هلا وغلا بالجميع..
صراحه للحين مو مستوعب اني نزلت موضوع..
لكن امري لله ..هي غلطه وصارت...والا فيه واحد يكتب موضوع بالظهر..؟؟<--يقولون ان سبب عدم استيعابه للموضوع
انه لما صحى تذكر ان فيه ردود لازم يرد عليها..

الشكوى لله
عاد يارب اخلص قبل العيد..

بسم الله...نبدا

إقتباس الرسالة الأصلية كتبت بواسطة مَاهِينُورْ × وعليكم السلام ورحمة الله هلا ومرحبا أبو ناصر كل عام وأنت بخير ~> لرمضان والعيد حياك الله أنت وفلسفتك ولو اني كأني مافهمت شي إذا تتكلم عن الراديو فعندي التعليق لا تسمع إلا إذاعة القرآن السعودية أو الكويتية أو المصرية وغيرها أما إذاعاتنا الثانية خربت , هذاك أول يوم إني أدمنت عليه من راديو جدتي الله يرحمها الأن نصف البث أغاني !! حتى في رمضان وأولهم إذاعة جدة بآخر الليل , أبحث عن شي يسليني بالسحور ما ألقى إلا أغاني وفي غير رمضان إهداءات أما الإم بي سي اف ام من زمااااان عنها بعد أن من الله على أخي بالتوبة وصار مايشغلها إلا صدق إلى الأن أحمد الحامد يقدم بها ؟ / صدَقت .. نظن أنها أناشيد وكلماتها رااائعة , لكن الموسيقى وااضحة .. وما أكثر القنوات التي تبثها ..! / \ # في إذااعة ع الإف إم تجنن بس لازم إتصال بالأنترنت اللي هي عنيزة إف إم .. أتمنى يكوون في إذاعات خاصة مثل مافي قنوات خاصة بتشغل الكثيييير من الي يقضون وقت كبير بالسيارة عن الأشرطة والهواجيس .. الله يعطيك العافية ابو ناصر وعاش من شاف مواضيعك واعذرني لو كان ردي برا الموضوع مصدعه ومن زمان عن جو الظهر بالنت اعجبني العنوان , ذكرني بالأسم القديم .......

هلا وغلا بـ ماهي نو (نور القمر&الشمس)..
حيالله حنين..<---حالف الا يذكر كل يوزراتك..

الله يرحم جدتك ويغفر لها..
الحمدلله انك سمعتي اذاعة وسمعتي الاغاني لاني حسيت لوهله اني ظلمتهم وكنت اسمه لاذاعة الرياض مو جده..

بالنسبه لاحمد الحامد للحين فيها ..وتوي سامعه قبل كم يوم ببرنامجه الفله سته بواحد..

الاذاعات الخاصه لازم تصاريح ع ما اعتقد ..وقريت قبل فتره بالنت انهم اعطوا تصريح لروتانا لبث اذاعتها في السعوديه..

الله يعافيك حنين..
وردك كان بمصارين الموضوع...

نورتي يا بنت..

إقتباس الرسالة الأصلية كتبت بواسطة 106sarona106 .....................................................

حياك..

إقتباس الرسالة الأصلية كتبت بواسطة ماجد مقبل ماشاء الله تبارك الله من زمان عن المواضيع الزينة وعن الحروف الماسية لابو ناصر حياك وبياك فوفو والله ما نقول الا الله يتسر علينا صح في رمضان تصفد الشايطين لكن في شياطين من الانس شاحنينهم يكملون المشوار الله يهدي الجميع ,,, شكرا ابو ناصر هذا الطرح وخلك على اذاعة القران والا صك الراديو دمت برعاية الله ,,,

حيالله مجودي..<----فيو..

الله يسلمك يا بو مقبل..
وش الماسيته الله يسعدك..؟؟

اللهم امين..لاهنت على المرور يالغالي..

إقتباس الرسالة الأصلية كتبت بواسطة عـز الهلال السلام عليكم ورحمه الله ,, .. مآ شاء الله .. أبو نآصر منزل موضوع السآعه المبآركه والله .. . .. شف يآ فلاح .. دآم أنك طآلع وبرمضآن و النآس صآيمه يآخي شغل الإذآآعه..} على القرآن .. و اترك الــ MBC وشلتهآ و خلها بعد رمضآن . و اذا مصمم خويك يسمع عمرو ديآب .. فــ انت صآدق ابو نوره اصرف شف الكلمآت [ يآ مستجيب للدآعي ,, جبت دعتي بسراعي يامرتجى يارحمان ] وش فررقت عن حقت ابو ديآب . .. ع العموووم الله لايشغلنآ الا بـ طآعته خصوصاً هـ الشهر سلاميشو ...

وعليكم السلام ورحمة الله وبركاته
هلا وغلا ريان..

صدقت..الافضل ان تشغل اذاعة القران والا تطفيه
الا اذا جا وقت برنامج سته بواحد رجعه ع الاف ام..

غنى بها بن عبده..وان غنى ما فيه قدووه..ما تفرق كثير..

الله يعطيك العافيه..


لي باك باذن الله..







سلااااااااااااااااااااااااااااااااااااااااام

هلا بـ أبو ناصر .

لووووووووووووووول لا ماعليك موضوعك حلو ماشاءالله .. لو أنا كاتبه في الظهر بدالك كان شفت رموز وطلاسم

إقتباس ويخلي كم شريط تحت المرتبه يقاله نساهم لانه عارف نفسه حده اول اسبوع ويحن اليها

ههههههههههههههههههههههه حلوه نساهم

إقتباس نسمع ابونوره اصرف..بعدها بلع العافيه وسكت ..لانه ما يحب يسمع لابونوره..

مالومه خويك .. إلا بجد أنت كيف تقدر تسمع لـ أبونوره!
مع احترامي لـ جمهوره إلا أن صوته ماجاز لي ... صح أغلب كلمات اغانيه تكون حلوه! لكن الصوت بعد له دور في السماع

إقتباس اتمنى اني وفقت...واتمنى ان الموضوع يستاهل القراءه

لا ماشاء الله عليك سردك كان حلو ماكانك فاصل أقصد مواصل ..



صن كيو ابو ناصر و أسمحلي أعلق ع مجود ..

إقتباس والله ما نقول الا الله يتسر علينا صح في رمضان تصفد الشايطين لكن في شياطين من الانس شاحنينهم يكملون المشوار

لووووووووووووووووووووووووووووووووول
وربي في الصميم ---> شيطانها مخلي البطارية فُل




بـ التوفيق لـ الجميع



سي يا


فيّو

إقتباس مالومه خويك .. إلا بجد أنت كيف تقدر تسمع لـ أبونوره! مع احترامي لـ جمهوره إلا أن صوته ماجاز لي ... صح أغلب كلمات اغانيه تكون حلوه! لكن الصوت بعد له دور في السماع

إسمح لي بالمداخلة ابو ناصر.

أختي الفيروسة.

إن كان صوت أبو نورة ليس بجميل أوليس حلو أو مو زين بأي لغه حابه فمعناها إن الباقين كلهم من المغنين مجرد خرفان تقول امبااااااااااااااااع.

وراي سحور ومبطل اغاني هالفتره والله ولكن أبو نوره صوته مايجوز لك .
ربما صوت مناحي أو دنحي أفضل .

تقبل مروري الثاني والملقوف أخوي أبو ناصر

السلام عليييكم
حيا الله ابو نااصر
مررريت ع المنتدى البديع واشوف اسمك يبرق
مهيب العادة مير شكله طاقتك الغلقه ياخيي
نجي للفحوى
ام بي سي اف ام مانعرفه الا بالسفر وحنا ناس مانساافر الا كل عشر سنين مره
وطاري الاذاعه يجيب لي التكاك يطري علي رادو جدتي فرعون
بس شسمه في رمضان الحمدلله الاغااني ماهنا شفقه علييه اشوى
والاناشيد اللي نصهن مزيكه (< جدتي) يطربن ذولي يفسدن الواحد
عندي بعضهن شوي واتحزم وارقص بس لامنا جينا للصدق حقات الشيعه فن
بس ماشفت اجمل من حقة العفاسي اللي بالانجليزي والاسباني تجيب العافييه


عوافي على الموضوع اللي اول ماحطيت رجلي مع بابه وصلنا اخره

يسلمووو
برايفت
شفت رد يجيب الجلطه تتكرشه ولا اكرشه عنك < عرق القصمان مايصبر

إقتباس الرسالة الأصلية كتبت بواسطة وليد القحطاني ارحب تستهبل كاتب موضوع ؟ والله من زمان عن مواضيعك اخر موضوع حق المخدرات هذااااك المهم ماعلينا , الـ mbc fm حلوة إذاا جابوا اهداءات لطلال صح انه مات الله يرحمه ويغفر له لكن يجي لها طعم ,, مثلا اغنية :- صعب السؤال - سيدي قم - زل الطرب ومن mbc fm يجيبون اناشيد في آلآت موسيقية ! خييير ياعمي ؟! المشكلة ما اعرف غير هالتردد اللي هنا .. المهم الله يهدي الجميع ولاهنت وبيض الله وجهك تقبل مروري

يالله حي وليدوووه..
ان شاءالله انك وانفينيتي بصحه وعافيه..

ليه؟..مولايق علي اكتب موضوع..؟؟
لا تذكرني بذاك الموضوع ..ياهو مشوه سمعتي للحين..

اجل حلوه لاجابوو اغاني لطلال الله يرحمه..
والله يا اني حقدت عليهم لما خصصوا يوم كامل لاغاني طلال...الرجال مات الله يرحمه وش له تطلعون اغانيه..؟؟
المشكله مو ام بي سي لوحدها اكثر من قناة واذاعه خصصوا يوم كامل له..الله يرحمك يا طلال ويغفر لك..

اللهم امين..ولا انت يالغالي..

إقتباس الرسالة الأصلية كتبت بواسطة ذآيب هـٌوٍ وٍش آللـٌي خـٌلآك تشغـٌل آلرٍآديوٍ آصـٌلآ ,,؟ كآنـٌك معـٌزٍم تسمـٌع آنـٌآشيد غصـٌب .. عـٌآد آشتـٌرٍ شسمـٌه كـٌآسيت طيـٌوٍرٍ آلجنـٌة ,, طـٌوٍل هآلشهـٌرٍ مـٌآ مرٍيت عآلـmbcfm آلظـٌآهرٍ ,, عشـٌآن تسـٌذآ مآ آقـٌدرٍ آفتيـٌك فيهـٌم ,,<_ تكفـٌى يآبـٌن بآزٍ ,, وٍآللـٌه مـٌوٍضوٍع مرٍرٍرٍرٍرٍهـ حلـٌوٍ ,, وٍآسلـٌوٍب كتـٌآبتك مرٍرٍرٍرٍرٍهـ كيـٌوٍت ,, مـٌوٍدتيّ ,,

هلا وغلا ومرحبا ..بالذايب بفن الزفت التايب..
عاد الله يصلحك ما حصلت الا طيور الجنه..قسم لادبك معهم وانا صايم..
طبعاً دبكه جنوبيه (قزوعي)..

الله يسلمك يا ذايب..
نورت يا باشا..

إقتباس الرسالة الأصلية كتبت بواسطة ^ العنود ^ انا توني قمت من النوم وحالمه اني راسبه في الانجليزي قمت ابكي <<<<<< قصة حياتها عشان ترد بعد الفطور برب . :

هلا وغلا هنووف..

بشري عساك رسبتي..؟؟<--فال الله ولا فالك..
ان شاءالله انك ناجحه ..واذا تبين دروس خصوصيه انا في الخدمه..

طييط..

إقتباس الرسالة الأصلية كتبت بواسطة شبوط هلا بالكوتش ابو ناصر ,, اللهم اني صايم اجل ابو نوره الله يهداك يامعود >> دعابه دعابه شوف مثل ماقالك الباشا ماجد ياعلى اذاعة القران والا طف الراديو سلام

هلا وغلا بالسمي...

لا تتعودها..ولا تداعبني ولا اداعبك..
تامر امر انت وابو مقبل..بس ممكن اتابع سته بواحد ..وبرنامج شوت..؟؟

وعليكم السلام..والله يعطيك العافيه خيووو..

إقتباس الرسالة الأصلية كتبت بواسطة مطيع حيالله من كتب الموضوع .. على وزن حيالله من جانا اسمح لي اتشارك معاك في النرفزة من هالأناشيد .. وما ادهى من اناشيدهم الا فواصلهم وما ادهى من فواصلهم الا ارسلوا مسج وكل هذا يهون عند اذاعة بحرين اف ام وامارات اف ام اللي حتى بنهار رمضان ردح بذا الاغاني ما نقول الا الله يعيننا على ذا الفتن .. والله يتقبل من الجميع صيامهم وقيامهم ابو ناصر حلاة من يصحيك كل يوم الله يعطيك العافية الف شكر لك

هلا وغلا ومرحبا بالخواطرجي مطيع..

الله يحييك ويبقيك..

كله كوم والمسجات كووم..
المسجات يبيلها موضوع كامل..
من جد لا قالوا لك شعب غريب عجيب...الشاب او البنت عاطل باطل ملحط مطفر
يالله يحصل عشرين ريال يشحن جواله..وبالاخير يرسل مسج اهداء او يطلب اغنيه..والرساله بخمسه ريال..
انا اللي محيرني اللي يطلب اغنيه ...هو ما يقدر يحصلها الا بالاف ام..؟؟
هذا اذا لبوا له طلبه من الاساس واذاعوها..
يا عمي خلي خمستك(يارب ما احد يشطح بتفكيره) بجيبك وروح للنت وحمل اللي تبي..

هذا كله كووم..واذا جاء ماجد الفاسي يتلفسف عليهم بمواضيعه كوم ثاني..

الله يجزاك خير يا مطيع ..خليتني افضفض..

شكلك بالشرقيه..عندكم عشرين الف اذاعه ..احنا كم اذاعه وتخب علينا..

اللهم امين اللهم امين..الله يجزاك خير اخوي مطيع..
وترا ما حد صحاني كنت مواصل عشان اروح موعد اقابل مسئول ولا قابلته..
يقولون عنده زوار..بلا في اشكالهم..

الله يعافيك ويسعدك..



لي باااااااك









سلاااااااااااااااااااااااااااااااااااااااااااااام

موضوـع في الصميم

تصلـم خيـوو

هلا ابو نويصر

وش دعوه ماسلمت ولاباركت لنا
هنا بموضوعك وهذا حنا برمضان اللهم عافنا والشيطان مربطه
نسلم الله عليك ونأخذ اجرك السلام عليكم آخ العرب
والشهر مبارك << بيطلع الشهر
نقول العشر مباركه بأذن الله افضل

لي باك بأذن الله بعد السحور ولتكمله قراءه الموضوع
واذ الله ما راد بوقت آخر

صاير بيني وبين هالوقت علاقه وطيده..
تقدرون تسمونها وله او اشتياق او حنين او تكرنه..سموها ما شئتم..
المهم ما يجي لي نفس اكتب الا هالحزه..
الله يسويها معي..ان شاءالله راح اكمل الردود..واعذرونا اذا تاخرت..

إقتباس الرسالة الأصلية كتبت بواسطة حسين المرحبي من قال ان الاغاني والموسيقي حرام تاكدوا وعلمونا

ما حد قال..لا تتبلاني يرحم والديك..

إقتباس الرسالة الأصلية كتبت بواسطة الـمـشـاغـب شوف يا أبا ناصر .. أنا توي قايم من النوم .. وريحة فمي الله لا يوريك .. لو أنفخ في فار بيطيح ميت أستغفر الله ( والذي نفس محمد بيده لخلوف فم الصائم أطيب عند الله من ريح المسك ) المهم أقول أن توي صاحي .. وعاد أنت تدري أن اللي توه صاحي ويقرأ موضوع يختلف في محتواه عن فكر الصاحي فإن ضغطه يرتفع .. وهذا ما حصل لي ..!! يا فلاح يا حبيبي يا عيوني يا مصران سرّتي وشريان قلبي .. أنت جاهل جهل مركب ..! أي أنك جاهل وتجهل أنك جاهل .. وهذه هي المشكلة يا جاهل .. إذا ما كنت تعرف الأناشيد ولا تعرف الموسيقى فلا تتكلم فيما ليس لك به علم .. محمد المازم ما استخدم الموسيقى .. وانما هي ايقاعات ومؤثرات .. اذا ما تعرف تفرق بينها فهذي مشكلتك البعض من باب البجاحة لما يسمع أنشودة فيها ايقاعات يقول : عطونا مثل هذي وبنبطل الأغاني ..! وهو كاذب والا كان بطّل الأغاني .. يكفي أن هالأناشيد كلماتها دينية والمؤدين رجال والمؤثرات وان كانت قريبة من الموسيقى إلا أنها ليست مثلها .. أما الأغاني .. فلا الكلمات ذات معنى سامي .. ولا المغني قدوة صالحة أو شخصية محترمة إلا فيما ندر .. ولا هي خالية من الموسيقى .. والرقص .. وغيرها من البلاوي ..! حتى لو افترضنا أن هالأناشيد تستخدم فيها الموسيقى .. تبقى أفضل من الأغاني مليون مرة ..! أبو ناصر أدري والله وأعرف فكرة موضوعك .. بس حبيت أتكلم عن هالنقطة لأن فكرة الموضوع أصلاً واضحة ومتفقين فيها

هلا وغلا يا بعد طوايف بليغ حمدي ومحمد عبدالوهاب..
حيالله باسطورة الموسيقى والموسيقيين..

كلش ولا ضغطك يا سوسو..ما نبي تبتلش فيك بنت الناس..
وابشر ما راح اتكلم عن الموسيقى وانت موجود يالاسطوره...
بس قبل ما ابطل مزيكا..اضغط هووون و هووون...وسلم لي على المازم يالاسطوره..

نأتي للنقطه الثانيه.
احب اسألك يا الاسطوره..ما سبب تحريم الاغاني..؟؟
الكلمات والمؤدي والا الايقاعات والموسيقى..؟؟
اتوقع ما تفرق كثير اسمع اغاني دينيه والا اغاني غزليه..لانها كلها ترجع لمسمى واحد (اغاني)


سوسو..
شرفت واَنست وانبرشت...
والمره الجايه اهجد لاتوطى ببطنك..

إقتباس الرسالة الأصلية كتبت بواسطة Blue Sun هلا وغلا ابو ناصر .. الاختلاف في الرأي لا يفسد للود قضية .. معليش اسمح لي انا اوافق خويك في رأيه .. ما يمنع ان الواحد ينطرب وبنفس الوقت يذكر الله .. بس خلنا من الاغاني الاسلامية والاغاني الهابطة .. الحين اللي فاهم رمضان على انه قبل المغرب انتبه تسوي شئ وبعد المغرب سو اللي تبي .. ناس من الربع الله يهديهم عاجلا غير اجل .. قبل اذان المغرب ما ازين منهم صلاة وذكر وقران .. ولا اذن المغرب وافطروا ما تسمع الا طرب وما تشوف الا غنوة .. واذا قلت لهم شئ قالوا خلاص افطرنا .. بالله وش السواة معهم تعبت وانا انصحهم , شكلي ببلغ عليهم الهيئة وهم يتصرفون .. يعطيك ربي الف عافية ابو ناصر على الموضوع ,,

حيالله فهد ويوزره اللي مدري وش يبي..
ليتك مخليه ثلاث افات احسن من الشمس الزرقا حقتك..

اللهم امين...صادق والله...وعندك اقرب وليد احسه مثل ربعك ..
كفشتك يا وليد ..صح؟؟

الله يعافينا مما ابتلانا..

اسعدني مرورك يا سمي خوي..

إقتباس الرسالة الأصلية كتبت بواسطة عاشقة الزعيم15 يعني بتعلمنا من موضوعك انك انسان عاقل مو سامج وانك شاطر وتعرف تفرق بين الاغنيه والانشوده مع اللحن من جد انك سامج >> تحطييم ماعليك من اللي فوق مقدمه اكتبها بس للسامجين امثالك اهلا وسهلا بالسامج عاش من قرى لك موضوع من شوي اطل بالمواضيع ادور موضوع خويتي بنوته وافتحه واقول كإني لمحت اسم مشبب بس ماصدقت لانك منذ مبطي مانزلت موضوع المهم استغفر الله في كثير اغاني يحطوها برمضان على انها اناشيد مثل اللي ذكرتهم والناس وراهم فرحانه يقال انهم مصدقين وموضوعك ذكرني كمان بأنشوده برنامج الشقيري ياخي احس فيها موسيقى بس برضو يقولوا انها انشوده مثل باقي الاناشيد الله يعطيك العافيه على تنبيهاتك ويجزاك خير مشبب سلااااااااااااااااااااااااااااااااام >> احس ماعندك وقت وانت تقولها

يالله على هالبنت..حتى وهي تذب سامجه..
يا بنت قسم تسمعين بالتحطيم..
تراك معفيه من الذب..وانا سامج وبايخ واللي تبينه بس لا تحومين كبدي بذبك..

صايره كثرانه هاليومين...ما شاءالله عليك
ما افتح موضوع الا لينا وشوشتها اللي كأنها سلك مواعين قدامي..

ما علينا..

بس يا لينا سالفة يقولوا انها اناشيد..مو حلوه بحقك..
انتي ما عندك عقل تفكرين فيه وتعرفين الصح من الغلط..بعيد عن يقولوا..
انا ما اقصد انشودة برنامج الشقيري..انا اتابع البرنامج شبه يوميا..ولكن للامانه ما انتبهت للانشوده فيها موسيقى او لا
المقصد انو معك عقل لازم تفكرين فيه وتميزي بين الامور ..بعيد عن يقولوا..

الله يعافيك لينا..
ونورتي حتتي يالتكرونيه السامجه..ووصلي سلامي لجميع سكان الكرنتينه..

إقتباس الرسالة الأصلية كتبت بواسطة عسيريه . . مقدر أنا ع التميّز ياهلا بأبو نويسر أجل نور على نور , الله يصلحهم بس ! ليتها وقفت على المغنين بس كان قلت هانت المشكله الحين أغلب المنشدين صاروا كذآ ينزلون نسخه ايقاعات (موسيقى لكن بإسم آخر ) ونسخه بدون ايقاعات , مالنا الا نترك هالخرابيط بمثل هالشهر الفضيل ونستمر بقية شهور السنه على ما بدأنا به في رمضان ~ الله يعطيك العافيه يا ابو ناسر , وتقبل الله منا ومنك صالح الاعمال مع التحيه

هلا وغلا ومرحبا عصيريه..

اقولك يا بنت..ما ودك تعلميني الفوتو..؟؟
ما شاءالله عليك مبدعه..ودي اصير مثلك مبدع فوتو..
بس عجزت وعجزوا فيني اللي حولي..

هذا ما تمناه حقيقه..السنه الماضيه برمضان قلت لنفسي ان شاءالله اواصل لبعد رمضان على ترك الاغاني
ولكن ما اعلنوا العيد الا ابونوره يحتفل باغنية العيد..

الله يغفرلنا..

نورتي يا مبدعه..وحياك الله..



راج بعد شوي..








سلاااااااااااااااااااااااااااااااااااااااااااااااام

إقتباس الرسالة الأصلية كتبت بواسطة I don‘t know برررررب.................. ^^^ مابغيت ارجع ؟؟ محمد المازم مفلس بالأغاني وبالأناشيد كلهن فاشل..! الآن كل العرب عندهم الأناشيد بآلآت موسيقية الا من رحم ربي وهم فئة قليلة الراديو لي مدة جدا طويلة ماسمعته ... خصوصا واني الحمدلله برمضان عهدت على نفسي عهد بأني مااسمع ولااغنية الا حقات المسلسلات بس اسجل اعجابي بوقت كتابة الموضوع

هلا وغلا اخوي اللي ما يعرف..

ابيك تسمح لي ان اعدي نقطة محمد المازم..لاني ما ابي اجيب العيد فيه وانا صايم..

مشكلة الاناشيد الان..اصبحت تطرح بايقاع وبدون ايقاع..او موسيقى وبدون..وصراحه ما ادري وش المغزى من ذلك..؟؟
يعني هم عارفين بالحكم..يبون يوفرون لجميع المجتمع..؟؟

مي تو..المسلسلات ما منها فكه يقطع حريشها..
بس صراحه انصدمت برد هنووو..فيه نقطه راح اناقشها فيها..وابي اتاكد منها..

ولا تتشمت علي..ترا باصيح..
نورت خيوو..

إقتباس الرسالة الأصلية كتبت بواسطة alhilali15 لأسباب أمنية صرفة. ولكي لا نأتي بعيد لم يأتي به أحد من قبلنا ولن يأتي به أحد من بعدنا . آثرنا قول جزاك الله وجعلك ممن لا يستمعون الغناء برمضان وغير رمضان. أنا لازلت أكرر أن كثير من المواضيع التي رأيتها تستوجب عدم الخوض فيها إلا بفتوى شرعيه فلاحظوا أننا نبني أرائنا وفق وجهات نظر فقط . ولكن لم أرى ردا واحدا فيه مستند شرعي لأن الموضوع في ظاهره يحرم هذه الظاهرة والأغلب وافقوه . فما هو المستند لرأيك أخي الكريم. جزاك الله خير.

هلا وغلا حياك..
شكلك طالع علي..وتقدر الاعياد كثير..

اللهم امين...بالنسبه للفتوى ما قصرت هنووو وجابتها..
وفرت علي..

امين والجميع..حياك..

إقتباس الرسالة الأصلية كتبت بواسطة Mr.Marwan هلا وغلا بـ أبوناصر (L) موضوع جميل .. والله بعض الأناشيد تقول أغاني .. لكن الشي اللي يفرق الأن الكلمات .. بدال كلمات العشق والحب تحولت إلى كلمات رزينه ولها هدف وسميت نشيد ..! لكن على طاري الرادو .. للي يحب قناة الجزيره لها تردد 954 AM << الظاهر كذا أبوناصر الله يعطيك العافيه من زمان عن مواضيعك ...

هلا وغلا حبيب البي ماروان..

شكل هالقناه ما تطلع الا بالقصيم..
الغربيه ما ظنيت تطلع فيها..
توي انتبه لـ AM صراحه هالموجه محتقرها ولا اعطيها وجه..
ابجرب وعساها ترضي ذائقتي..

الله يعافيك يالغالي..

إقتباس الرسالة الأصلية كتبت بواسطة وجــدان ., ماشاء الله ابوناصر منزل موضوع ! بس القهر ان مااقدر اتفلسف على راسك لان مالي بالراديو والحركات هذي ان سمعت سمعت لـ ام بي سي اف ام برامجهم حقت المسابقات والألعاب والا غيرها مافهم فيه شيء بس دامك تكلمت عن الانشوده والفرق بينها وبين الاغنيه عندك أكبر مغني اسلامي على قولتهم سامي يوسف صح ان كلماته دينيه بس موسيقى وعزف وطقطقه وعلى فكره ترى يمديك تسمع لأبو نوره برمضان اقصد انشودة لااله الا الله عوافي ابو ناصر

كل الناس منصدمه اني منزل موضوع..
شكلي باهريكم مواضيع عشان تبطلون تقولون هالكلمه..

هلا وغلا وجدان..

احسن..توفرين علي..

سامي يوسف..
طلع اصله ايراني ..على بالي بريطاني اب عن جد..
ايه اسمعها دايم..وعندي ملف لاختي الصغيره كله اناشيد..

الله يعافيك..

إقتباس الرسالة الأصلية كتبت بواسطة Z ! Z OO هلا والله أبوناصر ,, بديت بمقدمة مدري وش تبي وسحبني عليها عمر المغني يحاول ينشد مايضبط عليه أبداً فالمغني مغني والمنشد منشد كلامكم كله أجتهادات شخصية .. ولا كلكم ما تعرفون الصحيح والسالفة مهب بالكلامات شى فيه موسيقى خله على جنب على الأقل أول أسبوعين وترى رمضان ماقالوا فيه أسمع أناشيد وخرابيط رمضان لقراء القرآن وصلاة التراويح وغيرها من العبادات يعطيك العافية على فلسفتك أنت وخويك أري قاتو ..||

هلا الله اخوي زيزو..
ايه يمديك على المقدمه بس..
لا نويت تكتب موضوع ونشبت لك المقدمه اعطني خبر واضبطك ..

انا كلامي هو نفس كلامك الحين..انو المشكله بالميوزيك مو بالكلمات
وهم ما قالوا اسمعوا برمضان اناشيد..بس برضو ما قالوا لا تسمعوا..

الله يعافيك..

إقتباس الرسالة الأصلية كتبت بواسطة هلالي من ارض اليمن الحمدالله يبدو ان الحياة لا زال فيها أمل ... ويبدو بالفعل أن لا يأس مع الحياة ( عسى ما شر ) أخيرا شفنا موضوع لأبو ناصر وأخيرا يمكننا ان نذيل الرد بعبارة تاريخية : سلاااااااااااااااااااااااااااااااااااام تحياتي لأبن أملج الشهباء موضوعك أليم مثل ألمك مع السيد: مزعل .. الا الرجل ليش تاركينه زعلان ؟ حبيت اتشرف بوجودي في موضوعك بخصوص من يغني ومن لا يغني .. الله يصلحنا جميعا في حفظ الله ورعايته ،،،

خخخخخخخخخخخخخخخخخخخخخخخخخخخخخ..اجل املج يا طارق..
حيالله طارق..
اللهم امين...
تشرف بحضورك يالغالي..

إقتباس الرسالة الأصلية كتبت بواسطة حتى ظلالي هلالي ^ ^ يالله انكـ تخلف على اميمتهـ بالجنهـ يالله انا من شفت وقت الموضوع وانا غاسلهـ ايديني بتايد وكلوركس وفلاش بعد احد يكتب ظهريهـ رمضان لا ومين فلاح خلقهـ الوشسمهـ وشسمهـ وش عاد الظهر ورمضان يعني كل هذا اثر الي ماينام وش الي خلاكـ تجلس لذا الوقت ماتنام بس زين هالمرهـ الفصلهـ جات سليمهـ مو مثل فصلات الوشسمهـ .. اقول / اللللللللللله يخارجنا

جايه تتشمت هالبنت..
يقالك ما تعرفين وش مجلسني ذاك اليوم..
لا لا انا دايم امشي بالسليم..
عندي كنترول على الامور مو مثل بعض الناس..لما يفصلون..
خلي الوشسمه للاشسمه..

يالله احطي وامسكي ذي معك..

إقتباس الرسالة الأصلية كتبت بواسطة control 20 والله انك صادق مدري وش يحسون فيه mbc fm اشغلها بعض الاحيان يحطون اناشيد وفيه مسيقى ..! يحسبون الناس حمير الظآهر ..؟

هلا وغلا اخوي..

وش حميره..لا بس هم يستظرفون علينا شوي..

حياك اخوي..



قسم تعب..









سلاااااااااااااااااااااااااااااااااااااااااااااااام

يؤ يؤ يؤ بونآصر منزل موضوع ~> مسوي يعرفك

بس من كلام الاعضاء انك مبطي ما نزلت موضوع و ولكم باك ..
المهم علىا قولة طآرق .. هذآ الموضوع شبع بطحآ و ركلآ tm > مآركه مسجله

شكرآ ع الطرح الحلو (L)

هلا بالجميع مرتن اخرى..
المعذره ع رفع الموضوع...ابكمل الردود وياليت احد المشرفين يقفله..الله يعطيهم العافيه..

إقتباس الرسالة الأصلية كتبت بواسطة الهنوووف وعليكم السلام ورحمه الله وبركاته الشمس مدري القمر طالعه منين يابني هلا بك اخوي ابوناصر () بالنسبة لـ التباس الي حصل لك ع الاغنية او الدعاء كما تفضل اخوك فـ مثل ماذكر احد من الي قبلي المشكلة بـ الميوزك فيه ايقااعات مبالغ فيها وتعطيك انطباع انها موسيقى وبعض الاناشيد فيها موسيقى علنيه وغالبا اصحابها يكونون يعتنقون مذاهب اخرى ثانيا \ الفرق بين الاغاني والاناشيد بصرف النظر عن الايقاعات والميوزك الكلمات فـ غالبا الاغاني كلماتها تكون بالعشق والهيام مما قد تقود الشاب او الفتاه لامرو لايحمد عقباها اما الاناشيد غاليا يـ مناجاه او شي يتعلق بالصديق او الام او الام يعني مشاعر انسانية طبعا مو غالبا ولكن الاغلبيه لحد يحاجني يعني قفله لي وللجميع (الله يغفر لنا بس) وش فائده توبتك برمضان ورجوعك للمعصيه بعد رمضان نلعب ع انفسنا اوكي رمضان له حرمته بس رب رمضان هو رب كل الشهور والمحاسبين عليه برمضان محاسبين عليه بكل الشهور " من استغفر بلسانه وقلبه على المعصية معقود وعزمه أن يرجع إلى المعصية بعد الشهر ويعود فصومه عليه مردود وباب القبول في وجهه مسدود " هذي بعض الاحاديث والفتاوى لان فيه شخص يسال ( وَمِنَ النَّاسِ مَنْ يَشْتَرِي لَهْوَ الْحَدِيثِ لِيُضِلَّ عَنْ سَبِيلِ اللَّهِ بِغَيْرِ عِلْمٍ وَيَتَّخِذَهَا هُزُوًا أُولَئِكَ لَهُمْ عَذَابٌ مُهِينٌ) ((ليكونن من أمتي أقواما يستحلون الحر والحرير والخمر والمعازف)) رواه البخاري، فتوى لـ الشيخ ابن باز رحمه الله اضغط هنا \ / عوافي ابوناصر الهنوووف كانت هنا ورحلت

هلا وغلا هنووو..

قبل كم يوم سامع بالاف ام مقابله مع سامي يوسف وكان يشدد طوال المقابله ان نوعيه
الموسيقى اللي يعتمد فيها باغانيه الدينيه هي سبب نجاحه وانتشاره وليست الكلمات المختاره او توجهه

من هنا ..انا ما اشوف الكلمات تعتبر مشكله كبيره سواء كانت غزليه او دينيه..صحيح
هناك كلمات غزليه فاحشه ولا تجوز شرعا..ولكن غالباً لا يستشعر بها الشخص الا مع
الادوات الموسيقيه..اللي اشوفها موصل قوي للكلمات

قفلتك اهم ما في ردك ..اسأل الله العلي العظيم ان يهدينا..

ولاهنتي على الفتوى..وفرتي علي..

الله يعطيك العافيه..ونورتي حتتي..

إقتباس الرسالة الأصلية كتبت بواسطة سامي فوق القمه ابو ناصر جزاك الله خير واقولك لك ان هاالقنوات متابعه الحمد الله لاهنت ياغالي

حياك اخوي..

الجميع يارب...بس وش هالقنوات متابعه الحمدلله..
ولا انت يالغالي..وحياك..

إقتباس الرسالة الأصلية كتبت بواسطة هلالي معالي اهلا و صهلا ايه و الله ياخي الحين الاناشيد صارت بأغاني مير ما فيه اسمج من هالاف ام ليه تحطها؟ ياخي لو انك حآط حقت العفاسي كآن ابرك لك حقت رمضان ولا اسمع حقت فرشي التراب<<قسم بالله تأثرت و ما اكذب عليكم بكيت من الفديو ياخي يا زين الاناشيد و الله تشرح الصدر بعضها لكن الاغاني اكثرها تضيق الصدر المشكله اننا نستمر عليها ليه مدري و هذا كل الحتسي الي عندي المشآغب يانك مهبول او انك مهبول وحده من الثنتين عليك ردود تفقع المراره من الضحك صلآم

اهلن وصهلن اخوي هلالي..

وش تشرح الصدر..صراحه بالنسبه لي اذا فيه انشوده لحنها حلوو اسمعها..والحمدلله فيه اناشيد كثير حلوه..واسمع لها..لكن بالنسبه انها تشرح الصدر..صراحه ما صارت لي للحين..

بالنسبه للاغاني اسئلني عنها..الله يكفينا شرها..قسم اوقات اكون رايق والفرحه مش سيعاني..وبمجرد اسمع اغنيه طربيه حزينه تسود ام الدنيا قدامي..
الله يعافينا يارب..
مشكور على الرد فيذا..

إقتباس الرسالة الأصلية كتبت بواسطة h_s y t_2008 وش تحس به يومك كاتب موضوع بالوقت هذا<<أكذب والله أذكر مرة سمعت التكرونية شرين وهي مسوية فيها خشوع ودين قسم بالله من قوة أنها مسوية مطوعة حسيت أنها مربية لحيه عاد خشوع على ذاك الصوت المزكوم جميع فصول السنة على طول تبي تحس بالعطش والجوع والمغص يارجال أنت سمعت عمرو ونزلت موضوع أجل لو سمعت أنشودة راشد الماجد تبي تفتح منتدى مافيه آلة عزف ماحطها مابقى إلا الربابة تحياتي.... H_S Y T_2008

إقتباس الرسالة الأصلية كتبت بواسطة زعيم اكبر القارات لاتعــــــــــــــــــــــليق

حياك..

إقتباس الرسالة الأصلية كتبت بواسطة هتلــ الزعيم ــر هلا أبو نآصر يعطيك العافيـه على الموضوع , ولا عندي أي تعليق - بس أبي طلب لو سمحتو , أبي [ وحوي ياوحوي أيآحه , وكمآن وحوي أيآحه ] اللي تجي على mbc1 تعبت وأنا أدورهآ مالقيت الا هذي [ تم الحذف لاني لقيته ] نفسسسس كلمآت هذي بس أبي حقت الأطفآل تجي على mbc1 < وآضح أنه كبير !! لا جد إللي عنده مقطعهآ يجيبهآ لي أبونآصر أعذرني , بس أبي هالمقطع يعطيك العافيه 7 7 خلاص لقيتـــــه أبو نآصر موضوعك بطل

هلا وغلا بالمحبب هتلر..
محبب والا بياع..؟؟

تبي الجد ..من قبل ما انزل الموضوع واخوي الكبير يقول دورها بالنت ابيها..
وعجزت احصلها له...فبما انك حصلتها..لاهنت ارسلها لي..

ونورت يالمحبب..

إقتباس الرسالة الأصلية كتبت بواسطة بريماكس هلا بالغالي ابوناصر فقدنا مواضيعك وشفناك عقب طولة غياب الراديو لا ام بي سي وغيره ساحب عليها الحمدلله يابوناصر .. شريط اسلامي مايتجاوز قيمته بخمسه ريال وريح بالك يابعدي بلا راديو بلا هم ولا تنسى اسمع شريط لعمك الشيخ الفاضل سعيد بن مسفر قسم ان تدعيلي بلا ابونوره يابوناصر اللي ماتجيب الاغاني الا الهم والغم يعطيك العافيه يابعدي .. ومع السلامه يافتى ينبع البحر

هلا وغلا ومرحبا بريموو..

والله فكره مو بشينه..بس خلها لرمضان الجاي ..ذكرني فيها..
وثانيا..وش عمي..؟؟..الله يسامحك يابوياسر....<--تفكير خايس...

الله يعافيك يابريموو..الله يحفظك بس للمعلوميه فتى ينبع الصناعيه وليس ينبع البحر..
والله يرحم لوالدك ويغفرله يارب..

إقتباس الرسالة الأصلية كتبت بواسطة الفيروسه الزرقاء هلا بـ أبو ناصر . لووووووووووووووول لا ماعليك موضوعك حلو ماشاءالله .. لو أنا كاتبه في الظهر بدالك كان شفت رموز وطلاسم ههههههههههههههههههههههه حلوه نساهم مالومه خويك .. إلا بجد أنت كيف تقدر تسمع لـ أبونوره! مع احترامي لـ جمهوره إلا أن صوته ماجاز لي ... صح أغلب كلمات اغانيه تكون حلوه! لكن الصوت بعد له دور في السماع لا ماشاء الله عليك سردك كان حلو ماكانك فاصل أقصد مواصل .. صن كيو ابو ناصر و أسمحلي أعلق ع مجود .. لووووووووووووووووووووووووووووووووول وربي في الصميم ---> شيطانها مخلي البطارية فُل بـ التوفيق لـ الجميع سي يا فيّو

هلا وغلا فيروستنا..
والله يجزاك خير..رفعتي معنوياتي..
صدقيني وقت كتابه الموضوع ما ادري وش كنت احس به..
بس زين طلع يجي مني وانا فاصل..

له له له يا فيووو..لا تخليني اقلب عليك وانا صايم..
صوته مو بحلوو..؟؟..ليته مو بحلوو كان ما سمعت اغاني ..
على كل حال الناس اذواق وانا اخوك..عاد الله من زين اذواقنا اللي طبت في شيء مو بزين..

نورتي يا فيروستنا..ولا تغيبي عن المجلس..دايم ما يكون تواجدك غيررر..

إقتباس الرسالة الأصلية كتبت بواسطة ..بقــ حرف ـايا.. السلام عليييكم حيا الله ابو نااصر مررريت ع المنتدى البديع واشوف اسمك يبرق مهيب العادة مير شكله طاقتك الغلقه ياخيي نجي للفحوى ام بي سي اف ام مانعرفه الا بالسفر وحنا ناس مانساافر الا كل عشر سنين مره وطاري الاذاعه يجيب لي التكاك يطري علي رادو جدتي فرعون بس شسمه في رمضان الحمدلله الاغااني ماهنا شفقه علييه اشوى والاناشيد اللي نصهن مزيكه (< جدتي) يطربن ذولي يفسدن الواحد عندي بعضهن شوي واتحزم وارقص بس لامنا جينا للصدق حقات الشيعه فن بس ماشفت اجمل من حقة العفاسي اللي بالانجليزي والاسباني تجيب العافييه عوافي على الموضوع اللي اول ماحطيت رجلي مع بابه وصلنا اخره يسلمووو برايفت شفت رد يجيب الجلطه تتكرشه ولا اكرشه عنك < عرق القصمان مايصبر

هلا ومرحبا بالخواطرجيه بقايا جرف..

كأنك حاسه فيني وقت كتابه الموضوع..قسم اني حاقد ومن حقد حلفت لاكتب موضوع..

قصدك طيور الجنه وشلتها..تصلح لك انت واختك تدبكون عليها..
الا ع طاري اختك الفاهر ..لا تكون للحين تطرب وتتنكس مع الخيلان..
خبري فيها مدمنه عليهم..

الله يعافيك بق بق هانم..وهذا الموضوع مخصوص لرمضان عشان لا تتعبون في القراءه وانتوا صايمين..

بالنسبه للبرايفت..مفروض من دون ما تقولين ..تستلميه وتكرشيه بطريقتك
مع العلم اني ما اعرف من تقصدين..

نورتي حتتي وسلمي ع اختك الفاهر..

إقتباس الرسالة الأصلية كتبت بواسطة saalooo7e موضوـع في الصميم تصلـم خيـوو

الله يصلمك خيووو..
وليت كل الردود مثل ردك..توفر علي..

إقتباس الرسالة الأصلية كتبت بواسطة فنون هلاليه بجنون هلا ابو نويصر وش دعوه ماسلمت ولاباركت لنا هنا بموضوعك وهذا حنا برمضان اللهم عافنا والشيطان مربطه نسلم الله عليك ونأخذ اجرك السلام عليكم آخ العرب والشهر مبارك << بيطلع الشهر نقول العشر مباركه بأذن الله افضل لي باك بأذن الله بعد السحور ولتكمله قراءه الموضوع واذ الله ما راد بوقت آخر

هلا ومرحبا ..وحيالله تميس..

وش له ابارك لك...؟؟
والا تقصدين بالموضوع..؟؟..انتي شوفي توقيت الموضوع واغسلي يدك..

الله يبارك بعمرك..وحياك الله ..ولا اشوف لك رجعه مرتن ثانيه..

إقتباس الرسالة الأصلية كتبت بواسطة AHMAD.10 يؤ يؤ يؤ بونآصر منزل موضوع ~> مسوي يعرفك بس من كلام الاعضاء انك مبطي ما نزلت موضوع و ولكم باك .. المهم علىا قولة طآرق .. هذآ الموضوع شبع بطحآ و ركلآ tm > مآركه مسجله شكرآ ع الطرح الحلو (L)

حياك الله اخوي احمد..المهايطي سابقاً..

اكيد تعرفني..وهل يخفى القمر..؟؟<---شغل التميلح عند البنات..
يثلمووو خيووو..ايه والله من زمان ما نزلنا وحدنا اخبار المجلس بوقت سابق..

يعطيك العافيه على المرور..


اتوقع خلصت من الردود اخيراً.


نراكم بموضوعنا القادم السنه القادمه ان الله احيانا..







سلاااااااااااااااااااااااااااااااااااااااااااااااام

إقتباس والله فكره مو بشينه..بس خلها لرمضان الجاي ..ذكرني فيها.. وثانيا..وش عمي..؟؟..الله يسامحك يابوياسر....<--تفكير خايس...

هيييييييييه تراني اقصد الشيخ سعيد مسفر القحطاني عمك لاتفهم غلط لا اجي اتوطى ببطنك
سعيد بن مسفر لا تقول ما اعرفه او ماتسمعله ؟ الا هذذذذي عاااد

إقتباس الله يعافيك يابريموو..الله يحفظك بس للمعلوميه فتى ينبع الصناعيه وليس ينبع البحر.. والله يرحم لوالدك ويغفرله يارب..

طيب اجمل فتى بينبع الصناعيه
الله يجزاك الجنه ووالديك على هالدعوه
ابو ناصر بطني بيغرغر من الجوع ومابقى شئ على الاذان لاتنسونا من دعائكم

بكرى العيد ولا ما اعلنوا ؟

مع السلامه واعتذر لك ياصاحب الموضوع على الرد الثاني بس كله من ابو ناصر