مهندس بلا عمل !!! هل يعقل ! ياناس أنتحر - نادي الهلال السعودي - شبكة الزعيم

الإمبراطور نواف · #1 03/09/2009, 03:42 AM

بسم الله الرحمن الرحيم

مبروك عليكم الشهر ولو إنها متأخرة

أرجو من المشرفين أن يسمحولي بطرح هذا الموضوع والتفاعل معه لأني والله ماجيتكم إلا بعد ماتعبت نفسيا

اللي يقول خل ملفك عندنا وبنتصل عليك واللي أختبر عندهم وأنا متأكد إجاباتي صحيحه بس لاحس ولاخبر

ياناس تعبت وش أسوي بنفسي أنتحر مليت من العطالة معقوله جامعي وما أحصل وظيفة

هاذي نبذه عني:

تخصصي بكالوريوس هندسة كهربائية (إتصالات وإلكترونيات) من جامعة الملك سعود

المعدل 3,41

خريج 1/3/2009

ولي إلى الآن 6 شهور ماحصلت وظيفه ومافي بنك ولا شركة مارحت لها

العمر 24

بالله عليكم يعقل هذا الشي ياناس تعبت قدرو تعبي ووظفوني

ختاما أحب أشكركم على السماح لي بطرح مشكلتي

وأنا في الحقيقه أخو الإمبراطور نواف لكن حبيت أستعير النك نيم تبعه لأني أقدر هذا المنتدى بسبب سمعته الكبيرة

بين المنتديات أخوكم الشبابي حاتم

وأتمنى أي واحد يقدر يساعدني يتواصل معي على الخاص
مع محبتي لكم

control 20 · #2 03/09/2009, 03:57 AM

يآ رجال هو انت لحالك الحال من بعضو

الله يعين بس

ذآيب · #3 03/09/2009, 03:59 AM

هـٌوٍ آنـٌت بحآلـٌك آللـٌي كـٌذآ ,,؟

عليـٌك وٍآنـٌآ آخـٌوٍك بفيتـٌآمين وٍآوٍ ,,

el rey · #4 03/09/2009, 04:02 AM

ردد ياخوي ياليل ما أطولك ..

أهلآ بعزيزي الخريج ... << نفس دفعتك ...!

احبك يا رسول الله · #5 03/09/2009, 04:02 AM

الحين فيه تقديم ببترو رابغ

ادخل على الرابط اخوووووووووووووووووووووووي واكيد طاليبن التخصص تبعك ونفس معدلك الله يوفقك

http://www.petrorabigh.com/en/pdp.aspx

لا اوصيك اذا توظف ..دورلي واسطه بالعسكريه --الرتبه بسطار جندي اهم شي نتوظف

وجــدان · #6 03/09/2009, 04:06 AM

إيه بس لابغيت تنتحر وخّر عن الامير محمد بن نايف رجاءً --> براااا

الرزق من الله وهو اللي يوزعه بين الناس يمكن للحين مالله أراد انك تتوظف !

أصبر شوي الصبر زين وكثر أدعيه حنّا برمضان وهالشيء بيفيدك ان شاء الله

صح انه قمة القهر انك طالب جامعي ومعك شهاده ينرفع بها الراس ماشاء الله ولا لقيت لك وظيفه

بس خذ الأمور بسهاله مايكفي انها صعبه عليك بتصعبّها أكثر اذا فكرت كثير

بما أن اخوي طالب هندسه وهذي آخر سنه له أكيد انه بعد بيدوّر له وظيفه
بسأله إن كانه يعرف أحد يوظّف وان شاء الله اذا صار فيه بعلمّك

yazeed.k.a · #7 03/09/2009, 04:18 AM

اغلب الشركات تبي خبره حتى لو سنه وحده

الله يعينكـ

بعد 5 سنين تذكر كلامي

شهادة البكالوريوس كانها شهادة ثانويه

الله يعين هذي السنة بادخل الجامعة الله يستر بس

هلالي معالي · #8 03/09/2009, 04:23 AM

إقتباس

الرسالة الأصلية كتبت بواسطة ذآيب


	هـٌوٍ آنـٌت بحآلـٌك آللـٌي كـٌذآ ,,؟ عليـٌك وٍآنـٌآ آخـٌوٍك بفيتـٌآمين وٍآوٍ ,,

يمدحون هالفتيامين لو يبيعونه بتنفك ازمة الشعب السعودي كله

يا رجآل خلها على الله و ان شاء الله تتيسر امورك بإذن الله

و بكره تجي تكتب فيذا توظفت توظفت!!

S@LEH · #9 03/09/2009, 04:59 AM

آلله يكتب لك مآفيه آلخير آن شآء آلله ..

abo_nasser · #10 03/09/2009, 05:05 AM

هلا وغلا اخوي ..وصديقي في العطاله..

بس انا اجدد منك..توي عاطل من شهر 7 ميلادي..

شوف خيوو ..انت هندسه كهربائيه ..وش يوديك للبنوك..؟؟

الله يسعدك ويوفقك ..اسأل عن الشركات الكبيره اللي بالجبيل وينبع الصناعيه
وادخل مواقعها وابدا بالتقديم

الحين عندك تقديم بالخطوط السعوديه ..وكمان فيه شلمبرجير اعتقد فيه
بالنت..وسابك واذكر فيه شركة ناتبت وشركات كثيره..بس انا مضيع الحين لاني صايم<--توه يسمع الاذان..

ونصيحتي لك يا خوي..اقبل باي شركه وباي راتب ايا كان في البدايه..اجلس
عندهم تستفيد خبره ..ولما تحصل غيرهم اسحب عليهم اكبر سيفون..

وفيه نقطه مهمه جداً جداً..ذكرها ذايب بفن الزفت..<--اللهم اني صايم..

الواسطه ثم الواسطه ثم الواسطه...خل عنك المثاليه ما راح تفيدك
اذا ما استفدت من الواسطه في خمسين غيرك مستفيدين منها وممكن ماخذين مكانك

الواسطه مسويه العجايب قسم ..اجل واحد توه متخرج معي ومعدل منتهي
انقبل في ينساب وجلس فيها حوالي شهر وفصل وراح للخطوط..

ما اقول غير الله يوفقه ويرزقه..ما ني بحاسده ابد..

اسأل الله ان يرزقني واياك بوظايف تفتح النفس..

سلاااااااااااااااااااااااااااااااااااااااام

мя.ħάίţħάм · #11 03/09/2009, 05:23 AM

تكفى حاتم قل انك تكذب >> تكفى >>

محسوبك هيثم ناوي زي تخصصك .. وآخرته اذا انت اللحين متخرج بمعدل 3.41 ولا توظفت

وشلون أنا اللي توه ما تخصص هندسة ..

يعني يبيلي يالله 5 سنوات عشان اتخرج من الجامعه ..

لا تكفى حاتم لا تقول هالكلام تكفى لا تقوله ..

تصدق أن عشق هندسة كهربائة ..

اول كان ودي أدرس وانا مبتسم

بعد ما سمعت كلامك خلاص

والله تحطمت والله تحطمت

طيب حاتم تبي نصيحيتي ..

فيه شركة تبي اللي بالاتصلات اسمها بن لادن المهم تغير اسمها صارت شركة بعد

الظاهر عند الفيصيلة بمجمع الموسى رح قدم وان شاء الله تتيسر ..
انا اخوي كان موضف فيها
ومعه دبلوم من كلية الاتصلات شبكات وراتبه 5ألآف وعليها ..

عاد شوف انت رح قدم وبتتيسر

مــــ هلالي ــــوج · #12 03/09/2009, 05:27 AM

صآدزٍ أنت

..؟

حطمتني وآنآ توني بآول امشوآر

مهندس عآطل

اللهٌ يوفقك وتلقى وظيفهٌ لو حتى حآرس بآحد الشركآت

لسآ غيرك بيتخرج هندسهٌ ومآرآح يلقى وظيفه مثل حآلتك

يجيبون هالآجآنب الشركآت آرخص وآوفر لهم , وآنت وغيرك من السعوديين عآطلين , مسآكين

بس عن جد حطمتني

الذيب الصغير9 · #13 03/09/2009, 05:33 AM

يــآخوي .. والله إنـي خـآيف وأنا بدخل الجـآمعه .. الله يستر بس

والله يوفقك ويسهل عليك ويفتح لك باب رزقه يآرب

سـمـو الـمـجـد · #14 03/09/2009, 05:51 AM

خل ثقتك بالله كبيره و خلك شخص متفائل و اصبر وربك بعوض صبرك انشا الله
غيرك كثير من هم كانو في نفس وضعك وعوض الله صبرهم وحصلوا وظائف

بالتوفيق

abo_nasser · #15 03/09/2009, 05:56 AM

^
^
^

حبايب البي..

ما فيه شيء يخوف..الشركات تبحث عن الخبره بس مو دايم ..فيه وظايف
كثيره يبون فيها موظفين جدد..تدربهم الشركه وتهياهم

هذي الطريقه شركات كثيره تمشي عليها ..لانها تعتبرها اوفر لها
كيف اوفر لهم ..يبيلها شرح طويل عريض..

المهم لما ياخذون طلاب جدد ..يشوفون المعدل..وهذا اهم شيء عندهم
يعني يبيلكم تشدون حيلكم وتجيبون المعدلات الزينه..

الله يوفق الجميع..

سلااااااااااااااااااااااااااااااااااااااام