انا جيت

يامرحبا بم

اول شي هذا هو الشيخ اندرتيكر للي ماتكحّلت عينه بشوفته

7

7



اموت واعرف وش كان يرضع هالهرش ... شكله راضع لبنة بينار

آهنن بكم.. نخوش في الموزوع

بعض الحريم... الله يجزاهن خير جميعا ويرفع قدرهن

تناطح الرجاجيل في كل حته... رايحه جايّه

وانا بكل صراحة لسني احب المطرسة

تخيّلوا

اليوم كنت بالمستشفى... وكنت واقف سرى مع ثلّة من الشنبات الكويسات

تقريباً عددنا ثمانية رقّالة.. حصوة بعين اللي مايصلّي عالنبي

فجأة <<على طاريها..يقول لك قروي توّه متعلم هالكلمة، دخل بقالة وقال: صديق هات بيبسي..راح الهندي وفتح الثلاجة ومسك البيبسي.. قال القروي: وفجأة.. هات حمضيات

جت ذيك الحرمة تتهادى بكل جبروت.. على طريقة يا ارض اتهدّي ماعليكي أدّي

وتقتحم الصفوف بيننا يالرجاجيل وما وقفت الا عند الموظف حق الكاونتر

طبعا عارفين انتم كيف المظهر العام حق هالاشكال

وزنها حدود 80 كم ... عباة كتف ... شنطة ذهبية مقاس كبير ... ماسكة جوالها وتبربر

وتسولف بصوت عالي وما كأن حولها احد... ماخذه راحتها

لا ومن زين الطبايع حاطة مناكير

وتخش بعين الموظف وتعطيه ملفها... ما كأن فيه رجاجيل واقفين بالسرى

يعني بالعربي ( كولوا تبن كلكم ياللي واقفين )

والموظف ينحرج منها ومايدري هو يكرشها او ياخذ ملفها

هذي طبعاً عيّنه وموقف طازه صار قدامي اليوم

لكن هالفئة من الحريم كثيرة بكل صراحة

تطامر بكل مكان وتزاحم الرجاجيل وتستعرض جسمها بكل مكان

سواقها معها... والبنزين فل... وخذ يامشاوير و ( استرجال )

انا بصراحة اعتبر هالفئة ( المسترجلة ) من سقط المتاع

اتركوا عنّا سالفة انها مطلقة او ارملة او مقطوعة من شجرة... هذي كلها حالات خاصة

وحتى هالحالات الخاصة عندها اخ وأب وعم وخال ووكيل شرعي يخلص امورها

انا اتكلم عن اللي زوجها بالبيت او بالدوام

وعيالها بالاستراحات والملاحق

وهي تطامر بين الرجاجيل ومسويّه ( قويه وسنعه )

وللاسف الكثير من الناس اذا شاف حرمه شايله معاملاتها وتراكض بالوزارات والمستشفيات

يقول : ماشاءالله عليها... سنعه وتدبّر امورها

أي سنعه ياعمي... الا مسترجلة ورايحه فيها

وتموت بمناطح الرجاجيل وعندها عقدة نقص... الله يشفيها

يعني معقوله ماعندها أي رجل يخلص امورها ؟؟؟؟

والا لازم كل شي في ذات اللحظه.. كن فيكون !!!

مدري احس الكثير من الحريم هاليومين عندهن خلل بالفطرة

تلقاها مستعدة تقعد طول يومها برّى البيت... تهجول بين الشوارع

وأكره ماعليها انها تنطق في بيتها وتقابل عيالها.... تحس هالشي ضعف وتخلف

ياخي بعضهن يدخلن اماكن قسم بالله الرجاجيل مايدخلونهن

ذاك اليوم قدام عيني بالمجمع التجاري داخلة ورى البنغالي للمخزن حق الملابس

ومادريت الا وهي تصارخ وطالعة مستشرّه.. شكل البنغالي جاب العيد

طيب وش دخّلتس وراه ؟؟؟؟

هو راح للمخزن يجيب القطعة... انطقّي لين يرجع

والثانية عند معارض السيارات بالنسيم ( قراصنة العصر )

رايحة تدوج هي وسواقها تبي تشري سيارة بين ثلاث الاف شريطي

همّن تتهاوش مع كل الشريطية و ( كش عليكم ) وتطلع.. بعد ما قزّوا فيها لييين داخوا

مشكلة الكثير من أشباه الحريم انهن فاهمات السنع غلط... وماعندهن أي قيود

وهالنوعية في نظري مو إناث... اقرب لهن المملوح صاحب الصورة اللي فوق