09/08/2009, 01:00 AM
|
| الكاتب الساخر | | تاريخ التسجيل: 19/06/2006 المكان: Najd
مشاركات: 1,022
| |
أتحدّاكم يا كتــّـاب الجرايد !! كاتب كاتب !!
لي صديق دكتور !! ( لا أحد يصجني تراه مهوب بالجامعي ولا الشميسي !! أعرفكم تبي تقولون خله يدبرنـّا بموعد قبل سنة !! ) المهم طلعنا أنا وأياه لأحد المنتزهات في مدينة الرياض <<-- مستحي يقول "مقهى" !! المهم قام يسولف .. قال لي إن فيه (دراسة تقول .. إن الشخص كل ما حاول يعيش " طفل " تفجرت طاقاته الإبداعية .. و تحرر من التفكير النمطي المتشابه اللي مسيطر علينا من الصغر) !! عاد بوقتها .. كان الجو حار !! قلت شكل الدكتور .. (مشتهي عسكريم و يلمّح ) !!
كانت الجلسة كلها عن (أحلام اليقظة) وكيف إن أقوى الأفكار اللي غيرّت العالم جت من (مزحة) أو من (واحد فاهي وفاق أثمه ولا يدري وش السالفة ) أو من (واحد عطى نفسه فرصة و جلس بلحاله وبدأ يفكرّ) !!
صراحة كلامه قام يدور براسي .. قلت خلنـي أجرّب منيب خسران شي .. يعني وش الفرق بيني وبين ( إنيشتاين ) وإلا ( دافينشي ) وإلا ( ضياء هارون ) !! كلنا في الهوى سوى !! ورحت للحمّـام وعبيّت البانيو مويه !! وقعدت أفكـّر وعطيت نفسي مطلق الحريّة في التفكير !! والله لا يعيدها من ليلة !! أنقلبت أحلامي لـ ( كوابيس يقظة ) !! لكن تعوذت من إبليس وفكيّت سدّادة الموية وتنشفت ورحت أنام !!
==========-------=========
الكابوس الأول :
تخيلت إني (حكم) !! أي نعم حكم على سن و رمح !! يعني زميل لكل ٍ من (الجروان و خليل جلال .. وعقب العيد نبي نخت لأندونيسيا أنا و (الدباسي والكثيري والمرداس ) ) !! عاد أنا - الله يجيركم - من النوع اللي يمشي وهو (قايم) في الكوابيس !! جتني رسالة من جوال (أبو مرداس) يعلمني إنه ماقدر يدبّر (القطة) حقة جاكرتا !! وإذا صرفوا للحكام (مكافأة بطولة المؤسس) لحقنا !! قلت هانت راح الكثير مابقى إلا القليل .. فتحت الجريدة إلا والله هذي صورتي وفوق بالبنط العريض : ( لا أبوك لا أبو أبوك يا مغاط الوصخ .. على هالمستوى التحكيمي اللي تسنه وجهك ) !! وأفتح الجريدة الثانية .. إلا والله هذي صورتي بجنب (عمر المهنا ) وكاتبين تحتها : التحكيم من جرف لدحديرة !! الجرف واضح منهو لكن هل معقولة أنا دحديرة !! قلت : لا هذولي جرايد اللي مسؤول عنها ( حفنة مراهقين ) المفروض أطنش !! خلوني أروح للجرايد الرسمية .. يوم فتحتها .. وأثرهم كاتبين (تنويه : أعزائي القرّاء نأسف عن تغيب الأعمدة اليومية .. والإعلانات .. والسبب زحف مواضيع السب والتسفيل بالحكم الزلابة : مغاط .. عشان يتأدب ) !! استغفر الله عشان ما تقولون نصـّاب كان فيه صوري وكان فيه دعاية وحدة لزبادي !! يوم دققت و ألقى مكتوب " اشتر اثنين زبادي واحد كله .. وواحد أفقع به وجه مغاط " !! تأكدت إنها (حملة مغرضة لإرهابي على العادة قبل أي مباراة مهمة وبعدها ) !!
قلت ياولد مالي إلا (رعاية الشباب) هي اللي تبي تحافظ على سمعتي وكرامتي !!ولازم تسحب الجرايد من السوق قبل لا يقومون عيالي ويقرونها !! وإلا يقرونها أقرباي و أصير ما أسوى شي بعينهم !!
جيت أتصل على رعاية الشباب تذكرت إنهم مواعديني يسددّون تلفوني المقطوع !! إذا رجعوا من معسكر (صلالة ) !!
فقررت أطلع وأوقف (تاكسي) واتجه لرعاية الشباب !! ويا أنا يا أنتم يا (كتــّاب الجرايد ورؤساء الأندية ) !! أدري بتقولون وين سيارتك ؟! أحب أقول لكم أصلا رعاية الشباب مواعديني " يسددون تلفوني ويشترون لي سيارة" <<-- ينرحم !! أشرت لتاكسي وقلت له (رعاية الشباب) لو سمحت !! قال لي يا اخي وجهك مهوب غريب علي !! قلت لا يصير يشجع الفريق اللي أنا حاسب عليهم بلنتي ثم يتوطاني بهالتاكسي !! قلت يابن الحلال مشبـّه !! وبعدين وش تستفيد إذا عرفتني !! يوم وصلت رعاية الشباب !! إلا فيه حالة استنفار عشاني !! وكانوا فارشين فرشة بحوش رعاية الشباب يوم شافوني قاموا .. بوقتها حسيّت بقيمتي ودريت إن الموضوع وصلهم !! يوم استحى على وجهه راعي التاكسي .. وقال لي (العذر والسموحة يا طويل العمر اللي مايعرفك ما يثمنك) قلت : عض على شحمة بس !! يعني لازم تعرفني عشان تحترمني هذا أنتم يا عامّـة الشعب !! يوم دخلت عليهم قالوا أنت العامل اللي تبي ترقى تجيب الكورة ؟! قلت أي كورة الله يرحم والديكم .. معكم الحكم الدولي (مغاط) وجاي اشتكي !! قالوا (وخرّ مناك ) ما عندنا شغل إلا أنت !! و وأثرهم ما طقوّا لي خبر .. والسالفة ومافيها إن حدى هالمسؤولين برعاية الشباب .. جايب ولده معه للدوام !! ومعه كورة يلعب بها وطاحت مع الدريشة ونشبت في عسبان النخل اللي في واجهة المبنى !! وأناظر إلا هذا (د.صالح بن ناصر) رابط خصره بشماغ (النويصر) وراقي على "كرب النخلة " عشان يجيب الكورة .. و(حافظ المدلج) يقول أنا من رأيي تدقون على الدفاع المدني لأن الموضوع خطير ولا ينسكت عنه ولازم نعقد اجتماع شهري نناقش فيه هالقضية !! و(السرحاني) معه حصى ويرّجم الكورة يبيها تطيح !! والبزر يصيح !! ويشاااااهق !! وكانوا يحاولون يسكتونـه !! وأذكر كان فيه (العبدالهادي ومدري من معه) و أشوف أثنين يأشرون له .. يقولون يا ابن الحلال عطوه (جدول الدوري .. خلوّه يلهى به .. ويقعد يشخمط به الين نجيب كورته) !!
قلت أنا راعي حق !! والله ما أسكت عن حقي !! رقيت للدور الخامس وقلت للسكيورتي لو سمحت وين (لجنة الحكام) !! قال لي : يا أخي أنتم وراكم كذا يالحكام تقل بزارين كل ما قال لكم أحد شي .. جيتونا طايرين تشتكون ؟! يا حكموّا زين يا حقكم وماجاكم !!
وبعدين المسؤولين موب فاضين لكم !! أنت ما تشوف الكورة ناشبه بالنخلة !! يعني مالنا شغل إلا أنتم !!
قلت طيب .. سمعتي !! أهلي !! عيالي !! حقوقي المؤجلة !!
قال لي أزين !! من قال لك تصير حكم !! حنا طاقينك على يدك وقايلين رح حكمّ !! وبعدين فيه واحد من الشباب مفصول .. تعال أشتغل معنا بداله !! معزّز مكرّم !! أقلها إذا قال لك أحد شي .. تروح لمكتب العمل وياخذون حقك !! قلت له أقلب وجهك لا أسطحك مع كورة ولدهم !!
وقعدت أدور في رعاية الشباب من دور لدور !! ومن مكتب لمكتب !! مليت وطلعت .. وهم إلى ساعك مبتلشين (بهالكورة) !! وياليتهم عاد يقدرون(يرجعّون هالكورة قبل لا تنسّم) !!
رجعت للبيت وكان معي ورقة كاتب فيها مقترحات من ضمنها :
1- إن كان ما عندكم (السيولة) اللازمة لدعم الحكام ماليا !! افتحوا باب (التفاوض) مع الشركات والمؤسسات للبدء باستخدام (فنايل الحكام) كوسيلة تسويقية مثلهم مثل اللعيبة !! وليه نحصرها على (راعي واحد) والمباريات المهمة لها أسعارها و العادية لها أسعارها !! وتوكل هالمهمة لوكالات متخصصة للتفاوض مع الشركات المعلنة !!
ويبدأ تطبيقها - على أسوأ الأحوال - كتجربة في بطولة (فيصل بن فهد) !!
2- إن كان ماعندكم القوة اللوجستية .. بإخراص المتطاولين علينا !! أوكلوا المهمة لـ(مؤسسة أو شركة قانونية) بما إننا في عصر الشركات على قولتكم .. وهي اللي تتولى المرافعة و المحاماة .. إذا صدرت إساءة لا يمكن السكوت عنها .. ووصلت للتشكيك في الذمم !!
3- معجبتكم أشكالنا !! كرشة الواحد منا صايرة كنها قطمة رز ؟! يا أخي حطوا لنا (مدينة تدريبية خاصة) !! أدري بتقولون .. فيه حكام من نجران ومن عرعر ومن تبوك ومن الأحساء ومن كل محل ..وشلون نحط لكم مدينة في كل منطقة !! ما نبي مدينة في كل منطقة .. اقتطعوا جزء من (المدن الرياضية المنتشرة على غير سنع ) ويصير جزء خاص بـ(الحكام) بشكل رسمي !! ويكون هناك (برنامج) لياقيوإعدادي للحكام !! أجل غربلكم الله ( ولا حكم سعودي اجتاز اختبار الكوبرا الأخير) !!
4- مكافآت المباراة !! ولدي رايح مع الكشافة هالسنة للحج ومعطينه (1500) غير التغذية والرحلات والسكن وجوائز وشهادات تقدير و أوسمة !! وأنتم الله يخلف !! لا وياليت مكافآتكم تجي بوقتها !! وياليتها (تسوى) !!
و بدون محفزّ ما راح يتغيّر شي !!
وأحب أقول لكم إنيّ شققت كل هالمقترحات .. ولا عاد نبي شي .. وبكنسل سفرة (جاكرتا) لكن تكفون .. نبي (مرجعية) تاخذ لنا حقوقنا !! لأن الحكم إذا صار ضعيف وكرامة مديوسة !! ما راح يطبق القانون بحذافيره و راح يستمر تحت الرهبة والتهديد اللي قدر يستغلها ضعاف النفوس !! ويضغطون على "الحكم" بلا (حسيب ولا قريب) !!
==========-------=========
- الكابوس الثاني :
تخيلت إني (دبيبة) وخدودي حمر .. وأمي هي اللي تكد شعري قبل أروح للمدرسة وإذا جو يخوفونّي .. قالوا ياويلك ترانا نبي نطفيّ اللمبة !! ثم أقعد أصيح ويقولون خلاص خلاص أوص نمزح !! وأعرف أتروش بلحالي .. وأصلا ما أخاف من الشامبو أصلا ما يحرّ عيوني !! و إذا رحنا لم استراحة أروح لم جهة المسبح (الغويط) ولا يقول لي أبوي شي !! و دايم نتسابق أنا والشغالات بالحوش وأسبقهم !!
بس مشكلتي (بلشة) و (لزقة) !!
إذا ما قمت (أتفلسف) وأحط (التشكيلة) يضيق صدري ويجيني مثل (الاكتئاب) .. وطايحن هالأيام (بتقييم المدربيّن) و (اللاعبين ) ومن وساعة الوجه (الإدارة) وأعرف من اللي يبي له تنسيق !! ومن اللي المفروض يلعب !!
==========-------=========
- الكابوس الثالث :
إني مشجع هلالي !!
وغيور .. وبنفس الوقت ودّي أفيد النادي !! وأصير قريب له .. ومتابع لأخباره أول بأول !! مشكلتي للحين جوالي (STC) .. وانحرمت من متابعة أخبار (الهلال) بسبب احتكار(موبايلي) !! لكنيّ أنتمي لشبكة تضمّ حوالي (نصف مليون عضو مسجل) والقراء يفوقون هذا الرقم أضعاف مضاعفة !!
وقدمت اقتراح بأن يكون هناك :
( جوال لـ شبكة الزعيم ) !!
ينقل أخبار الشبكة و أحدث المستجدات !! ويكون المشغل له .. الثلاث شركات الموجودة .. ( موبايلي ) و ( زين ) و ( الاتصالات السعودية ) !!
لأن هناك فئة وشريحة كبيرة جدا (مغيبّة تماما ) وهم أصحاب جوالات (الاتصالات وزين ) اللي من أبسط حقوقهم يحتفظون بالمشغـّل اللي يبغونه !! واقتراحي هذا ما فيه أي تصادم مع (جوال موبايلي) !! لأنه راح ينقل ما يكتب في ( شبكة الزعيم ) من أخبار حصرية !!
و راح يفتح (باب استثماري مغلق) .. وأرباح هذا الجوال !! يذهب الجزء الأكبر منها لـ :
- الفئات السنية بالنادي !!
" لأنهم الثمرة واللب والأساس سواءا لمنتخبهم أو لهلالهم" !!
ويكون هناك هدف من ضمن أهداف هذا المشروع !! وهو أن يقتص مبلغ (مالي) من أرباح هذا الجوال وتضخ في الصناديق الاستثمارية طويلة الأجل !! على أن يتم الاستفادة من هذه الأموال الآجلة .. في مشاريع أخرى .. تشتق من هذا المشروع !!
- كبناء عمارة سكنية "على سبيل المثال" تكون إيراداتها على شكل (صندوق يطلق عليه اسم أحد الرّواد الهلاليين ) .. ويكون بمثابة صندوق الوفاء !! الذي يستفيد منه .. كل من تغيبـّه إصابة لا قدّر الله !! أو يتعرض لحادثة تجبره على الاعتزال مبكرا !!
فيجد حينها هذا اللاعب .. ما يهوّن عليه (مصيبته) دون مهانة !! ودون أن يتفضل عليه ذوو المن و الأذى !! و مصداقا ً لنهج ( الأوفياء ) الذي توارثناه كابرا ً عن كابر في هذا البيت الأزرق الذي نتشرف بالانتماء له !!
فتخيلوا معي و على أقل أقل أقل أقل تقدير .. حين يشترك بجوال ( شبكة الزعيم ) 3,000 مشترك في الشهر الأول !!
موبايلي : 1500 مشترك
الاتصالات : 800 مشترك !!
زين : 700 مشترك !!
و 12 ريال غير مرهقة أبدا للمشجع الهلالي !!
وتخيلوا أن الجمهور حينما يجد مادة (تغذي) أدمغتهم .. سيتوافدون على هذا الجوال بتدفق ٍ مستمر .. أولا (لمصداقية هذه الشبكة) و (لشهرتها التي تفوق أقوى الشركات ِ والمؤسسات لدينا ) !!
ولن أحدثكم عن إذا ما تنوعت (مصادر هذه الجوّال) !! فكان منها :
- قناة الزعيم العامة !!
- قناة الكاركتير !!
- قناة الابداع التصميمي !!
- قناة الأخبار المحلية !!
- قناة تاريخ الهلال وأولوياته !!
- قناة مغاط <<-- وش يبي ذا ؟!
لكن رهبة الكابوس كانت !! برفض هالاقتراح !! وعدم وصوله لمتخذ القرار حتى يبت فيه !! وتتم الاستفادة منه !! و أنا على ثقة أن هناك من أعضاء هذا المنتدى والقائمين عليه .. من لديهم القدرة على التفاوض والتحاور !! وفتح أبواب (الشركات المشغلة) وبلورة هذه الفكرة .. من نص ٍ مكتوب.. لواقع ٍ مشاهـَد !!
|
![الصورة الرمزية الخاصة بـ [ قلبي للهلال ]](images2/images14/images/avatars/hilal/129.png)
الوضع المتطور
