بسم الله الرحمن الرحيم

السلام عليكم ورحمه الله وبركاته

كيف الحال للجميع

ان شاء الله دوم بخير يارب

انا ما اعرف اقدم عشان كذا بقول لكم بدون مقدمات

اولا مبرووك للكره الاسيويه والعربيه والسعوديه ونادي الهلال على لقب "" نادي القرن ""

ثانيا اللي هو صلب الموضوع

انا استغرب من بعض الاعضاء يكتب موضوع ومدري هو حاط في باله انه الجميع راح يأيدهـ

بصراحه البعض مو متابع للاخبار الهلاليه ابد الا نادر ولا تصاريح ولا مؤتمرات ولا شي بس يقرا عنوان الموضوع

بالجريده الفلانيه ويجي ينزل موضوع ويتفلسف

اللي يقول الاداره ما تفهم واللي يقول هذي مباراه التايب ووينك يالتايب

ونيفيظ صفقه فاشله ونيفيز مقلب وشربناه

ياخي مو عاجبك الوضع اتمنى انك ما تعكر مزاج الاخرين بموضوعك لان موضوعك ماله سنع ياخي

اجل انا بقول الهلال من اعتزل يوسف الى يومك هذا والهلال فاشل ابيه يتعاقد مع لاعب نفس يوسف طبق الاصل

نفس لعبه ونفس تسحيبه والله حرام عليكم

الامير عبدالرحمن بن مساعد تعب عشان يرفع اسم الهلال لعلمكم اجزم ان الاغلبيه مو عارف وش هدف عبدالرحمن

بن مساعد هدفه ياجماعه يبغى الهلال نادي سعودي بمواصفات اوروبيه من جميع النواحي من ناحيه التعاقد ومن

ناحيه المؤتمرات الصحفيه ومن ناحيه تعامله مع الجهاز الفني يعني مخلي المدرب يسوي كل شي كأنه رئيس النادي

هذي يسوونها الانديه الاوروبيه يقولون له عندنا من الفلوس مبلغ كذا وش تبينا نسوي فيها يقول ابي اللاعب

الفلاني والى الان استغرب ياخي شوف الانديه الثانيه كيف فرطوا بلاعبين كبار اول نادي عندك ريال مدريد كيف

فرط باللاعبين هذولا : روبرتو كارلوس / بيكهام / فيقو / روبن / شنايدر / رونالدو / سولاري / لاعبين لهم تأثير

بالملعب وين راحوا وهل تأثر ريال مدريد وعندك برشلونه كيف يفرط باللاعبين : ريفالدو / زامبروتا / ايتو / تورام /

والكثير بس الذاكره ما تحاضرني الان

وغيرهم الكثير من الانديه الاوربيه

هذا اقتباس لتصريح الامير عبدالرحمن بن مساعد واعتذر من الاخت هلاليه محترفه من النسخ

إقتباس كوننا لم نخرج في الإعلام لتوضيح موقفنا لا يعني رضانا عما يحصل، لكن هناك أموراً من المصلحة العامة عدم إثارتها في الإعلام، ولذلك اتجهنا للجهات المعنية وخاطبناها، ولن أسهب في الحديث عن ذلك، لكن أود أن أؤكد أننا لن نسمح لأحد بأن يسيء إلى الكيان أو أحد رجالاته أو نجومه، فالهلال ليس جداراً قصيراً ------------------------ " لن يهدء لي بال ولن يغمض لي جفن إلا ان يرون الهلال في أحسن صوره سأبذل كل جهدي ليكون الهلال كما يريد كل محب له "

يقول سأبذل كل جهدي ليكون الهلال كما يريد كل محب له

طبعا كل النحبين للنادي يبي الهلال نادي بمواصفات اوروبيه

طيب ما لاحظتوا من استلم الرئاسه ابو فيصل الله يحفظه وتغير الهلال من ناحيه كل شي حتى الشركه الراعيه مافي

احد توقع المبلغ هذا كله بسبب حنكه الامير عبدالله بن مساعد حفظ حق النادي واقنع الراعي االرسمي وحتى

بطريقته يخلي الجمهور يدعم ناديه عن طريق الراعي الرسمي.

خلونا بيوم من الايام مرتقين شوي عن المواضيع اللي مالها سنع كلنا نبي نخدم الهلال

الجمهور يخدم الهلال بالطرح الراقي والفكر والعقل وبنقدنا المفيد وليس الجارح

وان شاء الله نخدم هلالنا بطرح راقي وفكر عالي

والف مبروك اللقب وعقبال ما نفرح بالبطولات القاجمه باذن الواحد الاحد

تحياتي للجميع