¨°o.O [ دٌرّة الشخـــآبـيـط ( 2 ) ] O.o°¨ - صفحة رقم 8 - نادي الهلال السعودي - شبكة الزعيم

R D H · #1 02/10/2009, 11:02 PM

أنا جيت << متعشي مع الصخره أمس .

أعضاء الصفحة الثالثه .

(29)

abo_nasser

مرحبا بك يا غاليين من البال الوسيع
والجماله يا عسانا نطول اسبابها

ماعليكم زود والطيب عندنا ما يضيع
أنا وعبدالوهاب حاسبين حسابها

هلابكـ فـلاح .. أو كما يحلو لمعجبيك .. فلووحه .

لك معجبين كثر .. وازدادوا بعد ماعرفوا سالفة القدور وسراويل السنه .

أنا سبق وعقبت على ردكـ هذا ..

لكن تقديراً مني لسراويل السنه .. رح أرد عليك مره ثانيه .

تصدق يا فلاح .. البني أدم هذا كائن عجيب .

سابقاً لو أحد سالك عن سالفة القدور .. كان وجهك بيصير علبة الوان .. وانواع الارتباك .

ولو أحد طلب منك تكتب السالفه في المنتدى .. كان أهون عليك تتوقف ولا أنك تكتب السالفه هذه .

لكن اثبتنا من جديد .. أنه حينما نضع البني أدم أمام الأمر الواقع .. يختلف كل شيء .. كل شيء .

لم تقبل بأن يدري أحدهم بسالفة القدور .. لأنك خائف من المستقبل .. خائف من ردة الفعل و ( الذبات ) و ( المسكات ) .

والحل المناسب هو اننا وضعناك امام الامر الواقع ..

رضيت أم لم ترضى .. ها أنت أمامه ..

وها هي النتائج امامكـ .. كلهم دروا .. صار شيء يعني ؟

لكن ما أدري ليه خطر في بالك عبدالوهاب أنه هو خلف هذا المقلب ؟!

المهم .. لا داعي الأن لإطالة الحديث ..

فالجميع قد تخيل أنه يسمع صوت القدور وهي تسقط أرضاً ..

لكنه لم يتخيل جمال الصوت الذي خقق :$

أيستحق أن تسقط القدور من أجله ؟!

أم أنك كما الثلج .. تذوب من أبسط الأمور :$

تسلم عالمرور حبيبي .. واشكرك على سعة صدرك ..

قبل لا أختم .. جاوب بيني وبينك ..

وش رايك بـ ( البومبا ) أو ( الخابور ) اللي عطيتك ؟ :$

كانت مفاجئه صح .

الله يوفقك .. أحبك يافلوووحه .

...

(30)

فيلسوف

خيول الشوق مسرجةٌ إليهم
تبارت حيثما ساروا وهلوا

حياك الله وبياك أيوب باشا .

شهاده أعتز وأفتخر فيها لأنها من شخص قدير مثلك .

الله يحفظك يالغالي سعيد بتواجدكـ بمواضيعي بالفتره الأخيره ..

شرف كبير .. لا تحرمني منه .

دمت بكل الخير .

...

(31)

مَاهِينُورْ

يا مرحبا عد ما صب المطر
وعداد ما برقه يسابق راعده
بك يا اصيلة من بد البشر
و إرحِبِ و حَيَّاك بساحة رائده

أهلين حنـين .

أنتي من الأعضاء اللي شخص لازم أنه يستغل أي فرصه تجيه علشان يمدحكـ ..

مع أن مثلك ماينتظر المدح .. ومثلك المدح مايضيف له شيء ..

لأنك أصيله .. وأسـاس الأصاله أنكـ تسوي الشيء الطيب فقط لأنه طيب .. ليس لإنتظار مقابل أو كلمة مديح ..

محبوبة الكل ماشاء الله عليك .. الله يحفظك ويخليك لأهلك ياحنين ..

لكن ودي اني اشوف لك موضوع .. قبل لا أموت !

اضمن لك من الحين أن الردود بتكون مثل الرز ..

يكفي أن ماهينور اللي منزلته .

الله يحميك ..

دمتِ بأجمل حال

...

(32)

شبوط

هلا بك ملايين عدد ما تقول : يا سميّ .
ويا مرحبا بك كثر الملفات اللي تزورها .

حياك الله حبيب قلبي تركي .. أسفرت وأنورت ..

يا تركي أنت من الشخصيات اللي يتم تحليلها في المعامل وأثبتوا فيها أن الإنسان أساسه ( جلد حنفيه )

فرصه سعيدهـ حبيبي .. نورت الموضوع يا سميّ الشعب .

(33)

9 الهلال

نورت وأسفرت مراحب يالغلا ..

تحيه طيبه لك يالغالي .. فرصه سعيده بحضورك ..

لا تحرمنا تواصلك ..

دمت بخير .

...

(34)

الصـخـرة

هـلا بـالـلـي وصـل عـطـره قـبـل مـاتـوصـل مـراكـيـبـه
مـثـل غـيـث قـبـل يـاصـل يـجـي ريـحـه ونـهـلـي بـه

بصراحه مدري وش أقول لك يا أبو صالح ..

دايم تحرج الناس بأخلاقك وطيبتك .

الواحد مر على أماكن كثيرهـ .. مر على منتديات كثيره .. لكنه كان يبحث دائماً عن المعرفه الطيبه اللي لما يجي يطلع من مكان معين .. يحس نفسه : كسبان .

وبالتأكيد مروري بشبكة الزعيم .. أنا كسبان لأن عرفت رجال مثلك وشرواك ومثل الشباب الطيبين .

وبعدين يوم تقول أني وعدتكم بالكنافه ولا شفتوا شي .. أنت قد هالكلمه ؟!

يعني يقالك تبي تهيظني علشان اجيب كنافه ؟!

الكنافه جايبها بس احجزوا استراحه .. وخل عبدالوهاب يسحب كلمة ( مقروع لو جبتها ) هذا إن كان ( الانسحاب ) مطروح بكلمات مثل هذه في قاموس ( بني قحطان

) .. مع اني ماظنيت . :$

وبالنسبه لإقتراحك .. الفكرة في درة الشخابيط ( أنها مش مجله ) ..

لعلك فهمت .

دمت صخرة .. ودمت عزيزي . ودام عزك خخخخ

...

(35)

لحن الروند

سلامي عدّ ماهب الهبوب
واعداد ما نسنس الغربي علينا
سلام مرشوش برشة العود
سلام لك واجب منّا وعلينا

حيا الله أهل الغربيه كلهم ..

اسمك جميل وعجيب بنفس الوقت ..

الروند .. اعتقد انها نوع من انواع الزهور ؟!

عالعموم سعيد جداً أني كسبت قارئه ومتابعه مثلك ..

لا تحرمينا من تواجدك أختي .

ربي يحفظك ويحميك ..

دمتِ بأجمل حال ..

..

(36)

همس الحراير

أقــدم لـك تحــياتـي وســــلامـــي
جـــواب يــوم بــــادرتي بالتحـــيه

حياك الله وبياك أختي همس ..

مساك الله بكل سرور ونور ..

ودوم الضحكه ان شاء الله ..

وصدقيني يشرفني ويسعدني أني أشوف أشخاص مثلك يبدوا إعجابهم بموضوعي ..

الله يحفظك ويحميك يارب ..

تحيه طيبه لك .. ماننحرم منك تواجدك .

دمتِ بأجمل حال ..

...

(37)

ماجد مقبل

يا مرحبا ترحيبة ترفع الــــــــراس
نفخر ونذكر في وجود النشاما

حياك الله وبياك أخ ماجد ..

أسفرت وأفسرت وأرسفت ياصديقي .

ههههههههه اجل تذكرت المنتدى اللي بالي بالك !

وش جاب هذاك المنتدى السامج بس للمجلس !

يعطيك العافيه وشكراً عالمرور .

دمت بكل الخير ..

(38)

رائدة الزعيم

هـلا بـك عـد مالشمس المطـله
هلا بك عـد ايام الزمــــــاني

هـلا بك عــــد ماهـلت اهلـــه
وعـدد مـافاح عطر الزعفراني

حياك الله وبياك يا رائده ..

شرف كبير لي أني اسمع هالكلمات منك ..

الله يعطيك العافيه اختي ..

ليس هناك لبس في مقابلة أبو ناصر ولا هم يحزنون ..

بس تخبرين الرجال جت له ( ارتكاريا ) يعني حساسيه من سالفة القدور .. وتأثيرها واضح عليه .

الله يحفظك ياعريب ..

دمتِ بأجمل حال ..

...

(39)

متابعة بجنون .

ياهلا فيك واهلين ويامسهلا
خطوه بألف خطوه عزيزه علينا

حياك الله وبياك اختي متابعه ..

ماعدنا نشوفك مثل أول ..

بدايتك بالمجلس كانت مثل بداية الصخره ..

لكن الفرق ان الصخره استمر .. وانتي توقفتي ..

وبالنسبه لفقرة نصف عمرك .. حبينا نغير شوي .. ما أحب التكرار كثير .

الله يعطيك العافيه يارب ويحميك ..

سعيد بتواجدك وبكلامك الجميل .

دمتِ بأجمل حال

(40)

AHMAD.10

مرحبا بك عد ما في العام يوم
وعد ما يذن أذان وتسمعه
وعد ماجا في منامك من حلوم
وغد ما تسمع يأسم المجمعه

حياك الله وبياك يا احمد ..

لأول مره أرى أسمك .. لكن واضح من أسلوبك أنك تمتلك الإضافه ..

بإنتظاركـ أكثر ..

بالنسبة ليوزري .. فلست الأول أو الأخير الذي يسألني هذا السؤال ..

بقولها لك باختصار .. اليوزر طال عمرك مهب لي .. واحد خويي اعطاني ياه وقالي أنه حق ولد عمته ..

استخدمت اليوزر وصرت اشارك .. وبعدها بفتره اليوزر ماصار يدخل عندي يقول لي كلمة المرور غلط ..

حفرت لين كلمت الاداره .. وغيروا لي كلمه السر وصرت ادخل ..

بعدها بفتره جتني رساله من مستر قول .. يخبرني أنه فيه واحد مزعجهم يقول لهم أن هاليوزر يوزره ..

فقلت لهم السالفه .. عاد انا ماخذ اليوزر وهو مافيه إلا 30 مشاركه ..

يبي ياخذه عقب ما صرت انزل فيه مواضيع ..

والله ياهو يسمع بها !

هذه السالفه حبيب قلبي ..

يعطيك العافيه ..

دمت بأجمل حال

...

(41)

عيال حمايل

يا مرحبا ترحيبة البدو لسهيل
واعداد ما هبت سحايب مطرها
يا مرحبا يا ريحة الورد والهيل
لا هبت النسمة وتطاير عطرها

حياك وبياك أخي مستر مفتاح ..

تمثال حته وحده .. أنت كذا رفعت فيني بشكل خيالي ..

وكبير علي هالكلام ..

تسلم حبيبي سعيد بحضورك والله ..

الله يحفظك ويحميك يارب

دمت بأجمل حال

...

الصفحه الثالثه انتهت .

يتبع الصفحه الرابعه .

عتيبية هلالية · #2 03/10/2009, 01:11 AM

اهلاً ..}

يسعد أيامك ابراهيم

موضوع خفيف جداً ومن اللي يحبوه الزعماء

..اجدت كثير ربي يوفقك ..لكن في شغلتين بودي اقولها :

الاولى ..عن شذى

.. بصراحة مرة زعلت يعني مقلب وعلى شذى بعد

..! شذى من العضوات اللي تجبرك على انك تحترمها وفيه صعوبة لما بتسوي مقلب عليها

..لكن ارجع اقول نجحت كثير بهالامر

ثانياً ..عزام "السمسار الهلالي "

..عزام لماانطق اسمه اضحك

..مااعرف ليش

.. عن جد هالعضو روحه حلوة وحبوب وشهادتي فيه مجروحة

..الله يوفقه يارب

بالاخير ..جداً جداً اشكرك

..وربي يوفقك ويسعدك ..واشكر كل من له يد بإخراج هالموضوع بهالشكل ..

اختك
هوازن ..

T U R K I _ 15 · #3 03/10/2009, 09:29 AM

وشفيك على اسم تركي ... وابو ناصر

الحين ما لقيت الا هالاسماء

المره الجايه قل T U T K I _ 15 وريح عمرك

الله يكرم النعمه

وش صاروخ وع حسيت انه مليان مايونيز وثوم ومخلخل

اه بس عالرز

هذا انتم يالسعوديين يحبون ياكلون هالصواريخ والغرب يحبون يصنعون الصواريخ

اوما المقلب ههههههههههههههههههههههههههه سخيف

مبدع قليله والله .. بس لاتعيدها

مزكم وكحه ورجلي منشقه وحراره وكل شي مجتمع فيني ولا قدرت اقراه الا هالوقت ..

نشوفك على خير ويعطيك العافيه يابو يوسف ..

لاهنت ولاعدمناك تقبل مروري المتواضع جدا

FLORINTINO · #4 03/10/2009, 04:17 PM

ابراهيم .. ياخوي الفقرة الوحدة من موضوعك موضوع !
يعني لو بأقراه كامل يبغالي على الأقل يومين مع كوباية شـاي وهذاك الي انت خابر

الله لا يضرك !

حقيقة ما قريت الا أول فقرتين

أعجبتني فقرة الصواريخ
وصفت كل أنواع صواريخ المجتمع السعودي
من صواريخ الحشيش لـ صواريخ الكذب وطبعاً صواريخ الشاورما

مايحتـاج أكتب قصيدة مدح في أسلوب كتابة القصة لأن شهادتي فيك مجروحه
والواحد والله يفخر بك يا برهوم

المقلب حكـاية ثانية
الله يستر علينـا من مقالبك

مرور على السريع ان شاء الله يكون قد المقـام بس

كارلوس شخصياً · #5 05/10/2009, 07:38 PM

ياخي انا تركت المنتدى فتره والحين رجعت ، وانا اقرأ هالموضوع
وبين السطور وثنايا حرفك المميز ، لقيت حاجه غريبه يمكن محد لاحظها
ليه كل كاتب بطل تلقاه مدريدي ؟

لا جد ، موضوعك بطل اخوي ، وبصراحه ما شفت مثله
واللي قاهرن صراحه ، اني ما اشوف يوزرك برابطة الريال ؟
عسى المانع خير يالحبيب ، ودنا بكم شخبوطه هناك

سلميشن

ABNalzaeem · #6 05/10/2009, 10:33 PM

يعطيك العافيه ع الشخابيط الذهبية ..

حراام امر على هيك مجهود ولا ارد >> مستعجل

محب قاهرهم ياسامي · #7 10/10/2009, 03:52 AM

حيا الله .. اي والله ..

تصدق يابرهووم اني سسسحبت عليك سسسحبتن غير جيده ..

بسس تعرف مششاغل الجامعه وقلقهاا .. تعرف مهندسسين ..

المهم ..

موضووعك .. أبطل ابو كل شي في الحيااه ..

ولا يهوون مقلب شذى .. والله يافطسست عليه ضحك ..

لاتقطعناا عاد .. نبي متل هييك مواضيع ..

*miss SoSo* · #8 10/10/2009, 04:27 AM

لاأله الأ الله هالموضوع قريتة قبل التفعيل يعني قبل 9-9-2009

والى الحين موجود

بس والله الصراحة موضوع يستاهل يعمر بالمجلس
وودي أعلق على كل فقرة

بس تصدق اني نسيته

اقولك قاريتة من قبل التفعيل يعني قبل 9-9-2009::<<

<<أي خلاص عاد ازعجتي أمنا بهالسالفة

تقبل مروري السامج

R D H · #9 11/10/2009, 02:29 PM

السلام عليكم ورحمة الله وبركاته

عدنا من جديد .. والمعذره عن التأخير ..

تخبرون الواحد لا صار جامعي يكون وقته مزحوم ومضغوط << دخل جامعة وازعجنا ..

على طاري الجامعة و المرحلة الجديده .. لاحظت من خلال خبرتي .. أننا يوم كنا بأولى أبتدائي . كنا نحس أننا كبار ودخلنا مدرسه خلاص محد قدنا .. وكنا ننظر للي بالتمهيدي انهم بزارين ..

تمر سنه وتصير بثاني ابتدائي .. وتجد نفسك تنظر لطلاب أولى ابتدائي نظرة استصغار .. تقول توهم بزارين داخلين مدرسه ..

وهكذا حتى تصبح في سادس ابتدائي .. اوووه محد قدك أكبر طالب في المدرسه .. وتكون كبير في عيونك ..

لكن يوم تروح لأول متوسط .. تنظر لطلاب الابتدائي كلهم انهم مجرد ( حشرات ) لا يجب أن نعاملهم بغير ( الدعس ) .

وهكذا دواليك .. حتى صرت بثالث ثانوي .. ابن امه يفتح فمه بالمدرسه .. ياكبري بعيوني اكبر طالب في وزارة التربية والتعليم . !

لكن يوم صرت بأولى جامعة .. صرت انظر بنص عين لطلاب المدارس ..

سامحوني يا أحبتي الطلاب .. الحين بتحسون انكم اقوياء لانكم بالثانوي .. لكن بتحسوا فيني لا صرتوا بالجامعة ..

شعور غريب .. ومزيج من التناقضات !

طولت صح ..؟!

أعضاء الصفحه الرابعه .

( اليوم مافيه ابيات < فكه

)

(42)

كان هنا

مرحبا درحمان .. حياك الله حبيب قلبي

تصدق وتامن بالله ..

أنك من الأعضاء اللي يمتلكون الكثير لكن ما يظهروا إلا القليل منهم ..

صحيح أن ردودك قصيره نوعا ما .. وبخيل في مواضيعك ..

لكن ( خير الكلام ماقل ودل ) وانت تمشي على كذا .

لاحظت من خلال حوارات كثير صارت بينا عالمسن .. أو خارجه . أنك تمتلك عقليه مب بسيطه .

كل ما أتمناه اننا نشوف لك موضوع ..

تراك كوميدي :$ ولا نسيت يومياتك ياهنيدي المجلس ؟!

الله يعطيك العافيه سعيد بحضورك يادرحمان ..

ربي يحفظك ..

...

(43)

al3z

حياك الله وبياك اخوي ..

أحرجتني بكلماتك الجميلة .. وكل ما أقرأ أنك بكيت يضيق صدري .

الله يرحمها يارب .

يعطيك العافيه اخوي وشهاده كبيره اعتز فيها والله .

ماننحرم منك .. سعدت بتواجدك .

...

(43)

RO7_ALHILAL

مرحبتين ، مرحبتين . وينن هالدبيكه وين .

حياك الله وبياك مشاري .

ياخي أنت بعكس بعض الناس الكثيرين .

أنت ( قليلين ) يعني قليل .. يعني كل وين ووين نشوفك !

مسنتر بالمسن 24 ساعه ، لكن بالمنتدى ماعدنا نشوفك مثل أول .

الله يعطيك العافيه يالغالي عالمرور الكريم ..

وتسلم والله ..

...

(44)

هلاليه شرقااويه

حياك الله وبياك أختي بدور .

والله اني اضحك كل ما اتذكر يوم شفتك اول مره وانتي تهاوشين .

تقولي تسولفون وتتفلسفون بالمنتدى عن الهلال .. وانتم مانساندونه بالملعب ..

خخخخخخخخخخخخخ طيب أنا وش دخلني ؟!

تبيني اروح الستاد من الظهر اساند الهلال .. شدخلني فيه < مندس خخخخخخ

الله يحفظك يا اختي وانا سعيد بتواجدك بالجزء الاول والثاني ..

الا صحيح :$ رحتي القرطاسيه شريتي محايه وشنطه ولا لسا يامفعوصه :$

ربي يحفظك ..

...

(45)

z ! z o o

اهلين وسهلين يا فيصل ..

يا لك من إنسان قديم جداً .

ماودي اسب هالالعاب اللي اخذتكم مننا .

أنت ووليد وعزام .. ضحية أكس بوكس .. واضيف عليكم ( مواصل )

سعيد كثير بحضورك يالغالي .. ماننحرم منك .

دمت بأجمل حال

...

(46)

رعبوبة الزعيم

حياك الله وبياك يا رورو .

شوفي بقولك شغله .

بصراحه أنتي من الأعضاء اللي يكون تنسيقه واسلوبه من ( أبو ريالين )

ويغيب كم يوم ويرجع و يصير اسلوبه ( كيوت ) و ( حلو ) .

وأنتي كذلك .. صاير تنسيقك حلو وكيوت .. ومن زود ( الكواته ) اللي فيك تحطين فواصل بين كلامك .

الكواته = يعني كيوت .

وبالنسبه لرخصة الحمار .. هذه كاميرا خفيه .. ويلعبون على الصعيدي ان فيه رخصه للحمار .. والمدرعم الثاني هذا مع حقين البرنامج مسوي انه معه رخصه للحمار .. يبون يلحسون الصعيدي الأول

الله يحفظك يا رعبوبه .. رغم احتكاكنا البسيط ببعض من خلال الردود الا أنك عضوه احترمها بشده .

دمتِ بأجمل حال

...

(47)

مطيع

الله يعافيك ويحميك ويرضيك ويعطيك الخير ويخليك لعين ترجيك

ماننحرم منك يا أبضاي .

...

(48)

BEST_01

فهد ..

ياشين أعضاء الصيد كلهم لا جوا يتفلسفون .. وعلى رأسهم انت .

ياخي ادري ان الموضوع عجبك .. قل عجبني !

لك ساعه تتكلم بالرد وماشفت كلام يخرج معناه عن هالجمله الوحيده ( اعجبني الموضوع )

رجاء يافهد ترا ردودك مسويه ( شرخ ) في علاقتنا .

يا نترك بعض .. يا تبطل ردود .

شرايك فهد ؟ ما كتب في الأعلى هو نموذج لسماجة ( أهل الصيد ) .. امزح لا تزعل

ربي يحفظك يا فهد .. ماننحرم منك .

...

(49)

هلاليه كوول22

حياك الله وبياك اختي هلاليه ..

بصراحه سعيد أني قدرت أشوف هالوجيّه الطيبه من خلال هالموضوع ..

فيه أعضاء كثير ماسبق شفتهم .. والحين شفتهم للمره الأولى مثلك انتي .

الله يحفظك ويسعدك اختي الكريمه ..

سعيد بحضورك .

...

(50)

عاشقة الزعيم 15

حياك الله وبياك لينا ..

قبل قليل كنت امدح رعبوبه واقول ان تنسيقها حلو ..

لكن انتي مع احترامي لك .. تنسيقك كان ولا زال واعتقد انه سيظل .. من ( أبو ريالين )

مدري وش الاحساس اللي يراودك وانتي تلونين الخط .

أصفر وبني ؟ سلامااااااااااااااات

نتمنى انك تبيعي كل الخطوط والالوان الأي كلام .. وتنسقي بألوان تفتح النفس :$

شاكر لك مساعدتك بفقرة ابو ناصر يالينا ..ماننحرم منك يارب

دمتي بأجمل حال

...

(51)

العنود

الله يحفظك ويحميك يالغاليه

رحم الله والدك واسكنه فسيح جناتك .

والله اني دعيت له يا أختي .

ربي يحفظك ويحميك يارب .

دمتِ بأجمل حال

...

(52)

أحلاهم وأتحداهم ..

حياك الله وبياك أختي الكريمه أحلاهم ..

سعيد بحضورك للمره الثانيه في مواضيعي ..

ربي يحميك ويحفظك يارب

دمتِ بأجمل حال .

...

(53)

شوق الكويت

هلاااا شوووج :$

وشلونج ؟ شخبارج ؟

يشهد الله يا شوق ان لك معزه ..

بغض النظر عن عشقك ( المنفر ) لماك .. وبغض النظر عن الدكتور اللي يجيكم يوم الأثنين .

أنتي عضوه قدرتي تفرضي احترامك على الجميع .

ربي يحفظك ويحميك يالغاليه .

ماننحرم منك

...

(54)

بنوته هاديه

حياك الله وبياك اختي بنوته ..

بصراحه كل شيء كوم .. وتوقيعك كوم ثاني

واللي زي هذا ممكن ينتسى ؟

الله يذكر اتاري زمان بالخير ..

رغم تقدم الالعاب الان إلا ان العاب زمان كان لها طعم مختلف .

اما الحين كل شيء متطور بزياده ..

حتى اللي يهايط بمستواه في البلاي ستيشن .. باستراحات خميس مشيط ..

انلزخ بـ 6 - 1 .. في استراحات الرياض .

شفتي التطور إلى وين وصل ؟ خخخخخخخخخخخ

واسألي الهاوي خخخخخخ .

يعطيك العافيه اختي .

.

الصفحة الرابعه .. فينش !

الصفحه الخامسه .. تتبع !

ريكيلمي · #10 11/10/2009, 05:33 PM

موضوع رائع و جميل

<------- وده يتلزخ

لا .. بس مريت على الموضوع و قلت اعلمك اني قريته مرة ثانية

R D H · #11 14/10/2009, 11:56 PM

السلام عليكم ورحمة الله وبركاته

تحيه طيبه لكم جميعاً ..

أولا /

أشكر جميع من رد .. وجميع من قرأ .. وجميع من شارك .

كنت أتمنى أني أقدر أعقب على الردود كلها وكنت أنوي ذلك حقيقة .

لكن أعتذر لأسباب خاصة

يعطيكم العافيه كلكم .. وحبكم يكفيني .

ثانيا /

بالنسبه لفقرة أبو ناصر ..

بصراحه هو مقلب سواه أحد الاشخاص اللي يحبون ابو ناصر ويمونون عليه ..

وقاموا بالإجابه على أسئلة وكتابة اسرار خاصة بابو ناصر ..

هذه كل الحكايه ..

يعطيكم العافيه جميعا .. وممتن لكم بشكل خيالي .

ربي يحفظكم واعذروني على القصور

نلتقي على خير