.

.

هلا هلا بـ عقد الياسمين

موضوع رائع وجميل حيث انه يتكلم عن عشقي الأبدي
خليني أبدأ وأغوص بـ موضوعك <~ حسيت اني بمسبح

إقتباس جد والله ما أحب السوق ولا طاريه وهذا الموضوع دليلٌ قاطعٌ على ذلك ! <<< بليز لا أحد يشكك في مصداقيتي

ما أحبك , لاتصيرين صديقتي

عكسك تماماً , أعشق الأسواق طبعاً بحاله وحده فقط وهي , اني اروح فاضيه ماعندي
شغله , أمآا بوقت الأعياد أو الزواجات أو الزنقات عموماً
لا أحبه ولا يحبني ولا أعرفه ولا يعرفني


وأزيدك من الشعر بيت , ايآم الأختبارات كنت من الطفش اللي فيني أخذ كتابي
وأروح السوق , أجلس أتكي بـ المطآعم وأذاكر




<~ أحسك تقولين الله يحوّك كبد العدو انتي وهـ المكان







^
صورة من أرض الحدث

إقتباس تبرج وسفور.. ومناظر غريبة ما أعرف وش فايدة العباية وهي

إقتباس بهذا التبرج ؟! وفوق كل هذا مكياج يسمونه "مكياج سوق "!

تـصدقين عاد , توّي راجعه من السوق شفت وحده ياربي لك الحمد والشكر
على نعمة العقل
قسم بالله حآامت كبدي يوم شفتها , عليها مكيآج , حتى الجاهله بـ المكياج ماتحطه من قبحه

ياربي أصلحهم ولا تبلانآ

إقتباس .. [ اللقطة الثالثة ] ..

هذي من محاسن الأنظمه عندنآ , أنآ أشوف ان الرجال ماله داعي ابد يدخلون
الأسواق الا مع عوائلهم ..
لأننا بـ صراحه نتأذى من المناظر اللي نشوفها من بعض الشباب والبنات الله يصلحهم

إقتباس أنصحها بالتسوق مع زوجها .. حيث أن زوجها سيضطر لدفع أي مبلغ مالي خصوصاً لو كانت وحدة حدة مثلي ما عندها مشاكل تفشله قدام الكاشير والناس ..

أخالفك الرأي , أنا بـ صراحه أكره شي عندي أمشي وفيه احد وراي كأنه رادار
أحب أمشي بـ حريّه وإذآ ع الفلوس لا تخافين علينا يالبنات نجيب الفلوس حتى لو من تحت الأرض
الله يصبّر جيوب الرجال بس

إقتباس ..[ نبذة عن أسواق مكة التاريخية ]..

جوله ممتعه بين اسواق مكه ما عرفت منها الا عكاظ
حق الشعراء اللي يجتمعون فيه ويقولون أشعارهم




الله يعطيك العافيه ياعقد على هـ الموضوع , شخصيّاً استمتعت فيه
- أسلوبك رائع ماشاءالله


موفقه يارب
مع التحيه

إقتباس

إقتباس عقد

إقتباس يعطيك العآفيه ع الموضوع والنصآيح الحلوه .. و آلف آلف مبرووك الوظيفه ربي يبآرك لك فيهآ ويوفقك .. تستاهلين ..

ربي يعافيك ويسلمك غاليتي ,
ويبارك بعمرك يارب

مرورك زادني شرفاً

::
..
::

جميلتي رائدة الزعيم

مرحبا الساااع بـ الكائن اللطيف عريب

إقتباس بالنسبة لكرهك للسوق أنا مثلك ما أحب شي أسمه سوق

الله
اخيييييراً لقيت وحدة مثلي تصدقين حسيت عندنا مرض غريب !
كل العالم تحب السوق

إقتباس والمصيبة التلاعب في الأسعار وعلى أعتبار محاكيتك مسويه كاش وما تعرف تكاسر

يا عيني يا الكاش
ما عندك سالفة أجل

إقتباس وعلى طول خذيتها لكن الأدهى لما اليوم الثاني رحت سوق ثاني لقيتها بميه

يا سلاااام والله أسعار ببلاش .. وينه فيه ذا السوق

إقتباس والا تقولين كم السعر ويقول كم المقاس والا الأدهى لما يقول هذا مقاسك

لووووووووووووول

لا أنا أستحي من محلاات الـملابس الـ**** ياربي كلها رجال

إقتباس الله يعيننا على هالأسواق وبما أننا نتكلم عن الأسواق ياليت تخلصون ملابس العيد الحين

والله نفسي أخلص شغل العيد ..بس مالي خلق وعجزاااانة

إقتباس موضوع جميل بجمالك جميلتي ويحمل من الفوائد الكثير في جزئة الثاني يستحق وسام على المجهود المميز وفالك التثبيت بالحب والإشراق

الله يحفظك يا الغالية ولا يحرمنا ضياءك الراقي..
يسلمو ع الترشيح

محبتي

إقتباس

يا حبي لك أنتِ .. والله مرورك هذا لو من دون باك يكفيني
سلامات ما تشوفي شر يا الغالية ..

إقتباس باااااااااااااااااك ياعسل

يؤ .. من قالك أني عسل

إقتباس اقرب موقف حصل لي الجمعه ..!! كنت بسوبر ماركات ومليان شباب المهم كنت واقفه عند الكا شير طابور معروف لاوقف الواحد العربيه بعد أنا بعده عربيه وصلت ..!! جاء الي وراي شاب ومعاه والده بعد عربيته ودخل قبلها صاريعني بعدي مباشره..!! أنا وقتها وربي ارتفع ظغطي بعدت عنه ورحت من وراء الحديده الي تجيك ع اليمين وخليت عربيتي يسار ابوه يوم شافنيعصبت سحب ولده ورجعه وراء عربيتهم بعدها رجعت مكاني وربي قلة ذوووق اجل لاصق فيني .. ضاقت ..!!

حركات والله تعرفين تردين أعتبارك

كفو والله كفو كذا الزعامة ولا بلاش .. << وش تحسين

إقتباس (( اللقطه الرابعه )) في راعين محلات بعد وقحين انامايقهرني وربي الي لادخلت وراي ونفس الممر ضااااااااقت يعني ربي وقتها ودي اسطره خلاص لي عيون لاتقعد تتمليح علي ..!!

ما بقى الا هم عيال اللذينا ! يعني كل رجال الدنيا ضاقت عليك بفتتن فيك
يعععع حامت كبدي فجأة

إقتباس حلوه ياحلو أنتا جد والله استمتعت باسلوبك وأنا اقرأه لاعدمنا هالأنامل ..!! بس بعلق ع نقطه زوجي والسوق مسأله اني بأخذ زوجي للسوووق مستقبلاً نوو اغار عليه يالبى قليبه

أجـل تغارين
هو أحسن شيء بالحياة الغيرة

إقتباس ((يمال العافيه عقد على هالأسلوب الرائع والموضوع الأروع وربي بدون مجامله اقول هالحكي ..!! ودائما أنتي مبدعه ..! )) اسواق الحجاز ماقريتها ماامداني << عندك عذر غيره

الله يسلمك غاليتي
ما عليك زود يا بعدهم

وبالنسبة للقراية أقرأي اللي تبين وخلي اللي تبين كلش حلالك خيتو

ودي






::
..
::





الغالية متابعة بصمت

يالله حيه حبيبتي متابعة ..

إقتباس ألف ألف ألف مبروك حبيبتي

الله يبارك بعمرك غاليتي

إقتباس مره كنت جالسه عند كوفي في الرياض غاليري وكان فيه طاوله جنبي فيها رجال أجنبي يدخن وأنا قمت أكح كح قلتله: لو سمحت .. هنا فيه حوامل وأطفال وسمع كلامي على طول بس بنفس شينه أصلا لو ما إحترم نفسه كان جبتله الأمن اللي بالسوق

يوووومه تخوفين

إقتباس [للمعلومية ما فيه مصلى نساء هناك] !!!!!!

الا فيه شلون مافيه ! بالدور الثاني يا مال الفلاح

إقتباس لما راح الرجال لفّوا الثنتين على الأجنبي جالسين يواسونه يا عمري عليهم < أقول يا مالت بس سمعتهم يقولون له:ما عليك منه لا تقوم من هنا .... الخ من التفاهه قمت لفّيت عليهم وقلت: وشرايكم أناديه لكم يشيلكم أنتم وياه قالت: ايـــش .. وهي مو مستوعبه طبعا ما رديت عليهم .. لأني شفت أهل الأجنبي جاوا وما يحتاج أبلّغ عليهم

وش قلة الأدب هذي !
ما أحب هالنوعية ابداً .. يعني وش دخلهم بالرجال !

بس كفوا والله ما قصرتي أحسك تطلعين حرتك فيهم

إقتباس طبعا صرت لمّا أدخل أي محل أقول للي يبيع خلّك برّا المحل وإذا هو ملزّم يدخل محله قلتله خلني في حالي أحسن لك .. وربي جابوا لي المرض

يا حركااااات يا قوية أنتِ

إقتباس وبالنسبة لنصايحك جناااااااااااااااااااااااااااااااااان هي ملح الموضوع وقبلته عواااافي يا عسل

الله يخليك لنا يا متابعتنا الرائعة ..

يسلمو

::
..
::




أخونا القدير ريكيلمي

يا هلا بك خيو ..

إقتباس موضوعك طويل اختي عقد .. ما شاء الله شهيتك اليوم مفتوحة أخبار و موضوع

تف تف تف .. قل ماشاءالله
الظاهر أنك صكتيني عين .. ترى جلست ثلاث أيام مالي خلق نت

إقتباس سوق سويقة اخبره في الرياض يشترون منه الخياطات حقات المشاغل

خلاص عاد .. أنا قلت بمكة يعني بمكة لا عاد تجادلني

إقتباس أما مسألة انك بتفشلين زوجك قدام الناس .. فهذا من نبل اخلاقك

ههههههههههههههههه

الله يسلمك

إقتباس موضوع ظريف اختي عقد ودي اعلق زيادة بس طفشان

ثانكيو ثانكيو مستر ريكيلمي ..
بس أعرف الطفشان يعلق ويشغل نفسه مو العكس

يسلمو خيو

::
..
::

الأخ الكريم زعيم الشوق


يا هلا بك أخونا زعيم ..

إقتباس موضوع حساس و مفيد و يحتاج مناقشته في هالوقت بالنسبة للشباب وللبنات والتنبيه عليه وطرح راقي ولقطات رائعة بصراحة و مباشرة واضحة موضوع يستحق الإشادة يعطيك العافية اختي و شكراً لكـ

الله يسلمك ويعافيك ..

يسلمو على المرور

إقتباس تســـــــــــلم يدك بالحديث عن الأسواق اللي بمــكه ياقلبي والله ., مشكـــــــــــوره يالــــــــــــــغلا .,.وع العوآآآآآآآآآآآآفي .,..

الله يخليك حبيبتي ..

يسلمو على التواصل

.,

ترى ماكنت ابي أرجع
كله منك خليتيني ارجع مره ثانيه --> طيب وش صار يعني ؟!

إقتباس عندي سؤال .. كيف طريقة أسواقكم ؟ يعني مثل المولاات الي عندنا بالرياض ؟

اساساً تدرين كم سوق عندنا
ثلاث أسواق لا وواحد شعبي محلات متناثره وكبيييييير تضيعين فيه
وأكثر الكائنات تواجداً هناك البساطات بس الشهاده لله انه حلو -->

اللحين صاروا عندنا 4 .. اللي قلت لك , وفيه ثاني اسمه ( سماح سنتر )
هذا يجنن وأغلب لا وش أغلب كل بنات حايل يشترون منه
هو مثل مولات الرياض تقريباً وحلو والله

اللحين خلصوا مول جديد إسمه ( سلمى مول )
حلو بس مشكلتوه إسموه
عاد عقبها نبي نسحب على سماح ونسيّر على سلمى < -- ماعاد هي بأسواق

المهم خلاص انتي سألتيني وانا جاوبتك ترى اسواقنا حلوه لايغرك كلامي
بس انا ابي مسؤول يشوف ردي ويصحصحون شوي

يالله مع السلامه

قهر

الموضوع كويس ولاشفته إلا متأخر

ميب مشكله نقدم لك خدمه ونرفع الموضوع

بتكلم ولا منيب متكلم بقول حاجه بسيطة بس

والله من جد فيه بنات بالسوق استغفر الله العلي العظيم

يخلونك عصب تفتح بلوتوثك

عشان كذا دايم أتجنب أروح للمولات مع الاهل مكتفيا بالذهاب إلى الاسواق الشعبيه معهم

الواحد مهما كان عاقل من اللي يشوفه يحاول يصير موب عاقل


أووووه نسينا ما باركنالتس الوظيفه
مبرووووكـ مبرووووكـ ولاتنسينا من الحلوان عاد

هـلا والله بسوليدرة ياسمين تشهد لك الحروف وسيرتك عطرة ..
ماشاء الله موضوع متعوب عليه وجهد متميز وكل ابو المدحات تستحقه ~
بالنسبة للسوق وماأدراك مالسوق ؟؟ يعني هو زين شيـن
عاد إنتي إفهميها لأن فيني النوم ومشاوير أشرح ...
.. [ اللقطة الأولى ] ..
يالبيـّه بس إذا شفت السعر ولقيته يتعـدى المعقول تحس إنك أكوس واحد
بصراحة أنا استمتع إذا شريت شيء غالي !!صح إني إذا جيت البيت أتحسف وأحس بالطفرة واجلس اعظ أصابع الندم ولكن أتذّكر إن الحياة حلوة
وارجع لطبيعتي إلا أمس رحت لمحل في لوك كلايزر شفت
جنز عجبني سألته بكم قالي بـ 1000 ريال قسم بالله وجهي تغيّر قلت متى تسكرون !! لأني بصرف وأرجع لك طلعت من المحل ودايركت على
الثوب الأبيض بلا جنوز بلا خرابيط 120 ريال أطلق ثوب كويتي
.. [ اللقطة الثانية ] ..
الله يهديهم بس وخصوصاً اللي يجون حياة مول
يعني الواحد يجي في حاله ماله من الشيطان طريق بعدين يشوف زي كذا ويجلس يتصارع مع عيونه عين تحذف يمين وعين تبقبق ناظريها

.. [ اللقطة الثالثة ] ..

إقتباس لكن ما نختلف أن بعض الشباب - الله يهديهم - يدخلون للمغازل وقلة الحياء ! - بعيد عن السامعين - يعني من جد شيء يضايق . والمولات والشوارع اللي حولينها والبوابات ( اهم شيء ) هذي نقطة إرتكاز المغزلجية وأولاد الشوارع

طيب واللي يقرون مايسمعون وش وضعهم

.. [ اللقطة الرابعة ] ..
هذه اللقطة اللي تغبنك من جد ..الله يستر على بنات الملسمين بس !!

.. [ اللقطة الخامسة ] ..

***
بالنسبة للنصايح ولاوحده عجبتني ولاعاد تنصحين مرّة ثانية

((ترى قلت كذا لأني تعبت وأنا أعلّق عاد مالقيت إلا هالتصريفة ))

***
أخيراً وصلت آخر شيء
بس ماشاء الله عليك موضوع رهيب أرهب من القيصر رهيب
نسيت أقولك مبروك الوظيفة وتتربّى بعزك إن شاء الله

بالفهم والإستيعاب

وعليكم السلام ورحمة الله وبركاته

اهلاً وسهلاً بك اختي عقد الياسمين ..
الحمد لله ان الله اعطاني كرهاً في التسوق والسوق !! وان اضطريت ساعه او ساعتين واشعر
انها سنه او سنتين , واستغرب كيف يتحملون النساء التسوق وبكل اريحيه !!

صحصح اننا بحاجه للتسوق في اوقات كثيره , ولكن لابد ان نحاول ان نشتري مانريد خلال زياره
في شهر .. على سبيل المثال ..

عقد الياسمين , شكراً لك ولطرحك ولنصائحك ..
تقبل احترامي وتقديري ..
دمتي بخير