فريق جالس يطربني ....
فريق جالس يمتعني
فريق خرافي
فريق جالس اشوف فيه متعة ما عمري شفتها ...
فريق أهداني السداسية ألي ما كنا نحلم فيها ...
فريق كنت متمني منه بالموسم ألي راح مستوى يشرف فقط ... وغير منتظر منه ولا بطولة
ويجي يهديني أروع سدادسية ... ألي صعبت على كبار الأندية الأوربية ...
فريق قدم لي موسم خرافي ... موسم راح اتكلم فيه لأجيال جاية ....
مثل ما كانو الكبار يقولون لنا مردونا ... وبيليه ...
صارو لنا عملاقة و صرنا نقول لحقنا على الدريم تيم ... ألي حقق ألي ما قدرو عليه عمالقة كرة القدم السابقة ....
فريق تجاوز تشلسي و هزم مانشستر و ضرب الريال بسداسية ...
فريق واصل الرتم القوي حتى بهذا الموسم الجديد
رغم الخصوم القوية لكنه برز ... وقدم لي نقاط بالدوري أكثر من الموسم ألي راح
و قدم ألي اهداف أحلى ... و قدم لي متعة ان لاعب مثل ميسي يسجل هارتك و سوبر هارتك ... ويتلاعب و يتفنن
فريق هزم لي الإنتر بتشكيلة غير متوقع انها تقدر على هزيمة فريق مورينهو ...
و فريق هزم الأرسنال بنتيجة ثقيلة ....
و تبعها بهزيمة الريال على أرضه و بين جمهوره ... و بصفقاته الخرافية و بإمتلاك نخبة من اللاعبين ....
كل هذا و أكثر و أكثر ....
وبعد كل هذا .... تبغوني ألومه على تعادل ؟
ما أكون عادل لو ظلمته و ظلمت اللاعبين و المدرب على اخفاقه بمباراة واحدة !
و ما يحق لي ألومه و ضغوط المباريات و كلها مهمة و جاية دفعه وحدة
عذراً بس مالي حق ولا لأحد حق أنه يظلم البرسا و يلومه على اخفاقه ....
تذكر هالمدرب اهداك سادسية ... بوقت انت ما كنت متوقع حتى الدوري !
البرسا بعد ألي قدمه بالموسم ألي راح و ألي جالس يقدمه ألحين ... خلى نفسه فوق العتاب و اللوم ....
كل واحد بس يتخيل .... لو اهو منتظر هدية من شخص ... ومتوقعها بحدود خمسين ريال .... ويجيه ويهديه مليون ! .... ما ينصرع بالمليون ؟
طيب لو طلع هالمليون ناقص ريال ... بتلومه ؟ ... بتحس ما لك وجه تلومه ... وبتستحي على وجهك وبتسكت
<< يا عليك أمثال ...
هدوووء الفريق عليه ضغوط