إقتباس الرسالة الأصلية كتبت بواسطة أنطونيو الرياض مدري عادي اسأل الحين او ممنوع ؟ اختيار جيد للكرسي واستمتعنا مع تركي س/ وش رايك بالنظام الي قاعد يصير حاليا وهو العضو يغلط او يدلو برأيه ولكن الرأي ماعجب المشرف نوقفه 6 شهور .. ماتحسونها كثيرهـ وبقوه ؟ س/ قبل سنه وشوي جاني ايقاف من مشرف موب من حقين العالميه .. مدري هل رتبته تخوله التدخل على اقسام ليست له ؟ وانت تقدر توقف او بس تنافخ عليهم س/ وشرايك فيني من ناحيه اني سعودي وذا ؟ وش لابس ؟ تقدر ماتجاوب كان لبسك مهب ساتر للعورهـ ودمتم بصحه وعافيه وعيدكم مبارك قبل الكل والزحمه

هلا انطونيو سجل عندك واحد من معجبيك منذ مبطئ استمر يابطل ولاتحرمنا ردودك بس ترى العوره من السر الى الركبه انتبه تطب

وثاني شئ عندي تعليق بالنسبة لتوقيعك انت وبعض الشباب , ياخوان العنصريه ممقوته وكلمة العبيد ماهي زينه وياليت تشيلونها من تواقيعكم , وللمعلومية لست من ذوي البشرة السوداء ولكن مثل هالكلام عنهم مرفوض وعن غيرهم كذلك , ولا احب احد يقول خال والا ابيض والا 110 و 220 ومدري وش , كلنا اخوان ومابينا فرق والفرق بالتقوى , انتقد تصرفاته وانتقد كل شئ بس لاتكون انسان عنصري , انت لو كنت من ذوي البشرة السوداء ودخلت المنتدى وحصلت هالتواقيع بتحز بنفسك وبتاخذ بخاطرك , فعلشاني ودي تحررها من طيب خاطر منك وكذلك تنصح بقية الاخوان لان لك تاثير عليهم , اقدر احررها بس ابيها تجي منكم بطيب خاطر وعن قناعة ثامه بالعمل اللي تسوونه وكذلك احنا كلنا مكملين لبعض سواء انا او انت او اي من الاخوان .

بالنسبة لاسئلتك :
1 و 2 : يالغالي فيه مراقبين عامين لهم صلاحية على كل الاقسام ويحق لهم تحرير اي مشاركة باي قسم كان , واللي عطاك ماهو ايقاف هو مجرد انذار وبعد التشييك على الردود حصلتك طاب في العوره الي قلت لك عليها فوق وبس يابعدي والا انا شخصيا احد الذين يستمتعون بقراءة ردودك بس ماودي عاد نطمنها للاخر ونخربها وصدقني مافيه مشرف بيعطيك ايقاف 6 شهور مثل ماتقول لان رأيك ماعجبه , اكيد فيه مخالفات انت سويتها او غيرك وبناء عليها يتم اتخاذ القرارات وصدقني المشرف يكون عنده هيستوري لكل عضو بناء عليه يتخذ قراراته

3 : انت اكوس واحد وقلت لك اني خاق معك (طبعا بعد حليمه ولبنان ) .

4 : برسلك صورة على الخاص

وحياك الله وكل عام وانت طيب يالفاكهه << على فكره انت برتقال والا تفاح << بايخه انقلع