¨°o.O [ دٌرّة الشخـــآبـيـط ( 2 ) ] O.o°¨ - صفحة رقم 7 - نادي الهلال السعودي - شبكة الزعيم

عاشق مدريد · #91 27/09/2009, 08:41 AM

هلا هلا وغلااا برهووم ابو خليل

كيفك ياوحش ؟

ياخي اثرك تااكي هنا ومتفلت على حقين المجلس شخابيط ولخابيط هههههـ ياخي تعال حط شخابيط عندنا بالرابطه , والا مو قد المقام مثلا ؟

,,

والله ياخي انك سويت فيني خير يوم تعطين رابط الموضوع , كنت بناام وفااضي ادور لي شي زي الناس اقراه , ومافيه احلى من قرايه مواضيعك قبل النوم << لاتفهم غلط ههههههـ

بالنسبه للصواريخ ,, يارجال ياكثر اللي يلفوون صواريخ الحين , خاصه لما تجي الرياض , امسك طريق الدائري مثلا , او طريق الجامعه بعد الساعه 3 الفجر , راح تشوووف الكثير من الصواريخ , بس يبي لك تقلط مع راعي السياره ههههـ

الله يكافينا وياك شر الصواريخ , وياجعل ربي يرزقك بزوجه صااروخ

,,
اما المقلب حق شذى غيييييير ههههههههههـ اجل كره طائره يامنسم

والله اسلوبك وفكرتك بالمقلب جديده وبنت كلب , طفشنا من المقالب ذيك اللي الواحد يرسل للثاني انت حقير وحركتك مالها داعي بعدين يتهاوشون

اهنييييك على الفكره , واهني شذى على استقبالها المقلب

,,

اما خوويك ذا اللي يسأل عن شغل ابوك توووووحفه

وااضح ان الولد طفشااان اصلا ويبي يسولف ههههههههههههـ زين انه ماقال انا اللي تعالجت عند ابو ابراهيم

عالعموم الله يخلي لك الوالد ان شاء الله

,,

اجل كراث مجانا ههههههههـ والله انه عرض بن كلب , خاصه لنا معشر القصمان

,,

اما ايه صوفيا شي ثااني

انت غلطان اصلا اللي عطيته اليوزر حقك خخخخخخـ بس والله الولد مسكين واضح انه اجتهد

,,

مقطع اليوتيوب قد شفته تراي

بس المصارية ذولا تحف قسم بالله ,, مدري من وين يجيبون افكارهم ذي ,, اطلق شي اللي جايك داعي من ورا راكب الحمار ورابط الحزام فقعت ضحك عليه ههههههههههههههههـ

,,

موضوع روعه روعه روعه ابراهيم

استمتعت صراحه وانا اقراه , كعادتك دائم متألق

لا تحرمنا من شوفتك , واذا صار شي جديد عطني بس الرابط مسن , تراي فااهي وما اعرف ادوور

لك

[ رحــال ] · #92 27/09/2009, 02:15 PM

ههههههههههههههههههههههههههههههههه
والله اني ندمت يوم زلّبت موضوعك الأول يا بعدي

.. انا من موضوع المقالب
السنة اللي فاتت و انا عارف انك منتب هيّن في هالأمور

..

قبل لا ابدى التعليق على الفقرات والله ان الموضوع من أفضل المواضيع في الشبكة

..
في كمية ضحك

هذا حالنا يا الشباب في كل صيفية

و خصوصًا اوقات الطفرة مافيه احسن من الصاروخ

..
اما ذا النصاب

.. يذكرني بواحد ايام المتوسط كان معي ، كلمة " فقاش " قليلة بحقه

<<

اجل اذكر من فقشاته ان عنده سيارة لمبرقيني شفاف

.. سبحان الله محد يشوفه غيره

هههههههههههههههههه .. هالمقلب أليييييييم

والله بعد انت لو اني ما اعرفك كان قلت ذا راعي علووم

..
بس واضح انك عرفت كيف تضبط المقلب ..

يا اني ضحكّت على اللي يبي يسولف بأي طريقة

..
بس ما شاء الله عليه قدر يوخر النوم عن خويّك احمد

..
و سالفة الكراث شي ثاني

الله يرجه عزام

ما شاء الله آية صوفيا لاقت جماهيرية كبيرة في شبكة الزعيم .. سلملي عليها هي ويّا سناء مجدي

مقطع اليوتيوب ما شفته للآن لأني احمل حلقة لطاش قديمة

..
عوافي ابراهيم موضوعك فلة و آسف على التأخير بس كنت احسب الموضوع ماصل

الغرناطي · #93 28/09/2009, 01:42 PM

موضوع جميل و رائع ..
أهنيك عليه يا ابراهيم ..
ننتظر الجزء الثالث ..

R D H · #94 29/09/2009, 02:17 PM

السلام عليكم ورحمة الله وبركاته

مرحبتين مرحبتين وينن هالدبيكه وين .!

صباحكم .. مساءكم .. ورد وجوري . .

أعتذر عن تأخري بالتعقيب على الردود ..

تخبرون الواحد منشغل بالعيد والروحات والجيّات . << مسوي أنك رحت مكان بالعيد يعني ؟!

بيني وبينكم بس لاتعلموا احد .. ثاني وثالث ايام العيد .. كنت مثل الدجاجه . أنام عقب صلاة العشاء واصحى عالفجر ..

مدري ايش جوي .. نظامي خربان طول السنه . وماعرفت أعدله إلا بالعيد .

يشهد الله أني سعيد لدرجة ماتتصوروها على تفاعلكم الطيب مع الموضوع .. احرجتوني واخجلتوا تواضعي .

نبدأ بالتعقيب على أعضاء الصفحه الأولى .. بسم الله ..

(1)

القيصر رهيب

و ما عجبي موت المحبين في الهوى ... و لكن بقاء العاشقين عجيب .

تعبت من عبارات الترحيب ياعلي .. هلا ومرحبا ومليون سهلا .. كلها صارت قديمه .

فأيش رايك بالبيت اللي جبته لك :$ نوع من التغيير .

بعدين من قال أنك لازم تكتب ياعزيزي وياحبيبي علشان تصير ذواق !

يكفيني يازلمه أنك كنت بجواري في 90 % من مواضيعي ..

ماتتأخر لحظه عن مساعدتي .. وفزعتك دايم معي .

وفوق كل ذا مسوي أنت وإياد .. بتقلبون علي ؟! خخخخخخخخخخخخخ

ياخي مشكله لا صار الواحد ناجح ومعاونيه يقلبون عليه ..

لا وفوق هذا رايح تشوه سمعتي بالمسنجر تقول روحوا شوفوا ابراهيم الـ ...... !

يعطيك العافيه ياعلي عالمرور الكريم .. ماننحرم منك يارب

وتراكـ لك فتره ساحب عالمجلس ماعدنا نشوف مشاركاتك مثل أول .

عـُد يا زلمه .

بارك الله فيك .

قُبله على جبينك العرقــان .

...

(2)

آيـة صوفيـا

و إني لأهوى النوم في غير حينــه....... لـعـل لـقـاء فـي الـمـنـام يـكـــــون.

مرحبا أبو العزم .. أجل أنا أبيض إبداعاً ؟!

يقلع ابليسك على هالتعبير .. مالقيت إلا هذه ؟!

كان ينفع تقول : أنت تنزف أبداعا ..!

لكن تبيض ؟! مااااش ماعجبتني .. تشبهني بالدجاجه الله يخسك .

اشكرك حبيب قلبي على الكلام الكبير اللي قلته بحقي ..

أحرجتني .. ماهقيتك !

وأشكرك على تحمل الفقره بصدر رحب .. وهذا كله يدل على سعة صدرك .. ناهيك عن سعة الفهاوه

يعطيك العافيه .. ولا عاد تتعودها ..

دمت بكل الخير .

....

(3)

ريكلمي

أحبك حباً لو يفض يسيره علــــــى ..... الـخـلـق مـات الـخـلـق من شـدة الـحب.

وأيضا

قد تـسربـت في مـسامـات جـلـدي .... مـثـلـمـا قـطرة الـنـدى تـتـســــــرب.

الله يحفظك يا إياد .. سعيد جداً بكلماتك الله يعطيك العافيه .

شكراً لك يا أخي ويا صديقي ..

وبالنسبه لقلبتك انت وعلي يوم ما نزل الموضوع .. مستحيل أصدقها

..

لأنها منك ..

ويعطيك العافيه على وقفتك معي بكل شي .. ما انحرم منك .

دمت بكل الخير .

...

(4)

‏Mr.RęLǻҗ

نَصَـبَ الحـب عـرشـه فـسـألـنــــاه .... مـن تـراه لـه ؟ فـدّل عـلـيـــــــك

هلا وغلا يافهد .. الحين أنت معاهم معاهم عليهم عليهم .. قلبت علي برضو ؟!

ياخي مشكله الجيل الجديد << ارحمنا ياجيل الستينات

..

لا بصراحه يافهد أنت من أشهر من نار على علم بين ( أبناء الجيل الجديد )

اللي يضمك أنت وذايب وقناص سدير وهلالي معالي وهتلر الزعيم وهالشله المدري وش تبي

<< يقالك الحين انك قديم ؟!

أشكرك على مرورك الجميل يا فهد ..

وماشاء الله عليك من الأعضاء اللي أثبتوا وجودهم في فتره قصيره ..

ربي يحفظك ويحميك . وايش رايك بالبيت اللي اهديته لك .. يجييي ؟

دمت باجمل حال

...

(5)

فتاهـْ خ ـرافيهْ ..!

حياك الله وبياك أختي الكريمه فتاه خرافيه ..

بارك الله فيك وماكان فيه داعي تتعبي نفسك وتكتبي بورقه خارجيه ..

تراني طعس وماني متعود .. كلمة شكر تكفيني خخخخخخخ

يعطيك العافيه على كل حال وتسلم يدك ..

ماننحرم منك يارب .

دمتِ بأجمل حال ..

...

(6)

إيقاع المطر

لـك عندي و إن تـنـاسـيـت ثـأر ....... في صمـيـم القـلـب غـيـر نـكـيــــث.

وأنتي عارفه وش هالثـأر ؟!

تصدقي سويتي خير يومها .. كانت المره الأولى والظاهر الأخيره اللي أنزل فيها اخبار .

وش أخبارك اختي عساك طيبه ؟ .. كل عام وانتي بخير ..

رغم أنه نادراً مانشوفك إلا أنك أخت قديره ولها كل معزه واحترام .

ومبروك التخرج << لا ياشيخ !

يعطيك العافيه على أول مرور بأحد مواضيعي .. نورتي يالغاليه .

دمتِ بأجمل حال

...

(7)

ذآيب بفن التايب .

إن كـان ذنـبـي أن حـبـك شـاغـلي .....عمن سـواك فـلسـت عـنـه بـتـائـب

مرحبتين خالد ..

بصراحه مازلت ممنونك لأنك بيضت وجهي قدام صديقي الجديد ..

زلمه ياحبيلك

أما بالنسبه للخبره في ( الصوريخ ) ..

فصاروخ الشاورما .. أنا خبره فيه ما أنكر .. خبره خبره يعني .

اما الصاروخين الثانيين .. فالخبره فيها طشاااااش !

الله يحفظك ياخالد ويحميك ..

دمت بكل الخير ..

...

(8)

SunStyle

و تـعـطـلـت لـغـة الـكـلام و خـاطـبـت ...... عـيـنـي في لـغـة الفن تصاميمك .

< ماودك تسووق ؟!

حياك الله وبياك يا أحمد

تصدق شي .. أن جميع المصممين يكون لهم لمسه خاصة في ردودهم ..

تنسيقهم يكون مختلف .. تحس فعلاً أنه فنان ..

بالذات أنت .. وقناص سدير .. ياخي أنا خاق مع تنسيق ردودكم ..

راقي جداً .. ربي يحفظك .

تسلم عالمرور الجميل ..

دمت بأجمل حال

...

(9)

مدريدي عاشق سامي

اعـتـيـادي على غـيـابـك صـعــب .. ...و اعـتـيـادي على حـضـورك أصعـب.

سسسسسسسسلك ياعزوز مشان خاطري :$

رغم أنك قاطع دايما .!

ورغم أنك مدري وش سويت بعذرية شباكي يوم مباراة العالميه والمجلس ..

ورغم انك والله اعلم .. مشتبه بأنك اللي شت الكوره على يدي وكسرت اصبعي ..

إلا أني أقدرررك ياعزوووز بشكل ماتتخيله ..

تعجبني رزانتك .. ياخي يكفي أنك ولد عم زيد ..

تسلم والله عالكلمات الجميله .. ماننحرم منك يارب

على راسي والله ..

دمت بأجمل حال

...

(10)

المشاغب

رأيـت بك بدراً على الأرض ماشـيـا ..... ولــم أر بـدراً قـط يـمشـي عـلـى الأرض.

<< مشكلتك !

حياك الله و بياك يا عريس ـآآآع ..

مب هذا اللي كنت انتظره منك يا أستاذ سلطان . تجي تخرب موضوعي بمداخلتك البايخه ؟!

عرفنا أن مزحك حلو .. لكن مزحك هذا رح يكون على حساب موضوعي .. الله يهديك بس .

عالعموم يعطيك العافيه .. وأكتب لي 20 ورقة مدح .. كثيره علي :$ ؟

ماننحرم منك يارب .. شد حيلك يابطل ( يسلم ) مافيه زود عنك !

دمت بأجمل حال ..

...

(11)

بريماكس

قـل لـلأحبة كيف أنـعم بعدكـم ..... و أنـا الـمـسـافر و الـقـلـب مــقــيـم.

مرحبتين بالـ wـمي << لا يدري شبوط أنك wـميّ .. يغار بعدين !

شرايك بالسين :$ ؟

حياك الله وبياك يابريماكس .. بصراحه المقالب اللي على وزن ( وراك مطلع عني كلام ) .. هذه مو بس مغبره .. إلا ياشيخ عاصفه رمليه تطلع منها ..

أذكر جت فتره في المنتديات .. أبثروا أمنا بهالمقالب .. وبكل المنتديات يكون الضحايا طيبين ويقعدون يقولون والله ماطلعنا كلام .. إلا بشبكة الزعيم .. والله يا فيه ملكعين هنا بشكل .

بس الحمدلله مشى المقلب على شذى .. قل الحمدلله ..

يعطيك العافيه يا إبراهيم .. اسعدني مرورك بصراحه ..

دمت بأجمل حال

...

(12)

Qnas Sudeer 20

جسّ الطبيب يدي جهلاً فـقـلـت لــه ..... إن المحـبـة في قـلـبي فـخـلـي يــدي.

مدري وش أحس فيه أنا و هالطبيب السامج ..

هلابك عبدالله .. سبق وقلت قبل قليل أنك جذاب بردودك ..

خاصة بالسمايلات الحلوه الخارجيه اللي تستخدمها ..

بس أبشرك .. ولا وحده منهم ظهرت هالمره .. عليهن علامة ( اكس ) مدري ليه .

يعطيك العافيه حبيب قلبي على الكلام اللطيف اللي قلته .. تسلم والله

دمت بأجمل حال

...

(13)

حتى ظلالي هلالي

إذا شئت أن تلقى الاقتباسات كلها ... ففـي ردود ظِــلال ستلقى ماتريد ..

بذمتك .. صادق ولا لأ ياعاشقة الكراث ؟! :$

بس غريبه هالمره ما اقتبستي كثير ..

سعدت كثير بحضورك يا ح ـت ح ـت ..

لوجودك رونق خاص بك ..

صحيح أنك توك صغيره .. بس فارضه احترامك واسلوبك .. وكله بأخلاقك وسعة صدرك ..

يعطيك العافيه عالمرور الكريم وماننحرم منك

دمتِ بأجمل حال

(14)

وليد القحطاني ..

شديت إحساسي بأسلوب بارع .. خليتني في الناس ماني من الناس .

رغم أنك سحبه :$

للمره الثانيه ماتعدل الحجز .. علي قالي انك تقول الموضوع طويل ..

ياخي دامك شفته طويل وراك ترد :$ ايه صحيح ..

يكفي وجود اسمك بموضوعي ..

حياك الله ياوليد وبياك

دمت بأجمل حال

أنتهت الصفحة الأولـى ..

يتبع الصفحة الثانية ..

متآبعه بصمت · #95 29/09/2009, 03:06 PM

عوااافي برهوم

ــــــــــــــــــــــــــــــــ

7
7
7

أنا قلق يا نشبه

!
.........................................

Mr.Scrub · #96 29/09/2009, 03:08 PM

^
وخري يآقلق

..
^
^
يووووه مشوآآر يآخي

ابرآهيم بالله إذا وصلت للصفحه 6 , عطني خبر

من أول مآنزلت الموضوع وأنا ودي أرد , بس مدري شقول !!
حتى أني دفعت للبرنس كآكآ فلوس علشآن يكتب لي كلآم حلو , بس رفض

الله يعينك على الردود

, وطلبك تم

يعطيك العافيه , والله يوفقك

MaLik74 · #97 30/09/2009, 04:42 PM

موضوع على قولتهم , متعوب عليه .

أشكرك يالغالي على هالموضوع المميز , شخابيطك كثيرة والله !

وانا مالي بالطويلة

, أشكر الفنانة عسيريه على هالتصاميم اللي تفتح النفس

.

تقبل مروري العطر << وآثق

أخوك مالك

MaRoUaNe · #98 01/10/2009, 03:16 AM

والله لو أتكلم عن موضوعك لين بكرى مايوازي إبداعك يا إبراهيم

عليك فقرات جميله جداً

<< كل فيس يعبر عن فقره ..

بإنتظار الجزء 3 و4 و5 و6 و و و و و وإلخ..

وردة الهلال · #99 01/10/2009, 04:11 AM

إن كآن للإبدآع مـركز فهـو أنت

أعجبني المقلب كثير كثير

بس آيـة صوفيآ صرآحة توحفه جوآب سؤآلكم الأولي

أجل آيه صوفيآ

أستمتعت كثير كثير بهالموضوع ننتظر القآدم إن شآء الله

إن ربي كتب لنا عمر ونلاقيكم

أستودعك الله الذي لاتضيع ودآئعـه..

GoldenEngineer · #100 01/10/2009, 04:14 AM

أخونا العزيز إبراهيم ..
فكّرتَ فأبدعتَ فأنتجتَ فأمتعتَ فـ... << خلصت ،،

ماذا يمكن أن أقول ؟! وماذا يمكن أن أترك ؟؟

كل فقرة أروع من أختها ..
أعانك ربي على كل خير ..

إقتباس

من جد خط بنّاتي !!! << سبحان الله ، خطوط البنات - الجميلة منها - كلها مثل بعض ..

الله يعطيك العافية أخونا الرائع إبراهيم ، أو كما يحلو لعشاقه RDH !!

..
والله يعطيك العافية أختنا المبدعة دائماً - ما شاء الله - عسيرية ..

تحية طيبة ..

..

ترف · #101 01/10/2009, 04:45 AM

ما شاء الله عليك اخوي

موضوعك ابداع قليل في حقة

اكثر شئ عجبني المقلب في شذى
مع إنها ما تستاهل

لكل من شارك معك في إخراج الموضوع

الله يعطيكم العافية يارب

R D H · #102 01/10/2009, 08:26 PM

عُدنـــا .

تحيه طيبه لكم جميعاً ..

أعضاء الصفحه الثانية ..

(15)

Mr:A.w

ما عالج الناس مثل الحب من سقــــم ..... و لا بـرى مـثـلـه عـظـما ًو لا جــسـداً.

لا فهمت معناها علمني !

تحيه طيبه لك يالغالـي .. على ما أعتقد سألتك المره الماضيه عن معنى يوزرك .!

والظاهر انه انسحب علي بالجواب .. داري انك مارح تجاوبني إلا لما أعلمك عن معنى يوزري !

إقتباس


	محبك : سليمـــآN

لو ما يجي من ردك الا هالحركه يكفيني ..

تقبل تحيات أخوك / إبراهيـ M << والله فنان !

...

(16)

мя.ħάίţħάм

سـوف تـلهـو بـنـا الـحـيـاة و تـسـخـر ..... فـتـعـال لشخابيطي الآن أكـثـــر

حياك الله يا هيثم باشا .. ترا ما أعرف أسوق !

سعدت كثيراً بحضورك ..

تبي شي أسمج من اللي بتوقيعك ؟!

إذا لمسك أحد من الخلف ..

فانتبه على روحك !

ها من أسمج ؟! :$

يعطيك العافيه يالغالي .. ماننحرم .

...

(17)

هلالي من أرض اليمن .

لو يـجـازى الـمحب من فرط شـوق ...... لـجـزيـت الـكـثـير من أشـواقــي

طارق .. سبق وأن قلتلك أني ودي أزور اليمن .

أبشوف هالبلد اللي أنجبت واحد مثلك .

ما أحب امدح بهالطريقه بالوجه .. لكن دايم أمدح بك عند الشباب .

بصراحه ثروة .. ومعرفتك مكسب .

الله يعطيك العافيه عالمرور الجميل ..

ماننحرم منك يارب .

...

(18)

الهنوووف

مـا طـلـعـت شـمـس و لا غـابـت ...... إلا و إبداعك يسري كالماء .

أهلين وسهلين بشريكة النـ ج ـاح .. الهـ ن ـوف << ماسكه معي أصير كيوت :$

بصراحه مدري ايش اقول .. لأنك عارفه وش الكلام اللي ممكن أقـوله ..

يكفي أقول .. أنك كنتي قدهـا وقدود وما خاب من أعتمد عليك .

الله يوفقك ويحميك .. شاكر لك كل شيء ..

دمتِ بأجمل حال ..

...

(19)

Hala Madrid

يالبـا مدريد ولبا اللي فيها .. ويالبى قلبك مادامك تبيها .

حيا الله زيد .. و ح ـيا الله كل مدريدي جا للمجلس .

أحلى تسجيل حضور يالغالي ..

تسلم على المرور اللزيز .. ماننحرم منك يارب

دمت بأجمل حال ..

...

(20)

ع ـشقهــا هـلالـي

رهيبة أنـتِ كالـطفولـة كالأحـــلام ..... كـمسلسلاتك الهبله من اليابان .

أمزح أمزح .. مابي أحكم على شيء ماشفته ..

بس مدري وش جوك ؟ مسلسلات يابانيه ؟

تتوقعي في المستقبل القريب يتم دبلجة المسلسلات اليابانيه .. باللغه العربيه ؟!

عن نفسي اقول بتطلع بايخه .. المسلسلات التركيه ممكن نبلعها لأن أشكالهم تشبه الشاميين .

أما ياباني .. ويتكلم عربي .. ماتجي !

يعطيك العافيه أيتها الفالنساويه على المرور الخفيف .

ماننحرم منك .

دمتِ بأجمل حال .

...

(21)

شمـ v.i.p ـوخ

يعجبني الشموخ بأوصـاف مـجـــردة..... في القلب منهـا معانٍ ما لها صــور.

حياك الله وبياك أختي شموخ .

تصدقي إني حتى هذه اللحظه .. أتلخبط مابينك وبين ( ملكة الورد ) ..

اللي أعرفه أنـه فيه بنتين يقربون لـ ( أيام هير ) ..

وحده رسامه .. والثانيه طباخه واشتركت بمسابقة الطبخ .. او يمكن الثنتين اشتركوا بالطبخ .

لكن من هن .. أنسى !

عالعموم شاكر لك حضورك يالغاليه ..

لك كل التقدير والإحترام .. ربي يحفظك .

ويشرفني حقاً أني أحظي بمتابعتك وقراءتك لكتاباتي .. شرف كبير .

دمتِ بأجمل حال .

...

(22)

هلاليه محترفه

ترحيبة ٍ تنبع في جدّة إلى دبي .. رحبت بك ألفين مرة و بك سفَرْت

حياك الله أختي ..

فجأه طلعتي ؟! من وين جيتي ؟!

أول مره أشوفك .. ودي أنفض المنتدى عن بكرة أبيه .

يا أحس بيطلع لي ( هلاليات محترفات ) كثييير .

سعدت بحضورك الله يحفظك .

كانت الأولى .. وياليت ماتكون الأخيره .

دمتِ بأجمل حال

..

(23)

ياسر الكاسر

يامرحبا وْسهلا بـِـضيف ٍ لفانا .... يزهى بك الــــزاخــــر وينثر لك أزهـــار

هلا بك يالكاسر .. الله يعافيك يالغالي .

لاتحرمنا من طلتك .

دمت بكل الخير .

..

(24)

Blue Sun

لك العين قبل المكان يا لافي علينا ..... تبحر ترمح تزخر ونقول حياك يا لافينا

اهلين وسهلين بالغالي فهد .

يـاخي تصدق أني اتمنى من أعماق قلبي انه تمشي امورك بالمكان هذاك .

علشان نكون مع بعض زملاء :$

الله يوفقك يافهد .. شخصيه احترمها واقدرها .

ولما شفتك خارج النت قدرتك أكثر ..

يازين ابتسامتك .

زمان والله عن أف أف أف ريحه هههههههههههه

الله يحفظك وماننحرم من حضورك يارب ..

دمت بكل الخير .

....

(25)

كَلْ اَلْـ حَ ـيَاةْ

رعى الله الأحبة حيث حلّوا
لهم في القلب مرتحل وحلُّ

حياك الله يا صديقة عاشقة الكراث

أهنئك بقلمك .. وبمواضيعك ..

أعتقد أني سبق وأن أبديت إعجابي بذاك الموضوع المليء بالـ ( الخواطر )

وأهنئك أيضا على عاشقة الكراث .

صديقتك ثمينة . ربي يخليكم لبعض

الله يحفظك يا أختي .. سعيد جداً بكلماتك وماننحرم منك .

دمتِ بكل الخير .

...

(26)

عسيريه

يامرحبا لو تـــنقسم في رســــــايل
مليت عسير اوراق ترحيب وعطاير

هلا بشريكة النجاح .. هلا بـ ( أكوس مصممه )

تعرفي وأعرف أن المديح لن يضيف لك شيء .

فتاه كفو .. الله يحفظك ويخليك لأهلك .

ما أدري وش أقول .. لكن أشكرك على كل شيء مجدداً .. تصاميمك أعطت شكل فخم للموضوع .

ما بيدي إلا ادعي لك .. الله يوفقك ..

دمتِ بأجمل حال

...

(27)

ملك الثواني9

لو برحب كم برحب لو بـــزيد .. ما بكــفي من وداده بالفـــــؤاد

لو منت مدريدي ماكنت قلت كذا .

امزح .. الله يحيك ويحفظك يالغالي ..

سعيد بحضورك .. ماتحرمنا منه .

دمت بكل الخير .

...

(28)

NONY-991

يا مـــــــرحبا مليون واهلا بـك الفينا
هــــلا عدد ما غـــــرّد الورق بلحونه

حياك الله وبياك يا نوره .

سعيد كثير بحضورك .. الله يجزاه خير صاحب هالقروب اللي خلانا نعرف هالوجيّه الطيبه .

بالنسبه لولعت ولعت .. يوم أقولها كانت شذى مرسله لي رسالتها وهي معصبه شوي ..

ففرحت كثير وقتها .

الله يحفظك ويحميك .

دمتِ بأجمل حال

...

انتهت الصفحة الثانيه .

يتبع الصفحه الثالثه .

A.s.Q · #103 02/10/2009, 12:11 AM

ههههههههههههههههههههههههههههههههههه
متعه ؛ هالموضوع
بصراحه استمتعت بكتاباتك خيي وبطرحك الراقي

وأكيد انا من المتابعين وبشغف لـ الجزء الرابع

يعطيك العافيه وكل من ساهم بإنجاح الموضوع *

مدريدي جداً · #104 02/10/2009, 07:15 PM

ابراهيم...

كالعادة...

تخرج لنا بمواضيع خارقة للعادة...

لا أستغرب إبداعك لاني أعرفك...

مزيداً من الإبداع و التميز...

تحياتـ ي ـــ

R D H · #105 02/10/2009, 11:02 PM

أنا جيت << متعشي مع الصخره أمس .

أعضاء الصفحة الثالثه .

(29)

abo_nasser

مرحبا بك يا غاليين من البال الوسيع
والجماله يا عسانا نطول اسبابها

ماعليكم زود والطيب عندنا ما يضيع
أنا وعبدالوهاب حاسبين حسابها

هلابكـ فـلاح .. أو كما يحلو لمعجبيك .. فلووحه .

لك معجبين كثر .. وازدادوا بعد ماعرفوا سالفة القدور وسراويل السنه .

أنا سبق وعقبت على ردكـ هذا ..

لكن تقديراً مني لسراويل السنه .. رح أرد عليك مره ثانيه .

تصدق يا فلاح .. البني أدم هذا كائن عجيب .

سابقاً لو أحد سالك عن سالفة القدور .. كان وجهك بيصير علبة الوان .. وانواع الارتباك .

ولو أحد طلب منك تكتب السالفه في المنتدى .. كان أهون عليك تتوقف ولا أنك تكتب السالفه هذه .

لكن اثبتنا من جديد .. أنه حينما نضع البني أدم أمام الأمر الواقع .. يختلف كل شيء .. كل شيء .

لم تقبل بأن يدري أحدهم بسالفة القدور .. لأنك خائف من المستقبل .. خائف من ردة الفعل و ( الذبات ) و ( المسكات ) .

والحل المناسب هو اننا وضعناك امام الامر الواقع ..

رضيت أم لم ترضى .. ها أنت أمامه ..

وها هي النتائج امامكـ .. كلهم دروا .. صار شيء يعني ؟

لكن ما أدري ليه خطر في بالك عبدالوهاب أنه هو خلف هذا المقلب ؟!

المهم .. لا داعي الأن لإطالة الحديث ..

فالجميع قد تخيل أنه يسمع صوت القدور وهي تسقط أرضاً ..

لكنه لم يتخيل جمال الصوت الذي خقق :$

أيستحق أن تسقط القدور من أجله ؟!

أم أنك كما الثلج .. تذوب من أبسط الأمور :$

تسلم عالمرور حبيبي .. واشكرك على سعة صدرك ..

قبل لا أختم .. جاوب بيني وبينك ..

وش رايك بـ ( البومبا ) أو ( الخابور ) اللي عطيتك ؟ :$

كانت مفاجئه صح .

الله يوفقك .. أحبك يافلوووحه .

...

(30)

فيلسوف

خيول الشوق مسرجةٌ إليهم
تبارت حيثما ساروا وهلوا

حياك الله وبياك أيوب باشا .

شهاده أعتز وأفتخر فيها لأنها من شخص قدير مثلك .

الله يحفظك يالغالي سعيد بتواجدكـ بمواضيعي بالفتره الأخيره ..

شرف كبير .. لا تحرمني منه .

دمت بكل الخير .

...

(31)

مَاهِينُورْ

يا مرحبا عد ما صب المطر
وعداد ما برقه يسابق راعده
بك يا اصيلة من بد البشر
و إرحِبِ و حَيَّاك بساحة رائده

أهلين حنـين .

أنتي من الأعضاء اللي شخص لازم أنه يستغل أي فرصه تجيه علشان يمدحكـ ..

مع أن مثلك ماينتظر المدح .. ومثلك المدح مايضيف له شيء ..

لأنك أصيله .. وأسـاس الأصاله أنكـ تسوي الشيء الطيب فقط لأنه طيب .. ليس لإنتظار مقابل أو كلمة مديح ..

محبوبة الكل ماشاء الله عليك .. الله يحفظك ويخليك لأهلك ياحنين ..

لكن ودي اني اشوف لك موضوع .. قبل لا أموت !

اضمن لك من الحين أن الردود بتكون مثل الرز ..

يكفي أن ماهينور اللي منزلته .

الله يحميك ..

دمتِ بأجمل حال

...

(32)

شبوط

هلا بك ملايين عدد ما تقول : يا سميّ .
ويا مرحبا بك كثر الملفات اللي تزورها .

حياك الله حبيب قلبي تركي .. أسفرت وأنورت ..

يا تركي أنت من الشخصيات اللي يتم تحليلها في المعامل وأثبتوا فيها أن الإنسان أساسه ( جلد حنفيه )

فرصه سعيدهـ حبيبي .. نورت الموضوع يا سميّ الشعب .

(33)

9 الهلال

نورت وأسفرت مراحب يالغلا ..

تحيه طيبه لك يالغالي .. فرصه سعيده بحضورك ..

لا تحرمنا تواصلك ..

دمت بخير .

...

(34)

الصـخـرة

هـلا بـالـلـي وصـل عـطـره قـبـل مـاتـوصـل مـراكـيـبـه
مـثـل غـيـث قـبـل يـاصـل يـجـي ريـحـه ونـهـلـي بـه

بصراحه مدري وش أقول لك يا أبو صالح ..

دايم تحرج الناس بأخلاقك وطيبتك .

الواحد مر على أماكن كثيرهـ .. مر على منتديات كثيره .. لكنه كان يبحث دائماً عن المعرفه الطيبه اللي لما يجي يطلع من مكان معين .. يحس نفسه : كسبان .

وبالتأكيد مروري بشبكة الزعيم .. أنا كسبان لأن عرفت رجال مثلك وشرواك ومثل الشباب الطيبين .

وبعدين يوم تقول أني وعدتكم بالكنافه ولا شفتوا شي .. أنت قد هالكلمه ؟!

يعني يقالك تبي تهيظني علشان اجيب كنافه ؟!

الكنافه جايبها بس احجزوا استراحه .. وخل عبدالوهاب يسحب كلمة ( مقروع لو جبتها ) هذا إن كان ( الانسحاب ) مطروح بكلمات مثل هذه في قاموس ( بني قحطان

) .. مع اني ماظنيت . :$

وبالنسبه لإقتراحك .. الفكرة في درة الشخابيط ( أنها مش مجله ) ..

لعلك فهمت .

دمت صخرة .. ودمت عزيزي . ودام عزك خخخخ

...

(35)

لحن الروند

سلامي عدّ ماهب الهبوب
واعداد ما نسنس الغربي علينا
سلام مرشوش برشة العود
سلام لك واجب منّا وعلينا

حيا الله أهل الغربيه كلهم ..

اسمك جميل وعجيب بنفس الوقت ..

الروند .. اعتقد انها نوع من انواع الزهور ؟!

عالعموم سعيد جداً أني كسبت قارئه ومتابعه مثلك ..

لا تحرمينا من تواجدك أختي .

ربي يحفظك ويحميك ..

دمتِ بأجمل حال ..

..

(36)

همس الحراير

أقــدم لـك تحــياتـي وســــلامـــي
جـــواب يــوم بــــادرتي بالتحـــيه

حياك الله وبياك أختي همس ..

مساك الله بكل سرور ونور ..

ودوم الضحكه ان شاء الله ..

وصدقيني يشرفني ويسعدني أني أشوف أشخاص مثلك يبدوا إعجابهم بموضوعي ..

الله يحفظك ويحميك يارب ..

تحيه طيبه لك .. ماننحرم منك تواجدك .

دمتِ بأجمل حال ..

...

(37)

ماجد مقبل

يا مرحبا ترحيبة ترفع الــــــــراس
نفخر ونذكر في وجود النشاما

حياك الله وبياك أخ ماجد ..

أسفرت وأفسرت وأرسفت ياصديقي .

ههههههههه اجل تذكرت المنتدى اللي بالي بالك !

وش جاب هذاك المنتدى السامج بس للمجلس !

يعطيك العافيه وشكراً عالمرور .

دمت بكل الخير ..

(38)

رائدة الزعيم

هـلا بـك عـد مالشمس المطـله
هلا بك عـد ايام الزمــــــاني

هـلا بك عــــد ماهـلت اهلـــه
وعـدد مـافاح عطر الزعفراني

حياك الله وبياك يا رائده ..

شرف كبير لي أني اسمع هالكلمات منك ..

الله يعطيك العافيه اختي ..

ليس هناك لبس في مقابلة أبو ناصر ولا هم يحزنون ..

بس تخبرين الرجال جت له ( ارتكاريا ) يعني حساسيه من سالفة القدور .. وتأثيرها واضح عليه .

الله يحفظك ياعريب ..

دمتِ بأجمل حال ..

...

(39)

متابعة بجنون .

ياهلا فيك واهلين ويامسهلا
خطوه بألف خطوه عزيزه علينا

حياك الله وبياك اختي متابعه ..

ماعدنا نشوفك مثل أول ..

بدايتك بالمجلس كانت مثل بداية الصخره ..

لكن الفرق ان الصخره استمر .. وانتي توقفتي ..

وبالنسبه لفقرة نصف عمرك .. حبينا نغير شوي .. ما أحب التكرار كثير .

الله يعطيك العافيه يارب ويحميك ..

سعيد بتواجدك وبكلامك الجميل .

دمتِ بأجمل حال

(40)

AHMAD.10

مرحبا بك عد ما في العام يوم
وعد ما يذن أذان وتسمعه
وعد ماجا في منامك من حلوم
وغد ما تسمع يأسم المجمعه

حياك الله وبياك يا احمد ..

لأول مره أرى أسمك .. لكن واضح من أسلوبك أنك تمتلك الإضافه ..

بإنتظاركـ أكثر ..

بالنسبة ليوزري .. فلست الأول أو الأخير الذي يسألني هذا السؤال ..

بقولها لك باختصار .. اليوزر طال عمرك مهب لي .. واحد خويي اعطاني ياه وقالي أنه حق ولد عمته ..

استخدمت اليوزر وصرت اشارك .. وبعدها بفتره اليوزر ماصار يدخل عندي يقول لي كلمة المرور غلط ..

حفرت لين كلمت الاداره .. وغيروا لي كلمه السر وصرت ادخل ..

بعدها بفتره جتني رساله من مستر قول .. يخبرني أنه فيه واحد مزعجهم يقول لهم أن هاليوزر يوزره ..

فقلت لهم السالفه .. عاد انا ماخذ اليوزر وهو مافيه إلا 30 مشاركه ..

يبي ياخذه عقب ما صرت انزل فيه مواضيع ..

والله ياهو يسمع بها !

هذه السالفه حبيب قلبي ..

يعطيك العافيه ..

دمت بأجمل حال

...

(41)

عيال حمايل

يا مرحبا ترحيبة البدو لسهيل
واعداد ما هبت سحايب مطرها
يا مرحبا يا ريحة الورد والهيل
لا هبت النسمة وتطاير عطرها

حياك وبياك أخي مستر مفتاح ..

تمثال حته وحده .. أنت كذا رفعت فيني بشكل خيالي ..

وكبير علي هالكلام ..

تسلم حبيبي سعيد بحضورك والله ..

الله يحفظك ويحميك يارب

دمت بأجمل حال

...

الصفحه الثالثه انتهت .

يتبع الصفحه الرابعه .