الأفضل والأسوء في مباراة برشلونه والانتر

الأفضل : الكامب نو
الجماهير الحاضرة في ملعب الكامب نو قدمت لوحة جميلة ، 96214 متفرج كانوا متواجدين في الملعب ساندوا رجال المدرب جوارديولا بكل قوة حتى الدقيقة الأخيرة من المباراة .

الأسوء : ضربة قوية لليغا
خسارة التأهل جاءت في وقت حاسم بالنسبة للبلوجرانا ... الفريق تنتظره مباراة قد تكون حاسمة بالنسبة لمسيرة الفريق في الليغا مساء السبت امام فياريال ، والحالة النفسية التي سيكون عليها اللاعبون بعد الإقصاء قد يكون لها تأثير على اداءهم في المباراة .

SPORT

السلام عليكم ورحمه الله وبركاته ..
هاردلكم الخشاره حبايبي .. العوض السنه الجايه !
[ طلب ]
* ياليت ماحد ينزل نفسه إلى مستوى مو كويس اوكيه ؟

مورينهو ، عندما يكون للحقارة عنوان !!

الله يلعن ابليس ، انا لو نايم ولا شفت الحقير هذا يركض بالملعب مستانس ارحم لي !!

Ibrahimovic go to hell

هاآآآآآآآآردلك يابرشاآآآآآآ وان شاء الله التعويض بالدوري

المحافظه على القمه صعب جداً

إقتباس الرسالة الأصلية كتبت بواسطة Hilali 3asal ادري ان المدريديين يفرحون لخسارة برشلونه وهذا شيء طبيعي والعكس صحيح ، لكن انها توصل لمسيرة واحتفال في ساحة السيبليس هذي قوية ... انت تعرف ان الساحة هذي عادة تكون مخصصة لمكان احتفال جماهير الريال ببطولاتهم ، الا اذا كان خروج برشلونه من الشامبيونز ليغ يعادل بالنسبة لجماهيركم تحقيق بطولة هذا شيء ثاني .

إقتباس الرسالة الأصلية كتبت بواسطة اكشخ واحد المدرب لم يعد يعي ولا يعرف مايقوم به بالعربي .. بيب صار غريب جداً وتخبطات اصبحت واضحه .. واللي كنت خايف منه حصل .. وكرر غلطة الذهاب .. تشكيلة البدايه كلها اخطأ وكملها بتغييرات خرافيه.

دكتور ابو نواف

مدرب يبي يلعب للفوز يدخل بقلب دفاع في مركز الظهير الايسر .. وعنده ظهير هجومي مقدم مستويات ممتازه .. وطول الفتره اللي راحت هو الاساسي ؟؟

بسبب هالتشكيل الخطأ فقد تغيير يوم طلع مليتو ودخل ماكسويل الشوط الثاني.

وش فيها لو لعب بالتشكيله هذي من الاول

ماكسويل / مليتو / بيكي / الفيش

يايا توريه

بوسكيتس او كيتا / اكزافي

بيدرو / ابرا / ميسي


ليه الفلسفه على الفاضي .. ليه تسحب مهاجم كان شاغل معه لاعبين اللي هو ابرا

لو خلاه ودخل مهاجم ثاني راح يخفف الضغط عنه وعن ميسي .. يعني لو سحب بوسكيتس ودخل بويان وخلاهم الاثنين في الصندوق كان استفدنا من كثره عدديه محتاجينها .. بعكس لما يكون عندك لاعب واحد داخل الصندوق .. ياعمي انت تلعب على الفوز بهدفين .. يعني ياتكون او لا تكون ليه تسحب مهاجم بحجم ابرا .. حتى لو كان سيء راح يفيدك.

يا عيال اقسم بالله الفريق بخير .. وكل شيء ماشي تمام لكن غوارديولا فيه بعض قناعات ياخي تفقع المراره

مثلا ً .. يبدأ بـ ميليتو يسار ؟ ليه تبي تسكر على ميليتو ولا ايتو يا ذكي ؟ واضح اساسا ً .. إن الأنتر ماهو داخل عشان يسجل قول وهذا شيء معروف من الجماهير قبل لا تعرفه انت يا كوتش .؟ تفكر في الدفاع ليه ؟


والله لو لاعب في هالتشكيله :

ماكسويل .. ميلتو .. بيكيه .. الفيس

بوسكتس

توريه .. تشافي

بيدرو .. بويان .. ميسي

كان أتوقعها 2-0 من الشوط الأول ..

يعني بصراحه ، كيتا ليه مازال يلعب ؟ من قبل مباراة الكلاسيكو ، وهو ما يقدم اللي عليه ؟ ولا هو في نص مستواه ..

يا شباب مافيه احد يخسر ، لعبه جماعيه او لعبه فرديه .. اقسسم بالله مافيه احد يخسر


لاتنسون الظروف الي مرينا فيها ، سواء ضريبة السداسيه من مستويات الفرق المقابله لنا ، ولا من الإصابات والأشياء الللي مرينا فيها ولا التجديد اللي حصل للفريق في بعض العناصر او عودة بعض المصابين .. بطوله وحده تكفينا وراضين فيها ، وبإذن الله راح تشوفون برشلونه غير في بقيّـة الموسم .. لإنه راح يضغط على بطوله وحده وتفكيره واحد وراح تشوفون إن الإرهاق في المرحله السابقه كان هو العامل الأساسي في وصولنا إلى هالمرحله من الإصابات والمستوى ..



هارد للجممممممممميع ، و زي مانقول [ خطة الدجاج ] .. دائما ً وابدا ً في من يقابل البرشا يفعلها لـ كي ينجو


ياعيال شفتوا التمرير ؟

550 تمريره تقريبا ً للبرشا ، مقابل 50 ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


ميليتو - ايتو .. < ظهيرين من الشوط الأول هههههههههههههه ..

وسعوا صدوركم ، فريقكم بطل و بيبقى بطل .. والله ثم والله شماتة الناس فينا لا تعتبر لنا إهانـه ، بقدر ماهي تخفف من أحزانها ، لإن وقتها نعلم بأن الجميع يقف امام البرسسا .. وليس الخصم وحده ..!


كل التوفيق للفريق ، وانتظروا البلوغرانا في المادريغال


فـ اتق ِ شر الحليم إذا غضب ..!


وانا راح اراهن بحول الله وقوته إن الله عطانا عمر ، راح تشوفون سداسيه آخرى في الموسم القادم بإذن الله


فـ الدنيا دروس ولكل درس عبره ، ولا يقف شيء امامنا إلا توفيق الله كما حصل اليوم



الحمد لله كما ينبغي لجلال وجهه وعظيم سلطانه



الوعد قدااام يا شششششباب لا تنظرون إلىى الخلف ،، اذكروا الله وهدوا أنفسكم


و اقسم بالله العلي العظيم لو كتبها الله لنا لـ ما حصل هذا الحزن والأسى


ولا تشكوا إلى أحد ، فـ الله هو وحده من يعوّضنا خيرا ً منها ،

مبروك لأخواننا الإنتراويه والمدريديه تعرفون المدريديه شغل مسيار ضد برشلونه الله يحفظهم
وأكبر دليل احتفالهم ههههههههههههههههه اللهم لاشماته اللهم لا شماته

توني اعرف شكثر برشلونه مخليهم يعانون الله يصلحهم

أما بالنسبه للإنتراويه فالهم البطوله بإذن الله ويستحقونها وإن شاءالله نشوف زانتي شايل الكاس

وبصراحه مع إنه يوم سيء الا إني كسبت شوفة الشباب ياعساها دوم هالجمعه وهالطله وهي
اللي خففت علينا الخروج من دوري الابطال واحنا الحمدلله فزنا على ارضنا وطلعنا غيرنا مع فريق
بلا تاريخ اوربي يحفر في ارضه وخارجها اللهم لا شماته اللهم لاشماته

بصراحه ماشفنا برشلونه الا اخر عشر دقايق وبصراحه انا كنت جالس مع الشباب اضبط الشاي
واصب لهم يعني شغل قهوجي عشان الضغط النفسي مثلكم عارفين

الحمدلله على كل حال واللي مايرضى بالخساره لن يفوز وقدامنا الدوري ومباريات مهمه وإن شاءالله
الابطال قادرين على تحقيق الدوري لأننا الأحق ولم نعتمد على غيرنا بل على انفسنا يالله لك الحمد

موفقين شباب وشكر خاص لـ أنس + يوسف على الجمعه الحلوه ولايوقف

الاحصائيات تؤكد على الكلام اللي قلناه بين الشوطين وبعد نهاية المباراة اننا افتقدنا للجرأة الهجومية بشكل كبير في محاولة اختراق دفاعات الانتر وبالغنا في كثرة التمريرات .

يعني شيء ماهو معقول ولا منطقي انك تحاصر خصمك طوال الـ 90 دقيقة في ملعبه والمباراة على باب واحد وفي النهاية انت ترتكب أخطاء وفاولات في المباراة أكثر منه ... 15 خطأ طوال المباراة على الانتر وعلى فكرة في الشوط الاول مثل ماقال جمال الشريف اذا ماكنت غلطان ثلاث أخطاء فقط هذا دليل على ان دفاعهم ماواجه ضغط هجومي من لاعبينا للعمل على فك دفاعاتهم او عملية ضغط عليهم عند استلام الكورة ممكن انك تجبرهم على ارتكاب الأخطاء مع انهم لعبوا على مبدأ التشتيت العشوائي في فترات كثيرة لكن يبقى رقم ضعيف قياسا بالمحاصرة اللي كانت حاصلة في المباراة .

التمريرات 555 في حوالي 95 دقيقة زمن المباراة يعني بمعدل تقريبي لو نحسبها ست تمريرات في الدقيقة لكن لو نجي نحسب اللي كانت تمريرات قطرية وحاسمة وفعالة وشكلت خطورة داخل منطقة الجزاء الانتراوية ما اعتقد تتجاوز الـ 10% من مجموعها .

بالنسبة للكلام عن المدرب جوارديولا يمكن انا ما عندي تحفظ على تغييراته في المباراة الا بالنسبة لهنري دخوله بدل جيفرين ممكن تكون الفائدة أكبر منه هجوميا ... لكن المشكلة انه بعد التغييرات ماتدخل ولا وجه اللاعبين في عملية تغيير طريقة اللعب ... يعني اوكيه حاولت فتح اللعب على الاطراف لكن طريقة الكور العكسية التقليدية العالية من راح يستفيد منها بعد خروج ابرا بوجان او ميسي او بيدرو قدام لوسيو وصامويل ... كان المفترض لعب الكرات العكسية على الأرض لأنها اصعب لما تقابل تكتلات دفاعية ويكون فيه كثافة عددية داخل منطقة الجزاء ممكن تصطدم بمدافع او عملية تشتيت بالخطا يستفيد منها فريقك .

الأكيد ان المباراة انتهت بخيرها وشرها وماكتب لنا التأهل ، لكن يبقى الدور على اللاعبين والجهاز الفني بسرعة الخروج من هالوضع النفسي والتركيز في مباراة الغواصات الصعبة .

موفقين ان شاء الله يوم السبت ،،،

هاااااااااااردلك لكم حبايبي ..

الانتر قدم مبارة دفاعيه حلوه ..

سيطره لكم رائعه لاكن سلبيه ..

هاردلك سيبقى برسا .. كبيير .. الليقا ان شاء الله لكم ..

همسه .// .

التعصب لايخليك أعمى .. وتسب وتشتم او تنرفز مشجعين اخرين ..



شكرا لكم وبالتوفيق في باقي المباريات القادمه

ع الود نلتقي