او على قولتك الشركه الام كان قدر ياخذ حقه مع الوقت ومايضيع حق وراه مطالب

لكن وين الي يطالب ويصبر وينتظر مو يوم يومين ويترك كل شي؟؟؟

وعليكم السلام والرحمه،،

هلا بالغالي

الله يمسيك بالخير

بالفعل مراسلة الشركة الأم وإحاطتها بسوء تعامل الوكيل وعرض تفاصيل الشكوى، دائماً ما تضع الوكيل في حرج شديد، كون عقد الوكالة يتضمن اشتراطات من أهمها كما نعلم احترافية الإدارة وحسن تعاملها مع المستهلك بما يضمن تقديم نفس مستوى الخدمة واستمرارية السمعة الجيدة للشركة، وربما يستدعي الأمر إلغاء الوكالة في حال ثبت فشل الوكيل في الحفاظ على نفس مستوى الخدمة المقدمة للمستهلك بغض النظر عن مكان تقديمها..

على العموم، وعدتك أزور موقع GMC لنتعرف على كيفية تقديم شكوى من خلاله، وها أنا ذا به أفي بوعدي، لكن أخوك مبتدأ في التعامل مع برامج الحاسب، و إذا حبيتوا أو فيه أحد مهتم ممكن يساعدني في تحميل الصور من الموقع وبعدين توضيحها بالتفصيل سهل.

وعموماً هذا هو موقع الشركة : http://www.gmc.com/، وفي منتصف الصفحة مكتوب Contact us نضغط عليها، ثم نختار مراسلة عن طريق الإيميل وبعدها يطلع لك عدة خيارات من بينها تقديم شكوى، لكن يصعب شرحها بدون صور! ، وهالطريقة هي الأسهل والأتقن لأنهم مصممين ورقة تعبي فيها كافة البيانات ، أو التواصل مع المركز الدولي من خلال عنوان البريد (وهو بالمناسبة في دبي):

إقتباس International Inquiries: General Motors Overseas Distribution Company Dubai World Trade Center P.O. Box 9233 Dubai, United Arab Emirates

يمكن إني وفيت بنصف الوعد لكن هذا اللي قدرني الله عليه، وإذا عندك كابرس تسعاوي ويتفتف وودك تشكيهم فمستعد أكمل لك خطوات التقديم بشرط يكون لونه عنـّــابي.

^^




والله منتب هين يا عمده!! وش الهبال ذا !!، لا وجايب مثال بعد!!

تصدق أحسبك ما تعرف إلا لإضغط هنا


عساك تسلم والله لو أنا داري عن موهبتك كان زهمت عليك تفزع لنا، لكن معدن الرجال ما يحترون أحد يستفزع بهم

أما ليش ضايق صدري فحسيت إن ما به إلا أنا بالمنتدى صتيمه بهالأمور!


بس الله لايهينك ولا عليك أمر حط لنا سداسي أضلاع أحمر على الخيار الخاص بتقديم شكوى اللي بالصورة الثالثة

I would like to report a problem that I am experiencing

يجي منك إحتراف يا أبوعمدة
ليه ما تطور هالتصوير وتصغير الصور إلى إحتراف الفوتوشوب
أما رداً على كلامك وش تسوي إذا ما كان فيه شركة ( أم )
حينها أقول لك وبكل بساطة ( لقح النخل )


شاكر لكل من مرّ هنا وعلّق
وأخص الهاوي والعمدة
لأنهم إختصروا علي الكثير.

alhaway
ولك تئبر عظامي
عاد الصور وما الصور لعبات - المحترفين
بس زين لقينا محل للشكوى


أما بخصوص السيارة فأبشرك الحمد لله هي حكومية
والزين بأيه شئ حكومي لو ( تجره على الشوك ) ماضره
ما شاء الله تبارك الله

تصدق دخلت قبل فترة مبنى حكومي بالطائف
فيه مكيفات من 30 سنه وللحين تبرد
الحكومة دراهما مباركة وأنا أخوك ما يخرب لهم شئ

أنصح أيه واحد بيشتري شئ جديد يسجله بإسم الدولة

أهـلا مواصل ..

ثقافة الشكوى جديده علينا ,, اعتاد المجتمع على السكوت عن حقة

واحتساب الاجر < وهذا الشي موب غلط بعد

عندنا مبدأ الخوف من اصحاب البشوت ومعارفهم , الله ينصرنا بـس !

إقتباس إلا أن الحال قد تغير وأصبح بإمكان ( العميل ) القفز فوق كل هؤلاء والمطالبة بحقوقه في حال الشكوى - بمراسلة ( الشركة الأم ) عن طريق موقعها الإلكتروني والتي تسعى للمحافظة على ( عملائها ) حتى ولو كان

وفيه شي غريب بالسعوديه من ناحية البضاعه المرده والمستبدله ...

مره رايحه استبدل شنطه , طبعا عندهم الاستبدال 3 ايام فقط

ولا فيه ترجيع !!

اما في الشركه الام ,, الترجيع قد يصل الى 40 يوم " لاحظوا قلت ترجيع "
انا اتكلم عن محل "coach" و "gucci"

وهذا الكلام من اللي يعمل في المحل نفسه !

لا وكمان يقول اول مافتحوا في السعوديه ماكان فيه لا تبديل ولا ترجيع ؟!

يعني استغلال عيني عينك


تـسّلـم ..!