يعطيك العافية ...

احمد لله أني أكره شئ أسمه سوق وتسوق ..

ربع ساعة .. وانبهل في السوق ..

عموماً تسلمين على النصائح واتمنى من الجميع أن يستفيد منها ..

خاصة تحريضك على أن الزوجة تحرج الزوج امام الكاشير والمتسوقين ( أن كيدهن عظيم )

تقبلي مروري ..

تحياتي ..

.. [ اللقطة الأولى ] ..

فيه محل في سوق اليمنيين اللي عندنا يقلد ماركات
والخامه و السعر مو مهم اهم شي ماركه علشان كذا رافعين اسعارهم



.. [ اللقطة الثانية ] ..

ذكرتيني فيهم انا اجلس اشوف المناظر اتأمل في خلق الله سواء كان شباب ولا بنات خاصه في قسم المطاعم والكفي




.. [ اللقطة الثالثة ] ..

احسن لا يدخلون اسوواااق بالنسبه لأخوي مستحيل يدخل سوق ولو دخل عصب يعني حتى لو يسمحون للشباب هو ما همه



.. [ اللقطة الرابعة ] ..

لا تدخلين المحل الا مع خواتك او يصير المحل فيه حريم و ما يصير شي ( ما اخاف من البياعين كثر ما اخاف من الشباب اللي عند البوابه << تتذكر سوق حياه مول



.. [ اللقطة الخامسة ] ..

يا بنت الحلال اهم شي توصل بضاعه وكلها نفس الشي

[ نصــائـــح ]


اولاً المتزوجات :

لا تروحين السوق و معك رجلك في اي حال من الاحوال لأنه بيعصب وتطلعون من السوق متزاعلين

ثالثا للشباب :
انت ما وراك اهل مسنتر عند بوابات السوق 24 ساعه بعدين لو سمحت لو جيت لا تجيب كلبتك انا اخاف من الكلاب

شكرا على الموضوع
و بالتوفيق لك في وظيفتك اللي ساحبه عليها من اول يوم

إقتباس صراحة الخطأ الأول من الرجال نفسه لأنه مريض وسافل , و قد يكون الخطأ ايضاً على البنت لأن بعض البنات -الله يهديهم - مُلفتة وفاتنة حتى وهي بعبائتها !.. وفي منهم تعطيه وجه فـ يتمادى معها ويصير اللي صار !!

ما أحب اللي ينحاز لأحد الجانبين
ليه البائع سافل .. والبنت الله يهديها

انا في النهايه لا ابرئ البايع ولا البنت .. وادعي بالهدايه للجميع

الموضوع اجمالا رائع ولا يحتاج الى اضافه

عقد الياسمين

1000 مبروك الوظيفه

والله يعطيك العافيه

إقتباس الرسالة الأصلية كتبت بواسطة عقد الياسمين صراحة هي حلوة كتصاميم لكن كـ ميتريل ابد ما ينفع , بس الأسعار كويسة .

عجزت افهم الموضوع والسبة هالكلمة ,,

والله يا انكم يالبنات عليكم كلمات ,,

ما اكمل نص سطر الا وارجع افكر وش معنى هالكلمة ,,

يعني موضوع في منتدى رياضي ,,
ظنك بيفهمون شي ,,




موضوع رائع كالعادة ,,
كروعة المتريليل مدري شسمه ,,





مودتي ,,

النقطه الاولى :


النقطه الثانيه :

إقتباس الرسالة الأصلية كتبت بواسطة مواصل من عام 1413هـ الله يرزقني بوحده ما تحب الأسواق ولا العروس والمستشفيات!!. لأن هالأماكن الثلاثة من أدخلها تجيني كتمه بصدري

اهلاً وسهلاً عقد جااسمين

موضوووعك يشّهي الواحد يرووووح للسوق قصدي الوحدة مب الواحد ،،

أنا تجيني أوقات أعشق الأسواق وأفرفر فيها ولا أتعب إذا ماكان وراي شي يعني بس أتمشّى !
لكن إذا طلعت أدوّر لي غرض تحوووووم كبدي من أول ما أدخل من الباب ويصير مشوار الرجعة للبيت أغلى وأجمل حلم !

واللي يقهرك إنك اذا رحتي للسوق ناوية تتمشين بس تلقين أشياء رووعة ، بس روحي للسوق وانتي مزنووقة والا وراك عزييمه وبتدورين شي تشترينه ، ذاك الوقت يصير كل شي خايس

دقيقه أفتح المكيّف حررر هههه

ايوه ، وش كنّا نقول

اييه ، موضووعك بطلَ مثلك ومبرووووك عليك الوظيفه الجديده تستاهلينها والله الشخص المناسب في المكآن المناسب
بس لاتخربينها من الأول ، داااومي أول شي الى مايآخذون عنك فكرة حلوه ثمن اسحبي
< لو أوفّر نصايحي أصرف

شكرا جآسمين على الموضوع المهضوووم والرآيق

إقتباس وفوق هذا بعض الماركات ما تبيع الخامة الصح ! وأظن أن بعض المحلات مفتوحة فقط لـ ( غسيل الأموال !)

وعليكم السلام ورحمة الله وبركاتة

هلا بك عقوده

انا ابي اعرف شلون هالبنات الي يروحون من العصر مايرجعون الا قبل لايقفل السوق
ماشاء الله رجولهم ماتعورهم انا حدي ساعه وبعدين ا رجع البيت مرهقه غير الزحمات
ونظام الاسواق الحين مره يطفش ويتعب المجمع يكون كبير مرهـ مايمديك تدخلين كل المحلات والي يقهر لاشفتي شي باول محل وتبين ترجعين له تحسين انها مجاهدهـ

اوف ذكرتي شي ينرفزني مره مره نشبة البائع بالمحل
مشكلتي مو جريئه ودي افشله واقول بعد عني اعرف والله اتفرج اعتقني لوجه الله
ينشبون نشبة كان احد موصيهم عليك

\

/
بطاريتي خلصت يمكن يكون لي رجعه واذا مارجعت
يعطيك العافية على هالموضوع الخفيف

هلا وغلا بـ حبايبي

نورتوا المـوضوع بطلتكم ..

عسانا ما ننحرم يارب ..

بس ودي أنوّهـ لشغلة , وهي أن النصائح ( مزح ) يعني ما هي صدق
أشوف البعض مصدق أني أنصح ..










::
..
::





هتلـ الزعيم ـر

يا هلا فيك أخوي هتلر ,

الله يبارك بعمرك والفال للجميع بأرقى الوظائف وإن كانت مناصب فـ يكون أفضل

إقتباس .. [ اللقطة الثانية ] .. مانقول الا الله يهديهم , وبعدين كان حطيتي لنا صورة البنت اللي شفتيهآ , علشان نحكم أنهآ شينه , ولاعاد تتكلمين فيهآ مايجوز

والله بحسب ما أسمع وأشوف أن الرجال أي وحدة يقولون عنها حلوووة
حتى شغالتنا

إقتباس .. [ اللقطة الرابعة ] .. هذولي علاجهم وحـده تعطيهم بالكعب على وجهه ويصير رجال ,

إقتباس من تالي بناتنا ماعاد يقولون لهم شي , يتركونهم ويروحون , والمفروض أقل شي تغسله وتمشي , علشان يحس على دمـه ..

معك حق أن الوحدة لازم تتصرف لكن في حالة وحدة ( لما يوصل لمرحلة متقدمة )


المهم أن بعضهم قليلين حياء .. حتى لو تسبه يقول ( يا حلوها على قلبي )
فـ أحسن حل هو التطنيش .. ليييييه ؟
لأنها بيظل وراها وراها وبعدييين ( بيتعب ويمل )
برأيي ما أنزل لهاالمستوى وأشغل نفسي فيه ..

إقتباس للمتزوجين .. * تبي تودي حرمتك للسوق خذ معك أخوهآ وحطهآ هي وياه وأتركهم , علشان ماتبلش بالمصاريف .. - هذي النصيحه تكفي عن الباقي

لااااا شلووون
وين العشرة اللي بينهم تروح بلحظة عشان سوق ( )

إقتباس الله يوفقك في وظيفتك ويرزقك , ومبروك مره ثانيه << موب حلآ عاد بس الحين عرفت أنهآ خيره يوم يطفىآ جهازي , سرقت فكرة وجـدان , بدل الأقتباس والحوسسه شكراً أختي عقد الياسمين على الموضوع .. c.u

آمـيـن يارب .. بس تراها فقط لفترة الصيف لأني أدرس

أجل خيرة يوم يطفى


الله يعطيك العافية خيو





::
..
::




وليد القحطاني

يا هلا فيك أخوي وليد ..

إقتباس وبخصوص نصائحك والله حلوة . بحاول اعطي رابط الموضوع لأختي اخليها تشوف النصايح أعجبتني والله وماقصرتي وجزاك الله خير ..

صدق عجبتك

الله يسلمك .. بس ترى النصايح كانت خربوطيات يعني كنت ( مزحات )

إقتباس ومبروك الوظيفة وتستاهلين تقبلي مروري

الله يبارك فيك ..

يا هلا بك





::
..
::




Z ! Z O O

يالله حيه ..

إقتباس لاكن ما أقول إلا المرأة مالها إلا بيتها

نعم نعم ..
البيوتُ في قلوبنا .. ونحن في الأسواق

<< هذا حال المرأة السعودية

إقتباس ومبروك الوظيفة لاكن وظيفة بالعطلة !!

الله يبارك فيك .. ايه بالعطلة ليه محد قالك أن عقد الياسمين تحب الشغل
لا يفوتك موضوعي السابق كنت أفكر أشتغل بـ د. كيف
بس ربي عطاني على نيتي وأنا اللحين موظفة ببنك , لا ومركز الإدارة


الله يعطيك العافية خيو






::
..
::




وجــدان


اهلاً اهلاً اهلاً

منوووورة حبيبتي .. << فيس فاتح يدينه يبي يضمك

إقتباس صراحةً موضوع حساس على الأقل بالنسبة لي أحب أتكلم عن السوق وأسمع سوالف البنات عنه

ما هقيتس تسذا <<< يلبق لي هالكلام ولا لا

إقتباس أنا ماأروح له لين أصير رايقه عشان أقدر أشتري زين --> من زين أسواق حائل عاد

عندي سؤال ..

كيف طريقة أسواقكم ؟ يعني مثل المولاات الي عندنا بالرياض ؟

إقتباس أذكر مره كنت بالسوق انا وعمتي , وكان وقت الصلاه وجلسنا نسولف جتنا وحده تسألنا عن الأسواق الزينه بحائل ؟ معناها هي مو من عندنا .. عاد تخبرين اللقافه قبل لانعلمها سألناها هي من وين ؟ طلعت من حفر الباطن وتبي تجهز لاختها عشان الزواج قلت لها : لو أنتس ماجيتي أصرف نص بنات حائل يجهزون من الرياض ولا جده شكلهم طلعوا من السوق وسيدا على حفر الباطن

ههههههههههههههههه

رحمتها .. طيب يعني أنتم ما عندكم محلات زينة ؟

إقتباس .. [ اللقطة الأولى

إقتباس ] .. معك حق .. وفيه محلات خاصه لـ للماركات المقلده طبعا ً اللي يفهم بالماركات بيعرف ان هذي فعلاً ماركه أو مقلده بس أحياناً ماتفرقين بينهم

والله .. سمعت بوحدة بـ لبنان تبيع لك شنط و أحذية - وأنت بكرامة والسامعين -
مقلدة , بس كنأأأأها ماركة
حتى من جوا الشنطة !
في وحدة راحت هناك وأشترت شنطة لـ ( فندي ) و (غوتشي ) والله أنها كأنها حقيقية
أنصدمت لما أفشت السر
قلت لها .."يعني كلنا سوا .. اللي تدفع الخمس آلاف مثل الي دافعة 200 دولار "
وسمعت أنو في مثل كذا بالسعودية بس يبعوها بأغلى يعني على 600 وهيك شيء..

إقتباس شكلي بقولها حطي لي مكياج سوق وبروح به لـ عزيمه عائليه

والله أنتس صازدة <<< هي كذا تنقال

إقتباس هالشباب كل شيء لهم .. حنا مالنا الا الاسواق ومزاحمينا فيها بعد

لاااااا حرام عليك ..
ما عندهم الا الإستراحات والكورة والبلاي ستيشن .. << هذول المؤدبين

إقتباس وصدقتي والله كم مره أشوف البوابات اللي برا مليانه سيارت كشخه وراكبين فيها خمسه سته !! طيب تعال لحالك جايب كل اخوياك عشان ترقم بنت !

حنا عندنا .. يجيك راعي المرسديس شبح موديل 97 وراعي الـ CL65 AMG 2007
وكلهم يبون يرقمون
و هذول اللي معهم فزعة .. يعني شوفي كيف حنا قروب وكشخة
آآآخ هاللي عندهم نقص رحمتهم

إقتباس وبس وخلصت السالفه

أما خلصت ( )

إقتباس اولاً المتزوجات : --> قاطه صح ان مالي دخل بس والله مانصحتيهم ياعقد بالعكس أنا اقول خلي زوجك فـ بيتك وانتي تعالي تسوقي مع أمك اختك أي احد بس مو زوجك أساساً ماراح أقدر اشتري شيء وهو فوق راسي يالله .. خلصينا .. بسرعه .. مهوب لازم .. مواعد الشباب .. اذا هو من هالنوعية نصيحه لاتاخذينه أبد

ملاحظة أننا قاطين

هو على كيفها تخليه بالبيت ـهههههههههههههـ

تقوله ( خليك يا ماما .. أنا رايحة لمشوار وراجعة طيب حبيبي )

بعدين شلوووون شلوووون يطاوعه قلبه ويصرفها

ليه يتزوج طيب <<< أحلفي

إقتباس

إقتباس لالا عندي فكره أحلى وشرايك أقوله شف شف هذيك تجنن والا هذي شكلها مبين انها ملكة جمال ايه صح لازم مانزعجه --> ماتعرف تتناقش بهالمواضيع

مارح يصدق أنك زوجته

أما تقولين له شف هذي وشف هذيك

المفروض عنده اللي تغنيه

أنتِ بس تبينه يهجد أمسكِ يده بس مو بقوة عاد

إقتباس ماحسيت اني اكتب أحس اني اتكلم كلام قايلتلكم احب هالنوع من السوالف .. من هواياتي ياملا العوافي ياعقد على هالمساحه اللي خليتين أبربر به وموضوع متعوب عليه خصوصاً الفقره التاريخيه مالقيت شيء اعلق عليه بخصوصها .. معلومات حلوه ويازين سوالفتس ومبروك الوظيفه وخلينا عنك السحبات ويلا مع السلامه

كأن هذي بربتك .. فـ يا زينها من بربرة

حسيت أني بالمسن تصدقين

الله يسلمك ويحميك يارب ,

حليتي الموضوع بمرورك عزيزتي








::
..
::




تـمـيـ 100 ــه


يا مية هلا وسهلا بالغالية

إقتباس موضوعك حلوو السووق اكيد بيطلع حلو ويجنن بعد

حرييييييم .. ما يصلح لكم الا كذا

إقتباس اول مره بحياتي اشوف بنت ماتحب السوق طيب السوق له فوايد كثيره تكونين على الموضه وثانيها تسوين رياضه وتغيرين روتين يومك

يا عساهـا ميب آخر مرة

شرأيك فيني بس .. أُصنف من فئة ( المُميزين )

بالنسبة : لـ الموضة , فـ ممكن أتابعها ع النت والـ TV و المجلات والكاتلوجات

وبالعكس السوق هو آخر مكان ممكن تشوفين في الموضة .

أما الرياضة فـ هي مو مكانها السوق صراحة لأن المشي حق الرياضة غير عن

مشي التسوق بين المحلات وكذا .. يعني لما تمشين تعملين رياضة , لازم تكونين

مستقيمة الظهر + أخذ النفس العميق + الهرولة .. وبين كل فترة لازم شوية ركض

يعني مافي مقارنة ابداً بين ( التمشي) و( المشي )

إقتباس وينها هالماركه ياحلو اسعارها الحين الماركات السنعه ماتنزل اسعارها عن الالفين والثلاثه من جد اسعارهم كل مالها هبال واحيانا تضطرين وتشترين معم انك تدرين انه ملعوب عليك

دبنهامز اللي بالمملكة
بس على حسب الماركة تكون الأسعار

إقتباس والله اعرف بنت تعطي الي يبع وجه علشان يخصم لها >> ترخص نفسها

مـعــقـولــة

الله يهديهم

إقتباس اختلف معك بهاذي النقطه انا احس الي تجيب زوجها للسوق غبيه لانه مثل ماتكلمتي فيه بنان شيوون ويجوون كاشخين بالسوق ليه تخلي زوجها يجي ويشوف هالمناظر اكبر دليل شوفي الي تجيب زوجها ياعمري مايدري وش يلحق عليه مفهي على البنات وهي تقتلب طلعتها نكد اذا على الفلوس تاخذ منه البطاقه كلها وهو يجلس بأرضه

ليه غبية

بالعكس خليه يعرف أن زوجته راقية مؤدبة وتحبه ولا تستغني عنه
حتى للسوق ماخذته معها
هههههههههههههههـ

بعدين هو يخاف يعطيها البطاقة يخاف ما يبقى فيها شيء

إقتباس ذا فيه احد بيهج عن الثاني فأكيد اخوي علشان يأخذ راحته

لووووووووووول

الظاهر أنك مرعبة

إقتباس الف مبروك دوتس >> ومن اولها مخربتها الله يصلحك يعطيك العافيه على الموضوع الحلوو

ويبارك فيك غاليتي

شفتي شلون الفساد أول يوم وغايبة


ربي يحفظك عزيزتي ولا يحرمنا









(قريبة عودتي لباقي الأحبة بإذنه تعالى )

هلا وغلا عقد الياسمين ..

بالبداية الف الف مبروووك الوظيفة ..

فيه شئ انا ملاحظه من زمان ..
كل البنات لا سالتهم قالوا اكثر شئ نكرهه السوق .. ولا رحت السوق لقيته كله بنات ..
عجزنا نصدق مين ..

ما اقول الا مثل ما قال مواصل ..
الله يرزقنا بوحده ما تحب الاسواق خير شر يارب .. << مع اني ما توقع فيه ..

يعطيك ربي الف عافية على النصايح وعلى التقرير الجميل ,,