صعب تحكم على شعب بأكملة إنه ذكي او غبي سواء كان الشعب السعودي أو أي شعب ثاني ... الكل له دور باللي قاعد يصير الكل يتحمل ما نقدر نرمي المسؤولية على شخص واحد
- منهم زي ماذكرت تهاون مدرس الفيزياء , مالقي من يردعه على تصرفه
ومن هالأشكال كثير خذ و خل دكاترة عندنا مالقيوا من يردعهم من لعب بالدرجات عيني عينك
وحمل مواد ظلم واستهتار
- إلى استهتار كثير من الطلاب و الطالبات بالدراسه
بالجامعة في بنات اش يسوا ؟؟
تدخل من باب ولمجرد الدكتورة تقول اسمها تحضر نفسها وتدعس من الباب الثاني
أو تخلي صحباتها يحضروها وهي ويييييييييين ؟؟ جالسة مع الشلة سوالف
عالم كل همها تحضر نفسها وبس ماتفرق عندها تفهم المحاضرة أو لا مايهم
أهم شيء تعدي من المادة إن شاء الله كل المواد 60 عااااااااااااااااااااادي عندها بالله ذولي اش ترجي منهم ؟؟؟؟
- الأهل بعضهم كل همهم ولدهم ينجح ويتخرج من الثانوية , فهم ولا عساه لافهم !!
أهم شيء شهادة وبس , بدليل على كلامي : تتوقع كم واحد أهله يهتمون ويجلسون يقولون له
ذاكر ذاكر إلا وقت الاختبارات بسسسسسسسسسس , الاهتمام يطلع فجأة
-على فكرة عزيزي المواد اللي ذكرتها لما تدخل الجامعة إن شاء الله , تدرسها موجودة بمناهج الجامعة
ومن أروع المواد .
ليس السعوديون اغبياء ... فلاأبالغ ان قلت لك انهم من اذكى شعوب العالم.!!
والدليل على ذلك مايحققونه من مراكز متقدمة (جدا) في مسابقات الإختراعات على المستوى العالمي.!! على مااعتقد اذا ماخاب ظني فأن السعودية هي الأول عربيا من حيث عدد الاخترعات والثالث عالميا.!!
معوقاتنا:
المجتمع ككل ... لايبحث عن العلم او حريص عليه بقدر ماهو يبحث عن اللهو واللعب.!!
وعلى فكرة ترى من مسببات (البرود) في همم الخليجيين: الجو
فأتذكر من طالب في الجغرافيا يذكر بأن الحرارة في الجو تولد الكسل والبرود ... وعلى النقيض فيما يحدث من دول الشمال فهي تولد النشاط والحركة .!!
عموما حنا دول نبقى في العالم الثالث ولايمكن نستطيع بيوم وليلة مثل اليابان واسرائيل وكوريا او امريكا.!!
وقبل كتابة المقالة هذه ..
إقتباس
كنت متفاءل في برنامج خادم الحرمين في تطوير التعليم ولكني
اكتشفت أن القائمين عليه لم يقوموا بعمل نقلة نوعية في التعليم
وإنما مجرد توزيع بطاقة لكل طالب + لاب توب + إدخال التعليم الإلكتروني .
حبيبي لاتتفاءل كثير
انا طالب واعمل على النظام هذا للسنة الثانية على التوالي... تدري وش سووا؟
1-سبورة ذكية بكل فصل >>>حنا مدرستنا من قبل وهي بكل فصل بروجيكتر.!!
2-لاب توب >>> ماغير شئ بدراستنا انا احس انهم معطينه للي ماعنده جهاز وسد حاجة الى انه يطلع من الثانوي وياخذونه منه
3- ناهيك عن اننا ناخذ درس ثامن يومين في الأسبوع بسبب دخول حصة النشاط
الخلاصة:
دراستنا مثل اي مدرسة ولاتغير فيها شئ ... مع انهم قالوا لنا ان حل الواجبات عن طريق الإيميل وراح يستغنى عن الدفاتر وكذا .. وبالأخير ولاشئ.!!
الأول : الفصول الدراسة , بصراحة بيئة الفصول الدراسة عندنا بالسعودية سيئة جدا , وخصوصا بالمدارس المستأجرة , الجو الدراسي ما يأهل للشخص أن يبدع ولا يقدم اي شيء , بحكم تجربتي الآن بمدرسة مستأجرة , حاشرين بفصلي أكثر من 30 طالب في فصل ما يجي 5 × 4 , ما فيه فراغات بين الطاولات , والمدير يقول هذا كله من الوزارة , والوزارة ماهي راضيه تسمح بفصول زيادة بالمدرسة !!!!!
الثاني / تطوير المناهج والله لو أحلف إنهم ما يدرون عن المناهج إلا كل خمس سنين مره , والمثال / إن أختي الحين في صف أولى متوسط , ومنهج الإنجليزي نفس المنهج اللي درسته أنا تقريبا قبل خمس سنين , بداية المنهج مواضيع عن الاساسيات من حروف واشياء أولية , وهذا مع إنهم خذوه بصف سادس إبتدائي !!! يعني مضيعة وقت على الفاضي , لو كان الوضع كذا يشيلون الإنجليزي من سادس ويريحون بالنا ... وبرضه منهج الحاسب حق الثانوي , جايين يدرسونا Word !! على الأقل يدرسونا الأوفيس كامل بسنة وحده مو يمطونها بسنتين , وباقي السنين يعطونا شيء مفيد بدل الهرج الزايد على الفاضي !!
الثالث / والله فيه مدرسين ما يدرون وش السالفة , انا درسني بأولى ثانوي مدرس إنجليزي سعودي , أكثر من نص السنة راحت وهو سواليف وتنكيت , حصه خمس دقايق والباقي جلسة وسواليف , واللي يقهر زيادة لا جينا نكتب بالدفتر جاء يكتب القواعد بالعربي يعني حصة إنجليزي بالعربي وفيه مدرس ثاني حق رياضيات درسني السنة الماضية , والله العظيم إن فيه مسائل يجي يكتبها بالسبورة وما يعرف حلها , هذا كيف تخرج ولا كيف يدّرس ؟؟! وفي نفس السنة درسني مدرس احياء , والله العظيم إنه يشرح في خمس دقايق , وبقية الحصة تروح بسواليف , ونهاية السنة كرفنا بمنهج كامل , وليت الشرح بعد يكون واضح , لا شرح ولا تلخيص
رابعا وأخيرا / نحن من يوم الواحد من يطلع من بطن أمه وهو يسمع من الكبار إن الدراسة ههم وقلق وطفش , أكيد لا كبر بتكون عنده قناعة إن المدرسة هم وقلق وطفش , فعشان كذا بتلاقيه ما يقدم اي شيء للبشرية
لا مو السعوديين شعب متخلف مناهجنا وبيئتنا هي التي ساهمت بهالاشياء يعني انت قلتها بنفسك شبابنا يروحون للخارج ويجون بشهادات ترفع الراس يعني الخلل مو بالشعب الخلل بالامور المحيطه سوا منهج او معلم او بيئه تعليميه وحتى المجتمع المخالط برا ايطار المدرسه مافي ناس تشجعك للعلم
مناهجنا قائمه على الحفظ فقط مافيها اشياء نشغل عقلنا ونفكر فلذلك ننساها بمجرد مانخلص الاختبار انا والكثير من الي مثلي عانينا بسبب هالمناهج الي تحس انه كمبيوتر تحفظ تحفظ تحفظ لنا طاقه استيعابيه للحفظ خلونا نفهم نشغل عقلنا حتى ترسخ المعلومات
يمكن لو تكلمنا اكثر نكدنا على انفسنا وحسينا اننا درسنا بدون فائده فخلنا نمشي وربي يسهل ان شاء الله نشوف اجيال نرفع فيها الراس ونواكب الدول المتقدمة
اولاً أُبارك لك تخرجك من الثانوية العامة و ربي يوفقك في المستقبل ان شاءالله .
ثانياً ..
لماذا نُلقي اللوم على الآخرين ؟ ربما لأنه أسهل ما يُمكن إتخاذه في حال فشلنا ..!!
نحن يا أخي الفاضل , قادرين كأفراد على عمل كل شيء بلا حدود وبلا سقف أو نهايات . لكن المشكلة هي الإستسلام للعوائق التي تواجهنا ! في وقت قد ينهض فيه الآخرون يستكملون المسير بكل بساطة !
لا يجب أن نُلقي اللوم على المجتمع أو الأهل أو التعليم , طالما أننا نمتلك العقول والقدرات والإمكانات الحسية والمادية والمعنوية ..
قرأت وتعرفت على نماذج رائعة ومُبرهة من الناجحين اللذين تخرجوا مع شهادات ( الإنجاز ) وهم من( بيئة غير مُهيئة ) لذلك !
كيف لي أن أشرح لك واقع أحدهم وهو الآن مُهندس طيران كبير , وأبناؤه الأربعة أطباء ( استشاريون) في أكبر مستشفيات العاصمة الرياض.. كان أُمياً وجاهلاً في سن الـ 15 من عمره ! لكنه فكر في الدراسة والعمل وشد رحاله الى ارامكو وكانت وقتها شركة أمريكية ولا يوجد فيها سعودي واحد !
ودرس هناك أ ب ت - A B C !! ثم تخطى كل الصعوبات وصعد بهمته وإنجازه عالياً وسافر الى أمريكا و درس هناك هندسة الطيران وعاد مُحملاً بالنجاح والإنجاز ..
لك أن تُشاهد وتتعرف على القصة بالشكل الدقيق عبر برنامج ( أسرة ناجحة ) لـ د. فهد السنيدي , جزاه الله خير على برنامجه الرائع ..
أُكررها ( لا نُلقي اللوم على الآخرين في حال فشلنا .. )
أهلاً موج
لفتت نظري النقطه الأخيرة التي تتحدث عن عقليه الياباني و السعودي و تجربه الشقيري
حدثت ضجه كبيره بسبب هذا البرنامج لإنهم لم يفهموا المغزى رغم تكراراه لسبب المقارنه
التي فعلها بين كوكب اليابان و كوكب آخر و هو الأخذ من هذه التجربه ما نستفيد منه و من ثم يحدث التطوير
المشكلة انهم تركوا المغزى الرئيس و ألتفتوا إلى مسمى كوكب آخر و شتموه أيضًا
العقليات بالتأكيد واحده لكن القدرة العقليه تختلف من فرد لفرد السعودي أو العربي لا يحاول
أن يطور ذاته يزيد من معلوماته يغذي عقله كما يقوم بتغذية بطنه بثلاث وجبات !
أجمل ما رأيته في خواطر لهذا العام الحلقه الذي تخدث فيها عن نظرية الكايزن (KAIZAN)
و هو التحسين المستمر الذي لا يتوقف في جميع المجالات و هذا ما نفقده في عالمنا العربي
و بالمناسبة أنصح كتاب " خطوة واحد صغيرة قد تغير مجرى حياتك / تأليف : روبرت مورير "
بـ النسبه لـ موضوعك فـ إستحاله تقدر تحكم ع شعب كامل بـ الغباء أو الذكاء !
فـ مثلاً الشعب الياباني " قلوب من هنا إلى اليابان وكوريا " ليه أطلق عليه شعب كمبيوتري ! لأن ما شاء الله تلاقي الاغلبيه لـ الشعب ماهم كسالى ! كلهم نشيطين عادي يتواصلون بـ العمل إلى الليل ! و يشتغلون وقت اضافي حتى يخلصون من أشغالهم و الأهم من هذا كله تلاقي في أمانه واخلاص فـ أداء عملهم !
مثلنا الموظف ما يصدق خبر تجي الساعه 3 ويطلع بسرعه و عسى ما يطلع قبلها !
ليه ! لأن أفكورس اللي حولينه شافهم يطلعون قبله ! فقال وش زودي عنهم بـ أطلع و اروح لـ البيت اتغدى و اكبر المخده ..
البيئه لها دور كبير جداً ، فـ طلابنا وطالباتنا يوم كانوا يدرسون هنا كانوا متأثرين بـ اللي حولهم !
اقرب مثال ، في رمضان كنا اذا صمناها في وقت دراسه أنواع التعب و التأفف ! متى يأذن المغرب وتلاقي اول ماتجي من الدوام تحطها نومه إلى أذن المغرب ، الحين كثير اعرفهم صاموا رمضان أكثر من 12 ساعه! ولا حسوا بـ التأفف و الطفش ! متى يأذن المغرب
ليه لان اللي حوليهم ما جابوا طاريء صوم و إن النهار طويل .. إلخ
فـ البيئه لها دور جداً فـ إعطاء العمل ..
ع طاري التعليم !
ترى تعليمنا سيء جداً جداً .. أجل بيوت مستأجره يحطونها فصول !
القاعه الوحده بـ الجامعه تلاقي فيها اقل شيء 90 طالب ! ليه هـ العدد الكبير تحبون الدمج بين الشعب ليه !
شلون تهيئون بيئة تعليم وانتم تحطون اعداد كبيره !
اذا الاستاذ ما يقدر يشرح فـ الكم الهائل كيف تبون اللي يتلقى العلم يستوعب !
طيب نقول أحنا شعب كثير و كثير اللي يحبون يتعلمون !! طب ليه ماتحطون نشاطات ثقافيه ورياضيه !
حببوا الطلاب و الطالبات بـ العلم ، الآن لو تسأل أي احد من اقاربك يدرس تبي تروح لـ المدرسه ! بيقولك لا لان طفش .. مافيه أي مجال ترفيهي او ثقافي فيها !
لعبوا علينا بـ اليوم المفتوح اللي كله أكل وبس أو يسوون لنا رحله خارجيه !
من زين الاماكن اللي بـ الرياض تسوون لنا رحلة لـ الجنادريه والا الملاهي والا المتاحف ..
طب استغلوا كثرة المدارس بـ الرياض ! صلحوا نشاطات ثقافيه و ترفيهيه بين هـ المدارس ، يعني مثلاً يتفقون مع مدرستين او اكثر يسوون بينهم نشاطات مشتركه بحيث البنات يشوفون وجيه جديده و يتحمسون لـ اللعب و نمي حبهم لـ مدرستهم عن طريق المنافسه الشريفه .
إقتباس
هناك مثل شعبي يقال دائما عند النساء إذا تقدم لإبنتهم شاب :
( إذا بغيتِ تعرفين الولد زين شوفي أمه ! )
لا العكس اذا جاء الشاب يتزوج تبي تعرف البنت شنو طينتها ، طالع أمها ..
مع أن اشوف بنات كثير يختلفون عن أمهاتهم ! تلاقي الأم حبوبه و ع نياتها و البنت شريره ---> أبد ما تقصد نفسها .
إقتباس
ولنقارن مناهجنا ( لن أقول بدولة كبرى كاليابان او امريكا ) بل دولة قريبة جدا منا – البحرين مثلاً - لديهم مواد
في ( مهارات الإتصال , الإقتصاد , مهارات التفكير , مهارات البحث …الخ من المواد التي تناسب طالب في
عام 2009 وليس طالب في أيام الكتاتيب .
" قلوب من هنا إلى اليابان وكوريا 
!
! 
.
.
الوضع العادي
