البــــداية :

جوري : حمــودي إصحى ماوراك شغل
أبوجوري : كاتم الضحكه ومايرد
جوري : حبيبي قوم يالله ... حمودي
راحت تطفي المكيف ومادرت إلا المخده مرميه عليها وابوها يلحقها يبي يضربها
وهي تركض وتصارخ
جوري : والله ماأعيدها خلاص يبه والله مافيني اركض
فجأة طرااااااااااااخ
جوري إتزحلقت من المويه إللي بغرفتها
أبو جوري : بسم الله عليكِ , صار فيكِ شي
جوري : حمودي لا تخاف علي ,بنـ .....
قبل لاتكمل ضربها أبوها كف خفيف
أبو جوري : كم مره قلت لك قولي يبه , أبوي , بابا . أي شي غير حمودي
أم جوري وهي تضحك :إيه حمودي حقي بس هههههههههههههه
جوري تسوي نفسها زعلانة : إيه وأنا لي الله
أبو جوري وام جوري : ههههههههههههههههههههههههههههههههههههه
أبو جوري : يالله عاد أتركم بأخذلي دش ماأبي أتأخر بروح الشركة
أم جوري : ماتبي تفطر ؟؟
أبو جوري : لا والله مافي وقت





في الشـــــــــــــركـــــــــــة

محمد يدخل بهيبته والموظفين يسلمون عليه
ويواجه يوسف
يوسف : هلا والله بعمي
محمد : هلا والله بالمدير يوسف
يوسف : عمي تكفى لاتجيب لي طاري ، أنا مرتاح كذا بدون مدير ومناصب ووجع رأس
محمد : ياولدي شوف أنا وأبوك نعتمد على الله ثم عليك ، لو صارلنا شي أنــ
يوسف : عمي والله ثم والله أنا احترم قرارك أنت وأبوي بس
محمد : خل هالموضوع بعدين الحين قولي وين أبوك ؟؟
يوسف : بالمكتب ينتظرك
محمد : خلاص طيب بروح له الحين , وأنت إذا خلصت تعال أوكي
يوسف : هههههه الله يستر
يوسف طوال الوقت وهو يفكر خايف لايكون بيزوجونه بنت عمه
وهو ينتظر المصعد
انفتح باب المصعد
وكان فيه رجال وشكله شخصية هامة
رحب فيه يوسف وسئله
يوسف : هلا والله , شرفتنا بشركة ال......... آمر أخوي
الرجال : مايأمر عليك ظالم , بس أبي أقابل المدير
يوسف وهو يناظر فيه سرح وظل يتذكر كلام عمه " هلا والله بالمدير يوسف "
الرجال انتبه إن يوسف مو معاه فحب يتكلم علشان مايحرج يوسف
الرجال : والله الأستاذ محمد الكل يشهد له , ماشاء الله عليه ، وإحنا نتشرف بأنه يكون بينا وبينكم تعاون
يوسف لحق على آخر كلمتين
يوسف : حياك الله ..
نادى يوسف موظف وطلب منه يوصل الضيف عند عمه



ببيت بو يوسف

سعاد بالمطبخ وصوت التلفزيون صاير مزعج
أحمد وهو نازل من الدرج معصب : وبعدين يعني ماأحد يعرف ينام بهالبيت
دخل المطبخ وإنصدم : يمه وش جالسه تسوين ؟؟
سعاد : بسم الله الرحمن الرحيم , توي أسمع صوتك فوق . كيف جيت هنا
أحمد وهو يحب رأس أمه : سوبرمان هههههههههههههههههه
سعاد : ههههههههههههههه إيو والله
أحمد مد إيده وأخذ قطعة من الحلى : امممممممممممممم تسلم إيدينك يالغالية
سعاد : الله يسلمك , بس ترى مو لك مسويته
أحمد : جاملي على الأقل
سعاد : أبشر حمودي بكره بسوي لك حلى أحسن من هذا
أحمد وهو يناظر بنص عين : نشووف
أمه انشغلت وهو طلع جواله من جيبه ويشوف المكالمات التي لم يرد عليها ويضحك
أحمد : يمه بسئلك سؤال ممكن ؟؟
سعاد : أكيد اسئل
أحمد : أبوي يبي يريحك وجايب لك هالخدم شوفي إيش كثرهم وللحين تسوين كل شي بيدك ؟؟
سعاد : مو تبون شي يريحني . خلاص هالشي يريحني وبعدين لو تعبت برتاح لا تخافون علي خلوني على راحتي ترى ماني أصغر عيالكم علشان تعلموني الصح من الغلط
أحمد وهو فاتح عيونه على الآخر : طيب والله مايسوى تزعلين نفسك ترى والله علشان حنا نحبك نقول كذا بس
وحبها على راسها : لا تشيلين علي ترى بيصير لي حادث وأموووت
سعاد ضمته : لا تقول هالكلام مره ثانيه فاهم
أحمد : يعني تحبيني ؟؟
سعاد : وأحد مايحب ضناه ؟؟

طلع أحمد وهو في السيارة رن الموبايل
أحمد يطالع بالرقم ويضحك
أحمد : هلا والله بروح أحمد . بقلب أحمد . بحياة أحمد
جوري : حركات يالرومانسي هههههههههههههه
أحمد : وجع على بالي أختي .. اعترفي وش سويتي بأختي أعرفك مجرمه ؟؟ ليش أخذتي جوالها قولي يالله
جوري ميته ضحك : أختك الخبله طاحت علينا اليوم
أحمد وقف بريك جامد : شنو ؟؟
جوري خافت : لا تخاف هي اللحين بخير بس مو قادره تتكلم تعبانه .. قصدي تعبانه شوي
أحمد وهو معصب عليها : وليش مادقيتي على البيت . وإلا مو فاكره رقم بيتنا ؟؟
جوري انقهرت من اسلوبه معاها : لا روح شوف كاشف بيتكم وجوال عمي وابوي واسئل السنترال والسواق
بتشوف إنك كنت آخر الخيارات
وقفلت السماعه بوجهه
أحمد خلاص وصل حده : انا أوريكِ يابنت ال.........
حسبي الله عليها , هين هين ياجوري
وصل الجامعه ودق وهو عارف محدبــ يرد
أرسل مسج " غلاي طلعي أنا برى "
دقايق وشافها وشاف معها وحده شايله شنطتها واللابتوب
فتحت جوري الباب : يالله خلود تفضلي
دخلت وهي تعبانه .. دخلت جوري الأغراض ورى وصكت الباب ورجعت الجامعه
أحمد طنشها مو فاضي حتى يسبها كان خايف على اخته
أحمد : حياتي شفيكِ ؟؟
وماترد
احمد : تعبانه
هزت رأسها وتكلمت بصوت واطي : أبغى أنام
أحمد : إن شاء الله اول المستشفى وبعدين البيت


في المستشفى

أحمد يعبي الأوراق والموظف يكلمه
الموظف : لو سمحت لازم الدفع فوري لأننا متعودين من إللي مايخافون الله
قاطعه أحمد وقال : أوكي فهمت خلاص
وهو يطلع المبلغ ويكلم نفسه : والله أنتو إللي ماتخافون الله
سلمه المبلغ وظل ينتظر أخته لين ماطلعت وراحوا البيت
بالبيت
سعاد مستقبلتهم وهي تحضن بنتها : يمه خوفوني عليكِ . كلتي زين . رحتي المستشفى
أحمد : يمه تراها تبي تنام والدكتور يقول لازم تتغذى كويس ولا تصدقين رويتز << قصده جوري
سعاد أخذت بنتها وطلعتها فوق وماتركتها تنام لين ماتغدت
على طاولة الطعام
سلمان معصب على أحمد علشانه ماجاء الشغل وباله مشغول بيوسف وكيف بيبلغه على إللي اتفقوا عليه هو وأخوه
سلمان : وانت ماتقول لي متى بتفكر تعقل ؟؟
أحمد وهو مستغرب : أنا
يوسف : يبه ماله داعي تعب نفسك
أحمد : وش سويت بعد دوام وماداومت وإيش صار تحطونه برأسي
سلمان : ماصار شي بس متى تفكر تداوم يعني << قالها بأستهزاء
أحمد وقف وهو معصب على الآخر : والله مو ذنبي إن خلود تتعب وماأحد يدري فيها إلا أنا
وقام راح لغرفته
سلمان : هذا وش يقول انجن
يوسف : مدري عنه .. لايكون خلود تعبانه
وقفوا اثنياتهم وجلسوا يطالعون ببعض وبعدين طلعوا لغرفة خلود
قابلتهم سعاد وقالت لهم كل السالفة
فبيت محمد ( أبو جوري )
جوري جالسه على سرير في غرفة أمها وأبوها
جوري : يالله ماتنامون نطمن على خلود وبعدين ارجعوا ناموا
نادية : الحين أنتي ماكنتي معاها بالجامعه وقلتي إنها بخير
جوري : إيوه
نادية : خلاص طيب بعد مانصلي المغرب نروح ليش مستعجله
جوري :لالالالالا مالي شغل .. بابا الله يخليك والله رنا قالت لي راحت المستشفى
محمد يحاول ينرفز بنته : وإذا يعني كل الناس تروح المستشفى
جوري عصبت : بروح لوحدي ناموا
طلعت وسكرت الباب بقوه
محمد يطالع بزوجته ويقول هالبنت بتخبل فيني
نادية : أكيد هذي الغالية
محمد : طيب يالله خلينا نقوم نروح قبل ماتسويها بنتك
نادية : ههههههههههه طيب يالله قوم أنت أول
محمد : ههههههههههه تكفين بس بنام شوي بس
نادية : ههههههههههه طيب كم حمودي عندي
محمد : ياعلي ماانحرم منك
تغطى ونام
بعد أقل من ساعة وهم في السيارة
محمد : جوري للحين زعلانه
جوري بقواة عين : إيوووه للحين
محمد وقف السيارة وقال : خلاص مدام إنك زعلانه نجلس بالبيت أحسن
جوري : لالالالالالالالا والله مو زعلانه خلاص بس ريحوني حرام عليكم
نادية : أبدري إنتي طالعه على مين ؟؟ من وين أخذتي هالأسلوب ؟؟
جوري : مدام أبوي محمد وأمي نادية وش تبيني أطلع ههههههههههه
محمد ونادية عطوها نظرة محترمة
جوري : خلاص آسفة والله



بعد عشر دقايق وصلوا بيت سلمان ( أبو يوسف )
أحمد كان توه جاي البيت ..
وقابلهم وسلم على عمه وزوجته وجوري يسلم عليها من طرف خشمه
أحمد : حياكم تفضلوا
جوري دخلت وعلى طول لغرفة خلود بدون حتى ماتستأذن
محمد يكلم أحمد وهو منحرج
محمد : حسبي الله على إبليسها ماهمها أحد
نادية : هين اوريها شوي
أحمد كان مبسوط يحشون فيها بس مجاملة لعمه قال : عادي عمي بيتنا وبيتكم واحد
في غرفة خلود كان مجتمعين عندها يوسف ورنا ولمى
جوري تفتح الباب بدفاشه وهي تقول : مستحـــيل أحب غيرك
رنا ولمى ماتوا ضحك وهي مستغربة : بسم الله شفيكم
غيرانين ؟؟
خلود وهي تضحك : يلوموني بحبك ياألبي
هنا يوسف ماقدر يمسك نفسه و: هههههههههههههههههههههههههههههههههههههه
جوري وهي تسكر الباب بقوه : وجععع إن شاء الله إيش جايبك هنا
يوسف : هههههههههههههههههههههههههههههههه
رنا : ترى هنا بيته ههههههههههههههههههههههه
لمى وخلود : هههههههههههههههههههههههههههههه
نزلت جوري وجلست مع عمها سلمان
عمها سلمان يحبها مررره لأنها بنت أخوه الوحيده ولو يصير لها شي أبوها بيروح فيها
طنشت البنات على غير العاده وكانت طول القعدة هاديه وهالشي خلاهم يستغربون لأن بالعادة لازم تكون لها بصمة خاصة
رنا تحاول تكلم جوري بدون مااحد ينتبه : جوري خلاص عاد والله خلود من اليوم تسئل على الأقل تعالي سلمي عليها
جوري طنشتها وطلعت ورى امها وأبوها
طوال الطريق جوري ماتكلمت بأي كلمة
ولما وصلوا البيت طلعت لغرفتها على طووول
محمد : نادية وش فيها جوري ؟؟
نادية : والله ماأدري بس يمكن تكون زعلانه من خلود لأنها جلست عندي وماراحت لهم
محمد : علشان كذا الحال متغير هههههههههههههههههههه
نادية : كلها ساعات ويتصالحون إن شاء الله
محمد : إن شاء الله
يوم الخميس :
اليوم المفروض يجتمعون بالمزرعه بس علشان خلوود قرروا يكنسلونها
بس طبعاً من عرفت جوري وهي متنكده
جوري تكلم نفسها : أوووووف ماراح أشوفها اليوم , كله مني ليش زعلت منها وش ذنبها هي يالله مالي داعي أزعل
اممممممم شكلي بكلمها بعد العشاء


في بيت ابو يوسف
خلود تدلع عليهم : يالله منو بيعشيني برى ؟؟
رنا : على حسابي بس وين إللي يودينا
العنود تدخل وبدون ماتتكلم حضنت خلود
رنا : بسم الله الرحمن الرحيم .. الله لا يبلانا
خلود : بعد قلبي والله أنا بخير بس بعدي عني شوي خايفه على يور بيبي هههههههههههههه
العنود : يادوووبا والله اليوم دريت
رنا : علمكِ السنع صالح
العنود : ماابي ارد عليكِ أنتي وحده ماتستاهلين أعطيكِ وجه
رنا : يمه ليش وش سويت
العنود : مايحتاج أذكرك اكيد ذاكره بس تتناسين
رنا : قسم بالله ماأدري عن إيش تتكلمين
العنود وهي تحضنها : حتى أنا هههههههههههههههههه
رنا : تضربها بشويش وقسم خوفتيني
خلود : حركات جديده ليه خفتي ؟؟
رنا : بعدين منو بيسمي بنته علي ؟؟
خلود والعنود : هههههههههههههههههه قولي كذا
لمى وأحمد دخلوا الغرفه وسلموا على العنود
وجلسوا يسولفون ويضحكون
دق جوال خلود
المتصل : يلوموني بحبك ياألبي
خلود لسى شايله بخاطرها على جوري وماتبي ترد وفجأه انفجرت ضحك
أحمد : سلامات سلامات
رنا : قولي هي إللي تتصل
خلود مو قادره توقف ضحك وتهز رأسها إنه هي
بعد ماهدت موجة الضحك قالت لهم على موقف جوري أمس وضلوا يضحكون عليها ومبسوطيين
على الجهة الثانية ..
جوري زعلانه كيف ماترد علي والله لو أنا كان رديت عليها بس خسارة حتى أنتي ياخلود تتغلين علي
أرسلت مسج :

" وش بك
على غفلة تغيرت وأقفيت
منهو الجديد إللي عطيته ( مكاني ) ؟؟ "

حطت سايلنت ونااامت
في آخر الليل .. شالت خلود جوالها وشافت المسج
خلود حست إنه جوري زعلانه ورجعت اتصلت عليها بس جوري ناااااايمه
جلست تفكر وتتذكر أيامهم الحلوة مع بعض وكيف كانوا دايماً على قلب واحد
نزلت دموعها وحاولت تتهرب من هالشعور إللي بدون مقدمات جاءه
كانت حاسه إنها بتفقد جوري .. جوري إللي ماأحد يزعل منها .. إللي الكل يحبها
قاومت دموعها وطفت النور وجلست تفكر إنها تروح لبيت عمها تنام عند جوري

بعد صلاة الجمعه ..

خلود نازله من الدرج وهي شايله شنطه خفيفه حاطه فيها لبس الجامعه ولبس احتياط
سعاد وسلمان : هلا والله
سلمان : على وين إن شاء الله ؟؟
خلود عاد وقت الدلع : والله يابابا انا تعبانه وحابه أغير جو
أحمد : وشرايك اوديكِ الثمامه أحسن ؟؟
خلود كانت عارفه إن أحمد بس يبي يقهرها فقالت تبي تحرجه
خلود : والله ياليت
أحمد : أبشري والله كم خلود عندنا
خلود مشت الموضوع على الغداء كانت تستنى اللحظه إللي يعتذر فيها أحمد لأي سبب
بس أحمد كان مصر إنهم يروحون يبي يلعب باعصابها
أحمد : يالله مشينا للثمامه ترى الجو جناااااااان
رنا ولمى كانوا مبسوطين
وخلود حاسه بقهر إنها حاولت تقهر أحمد يعني اللحين ماتقدر تقول لا
وراحوا الثمامه وانبسطوا إلا خلود كانت مخنوقه بسبب فكرة إنها تفقد جوري
أما جوري لما صحت من النوم وشافت المس كوول
قررت إنها تروح اليوم لبيت عمها
أقنعت أمها وأبوها وبالموت اقتنعوا علشان تتصالح هي وخلود
بس هم بيروحون بيت خالها
تجهزت ومرت على محل حلويات أخذت كم شي وطلعت
كانت مبسووطه إنها بترجع تتكلم مع خلود ..
يمكن لأنها تحسها زي أختها وكانوا دايماً مع بعض بكل شي
لكن فرحتها هذي تحولت لحزن وخيبة أمل كبيره
جوري تبكي وهي بالسيارة بعد ماعرفت إن خلود راحت تغير جو بالثمامه
يمكن لو كنت أختها كان جئت عندي ومافكرت بأحد
السواق : مس جوري وين تبغى روح ؟؟
جوري وهي تحس إنه كل شي حولها ظلام : البيت
السواق : أوكي
وصلت البيت .. قفلت الموبايل .. وطفت اللمبات
ماتبي أحد يشوف دموعها وخصوصاً الوحيدين إللي بيخافون عليها .. أمها وابوها


محمد يدق على البيت ماأحد يرد يدق على جوري الموبايل مغلق
وهو معصب : والله ثاني مره لو تموت عندي مااخليها تروح لوحدها
يعني بالله أدق على مين
إحنا محروق دمنا وهي تضحك أكيد ومبسوطه
نادية : كلم أخوك يمكن يكون بالبيت وقوله يخليها تنزل
محمد مسك الموبايل ودق على سلمان
سلمان : هلا والله بالغالي
محمد : هلا والله بو يوسف
سلمان : وش فيك متضايق ؟؟
محمد : خل هالـ ... استغفر الله اااااه خل جوري تنزل
سلمان : جوري ؟؟
محمد : ايه قولها بسرعه حنا عند باب بيتكم
سلمان : محمد جوري موب عندنا
محمد : نعم ؟؟ اليوم جئت عندكم تلقاها أكيد عند خلود
سلمان يكلم خلود : يمه خلود .. جوري عندك
خلود : ماشفتها من يوم الأربعاء
محمد يسمع كلامهم وهو خايف على بنته ونسى إنه معصب عليها
سعاد تأشر لسلمان إنها بتقوله شي
سعاد : اليوم كانت عندنا وجابت معاها حلويات ويوم مالقت خلود طلعت على طول
سلمان قال لمحمد هالكلام
سلمان : أكيد تلقاها في بيتكم الحين .
محمد : إيه أكيد
وقبل مايقفل
سلمان : طمني عنها
محمد : إن شاء الله
في الطريق لبيتهم نادية تبكي خايفه على بنتها
ومحمد معصب ويسوق بسرعه وكان يخبي خوفه
لما وصلوا نزلت نادية بسرعه
أما محمد أخذ نفس عميق ويحاول يهدي نفسه علشان مايجرح بنته
نادية فتحت باب غرفة جوري
الغرفة بااارده
وجوري نايمه
راحت انسدحت جمبها وجلست تمسح على شعرها ودموعها على خدها
كيف تروح وهي روحي وقطعه مني
محمد مادخل الغرفة كان يشوفهم بس مايحب يضعف بهالمواقف
حمد ربه إن بنته بخير وراح لغرفته ويطمن أخوه
نرجع لخلود ..
خلود كانت متضايقه وأي شي ممكن يخليها تبكي
ولسوء حظ أحمد كان السبب
أحمد : وش صار على بنت عمك لقوها وإلا ماتت وأرتحنا
خلود جلست تصرخ وتبكي بصوت عالي الكل استغرب هالشي
رنا ولمى كانوا جالسين
ولما شافوا إن اختهم كذا حاولوا يهدونها بس ماأحد كان فاهمها
خلود طلعتهم برى الغرفة وظلت سهرانه
لين صلاة الفجر صلت وحست بتعب
حطت المنبه على الساعه 7ونص ونامت
رنا ولمى راحو لمدارسهم
اما جوري
صحت وهي لسى تعبانه من إللي صار
صلت وأفطرت وجالسه تتجهز للجامعه
دق الباب ..
جوري : منو .. قصدي تفضل
محمد بصوت تعبان : صباح الخير
جوري تحضن أبوها : ماكو صباح إلا الخير بوجودك
محمد يحاول يحسسها بغلطتها : وش سويتي فينا امس
جوري : ماسويت شي ههههههههههه
محمد : انا أتكلم جد وأنتي كل شي عندك ضحك وخبال ؟؟
جوري خافت من أبوها ورجعت لوراء
جوري والدموع بعينها : يبه والله ماسويت شي
محمد ماأتحمل : لا تقولين يبه لما تكبرين على هالتصرفات ذيك الساعه أنا أقول عندي بنت
وطلع
جوري الدنيا ضاقت عليها
أبوها .. يكلمها بهالطريقه .. ليش وشو سوت علشان يعاملها كذا ؟؟
كابرت زي ماتكابر دايماً لما تحس بضعف وراحت الجامعه
وراحت للمكان إللي يتلاقون فيه هي وخلود ومالقتها
كانت تشوف بأسى المكان إللي كل مره يتقابلون فيه وكأنها تشوفه للمرة الأخيره



نروح لخلود شوي ..
صحت من النوم وتشوف الساعه .. 40 . 8
قامت وهي مو قادره تصدق
لالالالالالالالا ليش مادقيت << ماسكه الموبايل
وقامت تبدل بسرعه علشان تلحق على تؤام روحها
في الجامعه
انتهت المحاضره الأولى وجوري جالسه بالكافتيريا طفشانه
وتلعب بجوالها
بعد ربع ساعه
" مستحيل أحب غيرك " يتصل بك
جوري مو مستوعبه : هذي وش تبي الحين
خلني أرد واشوف
جوري : الو
خلود وهي تبكي : وينك ؟؟
جوري : خلود إيش فيكِ ؟؟
خلود : تعالي بسرعه لمكاننا
جوري كانت خايفه إنها تعبت : طيب جايه جايه .. سلام
طلعت بسرعه وراحت لمكانهم كانت خلود جالسه بعبايتها وشكلها يحزن
جوري : خلود إيش فيكِ تعبتي ؟؟
خلود تحضن جوري : لا تتركيني يالشينه .. أهون عليك ِ
وقضوا اليوم الجامعي بالسواليف وسحب على المحاضرات خخخخخخخ



في الشركة
محمد متضايق كيف زعل بنته
يووووه والله شكلها ماتدري عن إللي صار خلني اتصل بنادية أسئلها
نادية : الو
محمد : صحيتك من النوم ؟؟
نادية وبصوت مليان حزن : ايه
محمد : أحسن ههههههههههههه
نادية : حرام عليك والله أبغى أنام
محمد : طيب ياقلبي بس بسئلك اممممم أنتي قلتي لجوري شي
نادية : لا ليش إيش صار ؟؟
حكاها محمد كل شي

......

محمد يستنى جوري عند البوابة
وجوري بعد ماقالت لـ خلود كل شي : يمه والله خايفه من حمودي
خلود : خخخخخخخخخخ لو يشوفك بيدفنكِ
جوري بخوف : ليش ؟؟
خلود : لا تقولين حمودي ههههههههههههههه
جوري : ههههههههههههههههههههههههههههه طيب بطلع قبل لا يدفني صدق
سلموا على بعض وطلعت جوري
في السيارة ..
جوري : باباتي والله آسفه
محمد ساكت
جوري استغلت إنهم واقفين للأشارة وباسته : والله ماكنت أدري وقسم بالله
محمد : خلاص انتهى الموضوع
جوري : وطيب إللي اليوم الصبح .. ؟؟
محمد : وش فيه بعد ؟؟
جوري وهي تصيح : يعني لسى ماتبي تقول بنتي ؟؟
محمد جالس يتذكر كيف كانت تبكي الصبح
محمد : خلاص والله كنت معصب بس لا تبكين
جوري كانت مبسوطه إن أبوها رضى عليها وبنفس الوقت حز بخاطرها كلامه
لما وصلوا البيت
طارت لغرفة أمها وباستها على خدها
جوري : يابعد هالدنيا سامحيني
نادية : يمه شلونك الحين
جوري وامتلات عيونها دموع وتحاول تخبيهم : ترضون علي أصير بخير
محمد من وراهم : يالله أنا جوعاان أبي أتغداء
وهم يتغدون
أبو جوري يتكلم عن شخص مشاركينه بمشروع ويمدح بالرجال
وجوري مو معاهم ... الحمد لله إنهم مبسوطين الله لا يعيد هالأسبوع << تكلم نفسها
مر أسبوع وخلود نايمه ببيت عمها في الويك إند
خلود : تصدقين أحمد للحين ماكلمته
جوري : لاتكلميني عنه بليز
خلود : ليش عاد وجععع ترى حمودي ماأرضى عليه
جوري : ماغلطت عليه بس لا تفتحين سيرته

...



على الغداء .. الجمعه :
محمد يكلم زوجته ويضحكون
جوري وخلود مستغربين وبيذبحم الفضول
جوري : بابا إيش وراكم
محمد : والله وكبرتي ياروح أبوكِ
جوري : طيب إللي بعده
نادية وخلود ومحمد : ههههههههههههههههههههههههههههههههههه
جوري : يالله عاد والله إنسدت نفسي عن الأكل
محمد : ليه عادي كلي واشبعي بعدين بقولك
جوري : بابا لالا .. ماما قولي لي أنتي
نادية وهي تضحك : وش أقول : الكلام كلام أبوكِ
جوري عصبت وجايه بتقوم
مسك يدها أبوها وجلسها جنبه
محمد : حبيبتي اليوم بيجي واحد يخطبكِ
جوري صار وجهها ألوان
ومن شدة الصدمة تركتهم وإطلعت لغرفتها
خلود مو مستوعبه : صدق عمي ؟؟
محمد : إيه وأهلك بيجون اليوم يساعدون
خلود : وناااااااااااسه بس دقيقه قبل لاأوافق تعطونه أختي لي شرط
محمد ونادية : هههههههههههههههههههههههههه
نادية : قولي شرطك ؟؟
خلود : ياويله لو ماخلاها تكمل دراستها بأذبحه ههههههههههههه
محمد خاف من كلام خلود وإنه ممكن يسويها ويحرمها من الدراسه
نادية : مو بس انتي بتذبحينه حتى أبوها ههههههههههههههه
بعد صلاة العصر وصلوا بويوسف وزوجته وعيالهم

أبو جوري كان متعمد إن سعود يشوف جوري وهي ماتدري
ناداها في المجلس الصغير إللي بالحوش
وكان سعود موجود هناك وهي ماتدري
دخلت بربشتها كالعادة : حمودي آمر تدلل لو........
وقفت بمكانها
أبوها كان ماسك ضحكته
وسعود كان مفتون بجمالها
قبل ماتستوعب وتطلع
سعود : السلام عليكم جوري
جوري تطالع فيه ببلاهه : وشلون عرفت اسمي ؟؟
محمد : هههههههههههههههههههههههههههه ومسك بنته وطلعها
جوري : دقيقه من وين عرف اسمي
محمد : ههههههههههههههههه جاي يخطب إشلون مايعرف اسمك ههههههههههههههه
جوري : لااااااااااااا هو هذا إللي يبيني ؟؟
محمد : إيه ههههههههههههه .. يالله طلعي فوق بلا فضايح
جوري طلعت لغرفتها سيــــــــــده ودقت على جوال خلود علشان تطلع لها
في غرفة جوري
خلود : هههههههههههههههههههههههههههههههههه
آآه يابطني حرام عليكِ خلاص والله ماأبي أسمع شي ههههههههههههههههههههههههه
رنا دقت الباب : احم احم نحن هنا
خلود : ههههههههههههههههه رنا تعالي ههههههههههههههههههه
رنا : ضحكيني معاكي
خلود : الخبله هذي ( وتأشر على جوري ) ههههههههههههههههههههههههههههه
وجلست تقول لرنا ورنا ميته ضحك

..............


وفي مجلس الرجال
سعود : أبيها عمي أبيها
كل إللي بالمجلس : هههههههههههههههههههههههههههههههههههه
محمد : الله يقدم إللي فيه الخير
سعود فرحته لا توصف بنت جمال ، ومال ، وخبال خخخخخخخخ
سعود رجل أعمال وغني وهو شريك أبوها في آخر مشروع ، يحب شغله وهالشي يخليه مايعرف أهله وقت الشغل
مايحب يخسر حتى لو ريال واحد موعلشانه محتاج لا لأنه يحس إنه ضعيف وفاشل لو خسر
بعد ماراحوا أهل سعود
خلود ورنا ولمى مسوين جو في غرفة جوري
رنا تمثل إنها جوري : سعود حبيبي
لمى تمثل إنها سعود : جوري لا تتكلمين ترى بمووت
جوري : ههههههههههههههه الله يقرفكم ماتعرفون تمثلون
خلود : خليهم يكملون
جوري : لاااااا ، بروح أشوف الوضع << غمزت لهم وطلعت
محمد : هلا بالعروس هههههههههههههههه
جوري وهي مقهورة : ماراح أنساها لك
طلعوا البنات وسلموا على عمهم وهم يضحكون من أسلوب جوري مع أبوها
محمد : والله أنتي حلوه بكل الأوضاع ، حتى الرجال تخبل علينا يقول أبيها هههههههههههههه
جوري استحت والبنات يصفرون ويصفقون
خلود : أكيد هذي من بيوصل مستواها
محمد : لا تمدحينها خلاص بكره ماراح تقابلنا ههههههههههههههههههه
جوري دخلت غرفتها وقفلت الباب وهم ميتين ضحك عليها
وبعد ما راحو كل إللي موجودين
محمد ونادية .. موقادرين ينامون ، أشياء كثيرة بيفقدونها
صح بدري على هالشيء بس .. هم ماعندهم إلا جوري " والحين يمكن تكون آخر فترة لهم مع بعض "

محمد : تدرين عمري ماتخيلت يجي هاليوم صح إني أتمناه بس ماجاء على بالي إنه ممكن يجي اليوم إللي ماأشوف بنتي قدامي ...
آآآآه بيأخذها سعود وتنشغل عنا بالأسبوع والأسبوعين
نادية وهي تفكر بإللي يقوله : لا بنتي ماتسويها .. أصلاً لو سوتها بروح عندها
محمد: ههههههههههههههههههه تنكدين عليهم
نادية وهي معصبة : أشوف بنتي
محمد : طيب هدي بتعصبين قبل مايصير شي
نادية لقت وتغطت بالبطانية وهي تفكر جوري .. ممكن تتعود على العيشه بعيد عنهم
وكيف بيكون البيت من دون جوري .. هادي حتى من روحه الطيبه .. من دلعها .. من صراخها لو فاز الهلال ههههه
ببساطة كان شعورهم .. غير
مبسوطين ويتمنون الخير لبنتهم وبنفس الوقت ماودهم تغيب لحظه عن عينهم
مرت الليلة ومنهم مبسووط وسعيد ومنهم من شايل هم هالسعادة


صباح اليوم الثاني

جوري وبنشاطها المعتاد
جالسه تفطر وجو أمها وأبوها
باسوها على رأسها وكل واحد فيهم يفكر بإللي صار وكأنهم يحاولون يعيشون اللحظات الأخيرة بدون أي مشاكل أو نكد
جوري : احمممم ترى شكلكم ناوين على شي
نادية : تدرين إني أحبك .. ودمعت عينها
محمد : مو وقته هالدموع
جوري وهي خايفه من هالشعور : يمه لا تبكين أصلاً أنا ببقى عندك طووول العمر
محمد : لا والله والرجال إللي خطبكِ
جوري : يروح يدور له وحده ثانيه
نادية : ليش ؟؟
جوري وهي تأكل : بس أنا بأبقى عندكم وماأبي أفارقكم
محمد وهو يقول بنفسه أكيد هي بعد الثانية مانامت وهي تفكر بهالموضوع
لحظات مرت وهم ياكلون بدون حتى مايطالعون ببعض
قطعت سكوتهم الخدامه ميري
ميري : مس جوري السواق برى
جوري وهي تشيل شنطتها والجاكيت : يالله مع السلامه
ولما وصلت عند باب الفله رجعت وهي باين عليها نست شي
جوري تحب رأس امها وابوها : فأمان الله
محمد ونادية : فأمان الكريم
كل شي صار زي ماتوقعت جوري
خلود وربى ومها وشروق يستنونها تشرف وكل وحده كاتمه ضحكتها
شروق وهي تركض تبي تحضن جوري : وااااااااااااااو والله وكبرتي يابنتي
جوري وهي تضحك : إيوه ياماما هههههههههههههههههه
ومشت ولما وصلت عند البنات وسلموا عليها وباركوا لها
جوري : إيه ترى لسى ماصار شي كلها شوفة بس
مها : شوفة وفضيحة ههههههههههههههههه
جوري وهي تطالع بخلود : أوريكِ ياشينه قلتي لهم
والكل ضحك عليها وجلسوا يعلقون على إللي صار

محمد ماراح الشركة كان يبي يغير من نظامه وإنه ممكن يتعود على البيت من دون روحه
نادية .. مثلها مثل أي أم تتمنى الخير لبنتها وإن سعود يكون يستحق هالملكة جوري
بس هذي سنة الحياة .. ولازم الكل يتعود على هالشي

مرت الأيام بروتينها إللي الكل تعود عليه
سبحان الله بعض الأيام تحس بأنها خالية من كل شي .. !!
جوري وافقت على سعود ..
والتحاليل أوكي
والملكة والخطوبة بليلة وحدة
أسبوع وتتم هالملكة .. جوري وخلود كل يوم بالسوق
رنا .. إبتعدت عن أهلها كثير بهذي الفترة .. ولمى الوحيده إللي تحاول ترجع أختها لطبيعتها
قبل الملكة بيومين



أحمد يكلم بالجوال ومعصب : قلت لك أبعرف كل شي
الطرف الثاني : مالي شغل بإللي صار أنا ماأعرفه والله ماأعرفه
أحمد : أنا لما أوصل بيكون لي تفاهم معاكِ

يوسف صحى من النوم وقابلته أمه
سعاد : صباح الخير يانوااام
يوسف : ههههههههههههه صباح النور .. والله تعباان
سعاد : أنت إللي متعب عمرك .. قلنا لك خذ إجازة تقول ماتبي
يوسف : والله أرتاح بالشغل .. والتعب هذا إستراحة محارب بس ههههههههههه
سعاد : طيب يابطل .. روح للمجلس فيه واحد من أصحابك يبيك
يوسف : أنا مين ؟؟
سعاد : مدري .. روح وشوف
يوسف : خير إن شاء الله .. بصلي المغرب وبروح له
.. في المجلس ..
ثامر : بدري ، بدري
يوسف : هلا والله بالغالي وينك من زمان عنك ؟؟
ثامر : أنت لو فيك خير ماتخليني أستناك ساعة
يوسف : هههههههههههه عادي ياأخي تحملنا ياما تحملناك ههههههههههههههه
ثامر : طيب لا تكثر كلام و تفضل قدامي
يوسف : وين ..؟؟
ثامر : عبدالله صار له يومين بالمستشفى وأنا وأنت آخر من يعلم وصراحة متفشل أروح بروحي
يوسف : وأنا أقول مو لله جاي .. راعي مصالح ههههههههههههه
ثامر : انطم لا اللحين أدوس ببطنك
يوسف : احلى تطورات .. تهدد بعد
ثامر سحبه من ثوبه وطلعه برى الملحق ويوسف ميت ضحك

في المستشفى :

عبدالله : هلا والله .. مابغيتوا تجون .. فقدت الأمل بجيتكم الصراحة
ثامر : كل من هالخبل كل ماأقوله يقول عندي شغل وخبرك عاد الشغل أهم مني ومنك
الكل يضحك وعارفين إنها دقه بيوسف
يوسف : اللحين جايبني هنا تتريق علي يادووب
ثامر : لا والله محشوم بس خف عن نفسك شوي
بندر : مو كنكم سحبتوا على عبدالله
يوسف : ياأخي دامي موجود مالكم مجال ههههههههههههههههههه
ثامر : سخيف .. بالله طالع على مين .. ؟؟
عبدالله : على رفيق السكن طبعاً ههههههههههههههههههه
قضوا وقتهم بضحك وحش وسوالف .. لا تخلوا من ذكريات عاشوها مع بعض أيام الجامعة
خلص وقت الزيارة .. وطلع يوسف وثامر من المستشفى

في السيارة :

ثامر : يعني ضروري أوصلك بيتكم ؟؟
يوسف : لا أبي أروح معاك ههههههههه أخلص علينا تووبة أركب معاك وقسم ترفع الضغط
ثامر : بالله أصلاً وين تلقى مثل ثامر ؟؟
يوسف توه بيرد وجواله يدق
و يأشر لثامر استنى : ألوو
راشد : يوسف إلحق علينا حنا بمستشفى ..................
يوسف : دقيقة طيب إيش فيه
راشد : تعال وبتعرف .. سلام
يوسف وعلامات إستغراب : إرجع إرجع للمستشفى
ثامر : ليه .. وش صار
يوسف : والله مدري بس راشد خوي أحمد يقول تعالوا بسرعة
ثامر : لا يكون أخوك فيه شي ؟؟
يوسف وهو يحاول يشيل هالفكرة من رأسه : لا لا أكيد واحد من أصحابه
ثامر : الله يستر
في هاللحظة كان أحمد بين الحياة والموت .. بين رحمة رب العالمين
وصلوا يوسف وثامر للمستشفى وراحوا للطوارى
حاولوا يدورون على راشد ويلاقون منه إجابات
راشد : يوسف من هنا
يوسف : خير إيش صار ؟؟
راشد بحزن طغى على ملامحه : أحمد يايوسف أحمد
يوسف يدور على أمل بسيط يتعلق فيه : إيش صار له ؟؟ ووينه الحين
راشد : لسى ماندري بس .... وسكت
يوسف : بس إيش ؟؟ تكلم
راشد : هو الله يهديه مدري ويش إللي ثوره كذا
كان يكلم بالجوال .. وإستإذن منا وراح وحاولنا نلحقه بس ركب السيارة وكان طاير
يوسف : ومين إللي كلمه ؟؟
راشد : مدري والله مدري




وأحمد بينكتب له عمر جديد ؟؟ وإلا بيأخذ الله أمانته
يوسف .. وثامر .. صداقة هل تستمر
خلود .. وقصة حبها إللي بتظهر




يوسف بلغ أبوه ودقايق وكان أبو جوري وأبو يوسف بالمستشفى
كلهم على قلب واحد ..
يمر الوقت بطيء وأحمد بين رحمة رب العالمين
أبو يوسف يتذكر آخر موقف صار له مع ولده
ويتذكر كيف كان قاسي عليه في الفترة الأخيرة
دمعت عينه .. وهو يحاول يخفي دموعه
راح يصلي ركعتين ويدعي لولده
يارب .. يارب .. يارب
اللهم نرجو رحمتك .. اللهم أنت ارحم بنا .. فارحمنا ياأرحم الراحمين
يارب قوم أحمد بالسلامة ، ولا تريني فيه مكروه


طلع الدكتور من غرفته
والكل راح صوبه
يوسف : بشر يادكتور
الدكتور : خير إن شاء الله .. حضرتك أخوه .. ؟
يوسف : إيه نعم .. إيش صار عليه .. ؟
الدكتور : هو حالياُ بخير .. وبعد تنهيدة ..... بس
يوسف وهي واصله معاه : بس إيش .. تكلم
الدكتور : هو عنده كسور ورضوض بس كلها إن شاء الله بسيطة إلا كسر رجله .. بعد كم ساعة .. بنقدر نحكم

يوسف وأبوجوري وراشد وثامر .. كلهم خايفين على أحمد وكلام الدكتور بدل مايطمنهم زادهم خوف
ثامر : طيب متى نقدر نشوفه .. ؟؟ ومتى يطلع .. ؟؟ ومتى ..
الدكتور : خف علي شوي .. كل شي بيبان بعد كم ساعة .. بس الزيارة حالياً ممنوعة ..
راح الدكتور والكل واقف مكانه .. ورجع أبو يوسف
بلغوه بـ إللي قاله الدكتور .. وبعد جهد أقنعوا أبو يوسف ويوسف إنهم يرجعون للبيت لأنه ماله داعي وجودهم خصوصاً وهم مانعين الزيارة
وصلوا البيت ..
طلع أبويوسف لغرفته من غير ماينطق بكلمة
ويوسف راح لأمه بالمطبخ
يوسف بصوت كله تعب : السلام عليكم
سعاد : وعليكم السلام .. هلا والله .. إيش فيكم تأخرتوا ؟؟
يوسف يحاول يبعد عن نظرات امه : موجودين .. موجودين
سعاد : طيب يمه روح بدل وبأحط العشاء
حط يوسف يده على كتف أمه وهو يحاول مايخوفها : يمه اطلعي شوفي أبوي .. تراه تعبان
سعاد وهي تقطع السلطة : أنت وأبوك من طينة وحدة .. على كثر ماتتعبون بالشغل على قل ماتريحون نفسكم
إلتفتت عليه : ترى الرسول صلى الله عليه وسلم قال : ( ولبدنك عليك حق ) .
يوسف : يمه أنا بنام وأبوي لا تخلينه كذا
وطلع لغرفته
حطت العشاء ونادت البنات .. اتصلت على جوال أحمد وكان مغلق
طلعت فوق عند أبو يوسف شافته يصلي
استنت لين ما خلص ومسكته من إيديه بتقومه : تقبل الله
قوم يا لله العشاء
سحبها عنده وجلسها جنبه : تعالي بكلمك شوي
سعاد : طيب تعشى وبعدين نتكلم
أبو يوسف : لا .. ماأبي أتعشى
سعاد : وش فيك أنت وولدك جايين متأخر وكل واحد يقول مايبي يتعشى
أبو يوسف وهو يتنهد : أحمد يا سعاد
رجعت مكانها وبصعوبة تكلمت : وش فيه أحمد
أبو يوسف : صار له حادث .. ادعيله
سعاد ودموعها تحكي مشاعرها .. مثل كل أم .. تخاف على عيالها من همسة الهواء وشلون لو صار له حادث .. !؟
متى .. ووينه .. والحين وش صار عليه .. ؟
وقالها أبو يوسف كل إللي يعرفه

نرجع للبنات .. خلود ورنا ولمى .. إللي بلغهم أبوهم باللي صار
خلود كانت تبكي .. وبرغم المشاكل إللي بينهم بس رابط الأخوة كان أكبر .. راحت تصلي وتدعي لأخوها أحمد
رنا .. راحت لغرفتها تحاول تهدي نفسها .. وتبعد عنها الشعور بالذنب
لمى .. أكثر وحدة متعلقة بأحمد .. وأكثر وحدة كانت صابرة وتدعي له
في كل المواقف تختلف ردود الأفعال
بس تبقى الروابط .. هي دليل على صدق المشاعر
خصوصاً في حالة أحمد


في بيت أبو جوري

جوري : طيب ليه مانروح عندهم .. ؟
أبوها : مو الحين .. أكيد ماناموا إلا متأخر
أمها : ويمكن لسى ماناموا .. الله يعينهم
رجعت جوري لغرفتها بخيبة أمل وهي متأكدة إن خلود لسى مانامت أخذت جوالها وأرسلت لخلود
ثواني وتدق خلود
خلود وهي تبكي : جوري والله تعبانة
جوري : الله يقومه بالسلامة
خلود : آمين
وضلوا يسولفون عن أحمد وكيف وصلهم الخبر و .......... الخ الخ



بعد صلاة العصر

عايلة أبو يوسف بالمستشفى
دخلوا سعاد وسلمان أول .. ويوسف وأخواته جلسوا يستنون لين مايخلصون كلامهم مع أحمد

في غرفة أحمد

أحمد جالس على السرير ورجوله متورمة وباينه عظمة الساق
راحت أمه وهي تبكي وتحضنه .. ما تشوف شر .. ما تشوف شر ياولدي
أحمد : الشر مايجيكِ يالغالية
قرب أبو يوسف وسلم على ولده وتحمد له بالسلامة .. جلس دقايق وطلع
حس بضعف .. وهو لازم يكون قوي بهالمواقف .. لأن إللي حوله يستمدون قوتهم منه

دخلوا البنات ويوسف .. وبدت أصواتهم تعلى
يوسف : يعني لازم نمرض علشان نشوف هالحنان منكم
أحمد : إيووا والله من جد
خلود بدلع : والله أنتم غالين لكن عليكم طلعات ترفع الضغط
لمى : صادقة .. بس حمودي غير .. يعني معليش يا يوسف أنت لوخيروك بيني وبين أي مشروع .. سحبت علي خخخخخ
أحمد : قوية ههههههههههههههههههههه
يوسف : هين يالموه .. أنا كذا هين
لمى ببراءة : ما قلت إلا الحق
يوسف : طيب طيب .. رنا شفيكِ ساكتة على غير العادة يعني
رنا تناظر بأحمد وتقول : موجودة .. بس كالعادة مظلومة
أحمد حس إنها تقصده : طيب المظلومين المفروض يحاولون يبينون الحقيقة وإلا .. ؟
رنا : يعتمد على الطرف الثاني .. صح .. ؟!
يوسف : كأني أحس بترسبات عالقة هنا
خلود : وأليمة بعد
لمى : طيب خلونا نخليهم على راحتهم
وقامت : يالله مشينا
يوسف : أنا موب طالع أبغى أفهم
رنا قامت ومشت لين ماوصلت عند لمى : أنا رايحه معاها
و جو الغرفة بدأ يتكهرب ..
تدخل جوري وبعدها أمها وأبوها
جوري : حمودي ماتشوف شر
الكل متفأجا من كلامها وكيف كانت خايفة
إللي يشوفها مايقول هذولا كل ماتقابلوا تضاربوا
أبوها ضربها على كتفها : استحي شوي
والكل ضحك عليها

ابو جوري : الحمدلله على سلامتك .. ماتشوف شر
أحمد : الله يسلمك عمي
أم جوري : ما تشوف شر يمه
أحمد : الشر ما يجيك
جوري : أخيراً جاء دوري .. الحمدلله على السلامة يا ولد العم
أحمد : الله يسلمك يا بنت العم
يوسف : مو كأنكم بتتضاربون ههههههههههههههه
أبو جوري : لا عاد تكفون مو هنا ههههههههه
أم جوري : خلود وين أمك .. ؟
خلود : تعبانه راحت البيت مع أبوي
أبو جوري يوجه كلامه لـ يوسف : حنا رايحين لهم الحين
أشر على جوري : ورجعوا هاذي معكم
يوسف : إن شاء الله عمي
جلسوا ربع ساعة واستاذنوا وطلعوا
خلود : جوري خذي راحتكِ هههههههه
جوري تدفها على رنا : انقلعي بس
أحمد : إذا بتتذابحون .. اطلعوا من الحين
جوري : أحمد صح كلام الدكتور
أحمد : أي كلام
جوري : إنه يعني يبغى لك وقت على بال ما تمشي
أحمد : إيه صح .. بس وش هالأهتمام المفاجىء .. ؟!
جوري : أفا يا أحمد .. صح إننا دايم نتضارب بس والله ما أتمنى لك إلا كل خير
لمى : حركات ياجوري
أحمد بعد فترة صمت : هذا العشم يابنت العم
جوري : أعوذ بالله سنة علشان يرد زي العالم
خلود : هههههههههههههههه ماتعرف تمسك لسانها
يوسف : يالله خلصونا بنمشي .. أحمد بأوديهم
و راشد الحين بيجلس عندك
أحمد : أوكي
أحمد : وزورونا عاد موب تقطعون
الكل : إن شاء الله
أحمد : رنا لي كلام معاكِ
يوسف وهو يغمز لرنا : بحضوري طبعاً
أحمد : إيه وقبل ما أنسى .. جوري ألف مبروك مقدماً .. علشان ما أقدر أحضر
جوري : أجل المباركة بعدين .. الشبكة مابتم إلا بحضورك
الكل مستغرب .. وخلود بيذبحها الفضول
طلعوا من المستشفى


وهم بالسيارة


خلود : من جدك جوري .. ؟
جوري : سالفة الشبكة .. إيه من جدي
خلود : ليش
جوري : يا زيني وأنا مسويتها وولد عمي بالمستشفى
رنا وهي حاضنتها : ياربي على إللي يعرفون السنع
كل هالكلام ويوسف مجرد مستمع
يدور بباله كلام جوري .. ياااه ياجوري كل مرة تكبرين بعيني أكثر
وصلوا لبيت عمهم
يوسف : يالله يا ست جوري
البنات بصوت واحد : نعـــــــــــم
جوري : خير إن شاء الله
يوسف : خير بوجهك .. يالله تعبان
جوري وهي تنزل من السيارة معصبة : أنت إنسان وقح .. تدري
صكت باب السيارة بقوة طراااااااااااخ
يوسف : بسم الله شفيها
خلود التفت على الجهة الثانية وطنشت كلامه
لمى : والله من جد إنسان وقح خخخخخخخخ
رنا : بنت عيب ..
يوسف جوري من أول وش تقول الله يهديك
يوسف : شنوو ؟
رنا : من المستشفى وهي تقول بنام عندكم
يوسف : طيب
رنا : وطيب إيش .. ليش جايبها بيتهم .. ؟
يوسف : يووووووه .. وأنا إشدراني .. والله نسيت
مسك إيد خلود : روحي ناديها وقسم نسيت
خلود : لا ماله داعي .. ما راح أنزل
يوسف : جربي ما بتخسرين شيء
خلود : أنا أعرفها .. ماله داعي أنزل الحين



جوري كانت معصبة من طريقة تعامل يوسف معاها
أما خلود كانت متضايقة منه وبنفس الوقت عارفة إنه مو قاصد
إنه يقهر جوري

أما يوسف في الجهة الثانية
على كثر ماهو تعبان بس تفكيره مانعه من النوم
يالله ليش أنا بالذات إللي تصير لي هالمواقف معك يا جوري .. ليش .. ؟
والله كنت مبسوط منها بتأجيل الملكة .. وماكنت أقصد .. ياآآآآآآهـ


الصبح كانت الأجواء صافية ، وخلود صاحية من وقت وجالسة تفطر
يوسف ورنا ولمى .. تقابلوا على الدرج
رنا : صباح الخير خيو
يوسف : يا صباح الخير عل الحلوين
لمى : لا تجامل أختك .. أنا بس الحلوة
رنا بصوت عالي : ياشين الغرور
خلود والأبتسامة الدايمة على وجهها : يالله صباح خير أنتي وياها
يوسف يبين إنه مصدوم : لا لا لا ماأصدق
أختي خلود .. صاحية .. لا وبعد بدون ما أحد يصحيها .. سبحان الله
لمى : أنتم أغرب ناس
يوسف وخلود يجتمعون على السفرة الصبح
وتقلد يوسف : يا سبحان الله
يوسف يناظر فيها بطرف عينه
وخلود تطالع فيها من فوق لتحت
رنا وهي تضحك : لمووه اقعدي وخلي اليوم يعدي على خير
كملوا فطورهم .. وكل واحد فيهم راح لطريقة
خلود راحت مع السواق لبيت عمها
دقت الجرس وما أحد فتح الباب
رجعت للسيارة ودقت على موبايل جوري
جوري بكسل : هلا والله
خلود : هلا والله ومخليتني عند الباب .. افتحي بسرعة
جوري موب مستوعبه : والله من جد
خلود : جوريوه بلا هبل بسرعة وإلا والله أروح
جوري : لالا جايه الحين
.. قفلت الجوال
دقيقتين وجوري تفتح الباب وتشوف السيارة
وتأشر لخلود أنها تنزل
بعد ما دخلوا البيت
خلود تحضن جوري وتقول : وحشتيني
جوري : يمه وشفيكِ .. ؟
خلود : لا بس مشتاقة لك وو ...
جوري : وو .. إيش
خلود : حركة يوسف أمس تقهر
جوري : اهااا
خلود : بس والله حلف لي إنه نسى والله
جوري : قفلي على الموضوع أحسن
خلود : لا ما أبي أقفل .. من أمس وأنا على أعصابي وفي النهاية
تقولين قفلي.. لا مستحيل .. قولي لي شعورك .. ؟
كرهتيه .. ؟
دعيتي عليه .. ؟
رميتي دانا .. ؟؟ هههههههههههههه
جوري : الله يقرفكِ أنتي وأخوكِ
خلود تضحك : إيوه كذا غيري المود بتاعك
جوري : طيب انتي أمري بس
خلود تطالع الساعة : قومي بسرعة بدلي .. المحاضرة بتبدأ
وهي تقومها .. بسرعة تأخرنا



راحوا الجامعة .. وقبل آخر محاضرة
جوال خلود يدق تطالع في الرقم وتضحك
جوري تأشر لها تبي تعرف
خلود : بنات عن أذنكم بكلم وأرجع
خلود : هلا والله بالغالي
يوسف : ياربي دوم هالرضا
خلود : هههههههه أخلص وشتبي
يوسف : ما أسرع ماقلبتي بسم الله
وهو يحاول يغير حدة صوته : على العموم متى طالعين .. ؟
خلود : طالعة بعد ساعة .. قصدي طالعين بعد ساعة

يوسف : امممم طيب إشرايكم باإللي يعزمكم على الغداء .. ؟
خلود : حركات والله .. طيب أنا علشاني أختك حبيبتك بس جوري ليش .. ؟
يوسف يقول في نفسه : أصلاً هالشيء كله علشانها
خلود : آلوو
يوسف :ما أبي أحد يشيل علي
خلود : اهااا .. يعني بتعتذر لها
يوسف بدأ يعصب : أنا ما قصدت إني أغلط .. هذا أولاً
خلود : خلاص خلاص .. طيب لا تعصب .. أشوفك بعد ساعة .. قصدي نشوفك بعد ساعة
وقفلت الخط قبل تسمع رده
يوسف معصب وتمنى إنه مافكر أساساً بالموضوع
أما خلود رجعت لشلتهم وهي ميتة ضحك
شروق : ضحكينا معاكِ
خلود : لا مو الحين .. بعدين أقولكم
جوري : شوفوا الخيانة .. بدينا أسرار
خلود : مش أسرار ولا حآقه .. بس ياخبر النهار ده بفلوس بكره يبقى ببلاش
جاء موعد محاضرتهم وقاموا .. كانت 50 دقيقة
خلود كانت تفكر فيها .. شلون تقنع جوري .. وقررت تكلم عمها
في القاعة .. خلود استأذنت تروح لدورة المياه .. وطلعت
خلود : مساءك خير ياعمو
أبو جوري : هلا والله حبيتي شلونك .. ؟
خلود : بخير بس لو توافق لي على طلب
أبو جوري : اممم جوري جنبك .. ؟
خلود : لا والله حتى ماتدري بمخططي
أبو جوري وهو يضحك : وش ناوية على بنتي .. ؟
خلود : لا بس قلت بخليها تغير جو .. نفسيتها صايره زفت
أبو جوري : إيوا والله من ناحية زفت فهي زفت .. طيب ماقلتي وش ناوية .. ؟
خلود : بنطلب غداء من برى وبأخذها البيت عندي
أبو جوري : لوحدكم .. ؟
خلود : لالا طبعاً .. يوسف بيأخذنا
أبو جوري : بتعبون يوسف
خلود : لا.. لا .. هو قال عادي
أبو جوري : يعني بس باقي موافقتي
خلود : الله يخليك عمي
أبو جوري : طيب بس لا تتأخرون
خلود : لا ماراح نتأخر
أبو جوري : ولا تعبون الغالي
خلود وهي مبتسمة : إن شاء الله
أبو جوري : يالله طيب مادام مافيه جوري اليوم بتغدا بدري
خلود : هههههههههه بالعافية إن شاء الله .. مع السلامة
أبو جوري : فمان الله

رجعت القاعة وجلست هادية تفكر .. وماهي حاسة بعيون جوري
إللي بيذبحها الفضول
بعد ما خلصت المحاضرة .. وفي صالة الأنتظار
خلود : أقول جوريوه .. اليوم بترجعين معاي
جوري : أدري بس وشوله هاللهجة
خلود : لا بس بتأكد من مزاجك
جوري : ليش طيب
خلود وهي مبتسمة : لا ولاشيء
تغطوا وطلعوا .. وهي ماسكه يدها بيد جوري
ركبت جوري وراء وتستنى حضرة الست خلود
بس خلود صكت الباب وركبت قدام
جوري ما لاحظت منو إللي يسوق على بالها عمها
خلود بعد ماسلمت : يالله خيو وين بتغدينا .. ؟
جوري ماسكة جوالها .. وإبتسمت لا شعورياً وهي لسى مو منتبهة
يوسف : ها بنت العم وإيش تبين تتغدين .. ؟
صاعقة نزلت على جوري .. تحس بأنها مو قادرة تتحرك
وفي بالها تردد .. لا أنا أتخيل .. أكيد أتخيل هالشيء
حاولت بصعوبة لين رفعت رأسها و شافته .. نفس ملامح يوسف
بس لا مو يوسف
ياربي حاسه نفسي بديت أهلوس
ليش ياخلود تسوين فيني كذا .. ليش ؟!!
لما طال الصمت .. خلود تبي تكسر حاجز الصمت
خلود : جوري مو كل يوم بتلقين أحد يدلعك .. خلصينا قولي شيء يشبع
جوري وهي مرتفع ضغطها من خلود .. والله لأوريكِ .. لا وبعد تبي تختبر مزاجي .. هين هين .. إن ماطلعت الغداء من عيونك ما أكون جوري
يوسف : ها جوري آمري
جوري تحاول تبين أن الوضع عادي .: امممممممم .. أبغى .. تفتكر الأيسكريم إللي اشتريناه وقت ماكنا نبي نسافر الشرقية
يوسف وهو عاقد حواجبه : إيه
جوري : شنو إيه أبيه
خلود : نعــــــم .. أقولك غداء
جوري : أنا أبغاه غداء لي فيها شيء .. ؟!
يوسف : حاضرين .. حاضرين
سكت وبعدين كأنه نسي شيء : تأمرين على شيء ثاني
جوري : امممم إذا أكلت الأيسكريم أقولك
خلود رمت شنطتها على جوري تعبير عن قهرها
وجوري تقول في نفسها : ماشفتي شيء يا خلودوه ماشفتي شيء
وصلوا المحل كان بعيد شوي ويوسف كره اللحظة إللي فكر فيها بها الشيء
و جوري تحاول ترفع ضغط خلود أكثر
وهي تأكل الأيسكريم .. تذكر يا يوسف لما كنا مسافرين ومعانا صاحبك
تبين إنها مو متذكره اسمه .. ياربي إيش اسمه
خلود كانت حالتها حالة .. وتقول في نفسها الله يستر منك يا جوري
قلبها يدق بقوة .. يارب عديها على خير .. يارب
يوسف : ثامر
جوري : إيوووووووه ثاااااامر
يوسف رفع حواجبه وكأنه مستغرب من هالطريقة إللي تتكلم فيها
جوري : كيف حال أمه .. أتذكر كانت تعبانة
يوسف : إيه الحمدلله بخير



ومر اليوم مابين تبرع بالدم وتحديد موعد العملية
أحمد يحتاج عملية تثبيت " أسياخ ومسامير " وطبعاً مثل هاذي العملية يحتاج لها وقت لين ما يتعود الشخص إنه يمشي بشكل طبيعي
وبدون مساعدات ولازم تكون التغذية صحية

العملية كانت الساعة 11 الصبح
إنتهت الساعة 2
و أحمد ماصحى من البنج إلا الساعة الـرابعة والنصف


وكما كل الأيام المليئة بالتعب .. ماتزال الحياة مستمرة
أحمد كتبوا له على خروج
بس كان يستخدم الكرسي المتحرك لفترة ، وبعدها يمشي بالعكاز
ويحاول قدر الأمكان إنه مايرهق نفسه بالمشي
كانت فرحتهم لاتوصف .. برجوعه للبيت
والدعوات مستمرة بأن تمر فترة علاجه بأحسن مايرام

بعد يومين جات الفرصة لأحمد إنه ينفرد بـ رنا
أحمد شاف رقم أخته عند واحد من أصحابه
وهذا إللي خلاه يتنرفز

بدأ الموضوع وسألها
أحمد : طيب فهميني بالله كيف جاب الرقم .. ؟

رنا : مدري والله من وين جاب الرقم ، وأصلاً معقول ياأحمد ماتثق فيني .. ؟
أحمد : مو مسألة ثقة ، بس أوقات الشيطان شاطر
رنا ودموعها على خدها : إللي ربوك ربوني وإذا مو واثق في تربيتي هذا شيء راجع لك .. ولمعلوميتك أنا بلغت أبوي .. وقاللي بيغير رقمي والموضوع هذا من قبل لايصير لك الحادث
و تقدر تتأكد من أبوي بنفسك
و تركته وراحت
وأحمد مابين فخور ومبتسم ومطمئن .. و زعلان لـ زعل رنا
جلس يفكر باإللي صار
وكأنه عقاب من الله وكما " تدين تدان " كأن إللي صار صحاه من غفلته وإن إللي يسويه في بنات الناس .. يرجع لأخواته
قام توضأ وصلى
وهو عاقد العزم بـ تصحيح المسار و تغيير كل شيء من رقم جواله إلى تعامله مع أصحابه .. أهله .. تصرفاته


أبو يوسف أقنع أخوه أنه يسوي الملكة بهالفترة " إجازة مابين الفصلين "
حتى إنه بلغه بأن أحمد بعد بيحضر
هالشيء خلى أبو جوري يقتنع
خبر سعود إللي فرح لهالقرار
وكلها كم يوم وتكوني ياجوري .. زوجتي

في يوم الملكه " الشبكة "
عمها وعمتها إللي وصلت من الشرقية علشان تحضر فرحتهم
وجمعت البنات حولها

الكل مبسوط أو يتصنع الفرحة .. والكل له أسبابه الخاصة
جوري .. كانت معلقة قلبها بـ إنسان .. كان حبها و حياتها وكل أمنياتها إنها ترتبط فيه ، لكنه فضل الصمت وترك لها الخيار للبدء بحياة جديدة
وافقت جوري .. مجبورة لتمنح الفرح لأغلى إثنين في حياتها
أمها وأبوها .. الفرحة والدموع ، والسعادة إللي يتمنونها لـ بنتهم
ولحظات الحرمان .. في قادم الأيام
خلود .. وسط فرحتها بـ أختها ، كانت شايلة هم أكيد بتنشغل عنها ويمر اليوم والأثنين وهم مايتكلمون
وتتفاوت مشاعر البقية
ووسط كل هالناس .. كان قلبه مكتظ بألم ، فقد الأمل خلاص ومايملك
إلا أن يتمنى لها الفرح .. كان أصعب شيء عليه إنه يواجه " زوج حبيبته " لأنه ما بيضمن تصرفاته ، علشان كذا تعذر عن الحضور بكذبة .. تغطي ملامح الأسى إللي تكتسيه