أنا بعطيك نصيحه لاتجعل اليأس يدخل إلي قلبك
أعطيك مثال صغير فيه واحد من قرابتي
تخرج من الجامعه ودور وظيفه وماحصل
جته نفس حالتك تعوذ من الشيطان وخش
سكرتي بمستشفي راتبه1700
بعد فتره كان التقديم للكليه الامنيه توه فاتح للجامعيين
وجرب حظه ودخلها الان راتبه 18000وكل مامر من عند المستشفى صار يضحك
المقصد أصبر وتوكل على الله وأترك عنك ألتوكل على الناس
لأن فيه ناس تتوكل على الناس وتترك التوكل على الله

اذا دورت وظيفة وعجزت تلقى جرب هالحل رح لبعثة لامريكا او اي دولة اوربية وادرس الماجستير

ثم تزوج وحدة من اهل البلد اللي انت عايش فيه عشان تاخذ الجنسية ثمن تعال للسعودية بعقد عمل وراتب

بالهبل هاه وش رايك بالحل

يا هلا والله وغلا ..
شف يالغالي أنت تعبت وشقيت 12 سنة في التعليم ..
و 5 سنوات بالتعليم العالي ..
يعني 17 سنة وأنت تدرس ..
والله سبحانه وتعالى ( لا يضيع أجر من أحسن عملاً ) ..
و 6 شهور ما هي كثير .. ليش مستكثرها أنت ؟
إعتبرها يا أخي فترة نقاهة بعد جهد 17 سنة !!
/،
بإذن الله ربك بيسهل لك الوظيفة الزينة ..
عليك بالدعاء في غسق الليل في هالليالي الفضيلة ..
ليالي رمضان .. ما مثلها ليالي لا تفوتها ..
الدعاء هو ضالتك .. ادع ربك يقيناً بإجابته عازماً المسألة ، وستجد ما يسرك لا محالة ..
واقبل بأي وظيفة .. وأي مرتب ..
وبإذن الله .. إن كان بإيدي أو يد أي واحد من إخوانك في الشبكة ما راح نقصر معك أبد ..
،\

وفقــــــك الله ..

الله يوفقك يارب ويكتب لك الخير
وآنت سو اللي عليك والباقي عند رب العالمين

لاعدمنااااااااااااااااااااااااااااااااااااااكـ

اعتبر وانا اخوك وظيفتك جاهزه وتخصصك مطلوب بس انت شوي كسلان معليش

تخصصك مطلوب كثير الا انك اذا كان بالمقابلة الشخصية تسقط هذا شيء ثاني

المهم وكل الدايم ووظيفتك عندي بإذن الله ارسلي رساله على الخاص فيها cv الخاص فيك ولا تشيل هم

موفق يارب

الله يوفقك إن شاء الله ,

مثل ما قالوا الاخوان , عليك بالدعاء خصوصاً إننا برمضان ,

وهذي رسالة وصلتني عـ البريد .. :

إقتباس محرك بحث التوظيف مقدم من مجموعة إدارة الموارد البشرية محرك مخصص للتوظيف يمكنك من خلاله البحث عن الفرص الوظيفية على الانترنت بضغطة زر واحدة , قام فريق عمل المجموعة من تطوير خيارات تسهل لك البحث عن الوظائف المتاحة على الانترنت عبر محرك بحث مبتكر , كل ماعليك القيام به هو الدخول والبحث في الموقع. كيف يمكنني البحث عن وظيفة ؟للبحث عن وظيفة كل المطلوب منك كتابة المسمى الوظيفي الذي تبحث عنة مثلا : سكرتير , مدير علاقات عملاء , حارس أمن وسوف تظهر لك الإعلانات المتاحة , ويمكنك تحديد المنطقة التى ترغب العمل بها مثلا سكرتير تنفيذي في مدينة الرياض .. وهكذا. http://jobsearch.hrm-group.com/

وهل الشهاده والتحصيل العلمي هو السبب الوحيد للوظيفه !!
الله الرزاق .. وانما هي سبب من الاسباب
كم نعرف ناس معاه شهادات دكتوراه وماحصلت وظائف وناس ماتقرأ ولا تكتب ورزقهم الله من الخيرات.
السر في ذلك قول الله تعالى .. ( وأمر أهلك بالصلاة واصطبر عليها لا نسألك رزقا نحن نرزقك والعاقبة للتقوى )
الله يصلح حالنا والله يوفقك الى كل خير

هلا والله اخوي حاتم ..

لا تستعجل على رزقك انت سو اللي بيدك والباقي خله على الله ..
واوقن يقين ان رزقك مكتوب ومقدر من يومك ببطن امك ..
واللي كاتبه الله لك رح تاخذه لو كل العالم وقف ضدك ..
واللي مو لك لو كل واسطات العالم وقفت معك ماراح توصله ..
واهم شئ انك تعمل بالاسباب وارضى بالقليل يأتيك الكثير ..
اعرف شخصين تخرجوا مهندسين من جامعة الملك فهد للبترول ..
وما حصلوا الا وظيفة بسيطة بشركة كبيرة ما تناسب شهاداتهم ..
الاول قبل اوظيفة وصبر عليها اما الثاني رفض وراح يدور شركات ثانية ..
اللي دخل الوظيفة البسيطة اليوم هو مدير فرع الشركة بالمملكة ..
اما الثاني ما زال مهندس عادي باحدى الشركات ..

الله يوفقك ويرزقك ..

ذكرتني بمعاناتي مع البطــاله قبل سنـــه تقريبا
و لكن الحمد لله لم تدم طويلا
ياخوي انا كنت زيك ستــة شهــور تقريبا جلستها و أنا عاطله
و كنت أتوقع اني إذا تخرجت بتوظف على طول بحكم تخصصي و معدلي العالي
لكن للاسف قعدت هذي 6 شهور بدون وظيفة مع أني قدمت في أماكن كثيره و صابنــي إحباط و تحســر على السنــوات اللي تعبتــها و درست فيها
و كان ابوي ينصحني دايما بالصبــر و يقول الناس تقعد سنين بدون وظيفــه مو شهــور

فعليك يا خوي بالصبــر و الدعـــاء في هذي الايام الفضيله و ارضى باي و ظيفة لوراتبها قليل علشان الخبرة و إذا لقيت وظيفة احسن بإمكانك تتركهم
و بعدين لا تنســى إن الارزاق بيد الله
و الله يرزقك بالوظيفة اللي تتمنـــاها

والله انا اشوف انه شي عادي انك مالقيت وظيفه الى الحين
فيه واحد من اخوياي نفسك بس هندسه اتصالات والى الحين مالقى شي
لاكن الله يوفقك اجمعين وانشاءالله انك تلقون الوظايف الي ترتاحون فيه يارب ياكريم

أسال الله أن يوفقنا ويرزقنا رزف من عنده,,,عليك بالعسكريه زي ما قالوا الاخوان بس ما أدري هل قدمت مع فترة التقديم اللي قبل الرمضان في وزارة الدفاع والطيران ,,,والحرس,,, والكلية الامنيه ,,, كلهم يطلبون جامعيين ,,, والصبر الصبر,,,

الله يكون بعونك يارب

شوف اخوي تخصصات الهندسة تجي فترة تكون مطلوبة وفترة مابتلقى فيها فرص

يعني حاول تنتهز الفرص وتشوف الوظايف الي تعرضها الشركات بين فترة وفترة


وثاني شغله والاهم لاتنسى الدعاء والحين فرصة برمضان

والاستغفار بعد ( قلت استغفرو ربكم انه كان غفارا يرسل السماء عليكم مدرارا ويمددكم بأموال وبنين ويجعل لكم جنات ويجعل لكم انهارا)


الله يكتبلك الخير يارب