15/09/2009, 11:41 PM
|
| زعيــم متواصــل | | تاريخ التسجيل: 18/12/2008
مشاركات: 72
| |
الإدارة
الإدارة
الإدارة
مجلس الجمهور
مجلس الجمهور
مجلس الجمهور
عضو هلالي قوي
عضو هلالي قوي
بصراحه الموضوع مهم جداً ولكن اسمحولي اقولكم إنكم (( إتكاليين )) مثلكم مثل الجمهور اللي يحضر
كل شئ ودكم يصير بس تحطون الحمل على شخص أو جهه معينه
حملتو الرابطة اكثر من ما تحتمل
يعني انتم صرتو على قولتنا (( إمباري العريس )) يعني خوي العريس
العريس هو اللي يكشخ ويتهندس وعليه كل شئ وحنا بس نجي نترزز بجنبه
إسمحولي اقولكم لن يتغير أي شئ حتى يتغير ثقافة الجمهور نفسه
ثقافة جمهورنا يحضر المباراة للمشاهدة فقط وليس للمؤازرة والدعم والمساندة
ثقافة جمهورنا يحضر للمتابعة والمحاسبه على كل كبيرة وصغيرة وليس للإسهام في النجاح
كم عدد الاشخاص اللي يحضرون للمدرج ويقولون كلمة وحده (( لو سمحت إجلس ))
يا أبو الشباب (( خلاص انتهت الهجمة )) -- جلوس جلوس يا شباب
كأنه جاي للهجمه بس !!!
يا أحبتي عددهم كثير وكثير جداً مقارنه بالسؤال التالي
كم عدد الأشخاص اللي يحضرون للمدرج ويعطي الملعب ظهره متوجه للجمهور ويقولهم يا الله شباب ؟؟
اجزم بأن عددهم صفر !!!!!!!!
ولو واحد منكم سواها يا ويله -- خذ تعليقات عليه -- وتحطيم
باالله عليكم هذي مسئولية الادارة والا مجلس الجمهور ؟؟ والا مسئوليتنا ؟
متى ما تغيرنا وعرفنا ان المدرج للمؤازرة والدعم ومشاركة الادارة والفريق النجاح والانجاز عندها فقط نحاسب
واللي يقول ان الرابطة مزعجه ! بقوله الاخ جاي لحفلة طرب يا سميع !!؟
من قالك تعطيهم فرصه وتجلس ساكت
تخيل الجمهور بحركة الزلزال والرابطة قاعدين يطقون
تخيل الجمهور بصيحات استهجان لهجمة مع الخصم والرابطه يطقون
تخيل الجمهور بصيحات امتلاكنا للكره والرابطة يطقون
بصراحه انا ما شفتهم يضايقونا لما نسوي كل هالحركات .. بالعكس
هل بامكاننا طوال الـ 90 دقيقة نمتلك المدرج ونخلي الرابطة تدعمنا او العكس ؟؟
الحمله المفروض تجي من الجمهور المؤازر المحب في المشاركة في الانجاز
ضد جمهور المشاهد وانا اسميهم (( الجمهور الفني )) لانهم اخوان المحللين اللي يحاول ما يطوفه شئ علشان يعلق عليها
أحبتي الجمهور الفني اجلسو في بيوتكم ومقاهيكم واستراحاتكم هناك جمهور الانجاز يريد ان يعمل (( فدعوه يعمل ))
الشكر كل الشكر لطرحك الموضوع اخي الكريم |
الوضع العادي
