¨°o.O [ دٌرّة الشخـــآبـيـط ( 2 ) ] O.o°¨ - صفحة رقم 8 - نادي الهلال السعودي - شبكة الزعيم

عتيبية هلالية · #106 03/10/2009, 01:11 AM

اهلاً ..}

يسعد أيامك ابراهيم

موضوع خفيف جداً ومن اللي يحبوه الزعماء

..اجدت كثير ربي يوفقك ..لكن في شغلتين بودي اقولها :

الاولى ..عن شذى

.. بصراحة مرة زعلت يعني مقلب وعلى شذى بعد

..! شذى من العضوات اللي تجبرك على انك تحترمها وفيه صعوبة لما بتسوي مقلب عليها

..لكن ارجع اقول نجحت كثير بهالامر

ثانياً ..عزام "السمسار الهلالي "

..عزام لماانطق اسمه اضحك

..مااعرف ليش

.. عن جد هالعضو روحه حلوة وحبوب وشهادتي فيه مجروحة

..الله يوفقه يارب

بالاخير ..جداً جداً اشكرك

..وربي يوفقك ويسعدك ..واشكر كل من له يد بإخراج هالموضوع بهالشكل ..

اختك
هوازن ..

T U R K I _ 15 · #107 03/10/2009, 09:29 AM

وشفيك على اسم تركي ... وابو ناصر

الحين ما لقيت الا هالاسماء

المره الجايه قل T U T K I _ 15 وريح عمرك

الله يكرم النعمه

وش صاروخ وع حسيت انه مليان مايونيز وثوم ومخلخل

اه بس عالرز

هذا انتم يالسعوديين يحبون ياكلون هالصواريخ والغرب يحبون يصنعون الصواريخ

اوما المقلب ههههههههههههههههههههههههههه سخيف

مبدع قليله والله .. بس لاتعيدها

مزكم وكحه ورجلي منشقه وحراره وكل شي مجتمع فيني ولا قدرت اقراه الا هالوقت ..

نشوفك على خير ويعطيك العافيه يابو يوسف ..

لاهنت ولاعدمناك تقبل مروري المتواضع جدا

FLORINTINO · #108 03/10/2009, 04:17 PM

ابراهيم .. ياخوي الفقرة الوحدة من موضوعك موضوع !
يعني لو بأقراه كامل يبغالي على الأقل يومين مع كوباية شـاي وهذاك الي انت خابر

الله لا يضرك !

حقيقة ما قريت الا أول فقرتين

أعجبتني فقرة الصواريخ
وصفت كل أنواع صواريخ المجتمع السعودي
من صواريخ الحشيش لـ صواريخ الكذب وطبعاً صواريخ الشاورما

مايحتـاج أكتب قصيدة مدح في أسلوب كتابة القصة لأن شهادتي فيك مجروحه
والواحد والله يفخر بك يا برهوم

المقلب حكـاية ثانية
الله يستر علينـا من مقالبك

مرور على السريع ان شاء الله يكون قد المقـام بس

كارلوس شخصياً · #109 05/10/2009, 07:38 PM

ياخي انا تركت المنتدى فتره والحين رجعت ، وانا اقرأ هالموضوع
وبين السطور وثنايا حرفك المميز ، لقيت حاجه غريبه يمكن محد لاحظها
ليه كل كاتب بطل تلقاه مدريدي ؟

لا جد ، موضوعك بطل اخوي ، وبصراحه ما شفت مثله
واللي قاهرن صراحه ، اني ما اشوف يوزرك برابطة الريال ؟
عسى المانع خير يالحبيب ، ودنا بكم شخبوطه هناك

سلميشن

ABNalzaeem · #110 05/10/2009, 10:33 PM

يعطيك العافيه ع الشخابيط الذهبية ..

حراام امر على هيك مجهود ولا ارد >> مستعجل

محب قاهرهم ياسامي · #111 10/10/2009, 03:52 AM

حيا الله .. اي والله ..

تصدق يابرهووم اني سسسحبت عليك سسسحبتن غير جيده ..

بسس تعرف مششاغل الجامعه وقلقهاا .. تعرف مهندسسين ..

المهم ..

موضووعك .. أبطل ابو كل شي في الحيااه ..

ولا يهوون مقلب شذى .. والله يافطسست عليه ضحك ..

لاتقطعناا عاد .. نبي متل هييك مواضيع ..

*miss SoSo* · #112 10/10/2009, 04:27 AM

لاأله الأ الله هالموضوع قريتة قبل التفعيل يعني قبل 9-9-2009

والى الحين موجود

بس والله الصراحة موضوع يستاهل يعمر بالمجلس
وودي أعلق على كل فقرة

بس تصدق اني نسيته

اقولك قاريتة من قبل التفعيل يعني قبل 9-9-2009::<<

<<أي خلاص عاد ازعجتي أمنا بهالسالفة

تقبل مروري السامج

alhawey · #113 11/10/2009, 02:24 PM

هلا وغلا أبو خليل

إقتباس


	شخصان من مدينة الرياض .. ذهبا إلى المدينة المنورة للسلام على الرسول صلى الله عليه و سلم و الصلاة في مسجده .. و عند عودتهما للرياض بالسيارة .. توقفوا عند إحدى مدن إقليم القصيم .. ليرتاحوا قليلاً .. و بعدما تناولوا طعام العشاء باكراً .. همّا بأخذ جولة حول المدينة الصغيرة .. و بينما هم كذلك وجدوا على طريقهم منتزهاً فقررا النزول للمنتزه .. ليرتاحوا فيه .. نزلوا من السيارة .. ذهبوا لبوابة المنتزه و وجدوها مغلقة .. صرخوا لمناداة الحارس .. و عندما أتاهم .. طلبوا الدخول للمنتزه .. فأجابهم بأنه مغلق الآن .. و عليهم الإتيان في وقت آخر .. عندها رفع أحدهم رأسه ليرى اللوحة .. فكاد يغمى عليه من الضحك على ما كتب عليها .. ثم سأله صاحبه ماذا بك .. أشار على لوحة المنتزه .. فلما رفع صاحبه رأسه .. قرأ التالي ( الدخول بخمسة ريال .. و الكراث مجاناً ) بالمناسبة .. واحد من هالشخصين .. هو العضو المتعصب للقصمان .. (alhawey ) . رواها لنا في أحد تجمعات أعضاء المجلس بالإستراحة .

أجل وثقتوا السالفه!

بس نسيت تقول إن البواب من حبايبنا المصريين

وأحلى شي بالموضوع يوم سألناه عن تفاصيل العرض قال: أيوه بخمسا ريال والكرات مقّـاناً!!

بعدين من قال إني متعصب للقصمان

، وين راح صديقي أنا فدا ذا النخره مقروع

مشكور يالغالي على الدره الوسيعة الصدر

واعذرني ما مريت إلا على جزء بسيط منها، بالذات إني ما وصلت للصفحة إلا بعد عناااء

R D H · #114 11/10/2009, 02:29 PM

السلام عليكم ورحمة الله وبركاته

عدنا من جديد .. والمعذره عن التأخير ..

تخبرون الواحد لا صار جامعي يكون وقته مزحوم ومضغوط << دخل جامعة وازعجنا ..

على طاري الجامعة و المرحلة الجديده .. لاحظت من خلال خبرتي .. أننا يوم كنا بأولى أبتدائي . كنا نحس أننا كبار ودخلنا مدرسه خلاص محد قدنا .. وكنا ننظر للي بالتمهيدي انهم بزارين ..

تمر سنه وتصير بثاني ابتدائي .. وتجد نفسك تنظر لطلاب أولى ابتدائي نظرة استصغار .. تقول توهم بزارين داخلين مدرسه ..

وهكذا حتى تصبح في سادس ابتدائي .. اوووه محد قدك أكبر طالب في المدرسه .. وتكون كبير في عيونك ..

لكن يوم تروح لأول متوسط .. تنظر لطلاب الابتدائي كلهم انهم مجرد ( حشرات ) لا يجب أن نعاملهم بغير ( الدعس ) .

وهكذا دواليك .. حتى صرت بثالث ثانوي .. ابن امه يفتح فمه بالمدرسه .. ياكبري بعيوني اكبر طالب في وزارة التربية والتعليم . !

لكن يوم صرت بأولى جامعة .. صرت انظر بنص عين لطلاب المدارس ..

سامحوني يا أحبتي الطلاب .. الحين بتحسون انكم اقوياء لانكم بالثانوي .. لكن بتحسوا فيني لا صرتوا بالجامعة ..

شعور غريب .. ومزيج من التناقضات !

طولت صح ..؟!

أعضاء الصفحه الرابعه .

( اليوم مافيه ابيات < فكه

)

(42)

كان هنا

مرحبا درحمان .. حياك الله حبيب قلبي

تصدق وتامن بالله ..

أنك من الأعضاء اللي يمتلكون الكثير لكن ما يظهروا إلا القليل منهم ..

صحيح أن ردودك قصيره نوعا ما .. وبخيل في مواضيعك ..

لكن ( خير الكلام ماقل ودل ) وانت تمشي على كذا .

لاحظت من خلال حوارات كثير صارت بينا عالمسن .. أو خارجه . أنك تمتلك عقليه مب بسيطه .

كل ما أتمناه اننا نشوف لك موضوع ..

تراك كوميدي :$ ولا نسيت يومياتك ياهنيدي المجلس ؟!

الله يعطيك العافيه سعيد بحضورك يادرحمان ..

ربي يحفظك ..

...

(43)

al3z

حياك الله وبياك اخوي ..

أحرجتني بكلماتك الجميلة .. وكل ما أقرأ أنك بكيت يضيق صدري .

الله يرحمها يارب .

يعطيك العافيه اخوي وشهاده كبيره اعتز فيها والله .

ماننحرم منك .. سعدت بتواجدك .

...

(43)

RO7_ALHILAL

مرحبتين ، مرحبتين . وينن هالدبيكه وين .

حياك الله وبياك مشاري .

ياخي أنت بعكس بعض الناس الكثيرين .

أنت ( قليلين ) يعني قليل .. يعني كل وين ووين نشوفك !

مسنتر بالمسن 24 ساعه ، لكن بالمنتدى ماعدنا نشوفك مثل أول .

الله يعطيك العافيه يالغالي عالمرور الكريم ..

وتسلم والله ..

...

(44)

هلاليه شرقااويه

حياك الله وبياك أختي بدور .

والله اني اضحك كل ما اتذكر يوم شفتك اول مره وانتي تهاوشين .

تقولي تسولفون وتتفلسفون بالمنتدى عن الهلال .. وانتم مانساندونه بالملعب ..

خخخخخخخخخخخخخ طيب أنا وش دخلني ؟!

تبيني اروح الستاد من الظهر اساند الهلال .. شدخلني فيه < مندس خخخخخخ

الله يحفظك يا اختي وانا سعيد بتواجدك بالجزء الاول والثاني ..

الا صحيح :$ رحتي القرطاسيه شريتي محايه وشنطه ولا لسا يامفعوصه :$

ربي يحفظك ..

...

(45)

z ! z o o

اهلين وسهلين يا فيصل ..

يا لك من إنسان قديم جداً .

ماودي اسب هالالعاب اللي اخذتكم مننا .

أنت ووليد وعزام .. ضحية أكس بوكس .. واضيف عليكم ( مواصل )

سعيد كثير بحضورك يالغالي .. ماننحرم منك .

دمت بأجمل حال

...

(46)

رعبوبة الزعيم

حياك الله وبياك يا رورو .

شوفي بقولك شغله .

بصراحه أنتي من الأعضاء اللي يكون تنسيقه واسلوبه من ( أبو ريالين )

ويغيب كم يوم ويرجع و يصير اسلوبه ( كيوت ) و ( حلو ) .

وأنتي كذلك .. صاير تنسيقك حلو وكيوت .. ومن زود ( الكواته ) اللي فيك تحطين فواصل بين كلامك .

الكواته = يعني كيوت .

وبالنسبه لرخصة الحمار .. هذه كاميرا خفيه .. ويلعبون على الصعيدي ان فيه رخصه للحمار .. والمدرعم الثاني هذا مع حقين البرنامج مسوي انه معه رخصه للحمار .. يبون يلحسون الصعيدي الأول

الله يحفظك يا رعبوبه .. رغم احتكاكنا البسيط ببعض من خلال الردود الا أنك عضوه احترمها بشده .

دمتِ بأجمل حال

...

(47)

مطيع

الله يعافيك ويحميك ويرضيك ويعطيك الخير ويخليك لعين ترجيك

ماننحرم منك يا أبضاي .

...

(48)

BEST_01

فهد ..

ياشين أعضاء الصيد كلهم لا جوا يتفلسفون .. وعلى رأسهم انت .

ياخي ادري ان الموضوع عجبك .. قل عجبني !

لك ساعه تتكلم بالرد وماشفت كلام يخرج معناه عن هالجمله الوحيده ( اعجبني الموضوع )

رجاء يافهد ترا ردودك مسويه ( شرخ ) في علاقتنا .

يا نترك بعض .. يا تبطل ردود .

شرايك فهد ؟ ما كتب في الأعلى هو نموذج لسماجة ( أهل الصيد ) .. امزح لا تزعل

ربي يحفظك يا فهد .. ماننحرم منك .

...

(49)

هلاليه كوول22

حياك الله وبياك اختي هلاليه ..

بصراحه سعيد أني قدرت أشوف هالوجيّه الطيبه من خلال هالموضوع ..

فيه أعضاء كثير ماسبق شفتهم .. والحين شفتهم للمره الأولى مثلك انتي .

الله يحفظك ويسعدك اختي الكريمه ..

سعيد بحضورك .

...

(50)

عاشقة الزعيم 15

حياك الله وبياك لينا ..

قبل قليل كنت امدح رعبوبه واقول ان تنسيقها حلو ..

لكن انتي مع احترامي لك .. تنسيقك كان ولا زال واعتقد انه سيظل .. من ( أبو ريالين )

مدري وش الاحساس اللي يراودك وانتي تلونين الخط .

أصفر وبني ؟ سلامااااااااااااااات

نتمنى انك تبيعي كل الخطوط والالوان الأي كلام .. وتنسقي بألوان تفتح النفس :$

شاكر لك مساعدتك بفقرة ابو ناصر يالينا ..ماننحرم منك يارب

دمتي بأجمل حال

...

(51)

العنود

الله يحفظك ويحميك يالغاليه

رحم الله والدك واسكنه فسيح جناتك .

والله اني دعيت له يا أختي .

ربي يحفظك ويحميك يارب .

دمتِ بأجمل حال

...

(52)

أحلاهم وأتحداهم ..

حياك الله وبياك أختي الكريمه أحلاهم ..

سعيد بحضورك للمره الثانيه في مواضيعي ..

ربي يحميك ويحفظك يارب

دمتِ بأجمل حال .

...

(53)

شوق الكويت

هلاااا شوووج :$

وشلونج ؟ شخبارج ؟

يشهد الله يا شوق ان لك معزه ..

بغض النظر عن عشقك ( المنفر ) لماك .. وبغض النظر عن الدكتور اللي يجيكم يوم الأثنين .

أنتي عضوه قدرتي تفرضي احترامك على الجميع .

ربي يحفظك ويحميك يالغاليه .

ماننحرم منك

...

(54)

بنوته هاديه

حياك الله وبياك اختي بنوته ..

بصراحه كل شيء كوم .. وتوقيعك كوم ثاني

واللي زي هذا ممكن ينتسى ؟

الله يذكر اتاري زمان بالخير ..

رغم تقدم الالعاب الان إلا ان العاب زمان كان لها طعم مختلف .

اما الحين كل شيء متطور بزياده ..

حتى اللي يهايط بمستواه في البلاي ستيشن .. باستراحات خميس مشيط ..

انلزخ بـ 6 - 1 .. في استراحات الرياض .

شفتي التطور إلى وين وصل ؟ خخخخخخخخخخخ

واسألي الهاوي خخخخخخ .

يعطيك العافيه اختي .

.

الصفحة الرابعه .. فينش !

الصفحه الخامسه .. تتبع !

ريكيلمي · #115 11/10/2009, 05:33 PM

موضوع رائع و جميل

<------- وده يتلزخ

لا .. بس مريت على الموضوع و قلت اعلمك اني قريته مرة ثانية

R D H · #116 14/10/2009, 11:56 PM

السلام عليكم ورحمة الله وبركاته

تحيه طيبه لكم جميعاً ..

أولا /

أشكر جميع من رد .. وجميع من قرأ .. وجميع من شارك .

كنت أتمنى أني أقدر أعقب على الردود كلها وكنت أنوي ذلك حقيقة .

لكن أعتذر لأسباب خاصة

يعطيكم العافيه كلكم .. وحبكم يكفيني .

ثانيا /

بالنسبه لفقرة أبو ناصر ..

بصراحه هو مقلب سواه أحد الاشخاص اللي يحبون ابو ناصر ويمونون عليه ..

وقاموا بالإجابه على أسئلة وكتابة اسرار خاصة بابو ناصر ..

هذه كل الحكايه ..

يعطيكم العافيه جميعا .. وممتن لكم بشكل خيالي .

ربي يحفظكم واعذروني على القصور

نلتقي على خير