إقتباس الرسالة الأصلية كتبت بواسطة Mr.pHp الـسلام علـيكم اول شـي يـعطيك العـافـية يـاتـركي ،، حـبيت اسـئل سـؤال واحد فقـط مـاتـلاحظ ان رابـطة التنـس مهمـلينها ! يـعني الـروابـط الثـانيـة تمتـلك محـررين ! بـ عكس رابـطة التنـس ! رغـم وجود اعضـاء ممـيزين فـي الرابـطة ! يـعطيك العـافـية يـا تـركي

هلا والله

والله يابعدي ماحنا مهملينها واحاول اوجد وقت اني اشارك فيها والشباب مايقصرون ولو احتجتوا شئ راسلوني على الخاص والا راسلوا المشرفين وابشروا بالخير , واضفنا صور رمزيه لاساطير التنس كلهم واللي تبون تامرون فيه .

إقتباس الرسالة الأصلية كتبت بواسطة عبد الحميد محمد ما شاء الله ...

تبارك الله

إقتباس الرسالة الأصلية كتبت بواسطة مدريدي عاشق سامي السلام عليكم.. حيّ الله تركي.. حضرت و حضر التميّز.. سأبتعد عن الرياضة.. لعلّي أمنحك فترة راحةٍ قصيرة..! س/ ما نصيب القراءة من وقتك.. سواء كان ذلك (يومياً أم اسبوعياً أم شهرياً)..!؟ س/ هل لديك مكتبة خاصة..؟ إن كانت الإجابة بـ نعم.. فما المجالات التي يروق لك القراءة فيها..؟ و 3 من أفضل الكتب التي قرأتها..؟ س/ هل أنت من جنوب المملكة..؟ (أرجو أن أرى إجابة محددة و واضحة) س/ رأيك بالشخصيات التالية: -تركي الدخيل: -ياسر التويجري: -سلمان العودة: -تركي الحمد: -علي الطنطاوي: -عبدالكريم بكّار: هذا ماحضرني من الأسئلة الآن.. أخيراً/ أتمنى تعديل تاريخ ميلادي إلى: 2/6/1991م - كتبت موضوعاً بمنتدى الإقتراحات ولكن المشرف عدّل التاريخ خطأً إلى 6/2/1991م اتمنى التعديل مرة أخرى.. شاكراً و مقدراً

هلا يابعدي اول شئ تاريخ ميلادك عدلناه
ياخي تصدق انت صديقي بس ماعرف اسمك

1 : القراءه والله حاليا ماعاد لها وقت مثل اول يعني الان قراءه ماتيسر من كتاب الله في اوقات معينه من اليوم فقط سواء برمضان او غيره , لكن نقول ان شاء الله نوجد لها وقت .

2 : اما عن القراءه بشكل عام فانا احب قراءة كتب السير والقصص وتجارب الاشخاص (ليست من ضمنها بنات الرياض ) وافضل كتاب قراءته فهو الكتب التي تتحدث عن سير الصحابه والتابعين .
وكذلك كتب في مجالات اخرى مثل شيفرة دافنشي , وكتاب الوليد بن طلال ولو ان لي تحفظ على بعض ماجاء فيه , وكذلك كتاب الامير عبدالله بن مساعد

3 : لا يابعدي وان كان يشرفني ان اكون من اهلها , انا من وسط الوسطى من نجد دار المجد

4 :
- تركي الدخيل: يقاطع ضيوفه كثيرا ويناقض نفسه بنفسه , وعلى الرغم من ذلك احرص على متابعة برنامجه بشكل اسبوعي وكذلك كل مايطرحه , ليش مادري .

- ياسر التويجري: شاعر جزل وذكي و (انتهازي واستغلالي)

- سلمان العودة: يعجبني كثيرا واحد متابعيه في كل مايطرح

- تركي الحمد: اللهم اني صائم بس .

- علي الطنطاوي: مادري تكفية والا لا

- عبدالكريم بكّار: سبق ان وقع بيدي احد كتبه واعجبني كثيرا , شهادتي فيه مجروحه

حياك ياصديقي

إقتباس الرسالة الأصلية كتبت بواسطة [الزعيم 2008] هلا وغلا فيك حبيبي تركي الغالي أخبارك .. وكل عام وانت بخير حبيبي .. ومبارك عليك الشهر الفضيل .. ومن العايدين قبل الزحمـة أكثر واحد أخذ إنذارات وإيقاف في الشبكة من الأخ تركي هو .. [ الزعيم 2008 ] لكـن إن شاء الله ماتتكرر ياتركي تحياتي لك يالغالي وحبيت أسلم عليك واتطمن على صحتك يالغالي وإن شاء الله تكون بخير وفي أتم الصحة والعافية تحياتي لك يالغالي

الله يحييك يابعدي ويخليك والانذارات لانك تصدر منك مخالفات وان شاء الله ماتكررها .

إقتباس الرسالة الأصلية كتبت بواسطة كان هنا !! -- الله يهديك يخوي طمرت سؤالين

ماطمرت لك شئ بس اسئلتك كلها هذي اجابتي عليها , يعني وش اقولك غير كذا ؟

إقتباس الرسالة الأصلية كتبت بواسطة George Best تركي , في شي انت وعدتني فيـه ولا جآني للحين لاتوآخذنا زود حـــرص بـس

ابشر يامحمد ان شاء الله بتحصلها باقرب وقت وارسلها لي مره ثانيه لو سمحت

إقتباس الرسالة الأصلية كتبت بواسطة دمـوع أبد يا الغالي لكني متحطم كروياً بالإضافة للإنشغال ببعض الأعمال الفنية .. هذا لا يعني أن دخولي للشبكة كان بشكل مستمر و متابع للإبداعات هنا لكن النفسية زفت للمشاركة .. اعتزال مالديني و خروج كاكا من الميلان .. ميركاتو مثل وجه جالياني .. و اذا بجي اشارك برابطة الريال ألقى نص الأعضاء متحرطمين من راؤول و اقفل الصفحة الحين عادي نسأل مرة ثاني ؟ خطر على بالي سؤال يقرقع ببالي نرى أن شبكة الزعيم تخطت في كونها واجهة إعلامية ليكون لها دور واضح على أرض الواقع من خلال إقامة دورات رياضية و تجمعات شبابية فهل هناك أفكار قادمة ليتوسع دور الشبكة على أرض الواقع بجوانب مختلفة ليس شرطاً أن تكون رياضية ؟

هلا وسام , ابد لاتقاطعنا يالغالي تراك عمود من عمدان البيت

ان شاء الله يالغالي باذن الله تعالى هناك مناشط كثيره ويتم دراستها حاليا وسيتم تطبيقها قريبا باذن الله تعالى

تحياتي لك وسام .

إقتباس الرسالة الأصلية كتبت بواسطة مطيحن تركي ولي يخليك......ممكن ترد ع الخـاص..... والله عارف عندك أشغال كتيره واهم مني...واحرجتك وزعجتك كتير... وأكيد انا أسف وأعتذر....بس انا ما أخطيت وهذا الي خلن أرد هنا....

والله يابعدي اعذرني انت سبق ان وعدت ثلاث مشرفين قبل كذا ورفعوا عنك الايقاف وبعد نص ساعه من رفع الايقاف تروح تسرق موضوع ثاني

اعذرني ماقدر اخدمك وبكره تفشلني سارق لك موضوع من موقع ثاني وناسبه لك نفسك ومدخل الشبكة معك في اشكاليات مع المواقع الثانيه

تحياتي لك

ماطمرت لك شئ بس اسئلتك كلها هذي اجابتي عليها , يعني وش اقولك غير كذا ؟

--

اقرا الاسئله زين وتعرف وش طمرت

عموما يعطيك العافيه وبصراحه ما الومك الاسئله وآآجده ..

تحياتي لك ,,

يآآآآولكم


س1 / ليش مآتفعلون العضويات الا بعد طلوع الروح

س2 /من من الأندية الاوربية تشجع

شكرآ

حيّ الله تركي في بيته
وصلت صفحة 5 في القرأءة
للأسف الي قبلوا سألو معظم الاسئلة الي في بالي
بس من إحدى إجاباتك إستنبطت سؤال .
.
سؤالي هو /
بوفون - بلاتيني - باجيو - زيدان - ندفيد
رتبهم حسب الافضلية في قلوب عشاق اليوفي
.
دل بيرو & توتي
منهو ملك ايطاليا طبعاً كروياً ؟
.
هل ايطاليا كانت تستحق كأس العالم 2006؟
.
وسلامتك

إقتباس الرسالة الأصلية كتبت بواسطة شبوط هلا بالغالي تركي ,, 1 , من خلال تصفحي لمنتدى الجمهور وجدت ان استشاري الجمهور لهم الحق في تعديل المواضيع مارايك في ذلك مبدئيا ؟ 2 , استايل شبكة الزعيم هل له فترة محددة مثلا كل 5 سنوات يتم تغييره ؟ وفقك الله لك خير , تركي

هلا والله , غريبة ماقلت السمي بس راحت عليك اسمي صار محماس

1 : لا يالغالي المعلومة غير صحيحه , الاستشاريين لهم صلاحية النقل من التقييم الى الجمهور فقط ولايحق لهم التعديل او الحذف او الاضافه في الجمهور , وليس كل الاستشاريين بعضهم فقط .

2 : لا الاستايل يتغير بين فتره واخرى والاستايل الاخير ماكمل سنتين الظاهر .

حياك

إقتباس الرسالة الأصلية كتبت بواسطة zizo4ever حيّ الله تركي في بيته وصلت صفحة 5 في القرأءة للأسف الي قبلوا سألو معظم الاسئلة الي في بالي بس من إحدى إجاباتك إستنبطت سؤال . . سؤالي هو / بوفون - بلاتيني - باجيو - زيدان - ندفيد رتبهم حسب الافضلية في قلوب عشاق اليوفي . دل بيرو & توتي منهو ملك ايطاليا طبعاً كروياً ؟ . هل ايطاليا كانت تستحق كأس العالم 2006؟ . وسلامتك

هلا حكيموفيتش

1 : رابطة اليوفي ثاني لفه يسار تجي على يدك اليمين عند بقالة ريال مدريد واسالهم
يالغالي هالموضوع يختلفون فيه الكثيرين يعني كل شخص له نظرته وله وجهة نظره بس تقريبا كلهم اساطير وماحد يقدر يفرق بينهم .

2 : ديل بييرو اكيد الملك افضل من توتي في امور كثيره وقد يكون لوجود توتي في روما دور في انه يكون اقل من الملك , بس يظل توتي لاعب كبير واسطوره من اساطير ايطاليا .

وبالنسبة لايطاليا بقولك من تعاطف مع زيزو ماتستحق اللقب , بس الفرق بين ايطاليا وفرنسا بكاس العالم ان ايطاليا عندها 23 لاعب ومدرب عن 10 مدربين , وفرنسا عندها زيدان بس وحمار وانت بكرامه جالس على دكة الاحتياط , فشئ طبيعي انها تخسر بل وصولها للنهائي يكفي وكثر خيرك يازيدان اللي وصلت هالدشرن للنهائي والاحدهم يصفون مع توجو من دور المجموعات .

تحياتي لك

الســلام عليكم , أهلاً أستاذ Mr.GoaL
سؤال على الطاير
لم قلت جماهيرية روما في شبكة الزعيم ؟
يعني أول ما أفتتحت الشبكة كانت تعج بعشاق روما ,,
أما الآن فقلوا بشكل كبير !

إقتباس الرسالة الأصلية كتبت بواسطة الغرناطي الســلام عليكم , أهلاً أستاذ Mr.GoaL سؤال على الطاير لم قلت جماهيرية روما في شبكة الزعيم ؟ يعني أول ما أفتتحت الشبكة كانت تعج بعشاق روما ,, أما الآن فقلوا بشكل كبير !

وعليكم السلام
باختصار شديد اول مافتحت شبكة الزعيم وش كان مركز روما ومين يلعب له , يمكن ماتتذكر ذيك الايام انت او ماعشتها بس ارجع للتاريخ وبتحصلها , والان وين روما ومن يلعب له باستثناء توتي طبعا

هذي اجابة سؤالك باختصار الناس تعشق الفريق البطل فيه ناس تغير فرقها اذا جلس سنتين بدون بطولات وعلى النقيض تماما فيه ناس تشجع فريقها حتى لو هبط للدرجه الثانيه

------------------------

انا مسافر ياشباب واتمنى من المشرفين اغلاق الموضوع , لن استطيع الاجابه على الاسئلة بعد ذلك فقط دخلت من اجل سؤال الاخ الغرناطي

هلا اخونا مستر قول ...

//

عندي سؤالين خفيفين :

الاول / ماطفشت من الردود و ( زبدت ) على الساعه اللي صرت فيها ضيف

الثاني / وراه ماتشقر بالمجلس العام ... نشوفك وناخذ سواليفك ونستانس سوا

اخر مره جيت هناك حطيت موضوع عن تطوير النفس بشكل عام

واخبر كان مكانه الصيد ... بس ماجد مقبل يقول مكانه هنا (بالمجلس العام )

لأنه فيه اسئله نقاشيه ليش لا يمكنها ثغره بقوانين المجلس

استغلها ابو مقبل

يعطيكم العافية شباب

نشكر الغالي تركي على قبول الدعوة بصدر رحب .. كان ودنا المقابلة تستمر اكثر .. بس لظروف سفره نكتفي بهالقدر

شكراً لكم جميعاً

إقتباس الرسالة الأصلية كتبت بواسطة أنطونيو الرياض مدري عادي اسأل الحين او ممنوع ؟ اختيار جيد للكرسي واستمتعنا مع تركي س/ وش رايك بالنظام الي قاعد يصير حاليا وهو العضو يغلط او يدلو برأيه ولكن الرأي ماعجب المشرف نوقفه 6 شهور .. ماتحسونها كثيرهـ وبقوه ؟ س/ قبل سنه وشوي جاني ايقاف من مشرف موب من حقين العالميه .. مدري هل رتبته تخوله التدخل على اقسام ليست له ؟ وانت تقدر توقف او بس تنافخ عليهم س/ وشرايك فيني من ناحيه اني سعودي وذا ؟ وش لابس ؟ تقدر ماتجاوب كان لبسك مهب ساتر للعورهـ ودمتم بصحه وعافيه وعيدكم مبارك قبل الكل والزحمه

هلا انطونيو سجل عندك واحد من معجبيك منذ مبطئ استمر يابطل ولاتحرمنا ردودك بس ترى العوره من السر الى الركبه انتبه تطب

وثاني شئ عندي تعليق بالنسبة لتوقيعك انت وبعض الشباب , ياخوان العنصريه ممقوته وكلمة العبيد ماهي زينه وياليت تشيلونها من تواقيعكم , وللمعلومية لست من ذوي البشرة السوداء ولكن مثل هالكلام عنهم مرفوض وعن غيرهم كذلك , ولا احب احد يقول خال والا ابيض والا 110 و 220 ومدري وش , كلنا اخوان ومابينا فرق والفرق بالتقوى , انتقد تصرفاته وانتقد كل شئ بس لاتكون انسان عنصري , انت لو كنت من ذوي البشرة السوداء ودخلت المنتدى وحصلت هالتواقيع بتحز بنفسك وبتاخذ بخاطرك , فعلشاني ودي تحررها من طيب خاطر منك وكذلك تنصح بقية الاخوان لان لك تاثير عليهم , اقدر احررها بس ابيها تجي منكم بطيب خاطر وعن قناعة ثامه بالعمل اللي تسوونه وكذلك احنا كلنا مكملين لبعض سواء انا او انت او اي من الاخوان .

بالنسبة لاسئلتك :
1 و 2 : يالغالي فيه مراقبين عامين لهم صلاحية على كل الاقسام ويحق لهم تحرير اي مشاركة باي قسم كان , واللي عطاك ماهو ايقاف هو مجرد انذار وبعد التشييك على الردود حصلتك طاب في العوره الي قلت لك عليها فوق وبس يابعدي والا انا شخصيا احد الذين يستمتعون بقراءة ردودك بس ماودي عاد نطمنها للاخر ونخربها وصدقني مافيه مشرف بيعطيك ايقاف 6 شهور مثل ماتقول لان رأيك ماعجبه , اكيد فيه مخالفات انت سويتها او غيرك وبناء عليها يتم اتخاذ القرارات وصدقني المشرف يكون عنده هيستوري لكل عضو بناء عليه يتخذ قراراته

3 : انت اكوس واحد وقلت لك اني خاق معك (طبعا بعد حليمه ولبنان ) .

4 : برسلك صورة على الخاص

وحياك الله وكل عام وانت طيب يالفاكهه << على فكره انت برتقال والا تفاح << بايخه انقلع

إقتباس الرسالة الأصلية كتبت بواسطة George Best لا خلآص هونت س1 : مارأيك بوجود العنصر النسآئي في اشرآف شبكة الزعيم ؟ ( شرح كآمل الله لايهينك ) س2 : النقآش الذي تجيـده دآئما وتتغلب على الاكثريه فيـه ماهو ( ريآضي , ثقآفي , سيآسي , ديني , حيآة زوجيه , و..و.. ) س3 : رآيك في الدآعيـه احمد الشقيري بآنتظآرك

هلا محمد براحتك يابعدي

1 : والله يالغالي الفكره غير مدروسه حاليا , فيه كفاءات بالشبكة تستحق الاشراف بس الفكره لم يتم دراستها نهائيا حتى الان .

2 : والله ماعاد فيني طاقة نقاشات الان , صرت الان اذا الاخرين يتميزون بالكلام انا اتميز بالصمت , اول كنت ادخل بنقاشات اكسبها في مجال الرياضه والثقافه , اما الان فاصبحت التزم الصمت واقرأ واسمع مايقوله الاخرين , اذا وجدت بان ماساقوله سيلقى الاهتمام من الاخرين سادلي بدولي , اما الان كل النقاشات بيزنطيه وكل شخص راكب رأسه مثل مانقول وبدون فائده .

3 : بخصوص الشقيري هالمقالة تعبر عما داخلي من هنا .

تحياتي لك وسلم لي على خالك

إقتباس الرسالة الأصلية كتبت بواسطة ســ هلا ــا مــ لي ــي يآآآآولكم س1 / ليش مآتفعلون العضويات الا بعد طلوع الروح س2 /من من الأندية الاوربية تشجع شكرآ

حياك الله يابعدي

1 : والله يابعدي هذي سياسة الشبكة العضويات يتم تاخير تفعيلها قليلا وليس بعد طلعة الروح مثل ماتقول .

2 : النجم الساحلي التونسي

تحياتي لك