هـلآ هـلآ بالزعمـاآء ..

WOLF SAMI ..
نورت أخوي ..
أسعدني توآجدك ..

Ro0o7 Ro0o7i ..
الله يسلمك يالغلا ..
منورة

عسيريه ..
حيَآك الله عسيرية ..
أمَــآ يدخل عندها الظآهر انه مستعجل مادرى ان الركاده زينه
يعآفيك ربي ..

عبودي بس موذي ..
العفو أخوي ..
منور ..

Miss.nora ..
تسلمين بس تدرين بالقوة لقيت أبيآت تناسب الموضوع
الله يسلمك ..
منورة ياقلبي ..

control 20 ..

وربي صآدق الله يعينكم بس يلا تحمل اكسب فيهـآا أجر ..z3eem ksa ..
اخس يالاسبآني ..
أسعدني توآجدك ..

عاشقة الزعيم15 ..
هلآ بك يالغلا ..صبآحك مسك ..
طيب المشكلة اذا كآن ذووق أهلـه موب مثل ذووقـه ..
والوآلد مارآح يدخل الشآاب على بنته الا اذا كآن وآثق منه ..
يعآفيك ربي ..

وردة الهلال ..
اهلين وردة ..
شرفني توآجدك ..

باسكن روبنز ..
اي كلامك صحيح .. اكيد انه شآفهـآا حتى لو بالغلط .. وتصير كثير
مشكورة حبيبتي ..

الزعيمـ الاسيوي ..
منور أخوي ..

مواصل من عام 1413هـ ..
هلآ وغلآ ..
للأسف انه الى الآن فيه كذا عادات ..
كثيرأعرفهم تزوجوا بدون نظرة شرعية ..
وعلى قولتك أهي بأي طريقه تقدر تشوفه
لكن أهو المسكين يتورط ..
الله يعين أهلك عليك اذآ بغو يخطبون لك
لآن ذوقك مآيعجبهم..

* بالعافيه بس لآزم تخليه 6 سآعآت
بالثلآجه ..

نورت صفحتي ..

Helaliy 4 Ever ..
أسعدني تواجدك ..
منور..

alhilali15 ..

هلالي وش ذآ حرآم عليك
بتقول لهآ قومي جيبي مويه
ليتهآ كبت المويه عليك ..

وركز في عرقوبها(كعبها )
معلومه جديده علمتنا عنهآ
ورآح أسآل عنهآآ
نورت

باقي الردود بكره خلآص تعبت

بروح أكلم صديقاتي بيروحون الجامعه ولآ

خذو رآحتكم بالموضوع

أنا صراحه إلى الآن ما أدري وش الطبخه
لكن علي الطلاق بالثلاث إن السالفه علمياً صدق < ليت الطلاق بيدك
حتى فيه مجله نسائيه الإشتراك فيها بمبلغ وقدره (حول الـ 500) شهرياً
كان فيها قسم كامل يتكلم عن هالموضوع بالذات
وبأموت عشان أعرف وش السالفه
لكن مكانها موب هنا بالإمارات وفدكس وزحمه والشارع فاضي


//


أمنيتي لكم بحياة أرقى وأفضل وأجمل مع إنكم ما تستاهلون شيء
<< متعقده من السعوديين
<< لبنانيه

هلا والله بهلالية ...


وان بدا الحفل افترضنا وين ودّك تجلسين؟
....... فوق رمش العين والا في مكان(ن) أجهله؟

مافيها افتراض هذي ع الكوشه .. >>> براا

هل تؤيد/ ين العادات والتقاليد التي ترفض النظره الشرعيه ؟

افكورس لا ماإيدها ..

بس عندنا ع كثر عيالنا وبناتنا اللي تزجوا ماقد شافوا بعض ..

ماعمرهم سوا نظره شريعة عندنا ..>>> ع انهم مو معارضين " border="0" alt="" />
ليه محد سواها ..

بآختصار كلن وحظه /ها زين ولاشين ..>>> اتكلم من ناحية الجمال والأخلاق خالصين منها الأهل ..
بإختصار ثاني عيالنا وبناتنا حلويين >>> يعني الشغله مضمونه

بس والله انه بعض بناتنا يحزنن خصوصاً لاكان الزوج مو معروف عندها بالحيل " واقصد يعني غير عيال عمانها وخوالها " بالضبط ماقد شافته حتى يومنه صغير ولاسمعته عنه ولاتعرف حتى اسمه إلا يوم جاء وخطبها ..

^^
في الحاله آعلاها ودي اصرخ بدالها واقول ابي اشووووووووووووووووووووووووووفه ..
تصدقين مرات نفسي اناقش ابوي في هالشيء بس استحي >>> آخاااف يقول ذي تلمح ..




* اذا تقدم لآختكـ شاب صاحب دين وخلق هل تقبل أن ينظر اليها نظره شرعيه؟
اول خليه يكبر آخوي بعدين يقبل وإلا مايقبل ..






وسلامتكمممممممممممممممممممم ..

إقتباس الرسالة الأصلية كتبت بواسطة alhilali15 تحليلك غلط جدا وياخي ومافيه احترام للذوق العام ياليت تحرر ردك وترا باقتباسك انا شلت الكلمه الي قلتها الله يوفقك يارب

انت الي فتحت له المجال لو انك قايل لنا الشرح من اول كان ماحد شطح

المهم عجل بالشرح لايجي واحد ثاني ويشطح مثله


اخلص

,,,,,,,,,,,,,,,,,,,,,,,,,,,,,,,,,,,,,

مب لازم أشوفها بس خلوني أتزوجها

أما سالفة النظرة الشرعية الحمدلله أبوي فاهم الوضع وأخواتي اللي تزوجوا تم التشييك عليهم من قبل الأزواج

أما سالفة العرقوب ذي ما فهمتها!! ياليت تقول لنا وين مكان العرقوب والوجه من الوجه أبيض

عدت للبت في قضيه (العرقوب )..

سألت الوالده تقول ايهـ صدق طيب لية؟
تقول ماتدري يمكن تستتحي تقول
ومالي غيرعمي ( قوقل )

لقيت حديث عن الرسول علية الصلاه والسلام

عن أنس – رضي الله عنه – أن النبي – صلى الله عليه وسلم – أراد أن يتزوج امرأة فبعث امرأة لتنظر إليها فقال: "انظري إلى عرقوبيها وشمي عوارضها"[16].

http://www.zawjan.com/art-713.htm


بس ليه ؟ رآح أتابع البحث

إقتباس الرسالة الأصلية كتبت بواسطة السمسار الهلالــي هههههههههههههه هههههههههههههههههههههههههههههههههه ! من ناحية الدين وأن الرسول محللها وتجوز أوكية مافيه مشكلة .. بس أنا معارض للنظرة الشرعية .. سلامات البنت بضاعة عشان كل واحد يشوفها بعدين يحكم .. قسسم بالله لو أني بنت <-- وش فيني قمت أخبط أقصد لو أني في موقف البنت ما أرضى بأن الرجل يشوفني .. .. والبنت اللي ترفض أن الرجال يشوفها هذا شي من صالحها .. البنت ماهي بضاعة كل من جاء يخطب يشوفها / سسسسلام ..

ترضى تتزوج وحدة عمرك ماشفتها ؟؟؟؟؟؟؟؟؟؟؟
والبنت اللي ترفض اعرف إنها مو واثقة من نفسها نهائي
اش اللي يمنع إني ارفض لها الدرجة بشعة بسم الله علي حرام أمنعة من شيء ربي حللة

عزيزي
الأرواح جنود مجندة فما تعارف منها ائتلف و ما تناكر منها اختلف
لازم يشوفني ويشيك على قولتكم عشان بكره مايكون عنده عذر


نظرة الأهل غير عن نظره الرجل غييييييييييييييييييييييير على قولت مواصل من
شطحة >> (أول اسم لفت انتباهي بالموقع .. وردوده للامانة تلفتني ماشاء الله)

مواصل لما تكلم عن اللي بالتلفزيون وصح كلامه
نفس الموقف صار لي مع أخوي سألني مين أحلى : لميس او اللي بمسلسل بيني وبينك
أنا قلت أكبد لميس ماشاء الله مره قمر الله يحفظها

اخوي قال العكس بصراحة استغربت من كلامة مره
ريما صح حلوة ماشاء الله بس لميس احلى بمليون مره
لميس عيونها بدون كيلو كحل تهبل ماشاء الله

لانه لو شغلتم مخكم يابعض الشباب ريما العبد الله حاطة كحل من قلبها وواضح إنها مستخدمة قطرة تصفي العين
فهذه تأثر مره >>اسألونا إحنا يالبنات عن الحركات هذه هع هع

>>القطرة موجودة بالصيدلية ألحقووووووووووو عليها خخخخخخخخخ


عزيزي
صح أنا ماراح أقدر اشوف الولد بالشوفة من الخوف والحيا هو اللي بيقدر يشوف ويكحل عيونة بس حلالة خله يشوف .. انا لاحقه عالشوفة بصورة وغيره
هو مابيقدر نهائي .. وحى لو ماشفته ساعتها يكفي الراحة اوالقبول من الطرفين

عشان بكره مايكون عنده أعذار وحجج ماشفت وماأعرفك وووو
والشوفة أصلاً ماراح تتم إلا بعد الخطبة الرسمية من اهل الولد وبعد السؤال عنه وعن أخلاقة
يعني تطمن الدعوة مو خبط لزق وبضاعة على قولتك الله يهديك مو كل من قال أنا بخطب قالوا يلا شوفة


صدقني ياسمسار
الرسول أدرى مني ومنك , ربي ماحلل شيء إلا له فايدة عظيمة
الموضوع أكبببببببببببببر من إن تقول البنت حلوة او لا الموضوع ((الراحة النفسية والقبول ))


أنا ضد رفض الشوفة الشرعية وربي لو أنا ولد ماأوافق اتزوج وحدة ماشفتها
خيييييييييييييير ادفع مهر وقاعة وشبكة وإيجار شقة وتأثيثها ووووو

وبالنهاية بعد الزواج ممكن ماارتاح إذا شفتها ليه وين عايشين هذولي اللي يرفضون

استغرب من الشباب اللي يسكتون اللي مايرضى تشوف بنته أعطيه أششششششششششكل
وخل بنته تقعد عنده ولا يأخذها أحد غيرك لو رضي بالموضوع .. بعدها يعرف إن الله حق ..

مستحيل ارضى بشيء زي كذا سواء لي او لأخوي الله يحفظه حرام يتزوج على عماه
حتى لو مدحنا بنت الناس عنده في شيء اسمه القبووووووووووول

.

أنا مؤيده للنظره بما إن الشرع وضعها بعدين النظره مو سالفة حلو/ه ااو مو حلو/ه
السالفه سالفة الراحه النفسيه للشخص الي قدامك .. واكيد اذا جربتوا بتعرفون انه مو بالجمال ...

والحمدلله ماقابلت بحياتي ناس يرفضون النظره ..

وبالنسبه للي يقول اخاف تكون هيكل << والله مافهمنالكم اجل تبي دوبيه

وبالنسبه للنظره عندنا غالبآ ماتكون وهم واقفين عشان يشوف قوامها على قولتكم
وكمان هي تشوف قوامه

ونصيحه مني لكل الشباب لاتحرصون قبل النظره في الاهتمام بالسكسوكه والثوب والشماغ .........<اهتموا بالشرابات لان اغلب البنات مايشوفون الا الشراب ووش لونها وبس


ونصيحتي للبنوتات إهتموا بالشعر لانه اكثر شيء يجذب الشباب ....لانه لو اعجبه شعرك شاف كل شيء فيك جوناااااااااان ...

معليش هلاليه دخلت بموضوعك بالعرض بس ابي اسأل الشباب سؤال :
وش أحلى الشعر الطويل او القصير ؟؟؟؟؟؟؟؟


يسلموووووووو هلاليه ...الله يزوج كل بنت بفارس الاحلام اللي تتمناه




.

.

إقتباس الرسالة الأصلية كتبت بواسطة السمسار الهلالــي من ناحية الدين وأن الرسول محللها وتجوز أوكية مافيه مشكلة .. بس أنا معارض للنظرة الشرعية .. سلامات البنت بضاعة عشان كل واحد يشوفها بعدين يحكم .. قسسم بالله لو أني بنت <-- وش فيني قمت أخبط أقصد لو أني في موقف البنت ما أرضى بأن الرجل يشوفني .. .. والبنت اللي ترفض أن الرجال يشوفها هذا شي من صالحها .. البنت ماهي بضاعة كل من جاء يخطب يشوفها / سسسسلام ..

خخخخخخخخخخخخخخخخخخخخخخخخخخخخخخخخخخخخخخخخخخخخخخخ

عزام وشلونك اقول مكثر الببحر قبل لا تكتب الرد ببحر صار راح حبحر

النظره الشرعيه من حق الطرفين وله فوائد لو عرفته يا فتى الشرقيه لما كتبت ماذكرت

من حقه تشوفن انا يمكن تكون متردده بس لاشافتني تقدم يوم الزواج عن موعده

احس اللي ما يؤيدون النظره الشرعيه شينين ياويلي ولا ودهم مايقبلهم احد خخخ

مشكوووره اختي ع الموضووع الهام ..

اولآ حاب اقول نقطه انا ... النظره الشرعيه اشوف انها للولد من شان يشوف اللي بيتزوجها

لكن البنت ..!! بصرااحه بصرااحه مااتوقع في بنت مو شايفه اللي بيجيها مليون الف مرره

الله يخلي الدرايش ومدري شوو .. لاتلعبون ع بعض ...



طبعآ انا مع الشرع ولايمكن نخالف الشرع ابدآ ابدآ .. ((لـــكــــن)) ...

من ناحيه يشوف اختي ..!

احنا شعب متحفظ ولنا عاداتنا وتقاليدنا .. واغلب الشعب السعودي يرفض هذه الفكره تمامآ

وانا عاشرت ناس كثير من جميع المناطق والمدن ومختلف القبائل و و و و

فيه ناس قالوا مطبقين النظره الشرعيه لكن نسبه 20 % تقريبآ

على عكس الـ 80% يرفضون هالشئ تمامآ ..

لكن انا اقول ع حسب الشخص واذا اعرف اخلاقياته وتعامله وجديته في الامر او لا ...



لكن انا اشووف اكثر شئ يخلي اغلب الشباب مايطلبون النظره الشرعيه هي ::

وجود الام والأخت والقريبات للشاب ...

فيعني يكون اختيار البنت عن طريقهم وهم يشوفونها ومتعمقين فيها اكثر وعارفين اخلاقياتها


وبعدين النظره الشرعيه محدوده بدقائق او ساعه ( ع حسب)

يعني بالواقع هي تعارف مو بس نظره شرعيه ..

لكن اذا عالأخلاقيات فالأم والأخت ونحوهن هم عارفين اخلاقيات البنت وتعاملها و وو

يعني ع كذا اذا طلب الشاب يشوف البنت فهي لغرض واحد فقط ( حلوه ولا عاديه ) ..!!

وطبيعي بيكون رفضه يمكن يقول شينه فقط دون اي سبب ثاني ..

واذا بيقول موافق فهي علشانها حلوه ..

لان الباقي كلها مذكوره له عن طريق امه واخته و وو ...






لكن شعبنا متحفظ شوووي .. تقريبآ 80 % او اكثر يرفضون النظره الشرعيه لوجود البديل

اللي هو الأم والأخت ونحوهما ...


وحتى بعض الردود اللي تقول عادي .. لو اتى أحد ليرى أخته لكي يتزوجها لرفض ..!!

إقتباس الرسالة الأصلية كتبت بواسطة Sami Cena شباااااااااااااااب عرفت سالفه العرقوب ماعليكم منه (وفي الحديث أَنه بَعَثَ أُمَّ سُلَيْم لتَنْظُرَ له امرأَةً فقال "انْظُري إِلى عَقِبَيْها أَو عُرْقُوبَيها" قيل لأَنه إِذا اسْوَدَّ عَقِباها اسودَّ سائرُ جَسَدها ). مو شرط كل جسمها .. يعني بطنها بس ولاغيرووو يعني كل وحده تناظر عرقوبها ان كان اسود فـ بتعنس انا تراه ابيض ههههههههههههه من يبيني ؟ يلا ابي 500 ريال غشششششششششش علمتكم

اولا تأكد من صحة الحديث حفظك الله لأني أول مره اسمعه ولا هذا الي اعنيه والله العظيم خليتني ارد عليك وانا بالدوام الله يهديك
وياخي ليس له دخل في لون البشرة الله يجزاك خير ويوفقك قول امين

إقتباس الرسالة الأصلية كتبت بواسطة alhilali15 اولا تأكد من صحة الحديث حفظك الله لأني أول مره اسمعه ولا هذا الي اعنيه والله العظيم خليتني ارد عليك وانا بالدوام الله يهديك وياخي ليس له دخل في لون البشرة الله يجزاك خير ويوفقك قول امين

(( أنه صلى الله عليه وسلم بعث أم سليم إلى امرأة فقال : انظري إلى عرقوبها وشمي معاطفها ))
(الراوي: أنس بن مالك المحدث: ابن حجر العسقلاني - المصدر: تلخيص الحبير - الصفحة أو الرقم: 3/1161
قال في لسان العرب:
(وفي الحديث أَنه بَعَثَ أُمَّ سُلَيْم لتَنْظُرَ له امرأَةً فقال "انْظُري إِلى عَقِبَيْها أَو عُرْقُوبَيها" قيل لأَنه إِذا اسْوَدَّ عَقِباها اسودَّ سائرُ جَسَدها ).


والله اعلم عاد

والاختلاف بالراي لايفسد للود قضيه >>> شدخل مدري بس تلطيف جو

ترا عادي نقسم الـ 500 بالنص