والله ودي يمسكون خط مثلنا عشان يحسون مثل ماحسينا <
اللي سمعت ان الغيمه بترووح عن قريب وسمعت انه بتروح يوم الخميس بكرا اذا ماني غلطان , وانا اتوقع انهم بيجون بالطائرهـ , بس ان شاء الله يجون بـ باص يحسون باللي حسينا به
ما أشوف الارهاق له دور بصراحة ..! وأغلب اللاعبين اسبتعدو ان يكون للارهاق والسفر دور .. الفريق وصل لـ ميلانو قبل اللقاء بـ يوم و بيكي بتصريح له في الجزيرة أكد ان الفريق ما كان مرهق وفعلاً ما حسينا بهالشيء في اللقاء , يعني الفريق قاتل الى آخر دقائق المباراة وجارى الانتر القوي بدنياً .. تكتيكياً فشلنا ؟ اييه نعم ..
حتى فيه كلام كثير حول الحكم من اللاعبين والأهم ما يشوش عليهم هالشيء في الاياب ..
بالمناسبة بعد المباراة وفي ممر اللاعبين وعلى كلام حسين ياسين مذيع الجزيرة ذكر : ان مورينيو كان واقف في الممر وكان يحيي لاعبين البارسا وبالذات اللي يعرفهم فـ لما حيا تشافي قاله تشافي مبروك عليك الحكم البرتغالي فـ رد عليه مورينيو : نسيت حكم العام الماضي !
وبعدها صرح مورينيو للجزيرة ودافع عن نفسه طبعاً ..!
..
يا ليت ما يتم التركيز على الحكم .. وان كان سيء وحرمنا من ركلة
جزاء وحسب هدف تسلل هذا ما يخفي سوء الفريق البارح وباذن الله
يكون الوضع الطبيعي في الاياب بـ حضور البارسا بـ افضل حالاته ..
.
.
نقطة ماكسويل !
اللاعب مجتهد ومميز هجومياً ودفاعيا مب سيء ومباراة امس
كان من أفضل اللاعبين بالنسبة لي مع بيدرو وتشافي ..!
وان كنت ما اشتكيت ونُحت وتباكيت عن التحكيم ولكن لست بتلك
السذاجة حتى أنساق وراء صور الآس " وهي أول من وضع هالصورتين ..
ممكن نجاريكم ونقول أن حالة التسلل خاطئة طبعاً ولكن فيه حالات أخرى
فـ مبدأ ان هالحالة حُسبت وهي خاطئة ممكن تعويضها بهدف الانتر ..
لقطة ايتو وكيتا .. الصورة مُضحكة جداً .. واضح انها بعد الاعاقة
واقصد اعاقة الاقدام لأن في هالصورة وان كانت كـ حجة لهم
لكن فيها خطأ و واضحة يد ايتو اليمنى ودفعه لـ كيتا ..
يـا ليت لما نناقش بـ شي نكون واعين فيه تماماً او بلاش
نحرج انفسنا قدام العالم واستمتع بـ خسارتنا واترك التحكيم ..
ما أشوف الارهاق له دور بصراحة ..!
وأغلب اللاعبين اسبتعدو ان يكون للارهاق والسفر دور .. الفريق وصل لـ ميلانو قبل اللقاء بـ يوم و بيكي بتصريح له في الجزيرة أكد ان الفريق ما كان مرهق وفعلاً ما حسينا بهالشيء في اللقاء , يعني الفريق قاتل الى آخر دقائق المباراة وجارى الانتر القوي بدنياً .. تكتيكياً فشلنا ؟ اييه نعم ..
كيف ماله دور يا صاحبي
الفريق وصل للقاء قبلها بيوم .. صحيح .. لكن وش الا سواه بعد هاليوم ؟ وش تحضيره لهالمباراه ؟
العاده الفريق بالظروف المثاليه او الطبيعيه .. يتدرب على خطته ويسوي تحضيراته في اسبانيا .. مثلا مرتين أو ثلاث .. وبعدها يجي لملعب المنافس يعيد جزء كبير من تحضيراته هذي لين مايتقنها + الأشياء الفنيه مثل الكرات الثابته او شي .. وطبعا التحضيرات البدنيه الخفيفه المعتاده
هالمره .. مااعتقد الفريق جا له وقت يسوي شئ كثير لما جا ايطاليا .. وكان التحضير معظمه للتعافي من السفر البري
وضع نوم الفريق كله يتغير مع رحلة هالسفر .. وهاالشي يأثر عليهم
برشلونه في الحاله الطبيعيه لعبه أسرع وردة فعله اسرع .. وأمس الفريق تمكن من لعب الشوط .. والشوط الثاني البطاريه كانت low لكن الشاحن كان ضايع .. مثلا ميسي في الحاله الطبيعيه اسرع في مراوغاته .. وهالشي كان موجود شوي بالشوط الأول .. لكن الشوط الثاني الولد كان منتهي
الاتحاد الايطالي يخلي الانتر يلعب الجمعه .. وهاالشي يعطي الانتر فرصه اكبر للتحضير للقاء .. اذا الفريق لعب الجمعه .. يعني احسب .. كم يوم يقدر يحضر فيه الفريق مورينيو من الناحيه التكتيكيه لين مايتقن اللاعبين التحركات
الاتحاد الاسباني .. خشبه واقفه .. مااقول انه لازم يغير وقت المباراه حقة اسبانيول .. بس قاعد ابين لك الفرق
اذا صرح بيكي بعدم تأثير الارهاق .. فـ هي من باب المثاليه .. ومايبي يصرح بشي يبين انه انهزامي .. لأنه النجم او أي لاعب يلعب في مثل هالانديه يكون في وجه المدفع على اي تصريح يقوله
الانتر تفوق .. وكان الأفضل في المباراه .. لكن عذر الارهاق موخدعه من البرشلونيه
وبالنسبه للتحكيم .. انا مااحط اللوم عليه .. هي كذا سالفة توفيق .. لكن الناس آذتنا وهي تقول برشلونه فريق التحكيم وماعرف ايش .. وماعمرها ركزت على الأخطاء الا تصير ضدنا .. والبارحه كانت آيرونكلي الأخطاء أدت الى اهداف علينا مباشرة عكس المباريات السابقه الا كانت هالأخطاء يضيع تأثيره مثل ضياع فرص المهاجمين .. فـ مايضر لو البرشلوني تحجج بها وأشار للأخطاء الا صارت عليه ;)
الله لا يضرك على هالمشاركة .. قضيت يا بطل .. ؟
افحمتنا الله يصلحك يا قوي ..
//
.
.
أقـولـك كيف يا ريس ..
الارهاق اللي اعنيه هو الكلام حول السفر والتنقل . يعني ان الارهاق = ضعف
كبير بالمجهود ..!
اللي ذكرته صحيح لكن أثـره تكتيكي أكثر من انه لياقي .. بمعنى أن الفريق
ما كان عنده وقت كافي للتحضير للمتش زي العادة لأنه تقريباً مجموع
الايام اثنين بس ..! منتصف الاثنين و يوم المباراة ..!
الأثر ممكن تكتيكي .. لكن كـ مجهود الفريق كان جيد وما كان
الارهاق احد العوامل الرئيسية ..
نقطة ميسي ذكرتني فيها وهي أن فيه ارهاق بعينه على ميسي من لقاء
اسبانيول .. كان مهاجمنا الصريح تقريباً وقتها مع حريته في التحرك
في أكثر من لقاء .. والارهاق لعب لعبته مع الليونيل تحديداً .. ضغط
المباريات عليه كثير وان شاء الله ياخذ له نفس في المدرج وليس الدكة
امام خيريز .. نحتاجه بدنياً وذهنياً في الاياب ..
وعلى طـاري الانهزامية أكيد مو موجودة ولكن أغلب اللاعبين تكلمو
عن التحكيم وما تعودنا منهم .. ممكن نقول يحطون الحمل على التحكيم
ولا على الاتحاد اللي ما ساعدهم في أو حول عناء السفر ..!
لكن الأهـم أن التحكيم وموقف الفريق منه يُنسى بالاياب ويدخلون اللقاء
متناسين وناسين الحكم مثل باقي المباريات ..
نعم خسر البارسا...لكن سبب الخسارة ليس الارهاق...أو التحكيم و أكيد ليس "مورينهو"..
سبب الخسارة مدربنا الهمام
بكل بساطة نحنا لمن نجي نحكم على الفريق وكيف خسر نجي نشوف التشكيلة الي لعب بها الفريق من البداية..ثم!! نتجه الى ما حدث "اثناء" المباراة........نجيي نقول:
منذ متى والبارسا يغير طريقة لعبه ويخلي الفريق الخصم يفرض عليه تشكيلته؟؟؟
منذ متى والبارسا يلعب 4-2-2-2؟؟؟؟
يعني في أخر مباريات "بيب" يألف في التشكيل...نجحت معاه في الديربي لأنه المدرب الي واجهه طلع "أغبى منه"
طبقها في مباراة اسبانيول!!!!!!!!!!! ومين هو "اسبانيول" انا لا اعرف عشان تلعب قدامه بطريقة لا تمت للبارسا بي صله؟؟
مباراة الانتر: أنا ما شفت المباراة فلن اتكلم "عن أحداث المباراة
لكن بالله عليك يا "بيب" بس سؤال؟؟؟ وش الي تحس فيه يوم تخلي أفضل "ارتكاز" في العالم في السنة الماضية على دكة الاحتياط؟؟؟ لاعب جوكر خدم الفريق في كل مركز طلبت انه يلعب فيه...وتجي بكل رعوووونة وبكل بساطة تسحب "الثقة" منه عشان تمنحها لي شخص لا يستحقها اكثر من يايا توريه (حتى لو كان هو ابن النادي وانك انته من اكتشفه)
نهاية القول: كلي ثقة في "لاعبين" البارسا في انهم سيكونون على قدر المسؤولية في الإياب....ولكن لا أثق في انه "بيب" استوعب الدرس وانه سيعيد نفس الخطأ و سيشرك "بوسكيتس" في الاياب كمان مره
قفلة* لكل من يريد أن ينبرش على كلامي فاليتفضل مشكورا