][ رابطة الكوليز [ رئيس برشلونة الجديد : ساندرو روسيل .. وداعاً لابورتا الذهبي ] أبطال موسم 2009/2010 ][ - صفحة رقم 1293 - نادي الهلال السعودي - شبكة الزعيم

P.Guardiola · #19381 06/07/2010, 08:16 PM

^^^^^^^^^^^^
أخوي المايسترو الهلالي

وش فيك بتصاميمي كل شوي سادح لك تصميم بالرابطة ,, والله وهقتوني ,, بس التصميم صراحة مطلوب من العضو صاحب المقام السامي ,

اخوي المايسترو ,, خل تصاميمي في ذاك الموضوع لا تجيب شيء هنا

ض1

وبالتوفيق لكم يا أبطال ,,

المايـ الهلالي سترو · #19382 06/07/2010, 08:30 PM

^^

هههههههههههههههههههه بس ابي افضحك .. شكلك ناوي تسوي إنقلاب على جوارديولا ..

ومنها نوري عيال الرابطة إبداعك .. واصل يا بطل ..

BARCELONISTA · #19383 06/07/2010, 08:42 PM

عزوز ..

يعني تقصد بكلامك أن روسيل ما شاور أبد و سحب على بيب

؟ ليش مثل ما قال حسين أن تشغرنسكي يكون على قولتهم ( في وجه المدفع و هو الفداء ) و بيب و روسيل مخططين على صفقة و محتاجين سيولة ؟ كلنا متأكدين ان تشغرنسكي فشل بقوة و كلام بيب مجاملة أو تقريباً يبي يخفف الظغط على نفسه و على الآعب ! و إذا جاء الجد كلنا ندري انه اول نفر بيطلع ..

مدري بس احس ان انتقال تشغرنسكي فيه ( إن ) .. في وجهة نظري روسيل يمديه و بقوة بعد أن يبيعه بـ 20 و أكثر و فيه انديه كثيرة تبيه مثل الميلن و الأرسنال الظاهر .. لكن بيعته لـ شاختار ناديه اللي قبل و بـ 15 - شككتني شويات بـ الموضوع - ! .. احس روسيل مخطط على شي و محتاج سيولة سريعة و عشان كذا على طول باع تشغرنسكي بأول عرض رسمي جاه ..

على العموم ما نيب متحسف على بيعة تشغرنسكي .. اللي قاهرني بس المبلغ !!

- - -

بعد بيعت تشغرنسكي أتمنى ماركيز ما يطلع أبد .. آلحين ما عندنا احتياط أبد لـ بويول و بيكي و ميليتو ! .. صحيح عندنا مبزرة جيدين مثل مونياس .. لكن ماركيز نحتاجه و بأذن الله ما يخيب ظني و واثق بأنه راح يجلس و يقدم مستوى طيب

!!

المهم آلحين لا يطلع ماركيز عشان ما نجيب العيد و نرجع ندرو في السوق لـ واحد يمكن ينجح معنا و يمكن يطلع - تشغرنسكي ثاني - !!

= = =

جلال ويلكمو يا بعدي

PUYOL Carles · #19384 06/07/2010, 08:49 PM

إقتباس


	احس روسيل مخطط على شي و محتاج سيولة سريعة و عشان كذا على طول باع تشغرنسكي بأول عرض رسمي جاه

فيه احتمالية كبيرة انه مبلغ الـ 15 مليون بتاع شاختار .. مبلغ كاش .. دفعه وحده .. مو اقساط .. بالتالي الشئ مغري جدا

بس برضو .. فيه اشياء غير مفهومة صراحه

BARCELONISTA · #19385 06/07/2010, 08:59 PM

^

مثلاً يا حسونتي وش اللي مهوب مفهوم ؟ في وجهة نظري كل شي واضح و رروسيل محتاج فلوس عشان كذا على طول باعه ..

بالتوفيق لـ هولندا بعد شوي مع اني اتمنى اشوف فورلان و اخوياه في النهائي بس صعبه

..

PUYOL Carles · #19386 06/07/2010, 09:06 PM

^^

فيه اشيا متناقضه بين كلامه في الحمله والحين ...

لما يطلع نائبه اكثر من مرة يقول احنا عندنا سيولة لشراء اللاعبين ومسألة سيسك راح تكون سهلة علينا .. ويطلع الحين هالكلام عن الفلوس .. انت تستغرب

لما النادي توه قبل كم يوم يطلع الاحصائيات الماليه للنادي على انها الاكبر في تاريخ النادي (بدون بيع توريه) .. وفجأة .. يطلع النادي ماعنده سيولة يدفع راتب لاعبين هالشهر ؟ .. وفي نفس الوقت يبغوا يقترضو مبلغ 150 مليون بعد ماكانوا يقولو احنا عندنا سيولة واحنا نقدر نجيب لاعبين

شئ مومنطقي حاليا الا اشوفه :$ ومومقتنع به .. لكن الى الان الاوضاع في السليم .. مسألة بيع تشغرنسكي عادية بالنسبه ليي .. بس تعليلها بأسباب مالية مع الرغبة باقتراض مبلغ كبير كذا من الباب للطاقه .. تخلي وجهي يفهي خخخخ

المايـ الهلالي سترو · #19387 06/07/2010, 09:09 PM

^^

والله ما ادري عند إحساس إن فورلان واخوياه بيسوونها مع انه صعبه .. مثل ماقلت ..

....................................

شباب نبي نراسل جوارديولا نطالبه بفورلان بديل لإبرا إذا طلع .. يمكن انه مو منتبه له .. فورلان = برشلونة ..

P.Guardiola · #19388 06/07/2010, 09:22 PM

إقتباس

الرسالة الأصلية كتبت بواسطة المايـ الهلالي سترو


	شباب نبي نراسل جوارديولا نطالبه بفورلان بديل لإبرا إذا طلع .. يمكن انه مو منتبه له .. فورلان = برشلونة ..

فورلان كويس مثل ماقلت ,, بس مايصلح يجي لـ برشلونة ,, لأنه كبير في العمر ,, 31 سنة ,, يعني نخسر عليه حوالي 35 مليون ,, وبالاخير موسمين وهو معتزل ,, بس إذا طلع إبرا ,, نبي روبينهو ,, والا بيدرو يكفي وبويان ,,

-----------

مباراة هولندا و أوروغواي ,, اتوقعها للأوروغواي مدري ليش !! ,, أحساسي بيقول التأهل للأوروغواي ,,

عبدالله عبدالرحمن · #19389 06/07/2010, 10:04 PM

السلام عليكم جميعا وهلا بالغايبين اللي رجعوا وعقبال نشوف اللي مختفين وهم بصحه وسلامه

سياسة التخلي عن نجوم وركائز اساسيه هي سياسه مخيفه للمشجعين وقد تلقي بظلالها على الفريق اذا كان مدرب الفريق
لم يبني سياسه قويه جدا ولم يوجد خطط مستقبليه تجعل الفريق حاضرا في المنافسات وبشكل قوي وهذا ما حصل قبل موسمين
وتحديدا مع قدوم بيب والاستغناء عن رونالدينهو وديكو وهذا الكلام اشبعناه طرحا في ما مضى

حاليا الراحلين لا يضاهون قيمة ابو الرون الجماليه او التكتيكيه او حتى شعبيته المخيفه ومع ذلك نرى ونسمع الكثير من الاحباط
وكان الفريق يهوي في وادي سحيق بسبب عدم قبول يايا توريه البقاء في النادي وكذلك محاولات مدير اعمال ابرا نقله لدوري اخر
رغم تأكيدات المدرب والادارات الجديده والسابقه والمشجعين في بقاء الاثنين والمطالبه بعدم التفريط فيهم

لا يهم من يرحل حتى لو كان ميسي نفسه او تشافي ولكن يهمني من هو البديل وكيف سيلعب الفريق في ظل التغييرات الجديده و
هل سيحافظ على جمالية الاداء والمستوى ويستمر التفوق محليا وكذلك المنافسه اووربيا ... وهذا ما يجب ان يشغل بال كل مشجع
كتلوني ..

حسين

إقتباس


	فيه اشيا متناقضه بين كلامه في الحمله والحين ...

في صباح العيد تلاقي الجزارين كل واحد يمدح شفرته ولكن الشغل يبان لما يسدح الخروف وهذا تقريبا ما حصل ويحصل حاليا
مع روسيل فكان يضغط على المصوتين بتصاريح انتخابيه لا اظنها تمر على عارف وخبير بالشأن الكتلوني مثلك ولكن الوضع
الحالي وتصاريحه الحاليه هي الحقيقيه وبيع تشيغرينسكي احد الادله ورغم ان اداء اللاعب لم يكن مقنعا للكثيرين الا ان النادي
تعجل في بيع اللاعب وانا اراهن انه سيعود اقوى مع شاختار فـ المشكله في طريقة لعب برشلونه وليست امكانياته

لان برشلونه يحتاج مدافع سريع ويجيد التمريرات القصيره والطويله المتقنه ولو انتقل لنادي اخر لسجل نجاح منقطع النظير
لان برشلونه في حالة الهجوم تنكشف مناطقه الخلفيه وتتسع المساحات من ما يجعل الوضع مغاير لوضع الانديه الاخرى التي
تعتمد على دفاع المنطقه او الهجوم الحذر

بالنسبة لنقطة كرويف اللي ناقشوها الاخوان وسبب تسليمه المنصب الشرفي قبل انتهاء ولاية لابورتا وانها قد تكون فقط لمحاولة
زرع مشاكل بينه وبين روسل فانا اعتقد انها غير دقيقه ولكن لابورتا كان يستعين بـ كرويف كـ مستشار فني في الكثير من الامور
وقبل خروجه حاول ان يوجد له ما يبقيه في النادي للمحافظه على ما بني في الماضي والذي يعتبر كرويف جزء لا يتجزء منه .

اسف للاطاله

PUYOL Carles · #19390 06/07/2010, 10:24 PM

إقتباس


	لان برشلونه يحتاج مدافع سريع ويجيد التمريرات القصيره والطويله المتقنه ولو انتقل لنادي اخر لسجل نجاح منقطع النظير لان برشلونه في حالة الهجوم تنكشف مناطقه الخلفيه وتتسع المساحات من ما يجعل الوضع مغاير لوضع الانديه الاخرى التي تعتمد على دفاع المنطقه او الهجوم الحذر

القلب الدفاع عندنا كانه ارتكاز بالفرق الثانيه .. الظهير عندنا .. كانه جناح عندهم

طريقتنا صعبه جدا .. وهنا كانت مشكلة تشيغي

كلامك كله عسل و صحيح يالبريطاني

المايـ الهلالي سترو · #19391 06/07/2010, 10:25 PM

شباب النادي ماعليه خوف من الديون .. ولو فيه مشكلة منها مشجعين كاتلونيا مايقصرون ..

بس الحين وش اخر الأخبار موقع النادي في حموووول .. والأخبار هادية .. ننتظر نهاية المونديال ..

المايـ الهلالي سترو · #19392 07/07/2010, 02:14 AM

شباب مين شاف المباراة .. حسيت اني حاط على حرب مو مباراة .. من كل مكان تطلع قذيفة ..

يضل فورلان المهاجم الأول .. يكفينا سنتين عادي شايب ولا طفل ..

أبو فيصل الأسكندنافي · #19393 07/07/2010, 02:19 AM

يا أخوان وش رايكم بالجني الاصلع رقم 17 في الأرقواي

صراحة أراه أفضل محور في البطولة تغطية ممتازة وبريسنق عالي

أراه مناسب جدا لطريقة البرشا الهجومية لأنه عن لاعبين في المحور و ألا أيش رايكم ؟؟؟

Visca El Barca · #19394 07/07/2010, 03:26 AM

ولكم باك لكل الي رجعوا

وننتظر الباقي !

ووش سالفة ناديكم ورئيسكم النايم ؟

ووش سالفه خوينا السعودي

شكل الي كتب الخبر حقه الي في الجريده يبي يفتح عيون فرقنا عليه

ولا وش سالفته ؟ وكرويف مو قبل كم يوم مسلم شارته مسرع وصل لساوث افريكا

نسيت .. بالتوفيق ليوسف

وبندر

في قياده الرابطه لمستقبل افضل ثقتي فيكم اكبر من ثقتي في روسيل

.. انتظر منكم حاجات كبيره

هذا الرد برعايه ( ردود سلبيه اكثر حياه سعيده اكثر

) < هاليومين الردود السلبيه = 10 ردود ايجابيه قبل شهرين

المدافع الصلب · #19395 07/07/2010, 05:11 AM

السلام عليكم

صبحكم الله بالخيررررررررر

كيف حال البرشاويه

ان شاء الله نشوووووووووووووووف الموسم الجاي فيه صفقاااااااات انماااااا ايييييييييه

وبيعة تشغرنسكي احسن شي علشان نجيب لاعب سريع سريع

ويا ليت يكون اللاعب زي ديفيد فيا يعني بالعررررررررررررربي نبيه يكون صفقه نارررررررررررررريـــــــــــــه