|
إنفلونزا الهياط !! " سجل عندك هالأثنين " !! أنتم سمعتوا اللي يقول : " ما يغثك من الدبش إلا أرداها " ؟! من أول ما بدا هالرمضان الله يجعلنا فيه واياكم من المقبولين .. وأنا معاهدن نفسي و حالفن ما عاد " اتلطم " ولا عاد أنفخ على أحد .. وأي واحد يخطم علي وإلا يحدني ويرقيني رصيف .. إني لا ألحقه لو يصير اللي يصير .. و أبتسم بوجهه وأعطيه كتيّب وأقول رح الله يسامحك يالعليمي .. و مخصص لي وقت ألـفّ فيه سمبوسة مع أهلي .. وبالنسبة للقيمات فأنا ملغي أي ارتباطات قبل المغرب عشان أفضّي نفسي تماما لها لأني لازم أضبطها وأخليها مدوّره صح .. مهوب كلها طعوج وصعارير .. تسنها كور " دوري زين " !! وعشان أعوّد نفسي الصبر والاعتماد على الذات !! لازم أحضر مباراة للهلال أسبوعيا !! حتى لو صار مسؤول الملعب ما عنده أي إحساس بالمسؤولية و حاشر العالم قدام الملعب !! وبما إن مرض انفلونزا الخنازير لاعب في العالم !! فالواجب علي كمواطن .. بما إن وزارة الصحة مكتفية بهالتصاريح بعيدة المدى ولا شفنا لها أي حضور يواكب هالحدث !! إني أشتري لي أقل شي 10 كمامات !! وأحط في كل مخباة خمس .. وكل من صدمني بكتفه وإلا دفنـّي وإلا قشـّم على كتوفي .. رحت لمـّه وقلت شف أنت ووجهك خذ هذي كمامة أسأل الله لي ولك النجاة من الانفلونزا !! أقل شيء يصير لي ( دور وقائي وتثقيفي ) في مثل هالتجمعات !! وحتى وأنا (صاف في السرا) عشان أشتري التذكرة .. خخخخخخخخخخخ أدري بتقولون " أي سرا أنت ووجهك " ؟! أحب أقول لكم آسف ما دريت إنكم منتبهين لي !! فقصدي وأنا آكلن خابور بالزحمة عند درايش بيع التذاكر .. خخخخخخخخ أدري بتقولون " أما درايش أنت وآذانك ؟! " أحب أقول لكم يا شينكم كفشتوني ثاني مرة .. قصدي وأنا بالزحمة عند ( الدريشتين حقات بيع التذاكر ) .. أبحاول اكتب ورقة صغيرة وأجهزها .. وأول ما يشوتوّني العالم .. ويدففوني الين أوصل للدريشة غضب .. بمّد للي يبيع دراهمي ومعهن الورقة اللي كاتبن فيها : أخي المسؤول .. لم كل هذا الإسراف والبذخ والتبذير ؟! ونحن بلد ٌ قد وقعنــّا عقد بـ 300 مليون مع ART !! وبطخة ملايين مع Zain غير الدعم اللي يجينا من ولاة الأمر !! وأخرتها ما تشكرون النعمة !! الحين يومكم فاتحين ( دريشتين ليه ؟! ) يالمبذرين يالمسرفين !! وش قصدكم ؟! تبي تقهرون الخبـّازين عشان ما عندهم إلا فتحة وحدة !! أما تعلموا إنكم (محاسبون) !! دريشتين يالظالمين !! وحدة تكفي !! وأنا اللي علي سويته وإن شاء الله إني أبريت ذمتي قدام الله أيها المفسفسون بالدراهم!! -------------------- -------------------- و قايلن ما نيب مناظر ولا مسلسل !! إلا إذا فيه ( وجوه جديدة ) !! والحمد لله ماخاب ظني .. والوطن زاخر بالمواهب !! فالوجه الشاب ( مصلح آل مسلم ) يفجرّها بقوة ويقول لكم : جايك يا علي المدفع .. و طموحي منافسة إبراهيم الصّلال !! أول ما شفته قلت ( تمثيله عادي ) .. بس لخمني يوم بدأ يتكلم عن ( قوة الشخصية ) !! ووضّح لنا كيف تكون (الشخصية مهزوزة ) !! أنتم سمعتوا ذبته يوم يقول : كان فيه ( زيدي ) خخخخخخخخخخخ الله يرجك يالمنتهي !! تكفون متى مباراتهم الجاية لازم أتابعه ولا أفوّت ولا حلقة !! بس بما إنها ماسكة نصائح !! وبما إن ( مصلح ) ببداية مشواره التمثيلي .. اللي كلنا أمل إننا نشوفه الموسم الجاي بدال ( ممادو ) ويسافرون به لتركيا ويفّل والدينها معهم !! أضف إلى ذلك إن (هاني نفخة ) مهوب مكمل مع العيسى والمالكي .. فهذي فرصة جته باردة مبردة !! و أحب أقول لك بما إني لقيت فيه أنا وقت ألـّف سمبوسة وأضبط اللقيمات .. فأنت عندك وقت إن شاء الله تقرأ كتاب (كيري باترسون ) !! وكيف إنـّه شخصّ حالتك بالضبط !! بوصفه لأسلوب ( الضحية و الجاني ) !! أولا : " أخي الممثل الظريف " : - ترا صومي أهم من خشتك مية مرة !! لكن بما إنك موهبة و (قوي شخصية وشكيمة في نفس الوقت ) فما بغيت أؤجل الرد عليك إلى ثاني العيد : استفد من تجربة ( هزاع القادسية ) !! شف وشلون بربرته ما نفعته !! و قام يخابط ويلابط !! ويبرّر سقوطه وفشله .. ونسى نفسه .. والنتيجة ( رقعوه بـ سبعة ) بعد أول مسرحية فاشلة !! فانتبه يصير تمثيلك مثله !! خلك واقعي واترك الهياط !! و مناقشتك لاهتزاز " شخصية فريقك " أهم من تقييمك لشخصيات غيرك !! يا ( مصلح نفخة ) !! فريق متهالك .. بغى ياكلها 10 زي السلام عليكم !! على أيش نفشة الريش !! و على أيش المصارخ وأنت جايب لك 11 واحد مدخلهم الملعب بأعصاب أردى من أخلاقك وأعصابك !! وصدق اللي قال ( كما تكونوا يوّلى عليكم ) !! فأنت وفريقك المهزوز ( وجهان لنفس العملة ) !! لذلك ليه رمي " التهم جزافا " ؟! تدري وش مشكلتنا يا ( عندليب الشاشة ) ؟! إننا كهلاليين ما نغلط على أحد ولا نتعرض أحد !! لكن لنا " لسان " يصلخ وجه كل من تمادى !! ولنا " أفعال " تصفع كل من تذاكى !! ثانيا : يقول الفيلسوف الأغريقي بولطس " إذا تلفظت بالشتائم سمعت الشتائم " !! وبما إننا في رمضان فأسمح لي أحرّف المثل وأخليه : ( إذا تلفظت بالشتائم .. سمعت الحقائق ) !! لكن للمعلومية هالمثل "عرض خاص " في رمضان فقط !! ومع الهلاليين فقط !! أما بعد رمضان فما علي منك !! ولربما كانت (الشتائم) التي تتمنّى سماعها !! أهون عليك من أحجار (الحقائق) التي ملأ عبدالرحمن بن مساعد بها فاك !! و " فاك يعني خشتك " !! يعني فمك !! ثالثا : حينما تستغل سذاجة (البعض) !! وتعاطف المتكالبين على الهلال !! لتمرير " نزاعات طائفية " فهنا لن تجد حولك أحدا .. حتى (ممثلي الكومبارس) الذين امتلأت بهم القنوات !! لأن ( لحمة هذا الوطن ) أمتن وأعتى من أن تهزها افتراءات ( طائش ) !! -------------------- -------------------- - ما يستفاد من الموضوع : * تخيّلوا تستغل (إيرادات) دورينا !! ونشاهد شراء التذاكر عن طريق النت !! قصدي عن طريق مكائن خاصة منتشرة حول البوابات !! قصدي يفتحون " دريشة ثالثة " لبيع التذاكر !! <-- الشكوى لله !! * تخيّلوا كل شخص منا ( يحترم مهنته ) !! بالله وش كثر المشاكل اللي تبي تنحل ؟! -------------------- -------------------- - اللهم يا حي يا قيوم بهذا اليوم الكريم أسألك أن تغفر لـ(سعود الزهراني Saud.m) !! - صعقت عندما سمعت "الحادثة الغاشمة" التي استهدفت سموّ الأمير " محمد بن نايف " !! أي دين هذا ؟! أي مذهب هذا ؟! أي جماعة تلك ؟! التي تسفك حرمة رمضان ؟! وتبيح دم المسلم ؟! وتزخرف طريق الانتحار !! اللهم احفظ ولاة أمرنا !! اللهم احفظ (أمن هذا البلد و استقراره ) !! ولن تزيدنا هذه الحوادث ( إلا التفافا حول ولاة أمورنا ) !! فالحمد لله على سلامتك .. |
و الله ضحكتني و انا مالي خلق اضحك تسلم يمناك على وصف الهياط .. يا مغاط ... :) بس تأكد المره الجايه و بعد ما يقرون موضوعك بيفتحون دريشه ثالثه تعرف يستقبلون شكاوى المواطنين :) |
مغاط قسم بالله جبنتها بالصميم تكثر البربره بالذات ضد الهلال !!! ومع غير الهلال يعم السكوت ليه ماادري ؟؟؟؟ بس يمدحون مسلسل مصلح لايفوتك ,,,, |
تسلم ياروح وفاكهة منتدى الزعيم (( مغاط )) وأسعد الله صباحك بكل خير يكفيني من الموضوع هذا الاقتباس لأنه هو اللي يفسر الحال اللي نعيشه وواقعنا المرير إقتباس:
|
كالعاده مبدع وكلام مصلح مو منه من الحره الي بقلبه بداء يخور وما يدري وش يقول . . |
والله من اروع الكتاب في جذب القراء اهنيك على الاسلوب الرائع |
هههههههههه قسم بالله مبدع إننا كهلاليين ما نغلط على أحد ولا نتعرض أحد !! لكن لنا " لسان " يصلخ وجه كل من تمادى !! ولنا " أفعال " تصفع كل من تذاكى !! صح لسانك |
* تخيّلوا كل شخص منا ( يحترم مهنته ) !! بالله وش كثر المشاكل اللي تبي تنحل ؟! في الصميم شكررررررررررررررا مغاط |
واللـه آنـك موب طبيعي ! كلآمـك كلـه " صميم × صميم " ! ع ـزيزي رئيس نجرآن على قولتهمـ [ حيله ضعيف ! فـ هل من رجل عآقل " ينرك " خمسه ويجي ويقول حكم مهزوز ! صرآحه موضووعـ .. مبكي ! مضحك ! آستهزآء صريح ! تخلف لدى الشآب الذي آرآد آن يغتآل آحد ولآه آلآمور كآلعآآآده آبدآع يآ مغآط |
يا اخي انت نوع من الكتاب قل مثلك حفظك الله في حلك وترحالك :) |
خخخخخخخخخخخخخخخخخخخخخخ هلا بك مستر مغاط ومنور المنتدى بطلتك من جديد ,, وصراحة لا تعليق ما فعله بعض الحاقدين على الهلال ,, ولا تعليق على درايش ملعب الملز ,, وزي ما قلت اسراف ( كخ ) ! الله يعين على هالدوري اللي بدايته مشاكل , لكن يا ليت نشوف رد حازم لردع تلك العينات حتى تمسك نفسها .. تقبل مروري مستر مغاط .. بسام العتيبي :) |
تسلم يمناك يا مغاط شخصة حالتهم<<ههههههههههه مبدع كالعاده الله يدومك ذخرلنا يا مغاط تؤبرني على هالمقال وبخصوص رئيس القادسيه عقب ( السبعه ) لا تستغرب الواحد اذا صكه الهلال صار ينابح واذا صكه فريق ثاني صار مثل النعامه ودس راسه بالتراب |
. . . أولاً : أبدأُ إعجابي بقلمك الرائع .. الذي لا يختلف عليهِ إثنان , ولعلهُ أكبر من أن اتكلم واتحدث فيه .. لذلك هنيئاً لك عزيزي واخي مغاط ! :rose: هناك أمور .. وهنالك شخصيات وعقليات يجب أنّ لايتطرق لها المرءُ أبداً , لذلك من الأفضل الإبتعاد عنها .. وعدم التطرق لها لإنها لاتستحق ذلك أبداً , لكن بما أنّها تطرقت لهلالنا .. فهنا يجب أنّ نقول : ( الساكت عن الحق شيطانٌ أخرسّ ) .. ولعلْ ما حدث في ملعب الملزّ أمر يعتبرُ إهانة لجميع الهلالين .. وأولهم " قمة الهرم الازرق " الامير عبدالرحمن بن مساعد ( شبيه الريح ) وللجماهير الهلالية عامةً .. والامر يجب علينا وعلى والجميع أنّ لايمرّ مرور الكرام هكذا .. فـ يجب علينا أنّ نأخذ بحقوقنا ويجب أنّ نأخذ ما حصل بعينِ الإعتبار .. الذي لاتنام لأجل حماية الزعيم .. نادي الهلال ! :smilie47: أمْا عن بعض التصاريح الذي تلفظ بها بعض رؤساء الأندية .. بدايةً من الناديين الذي تم مجاراتهم ( القادسية و نجران ) تكفي بإنّ نقول بإن جميع الرؤساء في الاندية هكذا , ولا اريد أبداً ان اسيء الظنّ .. لكن هذهِ الادلة وكفى , وآخرهم ( في المنصة يشرب دخان ) , لا أعلم إلى أيّ الإحترافية وصلنا .. وهل سوف نصل للقمة يوماً !!؟ .. وهذا الكلام على حسب ماقالوا وتلفظوا .. قال أيش .. قال " الدوري 16 عالمياً " .. إلْا قول : ( 160 عالمياً ) !! لا أريد بإنّ اتناقش في التصاريح التي تلفظتّ بهم .. وفقط يا إبن مساعد : أنتّ لهم بالمرصاد !! مغاط .. قلم دائماً مايشدْني , لله درك يا أخي .. :smilie47: لكْ :rose: .. وإعذرني إنّ خرجت قليلاً عن محور الموضوع ! دمتّ .. بصحة وسلامة .. :ba1: وكل عام وأنت بألف خير أستاذي ! عبدالله العوامي !! |
عزيزي مغاط مبدع كالعادة , فعلا اسقط ال مسلم ضعف فريقه وضعف شخصيته على حكم المباراة الحمدلله ان عبد الرحمن بن مساعد وعى للامر من بدري بعد ان اكتوى العام الماضي وعضو يده التي امتدت لهم بالنوايا الحسنة , الحمدلله على سلامة محمد بن نايف (والله يهدي كل ضال عابث بامن بلاد المسلمين ) |
صج شي يضحك مصكوك بخمسه ويقول تحكيم ويقول جمهور الهلال نسى ان لاعبين معاه الموسم اللي طاف فكرة الكبائن شي رووعه على ان مالي دخل بس شي حضاري الله يرحمه ويغفر الله والله يامغاط او مره ادخل الشبكه قريت موضوع وفاته وضااق صدري ليوم اذا تذكرته يضيق صدري وانا اساسا ماعمري لحقت عليه شلوون انتوا الله يرحمه |
ههههههههههههههههههههه يعطيك العافية اعجبتني مصلح مسلم يكون بدال ممادو حلوة........... |
كلامك في الصميم يا مغاط والله المستعان |
يا أخي اسلوبك رائع جداً . ارجوك اكتب في احد الجرائد. طلبتك لا تردني |
اخي الحبيب مغاط تسلم يمينك على هالمقال الرائع اصبت في تشخيصك واقع بعض المهزوزين وضعاف النفوس في رياضتنا ومايحدث بمنشآتنا من عبث 300 مليون لا يستطيعوا تركيب كراسي للملاعب ولا فتح نقاط بيع محترمه تغنيك عن السب والشتم والسوق السوداء بس ودي تكتب عن علاقه ذلك بالمركز 16 عالميا ؟؟؟ كل عام وانت بالف صحه وعافيه |
يعطيك العافيهـ ...أبدعت وكفيت وو فيت..وجبتها بالصميم..! |
مغااااااااااااط كم انت مبدع اقسم بالله ان العيال ينتظروني على الفطور قلت شوي بجي شيت شفت موضوع قلت اخرهم شوي (طبعا باستراليا موب السعوديه ) |
عز الله انك كفيت و وفيت قلت الى بخاطرك وخاطر ملايين من الشعب الهلالي قول آمين الله يجزاك ووالديك الجنة تقبل مروري المتواضع |
هههههههههههههههههههههههه والله يانت راآآيق هههههههههههههه تحياااتي |
انت الحين غلطت عليه واقصد رئيسهم غلطت على شخصه واخلاقه سؤال على الطاير وش الفرق بينك وبينه الحين ؟؟؟ |
كل ما قريت لك أنبسط ويستاسع صدري :) فقلت ما أطلع بدون تحية هالمرة وبستحي على وجهي :) شكراً جزيلاً ولك التحية :rose: |
هههههههههههههه الله يعطيك العافيه |
مغااااااااااااااااااط ماأقول الا الله يهني أهلك فيك وربي موتني ضحك وزين سويت في مصلح نفخه اجل يصرح قبل المباراة وبين الشوطين وبعدالمباراة وكله كوم ويم يقشم حب جنب الحسن اليامي وشوي الايهرول للملعب ويدخل ويطلع ويقعدعلى الدكه ويرجع كور والله حسدته على الياقه الي عنده هههههههههههههههههه |
مشكوووووووووووور مغاط............... |
انا المشكله اللي رافع ضغطي ان الجمهور ماقالوا شي غلط يعني بالله اهم شيعه وزيود.. فيها شي يجحدون اصلهم يعني اما بالنسبه لموضوعك فمااقدر اقول الا تسلم يدينك ................................................... |
شكرا مغاط موضوع في الصميم تحيتي لك |
مغااط كــــــــــــل عام وأنت بخيـــر ................................ كلام كالعادة ... معبر وجميل |
أخي المسؤول .. لم كل هذا الإسراف والبذخ والتبذير ؟! ونحن بلد ٌ قد وقعنــّا عقد بـ 300 مليون مع ART !! وبطخة ملايين مع Zain غير الدعم اللي يجينا من ولاة الأمر !! وأخرتها ما تشكرون النعمة !! الحين يومكم فاتحين ( دريشتين ليه ؟! ) يالمبذرين يالمسرفين !! وش قصدكم ؟! تبي تقهرون الخبـّازين عشان ما عندهم إلا فتحة وحدة !! أما تعلموا إنكم (محاسبون) !! دريشتين يالظالمين !! وحدة تكفي !! وأنا اللي علي سويته وإن شاء الله إني أبريت ذمتي قدام الله أيها المفسفسون بالدراهم!! من جد تستهبل انت .. وش كل هالتكلف هههههههههههههههههههههههه الله يعطيك العافيه ويوسع صدرك .. وما قصرت بإنتظار جديدك على آحر من الجمر:) |
كالعاده مبدع وكلام مصلح مو منه من الحره الي بقلبه بداء يخور وما يدري وش يقول . . |
والله صدقت في كل ما قلت من الشبابيك الخباز اووه اقصد التذاكر ومن علي المدفع الا الله يكرم علي المدفع عن مصطلخ الكلام والهراء للاسف يتكلم وفريقه ماكل خمسة اهداف نظيفه وقابله للزياده لولا رحمة الله ولطفه فيه ولكن لم يصمت ويبي ياكلها في المباراة الجايه اكثر ان شاء الله اللهم وووووفق زززعيمنا وابعد عنه كل مفسد وحاسد تشكراتي لك اخوي مغاط |
كلام بالصميم الله يوسع صدرك قسم بالله اني ضحك من قلب |
مشكوووووور ولله ماادري وش ارد بس حللوه مصلح نفخه تحياااااتي |
اخوي مغاط شكرا على الموضوع التوووووووووحفه وبالنسبة للوجه الجديد اعذره الكل يبي الشهره وماله الا الهلال عشان مبتغاه ... تخبر لازم يطلع بالاي ار تي عشان يشوفونه عيال الحاره ومبرووووووووووووك للخماسية اللي عساها للزود ماهي للنقصان |
لا إله إلا الله . ماشاءالله على أسلوبك يا مغاط يا حبيبي ياقلبي أنت :smilie47:.. أموووه ( لا يروح بالك بعيد ) على خشمك البوسه يا لبى هههههههههه اللهم إني صائم :s4s: ياخي والله أنك شخصت الحاله صدز إقتباس:
لكن أعترف إني سقطت في إختبار الملز ورجعت لـ اقرب مقهى وإن شاءالله بأخذ دور ثاني في أقرب مباراة لـ الهلال . إقتباس:
أجل يقول حكم المباراة مايضحك في وجه لاعبي نجران ههههههه أبو الشباب يحسب أننا في طاش! هذي مباراة يبووو ولاعبينكم نفوسهم في خشومهم ومافيه الا تكسير عظام وضرب بدون كرة!! قال مايضحك قال إقتباس:
صعب! لأن الإيرادات راحت مقاضي رمضان!! مابقى الا مبلغ طفسه قيمة منتخب ماليزيا :s2: إقتباس:
الله يرحمة ويسكنة فسيح جناته يارب .. والله يجزاك بالخير على التذكير . كم أنت مبدع كعادتك .. تعجبني روح الفكاهه في مواضيعك .. صدقني متشوق لـ جديد قلمك .. ننتظر مووضوع عن إستعدادت المنتخب لـ الملحق الأسيوي أما البحرين فطور شهي . في آمان الله |
كفو والله مغاط قسم بالله فطست ضحك على مصلح هطهوطه تسلم يدينك يا بطل دمت بود |
|
إقتباس:
طفشان وقرفان عندي عمل من ثلاث بعد العصر لين 11 بالله قولي كيف قدرت تطلع مني الضحكه لاتحرمنا من كتاباتك يامبدع |
مبدع يابطل..والى الامام ومن ناحية ال مصلح الله يصلحه هذا تابع للبلوي يعني يشتغل بالريموت كنترول حاله حال الياقوت |
مغاااط يــا مغااااط هيا الى العملي لنبعد الاشرار ,,,, بالجد والعملي اسعد الله صباحك تسلم على التنتيف البريء في الشي اللي اسمه «مصلح» عموما هو قام يخربط واكلها على راسه وعشان تدري انه ماعندك احد بذكرك بشيء ,,,, اول شي « لا يلدغ المؤمن من جحر مرتين» العام طلع بين الشوطين وقام يتصل على الاستديو التحليلي ويقول يا صالح الحمادي حنا رجال وعيال قبايل و. و و و قام يهايط عاد قاله الحمادي لبى قلبه : انت سمعت وش قلت انا ؟ ولا قالوا لك ,,,,, قال لا قالولي قال رح اسمع وش قلت وتعال تكلم عاد بعدها راح يتصل للحمادي عبر الجولة وقام يعتذر السنة ذي طب في ابن مساعد اللي اكله هواء ولازال ال مسلم يتكلم بكل هياط واللي على راسه بطح يحسس عليها |
اللي ماله نفس يضحك يضحك وبقوة بعد دائما مبدع أخوي مغاط ممكن اسأل سؤال؟؟؟ ليش اسمك مغاط؟؟؟ |
هذي عوايدك يامغاط تغيب تغيب وترجع بقوة |
يامغاط والله مدري وش اقولك . . . آبدآآآآآع وآلله .. وبالنسبه لفكرة المكائن قالوا انهم بدوا يجربون ( وحدهـ بس ) وبجده . . . والظاهر لو يفتحون الدريشه الثالثه على قولتك احسن لهم . . . . انا جيت الملعب الساعه 9 وربع يمكن ودخلت 9 ونص . . . . شفت الزحمه ذي كلها وعرفت ان مالي نصيب انا وخويي رحت للبوابة الرئيسيه اللي يدخلون معها السيارات والقى مدير الملعب وولدهـ الصغير يدور به اول ماشافني انا وخويي قالنا بدون نفس ( درجه ثانيه من هناك ) يعني حتى ماقال كيف اقدر اخدمكم ولا ياخي قل درجة ثانيه من هناك بس بـ أدب وقلتله عاد اني ابي ممتازهـ انا وخويي قال هات 300 وعطيته ودخلنا . . . وقلت انا وخويي من عقبها ان شاء الله ان نوينآ نحظر فـ بنشتري التذآكر قبل بيوم ونريح رآسنآ بس والله حرآم الجمهور الكثيف اللي مادخل ومن ضمنهم 3 من اصدقاي والله مادخلوا الا الدقيقه 27 والحمدلله على فوز الزعيم والله يعافيك يامغاط والله اني انبسط على موآضيعك ماودي اطلع منها . . |
هههههههههههههههه مبدع دائما يامغاط... من اشد المعجبين بكتاباتك |
يعطيك العافيه اخوي على الموضوع المميز ولك خالص تحياتي على هذه العباره ( صعقت عندما سمعت "الحادثة الغاشمة" التي استهدفت سموّ الأمير " محمد بن نايف " !! أي دين هذا ؟! أي مذهب هذا ؟! أي جماعة تلك ؟! التي تسفك حرمة رمضان ؟! وتبيح دم المسلم ؟! وتزخرف طريق الانتحار !! اللهم احفظ ولاة أمرنا !! اللهم احفظ (أمن هذا البلد و استقراره ) !! ولن تزيدنا هذه الحوادث ( إلا التفافا حول ولاة أمورنا ) !! فالحمد لله على سلامتك ..) |
روعه روعه روعه وجبتها في الصميم قايلن ما نيب مناظر ولا مسلسل !! إلا إذا فيه ( وجوه جديدة ) !! والحمد لله ماخاب ظني .. والوطن زاخر بالمواهب !! فالوجه الشاب ( مصلح آل مسلم ) يفجرّها بقوة ويقول لكم : جايك يا علي المدفع .. و طموحي منافسة إبراهيم الصّلال !! حينما تستغل سذاجة (البعض) !! وتعاطف المتكالبين على الهلال !! لتمرير " نزاعات طائفية " فهنا لن تجد حولك أحدا .. حتى (ممثلي الكومبارس) الذين امتلأت بهم القنوات !! لأن ( لحمة هذا الوطن ) أمتن وأعتى من أن تهزها افتراءات ( طائش ) !! </B> |
في المدارس الحكوميه اللي عدد طلابها فوق 700 طالب اتذكر المقصف في اربع شبابيك !!!!!!!! والله العظيم مايستحون الرئاسه العامه لتطفيش الشباب !!! ليتك يامغاط شايف المنظر عند الباب الخارجي للملعب : العسكري واقف عند الباب والمباراه بدءت من 20 دقيقه وهو يقول للجمهور [ معهم تذاكر ] ما راح ادخلكم اللين تصفون بالدور ؟؟؟؟؟؟؟؟؟ ذكرني بمدرسين الرياضه في المدارس الابتدائيه اذا جت حصة الرياضه : ماراح تنزلون الملعب اللين تصيرون مؤدبين وتصفون وراء بعض وكل واحد يحط يديه على كتف صديقه !!!\ والله مهااااااااااااااااازل |
[QUOTE=مغاط;12926656] إننا كهلاليين ما نغلط على أحد ولا نتعرض أحد !! لكن لنا " لسان " يصلخ وجه كل من تمادى !! ولنا " أفعال " تصفع كل من تذاكى !! -------------------- QUOTE] لا فض فوك على هالعبارة تقبل الله صيامكم وقيامكم |
مغاااااااااااااااااااااااااااااااااااط احلى واااااااااااااااااااااااحد |
تسلم يمناك على وصف الهياط .. يا مغاط ... |
والله من اروع الكتاب في جذب القراء اهنيك على الاسلوب الرائع |
مغاط قسم بالله جبنتها بالصميم تكثر البربره بالذات ضد الهلال !!! ومع غير الهلال يعم السكوت ليه ماادري ؟؟؟؟ بس يمدحون مسلسل مصلح لايفوتك |
بصراحه أنت تظلم نفسك بالإنقطاع .. لا تحرمنا من متعة القراءه لمواضيعك شكراً مغاط وبالفعل أسلوب ساخر يوصف الواقع ويعالجها بأسهل الحلول وأيسرها |
اهــــلاً بأغرب اسم بالمنتدى ........... مشكور موضوع حلو وجميل..........وتحياتي لك ومبرووووووك الفوز.....الي نكدوه العسكر |
عشت يامغاط وعاش قلمك ....... يعني يقال لك تقدر تسوي لقيمات احسن من كور دوري زين ؟؟؟ اتحداك...... ترا كورهم خوالهن كور قدم امريكية ......!!!!!! شكرا لك .. |
|
| الوقت المعتمد في المنتدى بتوقيت جرينتش +3.
الوقت الان » 06:44 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd