هلا وغلا بـ علي

ياخي كيف ذولا يصلون باللي مدري وشسمه .. << يروح لمصلى محطه ويصلي مهب لازم بمسجد ..

تصدق مره نسيت طاقيتي ولا رحت للمسجد

بس القرار ياعلي خطاء .. ولا يمكن أحد يمنع ناس من الصلاة بالمسجد لأي سبب ..

مع ذلك شي يقهر لما تشوف واحد لابس قميص .. فما بالك بطيحني ..

ولا ننسى أن نضع هذي الأيه بالإعتبار ( يَا بَنِي آدَمَ خُذُواْ زِينَتَكُمْ عِندَ كُلِّ مَسْجِدٍ )

لالا ما اتوقع الخبر صحيح و ان كان صحيح انا بحط كدش و بروح اصلي و الي في امه خير يمنعني<<

لا من جد يعني وش هالنظام الي مدري وش يبي معليش و بقوه معليش على كيفه يمنع الي بي و يدخل الي يبي


فوضى الدنيا هي ياخي معليش اقولها بكل صراحه التخلف وصل فينا لمراحل لا يمكن التعليق عليها

ملآحظه"

انا ضد الكول و الطيحني لكن تمنعهم انهم يصلون لا و الف لا

تحياتي لك و اعذرني على مروري الي مدري وش يبي بصراحه مثل طاش

إقتباس الرسالة الأصلية كتبت بواسطة A.K.N 505 مرحباً ,,, و الله رأيي إن كان الخبر صحيح و إن كنت أشك في ذلك فلا أحد يستطيع منع أي شخص من بيوت الله و إقامة الصلاة فيها طبعاً هذا لا يتعارض مع أن الناس مطالبين بأخذ الزينة و لبس الملابس المحترمة التي لا تُخل بالمروءة و تخدش الصورة !! الله يعطيك العافية شكراً لك

و أضيف ، من يقول بهذا الكلام أو يقره أو يدعو له فهو أشد بعداً عن تعاليم الإسلام من هؤلاء الشباب.

أجل يلبس طيحني ويصلي
شلون الواحد يرضى اصلا يصلي باللبس ذا
يعطيك العافيه

إقتباس هي فئتين لا ثالث لها اما مطوع و ملتزم بشرع الله او غير ملتزم بشرع الله يعني طريقين اما جنه او نار... فما ادري هل يوجد طريق ثالث بين طاعة الله او عدم طاعته!!!! ( اللهم اجعلنا واياك من المطعين له)

أخوي لا تحط شئ بذمتك بس ...

التشدد خلى الشباب بطريق الضياع ...
الدين الإسلامي قال أبعدو عن التشدد ...

و أقولك أنا واحد حاط كدش و عاجبني شكلي و ابن أبو الإمام يطردني من المسجد أنا الحمد لله أصلي كل الصلوات و اجتهد بكل ما في وسعي إني أصليها بالمسجد و أتمنى اته يقول شئ و الله لأشرشحه قدام العالم كله و أسحب عليه أروح مكانة و اقيم الصلاة و أصلي فيهم

والله الخبر غريـب .!!
يعني كـانك تقول لهم مانبيكم تصلون يعني اذا هذا تفكير المطاوعـه فمعناتها حنـا بمشكـله <<< توك تدري
المهم سواء كدش او طيحني يعني باختصار [ الكول ] ممكن يكون فيه خير اكثرر من هالمسوين مطاوعه

يازين مواضيع الحماس اذا طلعت من غير ترتيب

أنا ماراح اتكلم عن القرار .. ماعندي تعليق على تفكير كذا

لكن قلتها مرهـ وثنتين وعشر وبقولها الى اخر عمري ..
ورب البيت وانتو ماحلفتوني ان فيهـ بعض الناس من الطيحني والكدش وووو الخ
ان فيهم خير اكثر من بعض الي يجيكـ لابس ثوب وشماغ تشوفهـ تقول هذا اوووووهـ عليهـ محافظ على دينهـ واخلاقهـ تمام وماعليهـ كلام ..
مو كأنهـ مايصلي بالمسجد الا اذا كان ابوهـ معاهـ يصلي عشان ابوهـ مايهاوشهـ او يقول لهـ شيء .. أما من ورى ابوهـ الله يخلي صلاة البيت قصدي الاستراحهـ
اقسم بالله اقول كلامي هذا وانا مقهوووورهـ

حرام نظرات الناس للطيحني والكدش ووووو
نظرهـ دنيئة لهالدرجهـ ..
ويشوفون الاشكال الطبيعيه انهم احسن ناس وانهم وانهم ..

أوكي طيب ماتعجبكـ الاشكال المكدش والـ والـ
بس هذا مايعطيكـ الحق انكـ تمنعهـ انه يصلي او يعبد ربهـ ..
ربنا واحد تختلف عادات وتقاليد وقناعات ايه بس دين واحد ورب واحد ..

بتقول تقليد للغرب وتقليد اعمى ومدري ايش
الغرب ماجو لك وضربوك على ايدكـ وقالو لك قلدنا ..
كل شخص يسوي اي شيء فهو مقتنع فيهـ .. أنا ماني مجبورهـ اسوي حاجهـ
سواء تقليد او لا وانا مو مقتنعه فيها ..

شوف العادات والتقاليد شيء .. والدين شيء ثاني ..
مايعجب بعض الناس .. طيب ..؟!
طلع عورتهـ ..! سوا حرام ..!

علاوي
تراني حطيت حرتي وامها بعد هنا هالموضوع قاهرني من فترهـ
مو مهم احد يقتنع بكلامي كل واحد ووجهة نظرهـ
لكن اذا وصلت للصلاة وعبادة ربي .. لا
وكأن هالنوعيهـ خارجين عن الدين
الي يشوف البعض على كلامهـ يقول ذولا مرتدين مو كأن السالفهـ راس مالها موضهـ او تقليعهـ فترة وتعدي

وعليكم السلام ورحمة الله وبركاته

ياخي تصدق إني قريت الخبر في جريدة المدينة اليوم المغرب وكنت ناوي أحطه هنا وأستنكر هالقرار

ورأيت بعض الردود تشكك في صحة الخبر علشان كذا جبتلك الرابط من جريدة المدينة

http://www.al-madina.com/node/174677

أعتقد الشباب المعارضين ماقصروا وبينوا وجهة نظري

لكن فيه شئ خطر ماذكروه الشباب وهو إنه هالقرار ربما يتسبب بترك الصلاة وبالتالي كفرهم ويكونوا السبب

قرار المنع من دخولهم للمساجد ربما جعلهم يفوتوا صلوات كثيرة إلى أن يتركوا الصلاة نهائيا

ويتسببون بكفر هم

يعني تخيل كدش كان طالع مع خوياه وأذن

هو لن يذهب ليصلي معهم لأنه ممنوع

الله يعطيك العافية على الموضوع

إقتباس الرسالة الأصلية كتبت بواسطة marsal ماشاء الله عليك... أضافه بسيطه: الكثيرين قالوا بمعنى ان المسجد ليس للامام لهذا ليس له الحق في المنع... طيب المدرسه ليست للامام و يستطيع الطرد و المنتدى ليس للمشرفين و يستطيع ان يمنعك... هناك صلاحيات مخوله للجميع و امام المسجد يعتبر امين على المسجد وله الصلاحيات مثله مثل المشرفين و مديري المدارس و ان كان هو اعز واشرف لانه امين على بيت الله فهو من يشرف على النظافه و يشرف على شئون المسجد كامله ثانيا: هناك انظمه و قوانين تتبع فاحترامها واجب و للعلم ان هذه الملابس التي تدل على ضعف في عقل الرجل او يمكن حتى سلوكه ممنوعه في اكثر الدوائر الحكوميه و اقسام الشرطه... فلماذا لا تنكروا على وزير الداخليه الذي منعها في اقسام الشرطه والمرور..!!!! العقل و الفطره السليمه تقول ان هناك حدود لكل شي ومن تعدى حدوده فيجب أن يمنع وأن يوقف وهذا صلاح للامه و صلاح لأي دوله... اخاف غدا ان نصل الى مرحله كما وصلت بها مصر الشقيقه عندما سال احد شيوخهم عن هل يجوز الصلاه بلبس الرقص للراقصه فاجاب بالاياحه مع اطفاء النور واتوقع لو قال غير ذالك وقال لها حرام الصلاه هكذا سوف يخرج لنا اناس يقولون هي صلاة (ابوه) او هو (متخلف) او تصرفه هذا ينفر الدين... الشرع واضح واحترامه واضح فلا احد يزايد على الدين في شي...

الله يحفظك فيه فرق كبير بين المسجد والمدرسه !
المدرسه رحت ولا مارحت منعني المدير من دخولها والا مامنعي مايغيّر هذا في ديني شيء
اما الصلاه غييير من منعني منها كأنه منعني من أجرها وحتّم علي عقوبة تركها !
بتقول لي مامنعي منها بس قالي أصلي في مكان ثاني ! أقولك نفس الشيء
دام انه مراهق ومقتنع اقتناع تام بتقليعات الغرب محد بيقدر يغيّر تفكيره ويقنعه بأنه على خطأ
بالعكس ممكن هالشيء يقضي على ذرات الخير اللي بقيت في قلب هذا المراهق
أعطيك مثال :
مغني مشهور ياما وياما ضاعوا شباب بسبب اغانيه وكليباته , غناء ومهزله وذنوب لها اوّل مالها تالي
لكنه دخل المسجد يبي يصلي .. هل للإمام الحق بـ طرده ؟ طبعاً لأ
طيب هذا مغني خرّب ناس كثير وماضيّع نفسه وبس ضيّع معه شباب وبنات بعمر الزهور بسبب غناءه
قارن بس بين هالمغني والمراهق اللي ماضرّ أحد بلبسه ..!
وبتدري ان الإمام مش على حق أبداً

المعذره علي على العوده الثانيه

السلام عليكم

اخوي مثل ماقلت القرار جائر
بس ما تحس شوي انها قويه انهم يمنعونهم من الصلاة
يعني الامام وش دخل ابوه هو المسجد ملكه والا ملك الله
( المسجد بيت لله ومال احد حكم فيه )

ما قد شفت ناس تستحقر وتكره شباب طيحني والكدش كثر الي في الزعيم

اما هالخبر لا تعليق حسبي الله ونعم الوكيل الله ينير قلوبنا .. ويقولون ليش الشباب مايتقبلون النصيحه ..!

ما نقول غير اللهم ارني الحق حقاً وارزقني اتباعه