|
أبي تسع دقايق ونص !! السلام عليكم ورحمة الله وبركاته .. كل عام و أنتم بخير وصحة وسلامة .. أبيكم تعطوني من وقتكم 9 دقايق ونص !! وإذا هي كثيرة .. أبد سامح لكم تطمرّون وتشطفوّن بعض الحتسي اللي ماله سنع !! أولا : وصلّوا تحياتي للغالي على قلب كل مسلم وكل عربي وكل سعودي وكل هلالي .. ( أبو متعب ) يا جعله ذخر .. ثانيا : أنتم شفتوا البربسة اللي صارت لنا قبل كم يوم ؟! أنتم تدرون إننا نحترق بس يرتفع ( شعار لا إله إلا الله .. محمد رسول الله ) بكل محفل وتجمع تكون وجهة العالم كلها له ؟! أنتم تدرون إن فيه غلط برياضتنا ولازم يتصلح !! أنتم تدرون إن الرياضة هي المتنفس الوحيد لنا !! أنتم تدرون إن (الشاب) هو الثروة الحقيقة لأي مجتمع !! بلا بترول بلا صناعة بلا تين شوكي !! أنتم تدرون إنه ملعوب علينا من أكثر من 15 سنة !! بوعود واهية !! ويبي يسوّون لنا ويفعلون لنا !! و منــّاك كل مالها رياضتنا وتدحدر !! أنتم تدرون إننا الدولة الوحيدة اللي محرومة من مشاهدة مباريات كاس العالم !! إلا بصفقة دراهم !! أو تنــّطق وتنثبر بمقهى أنظف واحد فيه طالب (معسل تفاحتين) !! والعاقل ( يدخن إل إم أزرق ) !! أنتم تدرون إننا الدولة الوحيدة اللي محرومة تناظر ( مباريات منتخبها ) حتى بتلفزيوناتها الرسمية !! أو غيرها !! إلا بـ ( مبلغ وقدره ) !! أنتم تدرون إن عندنا بربسة بجدولة مبارياتنا المحلية !! ما يسويها ولا ( وكيل مدرسه توهم معيّنينه ) !! أنتم تدرون إن اللاعب السعودي هو أكثر لاعب مكروف على وجه الكره الأرضية .. بسبب بربسة التنظيم !! وحوسة المباريات .. وضغط المشاركات !! بحيث إذا جاء وقت ( تشريف الوطن ) !! صار خرقة مبلولة يالله يقوى يتحرك !! أنتم تدرون إن مالنا حيلة بعد الله إلا أنتم بتوصيل أصواتنا لأعلى سلطة بالبلد !! أنتم تدرون إننا نجل ونقدر أي شخص خدم هالأرض اللي نفداها بأرواحنا !! أنتم تدرون إن (رياضتنا) حواق بـ حواق !! وحان الوقت ( اللي نشكر فيه المسؤولين على كل اللي قدموه .. ونعطي الفرصة أسماء جديدة ) !! أنتم تدرون إننا ( نثق فيكم ) !! وكلنا أمل إنه ينصلح الحال !! أنتم تدرون إن لكل عملية حسابية : مدخلات ثم معالجة --->> بعدين نخلص على مخرجات !! فعشان كذا ( إذا المدخلات هي هي ما تغيّرت ) !! بالله وشلون نطالب بـ(مخرجات تبيّض الوجه ) !! وشلون نطالب بنتائج تفرح قلب كل سعودي !! إذا ( الأشخاص هم هم !! والأفكار هي هي ) !! أنتم تدرون إننا نتكيّ على ( صبات ) طاقتها الشمس الين قالت بس !! من العصرية الين تقضي المباريات !! وكله في سبيل هالوطن !! الكرسي الوحيد اللي نفتخر به هو "مقاعد استاد الملك فهد " !! ومع ذلك ما يهم إذا ( المحصلة النهائية ترضي الخاطر ) !! أنتم تدرون إننا من أكثر من خمس طعش سنة !! ما بعد شفنا أي قفزة نوعية في رياضيتنا بتخطيط وجهد جماعي !! كلها محاولات فردية وعلى استحياء !! أنتم تدرون إن الشباب الرياضي قاعد ياكل الأخو أخوه !! والكل قاعد يتفرج .. ولا فيه أي تدخل من متخذ القرار في المجال الرياضي !! أنتم تدرون إن أقبح الألفاظ وأوسخ العبارات اللي يقرونها أبناءنا وبناتنا !! و سوالف التشهير وقصص التفضيح !! ما نشوفها إلا في جرايدنا الرياضية !! أنتم تدرون إننا رغم كل الإمكانيات والدولة الوحيدة اللي تحكـّم شرع الله .. وإسلاميتها وأخلاقيتها فوق كل اعتبار !! يهان فيها ( الحكم الرياضي) !! ولا من شاف ولا من دري !! أنتم تدرون إننا رغم الدعم اللامحدود من والد الجميع أمد الله بعمره .. الدولة اللي من 15 سنة تمشي رياضتها بانحدار لحد ما حرمنا فرحة المشاركة في المحفل العالمي !! أنتم تدرون إنــّا صرنا نخاف على أنفسنا وعلى أهالينا .. إذا قلنا كلمة ( حق ) في حق رياضتنا السعودية !! أنتم تدرون إن ما فيه ولا رياضي راضي عن هالمطرسة اللي حاصلة لرياضة الوطن !! وأكيد إنكم مقتنعين ودارين .. إننا عاذرين ( مجالس الشورى ) !! وعارذين ( المجالس البلدية ) !! وعاذرين ( مجالس الأمناء ) !! بأن يتدخلوا في مشاكل رياضتنا ويتركوا أمور أهم !! لكن برضوا ندري إنكم مقتنعين : إن الشاب السعودي محتاج (رعاية أكثر من أول ) !! و (حرص أكثر من أول ) !! إلى متى وحنا ما ندري وين نروح ولا وين نتجه !! أنتم تدرون إنــّا مستعدين نعيد لكم كلام أي مسؤول رياضي .. بالحرف !! وعندنا ناس تعرف تقلد حركات اليدين والخشة !! وتضبط لكم وش يبي يقول قبل لا ينطق ولا كلمة !! أنتم تدرون : إن الخطط البديلة معدومة نهاااااااااائيا في " مجتمعنا الرياضي " !! أنتم تدرون : إننا صرنا ما نقدر نتوقع ولا ندري وش ممكن يصير بكرة في رياضتنا من ( قوّ الغموض ) !! و ( ارتجالية القرارات ) !! ( سرعة تغيرّها ) !! و ( هول تضادها وتصادمها ) !! أنتم تدرون إن ( الأمل ) متلاشي تماااااااااما في داخل ( كل رياضي سعودي ) إذا استمر الحال على ما هو عليه !! أنتم تدرون إن ( التخصصية في المجال الرياضي والشبابي تكاد تكون مفقودة ) في مجتمعنا الرياضي !! أنتم تدرون إن الكل ( متذمر ) وحايمة تسبده من هاللي يشوفه برياضتنا !! أنتم تدرون إن المشكلة ما هي بالدعم والميزانية المرصودة !! المشكلة بـ ( التخطيط السيئ) !! ( والفردية الاجتهادية ) !! و ( سوء الانفاق ) !! أنتم تدرون إن ما فيه محاسبة لأي مخفق !! ولا فيه تحفيز لأي متميز !! بشكل مقنع !! والدليل ( مغادرة أهم الأسماء الرياضية ) !! و ( تندح وبقاء وسشمه ) !! أنتم تدرون إننا رغم التطور الأمني الراقي .. إلا إن ملاعبنا وبواباتها : بلا كاميرات مراقبة !! هههههه أما كمرات مراقبة .. وبلا احتياطات وقائية احترازية !! أنتم تدرون إنها تتقطع قلوبنا وحنا نشوف حال الرياضة وصل لهالمستوى المتدني !! وكل واحد ( يشوت ) اللوم على الثاني !! أنتم تدرون إن ( الاستفادة من الخبرات الخارجية ) مفقودة تماما إلا على نطاق ضيّق .. وأحيانا ( سلبي ) !! أنتم تدرون إن (البيئة الرياضية الرسمية ) لا يوجد لها أي صلة بعالم التكنلوجيا !! وعالم المعلومة المحدثة السريعة !! ولا بعالم الانترنت !! ولا لأمها دخل بالتثقيف الاجتماعي المستمر !! ------------------- سؤالي : إذا تدرون وراكم ساكتين ؟! ما أحد يقدر ينقل معاناتنا مثلكم !! لأنكم أقرب الناس له !! بلغوه تحياتنا وسلامنا وفخرنا واعتزازنا فيه .. والله يديم عليه ثوب الصحة والعافية .. ويعيننا على رد الدين لأغلى وطن .. |
. . أنت تدري إنهـ جتني رسالهـ من جوال صالح السليمان تقول وصلت تعليمات لمحرري الصحف بعدم الكتابهـ أو مناقشهـ أسباب الخروج المخزي من الملحق s121s أنت تدري (( إن سموهـ حفظهـ اللهـ )) حمل الاعبين 30% والمدرب 70% وهو 0% من الخروج المر :to: أنت تدري إن التحليل المباريات بعد كأس الخليج كلهـ هرج فاضي وأنت تدري ليهـ s121s خبر أحزنني وأن أقراء في منتديات كورهـ وبتحديد منتديات الكورهـ السعودي عن إيقاف 700 عضو خلال إسبوع وكلهـ من التعصب :cry: التعصب في الرياضهـ زاد عن حدهـ بكثير ولكن لاحياة لمن تنادي :( أخوي مغاط كلنا ندري ولكن ما باليد حيلهـ :( ورجع شاهد المهزلهـ اللي صارت في الأستديو التحليلي في نهائي الخليج وتعرف إنهـ ما باليد حيلهـ . . |
هلا والله بـــ " مغاط " نورت المنتدى والله يعطيكــ العافيه تحياتي " الفن منبعه الهلال " |
إلى متـٌى ..؟ إلى متـٌى وٍحنـٌآ مكتفيـٌن بمسمـٌى ( آلرٍئـٌآسة آلعـٌآمة لرٍعـٌآية آلشبـٌآب ) ..؟ ليـٌش مـٌآ تصـٌيرٍ ( وٍزٍآرٍهـ آلشبـٌآب وٍآلرٍيـٌآضة ) مثـٌلآ ..؟ نطـٌآلب كسعـٌوٍديين .. بآلعـٌمل آلآحترٍآفي .. بينمـٌآ آلسعـٌوٍدية مـٌع آحتـٌرٍآمي آلشديـٌد ليسـٌت جـٌآهزٍهـ آلـٌى آلآن للدخـٌوٍل فـٌي عـٌآلم آلآحتـٌرٍآف ,, عقـٌوٍل آلسعـٌوٍديين آلـٌى آلآن ليسـٌت مهيئـٌة للآحتـٌرٍآف ,, وٍهـٌذآ عكـٌس صـٌوٍرٍتنآ للغـٌرٍبيين بـٌآننآ متخـٌلفين ,, وٍآنـٌنآ لآ زٍلنـٌآ نرٍكب آلجمـٌآل وٍزٍي كـٌذآ ,, جـٌب لـٌك شـٌآب سعـٌوٍدي وٍشـٌآب برٍيطـٌآني مثـٌلآ .. وٍآسـٌآل مـٌآ مفهـٌوٍم آلآحتـٌرٍآف ..؟ صـٌدقني آلسعـٌوٍدي مـٌآ رٍآح يعـٌرٍف .. آنـٌآ بنفسـٌي للحيـٌن مـٌآ آدرٍي شمعنـٌآه ..!! هـٌذآ هـٌوٍ آلسبـٌب آللـٌي يدفـٌع آي محتـٌرٍف للتفكـٌيرٍ آلف مرٍهـ قبـٌل مـٌآ يوٍآفق على مجيـٌئه للدوٍرٍي آلسعـٌوٍدي ,, وٍهـٌوٍ نفـٌس آلسبـٌب آللـٌي يدفـٌع آلآنديـٌة آلآوٍرٍبية عـٌلى آلتفكـٌيرٍ ميـٌة مرٍهـ قبـٌل جلـٌب آي لآعب سعـوٍدي ..!! شكـٌرٍآ مغـٌآط ,,:smilie47::smilie47: مـٌوٍدتيّ ,,:smilie47::rose: |
عدت عاد عقب الحجز علشان ارد .. أخوي مغاط .. كان بودي أحط راسك على كتفي وأكفكف دموعك و أخليك تنفّس عن أحزانك المكبوتة داخل ذلك الصدر الكبير .. اقصد صدر كبير من ناحية السعة اللي يشيله من هموم وآلام علشان ردي يصير جميل وهناء .. قررت استعين بصور .. بحثت عنهن بالمحرك الشهير قوقل ايرث .. ولكن للأسف .. ماحصل لي اني ألقى صورة مغاط .. لقيت نبّاطة .. لذلك بستعين بصورة النبّاطة علشان يصير المشهد مؤثر .. صح اني بحث عن مغاط وطلعت لي صورة مادري وش دخله بالسالفة .. بس حسيت انه رومنسية .. حسيته مغاطة مهب مغاط .. http://dc05.arabsh.com/i/00192/cjeh30rtcjxp.jpg ولقيت ضمن بحثي عن مغاط .. لقيت صورة لرابح صقر .. بس حسيت ماله داعي احطه أخوي http://www.waraqat.net/2008/07/zeqraeat_zamaan12.jpg لعلمك .. جميع المنشآت الرياضية .. كانت على زمن النهضة الكروية .. أيام فيصل بن فهد الله يرحمه كان كل شي يخص الرياضة .. منظم .. واحترافي في زمن هواة .. الحين .. مازالت المنشآت مثل ماهي .. زادت وتيرة التعصب .. < شف مغاط .. ركز لي على كلمة وتيرة تكفى يعني احمد ربك انك ماتلعب باستاد الصبان الدولي الحين .. بالنسبة للتخلف الرياضي اللي نعيشه .. طبيعي أخوي http://www.waraqat.net/2008/07/zeqraeat_zamaan12.jpg لأن المثل يقول .. ورى كل رجل عظيم امرأة .. لن وخواته .. نتقدم الا بوجود كوادر مؤهلة .. عنده شهادات وخبرات .. عنده حماس الشباب اما الترزز بمجالس فلان وعلان .. وبعد كم يوم يمسك منصب .. وهو مايدري وين شرقي (....) ..على قولة اهل حايل فهذا خطأ داخل الثمانطعش .. اخوي مغاط .. كفكف دموعك .. ولملم خلاقينك .. حنا مكتوب علينا نعيش في وقت مهب وقتنا .. |
مشكوور اخوووي يعاطيك الف عاافيه |
هلا مغاط ,, اقرب مثال الى ذلك استاد جدة الدولي شف من متى التخطيط وشف الى متى يكون مكتمل ,, اتمنى ان يصل صوتك للمسئولين في الجهات الحكومية في اقرب فرصه و بلغ سلامي يا مغاط ,, |
المشكلة هي ان رياضتنا اصبحت عالقة في مستنقع قذر فمن سينظف هذا المستنقع ؟؟؟ اخوي مغاط : مواضيعك دائماً في الصميم و شهادتي فيك مجروحة :yes: ألف شكر :rose: |
يووووووووووه منذ مبطي محتاجين مثل هالخطاب يالله عسى يوصل بس بيض الله وجهك |
اممممممم لا تعليق في كلام جدا رائع ............................................................ التاحية التنظيمية لان اصلا ما فية نظام النظام سلطان ونواف اذا كانو رايقين مع ابو بلوتوث سلملي على النظاام |
صح الله لسانك الخطط معدومة جداً حتى بالمهمة الوطنية نناظر التلفاز بالكـــــاش كل شي الله يعين بس على حياتنا التي مابقي منها الا القليل |
والله أفضل موضوع يبرد القلب ياخي من حقنا نفرح في منتخب وطنا زي اي مواطن اللي يقهر انه عندنا أفضل اللاعبين والماده موجوده ولكن زي ماقلت نقول شكراً للاتحاد السعودي ونريد فتح الفرصه لدماء اخرى تصنع لنا مجد |
إقتباس:
بغيت اصيح من هذي :cry: والله غبنهــ :ranting: لاحول ولاقوة الا بالله :cry: |
بالإختصار المفيد تأكد دام المسؤول يخطط ويدرس ويعمل لجان .. اعرف ان ماورى هالدراسه خير. مشكلتنا فكريه إداريه تنظيميه !! تجديد عقد الأرتي وبدون أي مقدمات !! وبملغ مليار. . والمسكين الي ياكلها المشاهد وفلوس الارتي على زين ياكلونها اكل .. لاشفنا من هالفلوس تطور منشآت ولاغيرها.. قرارت تصدر حسب الميول والمزاج .. من جميع اللجان .. بدايه مع لجنة الانضباط وأخواتها .. دوري السعودي ترتيبها 16 احس فيها شغل واسطات وحب خشوم ولامعقوله كل هالمشاكل الي تصير في الدوري السعودي من تنظيم وجدولة مباريات .. يكون في 16 لو بس ناخذ من الدوري القطري المنشأت والتنظيم يصيردورينـا "زين" ليش مايستعينون بالخبرات الأجنبيه ويبدأون ينظمون انفسهم وينظمون االلجان .. ويفكونا من الشياب عموما دامك انت في الدوري السعودي .. ياما حـ نعيش وبنشوف .. والقادم أجمل مع دوري زين للمحترفين بعد تقديم وتأجيل .. وتداخل مسابقات وياقلب لاتحزن تحياتي لكـ اخوي مغاط .. ولله يعطيك العافيه .. |
كلامك عين الصواب يالغالي .. وأتمنى أن يصل صوتك لهم .. ومشكور مغـاط .. |
سلمت أناملك يا رجُل لكني انصحك التحلي بالاخلاق السعودية لان كلامك هذا مرفوض مرفوض مرفوض لانك ماتدري ان كل شي يدرسونه بعنايه وبطبيعة الحال كل شي لديهم وفق خطط مدروسه شف ياطويل العمر لو يجيبون وش مايجيبون من خبراء و فطاحلة وعقود ماراح يتطور شي دام انه متكي على هالمنصب اجل بالله مدري من متى نشجع الوطنيه و طع عقد بمدري كم مليار مع art رعاية و طع فجاه ماندري الا زين خاشه بالنص بدون مناقصه ولا شي لا وقال ايش قال دارسين كل شي قانونيا قبل نوافق على زين امحق دراسه قانوينه الي للحين مالقيتوا حل لا مع موبايلي ولا اتصالات سعوديه ما اقول الا الله يكفينا شرهم يارجال بس ولا منتخبهم بكيفه بس الحين صرنا نقول هلالنا لا يلعبون بحسبته زود مالعبوا فيه ولا ياخذون اعمالنا بهالعشر الاواخر سبحانك اللهم وبحمدك اشهد ان لا اله الا انت استغفرك واتوب اليك يعطيك العافية |
مغــــاط كـل عـام و أنـت بخـير.. وبعطيك من وقتي 9 دقائق فقط :d لأني بصراحة فقدت الـ(9) في يوم 9-9-2009>>>>فاهمني طبعاً:naughty: يعطيك ألف عافية ع الموضوع ,, |
يعطيك العافيه كفيت ووفيت بس انت ماتدري انك من افضل الكتاب الي قريتلهم في منتدى الزعماء الله يوفقك اخوي |
الله يعين اخوي على هذا الوضع اللي عايشين فيه احب اقولك شيء بكل صراحه انا مواطن قدمت على ارض من عام1407هـ حتى اليوم لم يعطوني ارض ون نروح وين نشتكي وين نوصل صوتنا من يوصل صوتنا الحمد الله على كل شيء يكفي اني مشجع هلالي محب لهذا النادي من فترة طويلة انا عاشقه من عرفته |
انت تدري ان فيه اشاعة منتشرة بالايميلات عن انزعاج الباشا أياه من مقالاتك التي تمس منظومته!! كل خوفي ان نفتقد حرفك ...!؟ فلقد قال الرطيان ذات يوم على ما أذكر: ان الانترنت يقول لجميع سلطات الرقابة في البلدان العربية طز!! ولكن دوام الحال من المحال...!! فمقص الرقيب وبالذات لدينا قد يصل إلى هاهنا!! |
ايييييييييييييييييييييييييييييييييييييييه خلها على الله يامغـاط وان شاءالله توصل رسالتك ورسالة اغلب الجمهور السعودي اللي دمرته الخطط المدروسه !! سنيييين وملاعبنا ومنشئآتنا على حالها ماتغيرت رغم الدعم الكبييير لرعاية الشباب اللي ماندري وين يروح هـ الدعم !! !! قطر والامارات تطور هائل وسرييع وحضرتنا لازلنا نردد دورينا اقوى دوري عربي دورينا اقوى دوري عربي وماحاولنا نتطور اكثر لا من ناحية الملاعب ولا التنظيم !! المركز الـ16 بين دوريات العااالم وملاعبهم مازالت صبــات هههههههههههههههههه والله العظيم تراها كراسي ماتخسـّر كثير :razz: يعطيك العافيه مغاط |
قد اسمعت لو ناديت حي ،، ولا كن لا حياه لمن تنادي كان من الاولى ان يشعروا بالمسئوليه ويستقيلوا ،، كأي اتحاد قدم ما لديه وافلس !! |
ان تدري ان ماحد حولك من الرئاسه العامه لرعايه الشباب .. انت تدري ان بعض المسؤولين في الرياضه داقين مسمار على الكراسي انت تدري ان المسؤولين في الرياضه كل يوم تسمع لهم خطط ولاتشوف تطبيق انت تدري ان المسؤول الاول للرياضه من مسك المنصب ماحققنا انجاز يبيض الوجه انت تدري ان اللوائح عندنا رايحه وتطبق على حسب المزاج والميول ويسمونا دورينا ][محترفين][ انت تدري اني مستغرب وللحين موب مصدق اننا المركز 2 اسيويا والـ 16 عالميـآ .. ان تدري ان مواضيعك تبرد القلب والله :d .. |
إقتباس:
وش هالخشه الله يصلحك تراك عاكس السييييد أنتبه أحد يصدمك :d:d:d:d:d:d:d:d:d |
والله أفضل موضوع يبرد القلب ياخي من حقنا نفرح في منتخب وطنا زي اي مواطن اللي يقهر انه عندنا أفضل اللاعبين والماده موجوده ولكن زي ماقلت نقول شكراً للاتحاد السعودي ونريد فتح الفرصه لدماء اخرى تصنع لنا مجد |
لي عوده ياكاتبنا الكبيرررررررررررررر |
أنتم تدرون إن ( التخصصية في المجال الرياضي والشبابي تكاد تكون مفقودة ) في مجتمعنا الرياضي !! هنا مربط الفرس |
والله ياليت يوصل صوتك للملك الي متى وسلطان قاعد يعفس بالرياضه لازم يستقيل |
اهلين مغاااااااااط وش بيدنا نسووووويه هذي رياضتناااااااااا اااااااافمنهم |
الله يعطيك العافية يا مغاط ندري ,, ندري ,, وأنتم تدرون لو تكاتفو جماهير الزعيم فقط وقامو قومة رجل واحد على سلطان ونائبه لتم إقالتهم ؟ |
مشكوور اخوووي يعاطيك الف عاافيه |
الله يعطيك العافية يا مغاط |
مع الأسف يا مغاط ! قد أسمعت لو ناديت حيا .. ولكن لا حياة لمن تنادي أنا من زمان وأنا غاسل يدي من الإتحاد السعودي لكرة القدم ولا بعد شفت إتحاد أحسن من الإتحاد الإنجليزي .. حلمي هو .. متى نصل مثل الإنجليز في عالم الكرة .. |
تدرون اني ودي اتوظف ولا حلصت تدرون اني طفشت وابي الوظيفه شطحه :yes: الله يعطيك العافيه مغاط |
مغاااااااااااااااااااااااااااااااااااااااااااااااااااااااااااااااااااااااااااااااااااااااااااااااااا ااااط رد ؟؟ ايه عطوني مغاط ؟؟ انت ما تدري ان الخطط العلميه المدروسه تقتضي ان يتم مراقبة المنتديات الرسميه للانديه خخخخخخخخخخ يالبى قلبك بس وفي الصميم وربي |
يا أخي عليكم أشكال غريبة(ن) عجيبه ...؟؟؟! أنت ما تدري إن هذي كبوة جواد ... وأن في خطط ((علمية)) و ((عملية)) مدروسة الإتحاد السعودي شغال عليها ؟!!! خل الاتحاد السعودي ((يعمل)) يا مغاط واترك عنك هالانتقادات اللى مالها سنع ؟؟! ودلبح راسك مثل ربعنا وأقعد رفع بـ ((طويل العمر)) ... فالمحصله النهائية هو صح والسبب الشارع الرياضي ..... جميع الأندية وجماهيرها ذاقت ((الأمّرين)) من ورى هالكورة ... يا أخي تصدق أن أغلب الشعب وصلوا لمرحلة ((طز)) في المنتخب من رى هالضيم اللى يشوفونه من عام 98 وكأس العالم في فرنسا والمنتخب من جرف لدحديره ...! بعد 8 ألمانيا البشر ((فتحوا)) عيونهم ... والمشكله أنهم واصلوا مسيرة ((الدحرجة)) .... نفس الكلام ينعاد ... وينقال في كل ((حفرة)) نقد ... يجب أن نهتم بالناشئين ... ويجب بناء الأكاديميات ... يجب تفعيل دور الرياضة بالمدارس والجامعات ... ومن هالبرابيس اللى نسمعها كل يوم ... وكأنهم يوجدون العذر لـ طويل العمر بعد كل إخفاق ... والمشكله بنفس الحكي الفاضي ! منتخب ((جدار قصير)) كل(ن) يطمرهـ .. أجل بالله عمرك شفت إعلام يحط تشكيله منتخب ؟؟؟! جب فلان وضم فلان وليش فلان موجود وفلان وينه !!!!!! وربعنا يرضون الجميع ! لعيبه يتهزؤون على الهوى مباشره بعد لقاء في بطولة الخليج ... بالله شلون تبيهم يلعبون لك من قلب... يا أخي أموت في تراب وطني ...بس كرامتى لها حق على بعد!! ناصر الجوهر عفس أبو المنتخب ((ربعنا)) مسكت معهم عناد ... إلي ما جاب العيد ! جو يكحلونها عموها بمدرب دفاعي بحت ((انكرش)) من الهلال لأنه عله وطريقة لعبه مستفزه ... تجيبه وتمسكه منتخب ؟؟! قمة الاستهبال ... وما يزيد الطين بله ... خذلك يا ترفيع ... ... ... والله ما للأرض والجمهور قيمة وهذا منتخب .. والله ما للكوره طعم وبعض البشر موجودين في الساحه الرياضيه ... يا عمى فيصل عبدالهادي ((أمين)) الاتحاد وش ترجي ... ابن ناصر وله 30 سنه وهو يتقلب في هالمناصب في اتحادنا الموقر بالله وش ترجي .. تحكيمنا من جرف لدحديره ونفس الأسماء تعتذر وترجع تمسك ((الكفت)) من أول وجديد ... لجنة انضباط ((على مزاج)) سموه الكريم ... أن قال لا قالوا لا وإن قال ايه قالوا ايه ... حزم في القرارات على بعض الأندية ... ودلال للبعض الأخر... تفرقه لحد النخاع ... إعلام واطي ضايع ما بين وزارة الإعلام والاتحاد السعودي ... ونتيجة الهبوط القذر في الطرح .. . قذف وسب وتشهير في المدرجات ... وش ترجي ؟! عموماً الأمور زينه ... وإن شاء الله الحال يتغيير ... وقادر يا كريم ... |
أنتم تدرون إن اللاعب السعودي هو أكثر لاعب مكروف على وجه الكره الأرضية .. بسبب بربسة التنظيم !! وحوسة المباريات .. وضغط المشاركات !! بحيث إذا جاء وقت ( تشريف الوطن ) !! صار خرقة مبلولة يالله يقوى يتحرك !! |
، لاصار خصمك القاضي مين تقاضي ، قد اسمعت لو ناديت حي ،، ولا كن لا حياه لمن تنادي فلتها يااخوك من قبل واقولها الحين يارب ابو متعب يبرد قلبي ويصدر قرار ينسينا الخروج المر :naughty: أجل البحرين ياكافي ماعرفوا يفوزون عليه مبارتين ماعرفوا كيف يفوزون زين اشوى انهم ماتأهلوا ابركها من ساعه وشلون بيتأهلون بهالمستوى وهالتخبط الفني والاداري وعلى راسهم سلطان بن فهد اللي تخلى عن المسؤوليه وحطها على الاعبين والمدرب الله يرحم ترااااااااااااااااابك يافيصل بن فهد الله يرحم تراااااااااااابك بس ...، وخل الخطط المدروسه تنفعهم الحين هذا اول نتائجها والدوري حاااااااااافل بالمزيد ترقبوا مزيد من الدحدره ...، ، إقتباس:
، ياصبر ايوب بس على اشكالن غريبتن عجيبه ...، مدري وش تحس بوه متمسكتن بالكرسي على غير سنع حلو الانسان يكون يحاول بعد الفشل مره مرتين ثلاث عشر بس يتطور بكل مره مهوب يتمسك بالكرسي والفشل نفسه ماقل الا زاد ويمااااااااالكم بالمزيد من الدحدره اذا الحال مستمر على ماهو عليه ...، ، مغاط ترسم الحقيقيه بروعه ماتطرح دمت ودام نزف قلمك يطربني كلما جعلته ينزف ...، |
مغاط الله يعطيك العافيه لو تقول ما تقول تراك تنفخ بقربه مشقوقه |
كلامك عين الصواب يالغالي .. وأتمنى أن يصل صوتك لهم .. ومشكور مغـاط |
ندري وندري تعبنا حكي وكلام وتعبنا نسمع كلام لكن الحال ماتغير نتمنى يتغير وياليت يعطونا فرصه للغير لان خلاص مافي صبر وانحرمنا من اغلى شيئ انحرمنا من كاس العالم بسبب الدروس والتخطيط المغبره الله يعين ويصبرنا وكلامك 10 ع 10 |
أنت تدري إنهـ جتني رسالهـ من جوال صالح السليمان تقول وصلت تعليمات لمحرري الصحف بعدم الكتابهـ أو مناقشهـ أسباب الخروج المخزي من الملحق أنت تدري (( إن سموهـ حفظهـ اللهـ )) حمل الاعبين 30% والمدرب 70% وهو 0% من الخروج المر أنت تدري إن التحليل المباريات بعد كأس الخليج كلهـ هرج فاضي وأنت تدري ليهـ خبر أحزنني وأن أقراء في منتديات كورهـ وبتحديد منتديات الكورهـ السعودي عن إيقاف 700 عضو خلال إسبوع وكلهـ من التعصب التعصب في الرياضهـ زاد عن حدهـ بكثير ولكن لاحياة لمن تنادي أخوي مغاط كلنا ندري ولكن ما باليد حيلهـ ورجع شاهد المهزلهـ اللي صارت في الأستديو التحليلي في نهائي الخليج وتعرف إنهـ ما باليد حيلهـ |
عموما دامك انت في الدوري السعودي .. ياما حـ نعيش وبنشوف .. |
يا مال العافيه يا مغاط والله وأنا أخوك ، هالكلام بحّ حلوق المسلمين بس محدن يوحيك عاد عسى الي صار يضبطهم ويخليهم يصلحون الأخطاء |
مغــاط الله يستر عليك أخاف بكرة مانشوفك بــس ,..!! وافهم يافهيم ....!!!! |
الله يوفقهم باءذن الله... وألـــف شــكــــرلك |
يعطيك العافية " مغاط " فرج يارجال وانثرها على صدر الورق ماراح يتحملك الا هو ،،،، وشنقول وايضا وش نخلي ، يعني يوم طلعنا من التأهل قالوا شكلة لجنة لدراسة اسباب التدهور ، مو التدهور جاي من الراس الى الساس ، يعني المنظومة كلها (غلط *غلط ). عندنا فقط كثر الحكي والترزز بس ، ومكابرة وابشر طال عمرك . انت شوف لجان الاتحاد واحلب لبن. مادري وش جابهم للكورة بس . الرياضة عندنا تحتضر بسبب رئيسي هو لا وجود قائد يفهم في ادارة الرياضة /////// ودمتم ،،،،،،،،،،،،، |
صح السانك بس بعد أنت تدري أن ماحولك أحد ولا راح يتغير شي مادام لجنة الحكام والأنضباط واقفه لتطوير كل ماهو رياضي |
مغاط :smilie47:.. حرقتك وصلت لنا وكلنا نرتع حرقه .. نحن نعي ماسطرته أناملك وأضعافه كذلك .. والشعب كافه بما فيهم غير الرياضيين أستقروا على مكمن الخلل وهي العقول الجوفاء والجيب الكبير .. ولكن من ينقذنا مما نحن غارقون فيه ..؟؟ إجابة السؤال تتعدا حدود الرياضه وتمس أمور إجتماعيه وسياسيه والحال سيبقى كما هو للأسف حتى يرحمنا الله برحمته .. وسنصبر ونصبر لعل الله يحدث بعد ذلك أمرا... تحياتي لقلمك المذهل:rose: ..، |
والله العظيم من أفضل المواضيع اللي قريتها كلها جبتها على الجرح صراااااااااحه ... بس وش تبينا نسي يامغااااط ماباليد حيله ...... |
مغاط مبدع كالعاااده اي والله ندري بس ما باليد حيييله الله يعين بس |
تسلم ايدينك ..... ولله ان كلامك على الجرررح..... ونا متاكد انا صوتك راح يوصل لفوووق انشالله بهالشهر الفضيل ... وبهالعشر الاوخر :) |
سؤالي : إذا تدرون وراكم ساكتين ؟! ما أحد يقدر ينقل معاناتنا مثلكم !! لأنكم أقرب الناس له !! بلغوه تحياتنا وسلامنا وفخرنا واعتزازنا فيه .. والله يديم عليه ثوب الصحة والعافية .. ويعيننا على رد الدين لأغلى وطن .. شكراً مغاط على كل كلمة قلتها |
مشكوور اخوووي يعاطيك الف عاافيه |
اخوي مغاط ... شكرا لك تكلمت بلسان .. كل شاب سعودي اتمنى من الله بذا الشهر الفضيل انه يرحينا من ذا الهم الي على قلوبنا ___________________________________ اذا ودنا نتطور في اي مجال كان ... نضع الشخص المناسب بالمكان المناسب يعني .. بدون مجاملات .. ولاهو واجب يكون من ... (....) _____________________ يارب يوصل كلامك لاعلى سلطه بذ البلد ... .... معا اني متأكد مراح يتغير شي للاسف ..... |
هلا اخوي مغاط ومشكور على الموضوع الرئع وتراي طمرت واجد ههههه |
هلا حيالله مغاااااط الابداع يامرحبا شخصيا مقتنع بأن التغيير لابد ان يكون في العقول التي تدير امور الكره وليس الاقدام التي تركلها |
الله يعين بس ياخي ما باليد حيله إذا كان الي تبي تشكيله هو القاضي والحكم ما لنا إلا نعض على شحمه ونسكت ونتحمل البلاوي ألي من بعد وفاة الامير فيصل والدعوى مدحدره شكرا مغاط |
بسم الله الرحمن الرحيم اولا انا عطيتك التسع دقائق واكثر ثانيا انت تدري ان كل شي عندنا في رياضتنا تمشي على البركه ثالثا ليس في يدنا شي ابد غير التفرج رابعا مشكور لك على الكلام الرائع تقبل تحياتي اخزكم H D A F |
إلى متـٌى ..؟ إلى متـٌى وٍحنـٌآ مكتفيـٌن بمسمـٌى ( آلرٍئـٌآسة آلعـٌآمة لرٍعـٌآية آلشبـٌآب ) ..؟ ليـٌش مـٌآ تصـٌيرٍ ( وٍزٍآرٍهـ آلشبـٌآب وٍآلرٍيـٌآضة ) مثـٌلآ ..؟ نطـٌآلب كسعـٌوٍديين .. بآلعـٌمل آلآحترٍآفي .. بينمـٌآ آلسعـٌوٍدية مـٌع آحتـٌرٍآمي آلشديـٌد ليسـٌت جـٌآهزٍهـ آلـٌى آلآن للدخـٌوٍل فـٌي عـٌآلم آلآحتـٌرٍآف ,, عقـٌوٍل آلسعـٌوٍديين آلـٌى آلآن ليسـٌت مهيئـٌة للآحتـٌرٍآف ,, وٍهـٌذآ عكـٌس صـٌوٍرٍتنآ للغـٌرٍبيين بـٌآننآ متخـٌلفين ,, وٍآنـٌنآ لآ زٍلنـٌآ نرٍكب آلجمـٌآل وٍزٍي كـٌذآ ,, جـٌب لـٌك شـٌآب سعـٌوٍدي وٍشـٌآب برٍيطـٌآني مثـٌلآ .. وٍآسـٌآل مـٌآ مفهـٌوٍم آلآحتـٌرٍآف ..؟ صـٌدقني آلسعـٌوٍدي مـٌآ رٍآح يعـٌرٍف .. آنـٌآ بنفسـٌي للحيـٌن مـٌآ آدرٍي شمعنـٌآه ..!! هـٌذآ هـٌوٍ آلسبـٌب آللـٌي يدفـٌع آي محتـٌرٍف للتفكـٌيرٍ آلف مرٍهـ قبـٌل مـٌآ يوٍآفق على مجيـٌئه للدوٍرٍي آلسعـٌوٍدي ,, وٍهـٌوٍ نفـٌس آلسبـٌب آللـٌي يدفـٌع آلآنديـٌة آلآوٍرٍبية عـٌلى آلتفكـٌيرٍ ميـٌة مرٍهـ قبـٌل جلـٌب آي لآعب سعـوٍدي ..!! شكـٌرٍآ مغـٌآط ,, مـٌوٍدتيّ ,, |
| الوقت المعتمد في المنتدى بتوقيت جرينتش +3.
الوقت الان » 07:33 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd