إقتباس الرسالة الأصلية كتبت بواسطة مطيحن يجب ان نوحد أصواتنا....لكي تصل للمسؤليين... متابع بصمت....ولي عوده لإحياء الموضوع...وباذن الله سيبقى هذا الموضوع لفتره طويله لكي يعرف كل القائمين على الرابطه يجب عليهم الارتقاء أكثر..

نعم المفروض يستمر في الواجهة ولهذا ساهمو في اثرائه , هالموضوع فتح زمان ايام حقوي واخذ حقه من النقاش

والان يعود بشكل اقوى , وكلي ثقة ان الادارة ومجلس الجمهور الهلالي بيكونون معنا لازم نوقف الطقطقة اولا

وبعدين نبدأ التغيير حتى لو نبقى بدون ازعاح تعتبر نقلة

التوفييق للزعييم !!

وان شاء الله نلعب زيين بس انتوا تعالوا الملعب ما تبشروون الا بالخير < ~ حسيتني لاعب

الله يعطيك العافية والله ما تقصر

بس الصراحة المشكلة مشتركة بين الرابطة والجماهير

الصراحة الجماهير باااااردة جدا جدا عشر دقايق ويسكتون تقل والله محلوف عليهم

وإذا دخل هدف على الهلال سكتوا سكوت مريع

وابعطيك مثال مباراة نجران

بس شف رابطة الاتحاد قبل ماتبدأ المباراة الى نهاية المباراة سواء كانو فايزين أو مهزومين

وفيه شيء حازنن بقلبي الصراحة

وهي ((( التدخين وما أدراك ما التدخين )))

وهو سبب عدم حضور كثير من الجماهير وعزوفها عن المدرجات


والشيء الثاني إن الرابطة ( تشحذ الجماهير شحاذة ) على شان يشجعون

وها الشي صار أقربها مباراة نجران

والشيء الثالث لالالالالالالالالالالالالازم يتوزع أعضاء الرابطة على كافة المدرجات ولا يحشرون العالم في جهة والباقي من المشعين نايمين والهدف احياء الجماهير كاملة


واخيرا ترك هالطبول


وتقبلوا تحياتي

اشهد بالله انك صادق
لابد من موازرة الزززززززززززززززززززززززززززعيم

http://vb.alhilal.com/showthread.php?t=798284 هذا رابط للإقتراحات واعتقد انه موجود كـ موضوع فقط لأني بصراحه ماشفت أي شي من الأقتراحات تنفذت ..

اخوي اسمح لي اخش عرض مع اني بعيده كل البعد عن المدرجات الهلاليه

شخصياً اتمنى ان يكون هناك عضومجلس إداره خاص للمدرج الهلالي بتحقيق طلبات الجماهير وتنفيذ كل ماهو جديد لتطوير المدرج
اتذكر كان في واحد داعم لرابطة الهلال العجلان واحد ثاني ان ماخاب ضني اسمه الطلاسي
بس الحين ماشوف اي دعم منهم اخر مبارتين
والمشكله ان كلام اخوي الحلم صحيح يعني الله يهديهم الرابطه اذا انتقدوهم الجماهير حطو العذر في الجماهير ماتحظر وماتساند .. والمشكله في الجماهير ومايحاولون يصححون الأخطاء وتطوير انفسهم وتنفيذ طلبات الجمهور

اتمنى ارى الشعارات مثل المباريات القديمه تكون الشعارت موجوده على الملعب من الجماهير
الحين الشعارات مختفيه واعتقد ان هذي مشكلة امن الملعب لازم يشوفون حل
وعندي فكره ليش مايكون هناك ستكر كبيرفي صور الاعبين يكون على سياج الملعب او بين الدرجه الاولى والثاني ويكون هناك شعار كبير لنادي الهلال ... ويكون في جهه من الملعب الفارغ

المشكله الرابطه تردد اهازيج مع احترامي لهم مو في مستوى الهلاليين ولا نادي الهلال
لما أسمع جماهير الاهلي تردد مجانين مجانين جمهور الأهلي بحبه مجانين
ولا اسمع جماهير الأتحاد شاشا والإتي هو الباشا.. كل هذا من الروابطهم ومنتشره بقوه
بس رابطة الهلال مافي شي سنع غير ياهلال عزك عزنا ومايرددونها كثير..
وتفاعل جماهير الأهلي والاتحاد اعطت جماليه في الملعب بعكس بعض المناطق من جمهور الهلال يكون فيه ثقل .. يعني مو حركين مثل جماهير المنطقه الغربيه بشكل عام ...

بالنسبه للي أقترح بأن يكون الأستاذ سامي ابو خضير هو المشرف على المدرج الهلالي
انا ماتمنى ذالك لأني بعد ما لام الجماهير بعد حدوث كارثة الملز وقال ان الجماهير الهلاليه هي المسؤوله بالحدث وانا .. غاسلتن يدي منه .. بس امنيتي اسمع خبر انه برى النادي .. عقب كلامه.. ضد الجمهور ..

وإذا تذكر اخوي الموضوع المثبت بخصوص الأسئله الموجهه لـ الأمير عبدالرحمن بن مساعد .. في البالتوك .. سألتهـ بخصوص الرابطه والمدرج الهلاالي ودوره في تطوير المدرج وان المشجع الهلالي يبغى التشجيع الأوروبي بعيد عن الطبول وغيرهـ من الأمور

اتمنى من الأخوان في البالتوك يسألونهـ ..

الله يعطيك العافيه اخوي

إقتباس الرسالة الأصلية كتبت بواسطة Dr. Za3em الله يعطيك العافية والله ما تقصر بس الصراحة المشكلة مشتركة بين الرابطة والجماهير الصراحة الجماهير باااااردة جدا جدا عشر دقايق ويسكتون تقل والله محلوف عليهم وإذا دخل هدف على الهلال سكتوا سكوت مريع وابعطيك مثال مباراة نجران بس شف رابطة الاتحاد قبل ماتبدأ المباراة الى نهاية المباراة سواء كانو فايزين أو مهزومين

كيف يتم التفاعل , بالله عليك اللي قاعد تسمعه في الملعب هذا يسمى تشجيع ؟؟؟

كسرات وطرب شعبي ينفع للاعراس والحفلات ماله اي علاقة بالملاعب تبي الجمهور يتفاعل معه وشلون

وبعدين انت في البداية يوم تغير فكر او طريقة الناس تعودت ععليها لا تنتظر ان الجميع راح يتفاعل معك

بتبدأ تدريجيا الف ثم الفين وبيبقى ناس هادين , مع الوقت بتصير الواجهة للرجة , اتذكر زمان كان اللي

يبي الهدوء يقولك ما ابي الواجهة الناس تبرمجت على ان الواجهة للجمهور المعصب المتحمس اللي يشجع

لازم يرجع المدرج الهلالي هذا الموسم وبقوه

إقتباس الرسالة الأصلية كتبت بواسطة أكوي نرفع الموضوع للمزيد من التفاعل لعل صوتنا يصل للإدارة وتمنع الطبول واصوات النشاز في الرابطة وتكون الرابطة جماعية من غير طبول ومايكرفونات ماتحملناهم في التلفزيون وشلون نتحملهم في الملعب سؤال لو وجهنا كلامنا للاعبين الهلال هل الرابطة لها دور في لعبهم ام لا اعتقد ان الطرف المهم هم الاعبين وشكرا اخوي كاكاو على الموضوع والدعوة اليه..!!

لو شفت مباريات اليوم في دوري الابطال كان لقيت الجواب , لو شفت مباراة الهلال والترجي في البطولة العربية

بتلقى جواب , الجمهور احيانا يشيل فريق سيء ويرفع روحه ويخليه يقاتل الى اخر لحظة الحين ما نسمع الا صيحات

تذمر وسب ولعن في اللاعبين

إقتباس الرسالة الأصلية كتبت بواسطة خلـgدي الـjعيم أنا معك في كل الكلام اللي ذكرته وأتمنى زيادة عدد أعضاء مجلس الجمهور الهلالي لأنه مع ازدياد عدد الاعضاء وتواجدوا في المدرجات مع الجمهور راح يقدرون يوصلون للي نطمح له ويتمكنون من نشر تعليمات المجلس بسهولة . واتمنى من الجمهور العزيز تنفيذ كافة التعليمات اللتي يتلقاها من اعضاء المجلس . حتى يظهر للمشاهدين شكل مبهر للمدرج الهلالي واتمنى ان تكون الاهازيج والهتافات بصوت واحد . طبعا هذا لن يحدث الا بتكثيف اعضاء المجلوتمكينهممن السيطرة على الجمهور مع توفير كافة احتياجات المدرج الهلالي من قبل المجلس تحياتي لك اخوي

المشكلة بالاسلوب اللي تدار فيه الرابطة في الوقت الحالي
مافيه احد عنده اي استعداد يعرض سمعته للخطر

صعب جدا اكون متواجد مع رابطة شكشكة وخليلو ويالي وسط كمنجة
لازم تكون الرابطة تمثل ابناء النادي وتكون رابطة راقية عشان تجذب الكل انهم يشاركون فيها

لكن في الوقت الحالي استبعد
ان فيه اي شخص ممكن ينضم لهم الا اذا كان يحب شغل الشكشكة والاغاني والمواوويل

.
.

مقطع يشرح للرابطة كيف تقاد الجماهير بدون مايكات لجماهير بشكتاش التركي

.
.