إقتباس بيكون الجواب بكل بساطة : [[ السينما ]] .. بدال ماتروح قروشنا لـ أحد غريب خلها بديرتنا .. وبعدين ابفهم .. وين الاختلاط اذا الرجال بـ جهة و الحريم بـ جهة ؟؟ وبالعكس .. انا أطالب انهم بالقريب العاجل يبدأون بـ عرض الافلام المصرية و أفلام هوليوود و بوليوود .. واللي بيقول اني علماني او [ ليبرالي ] يقول تراه مايهمني قولوا اللي تقولون لأن آخر من اهتم لـ رأيه هو الشخص المتخلف واللي يناظر الموضوع من زاوية واحدة و ليس من كل الزاويا .. اهم شي الشعب ينبسط و يستانس و كل شي يكون تحت عين الدولة .. وقروشنا ماتروح لـ أحد غريب .. والله يرزقنا صلاح النية ..

معجبك هالحريم اللي يترززن بالأفلام الأجنبية ,, ؟؟ أو الأفلام بالعموم ,, ؟؟

لا تقول وش المشكلة يناظرها بالبيت ولا بالسينما ,,

المجاهرة بالمعصية شيء ثاني ،،

يانااااااااس ،،

ما فيه فيلم يخلو من [ موسيقى - نساء - مخالفات شرعية ] ,,

كيف تقول بحدود الشريعة الإسلامية ،، ؟؟

والله العقل ما يقبل هالكلام ،، لكن بعض الناس أتخد آلهه هواه ,, دون علم منه ,, !!

إقتباس الامير الوليد بن طلال شخص فاهم و يحب انه يحافض على الشباب في السعوديه بدل السفريات اللى كل ديرة العن من الديرة الثانيه

كلام سليم ,,

وخير دليل قنوات روتانا التي تفقه الناس في دينهم وتعلمهم الكتاب والسنة ,,

أجل وراه ما يفتح مراقص ومحلات دعارة موب أزين ,, ؟؟

علشان شبابنا ما يسافرون برى ,, !!

إقتباس قسم با لله ياخوي السنماء ما فيها ضرر اذا كان يوم للرجال و يوم للنساء يعني ما فيه اختطلاط

الموسيقى والألحان والنساء الكاسيات العاريات واللهو هدا ,, مهوب ضرر ,, ؟؟

ألا أكبر ضرر ،، ياخوي أتكلم عن الموضوع من منظور ديني ,,

أدا كان صحيح ,, بداك الوقت يـُنظر في الموضوع من باقي النواحي ,,

فالدين له الأولوية في كل شيء ,,

,,

ملاحظة بسيطة : لوح مفاتيحي ( كيبوردي ) ما يكتب حرف الـ " دال " ,, ( بنقطة ) ,,
يعني لا يجي واحد يقول مين مدرسك إملاء ,, ؟؟

أخوي (مقطوع راسي)

جرّب تضغط.. المفتاح اللي فيه هذي العلامة >> ( \ ) و هذي بعد >> ( | )


مجرد محاولة يمكن تضبط.؟

والله انا مؤيد لانفتاح السينما

وهي راح تعرض الافلام السعوديه ومافيها عنصر نسائي

وبعدين القاعه الحريم في جهه والرجال في جهه



مافيه اي مشكله ,, الناس تطوروا وحنا نشوفها بالتلفزيون وبدون الوان بعد

إقتباس الرسالة الأصلية كتبت بواسطة عارف كل شي والله انا مؤيد لانفتاح السينما وهي راح تعرض الافلام السعوديه ومافيها عنصر نسائي وبعدين القاعه الحريم في جهه والرجال في جهه مافيه اي مشكله ,, الناس تطوروا وحنا نشوفها بالتلفزيون وبدون الوان بعد

اهلا فيك اخوي عارف كل شي

انت تقول انهم ماراح يعرضون الا الافلام السعوديه !!

صدقني حتى ولو قالوا ماقالوا فانها خطوات الشيطان وشيئا فشيئا مع الوقت لن يثبتوا على مبدأهم لأن ابليس حي مامات وسيعرضون ماهو اشد كما حصل في سينما البحرين في بداياتها والسينما هي الشراره الأولى لما بعدها فان حصلت فلا تسأل وش بيكون بعدها


اما من ناحية ان الناس تطوروا !!

تطوروا في ايش ؟؟

الحين الي يخالف امر الله سبحانه ورسوله صلى الله عليه وسلم متطور !!!

ان كان تطور فلانريده ونحن راضون عن تخلفنا ولاننسى ان نسبة 90 في المائة او اكثر من الشعب لايرضون بها فنحن بطبيعتنا ولله الحمد شعب محافظ ..

تحياتي لك اخي واتمنى ان تقبل كلامي ووجة نظري بصدر رحب

استغفر الله العظيم
كثر الرياء والنفاق بمجتمعنا
ناس ماعندها سالفة ودشير ويعارضون السينما ويقولون تخرب مجتمعنا
ويرددون كلام المشايخ ويقولون لاكلام بعد كلامهم
أولياء الله الظاهر مو مطاوعه
الظاهر بنصير زي الشيعه بغلوهم وجنانهم
طيب محلات الفيديو والدشوش والدريم بوكس والقنوات الاباحية ماشاءالله تثقف شبابنا
أما صالة عرض لفيلم مقطع تحت الرقابة وقدام جمهور
ويقولون لا هذي مو من عاداتنا
ويصير فيها اختلاط
اختلاط!!!!!!!!!!!!!!!
الرجال بوادي والنساء بوادي
أما اللي يشك بنفسه بين الرجال فهذا شي ثاني
والكتكوت اللي فوق من قال لك ان 90% معارض للسينما
والا هذي احصائيات حارتكم
أغلب الشعب طفشان من نفسة ومن ملل البلد
وياخي جوكم غير جو الناس
وبالنسبة للمتشددين فهالأشكال للأسف شوهوا الدين بكثرة مشاكلهم وتبليهم على الناس وقلة الذوق بالأسلوب والنقاش ويقول أنا أتكلم بلسان الدين
أي دين ياكابتن؟؟؟؟
ديننا الاسلامي دين يسر مو دين عسر
وماقال نروح نهاجم الناس ونتكلم ونخرب عليهم باسم الدين
أجل (غزوة فيلم مناحي)
اللهم لك الحمد والشكر

إقتباس استغفر الله العظيم كثر الرياء والنفاق بمجتمعنا ناس ماعندها سالفة ودشير ويعارضون السينما ويقولون تخرب مجتمعنا ويرددون كلام المشايخ ويقولون لاكلام بعد كلامهم أولياء الله الظاهر مو مطاوعه الظاهر بنصير زي الشيعه بغلوهم وجنانهم طيب محلات الفيديو والدشوش والدريم بوكس والقنوات الاباحية ماشاءالله تثقف شبابنا أما صالة عرض لفيلم مقطع تحت الرقابة وقدام جمهور ويقولون لا هذي مو من عاداتنا ويصير فيها اختلاط اختلاط!!!!!!!!!!!!!!! الرجال بوادي والنساء بوادي أما اللي يشك بنفسه بين الرجال فهذا شي ثاني والكتكوت اللي فوق من قال لك ان 90% معارض للسينما والا هذي احصائيات حارتكم أغلب الشعب طفشان من نفسة ومن ملل البلد وياخي جوكم غير جو الناس وبالنسبة للمتشددين فهالأشكال للأسف شوهوا الدين بكثرة مشاكلهم وتبليهم على الناس وقلة الذوق بالأسلوب والنقاش ويقول أنا أتكلم بلسان الدين أي دين ياكابتن؟؟؟؟ ديننا الاسلامي دين يسر مو دين عسر وماقال نروح نهاجم الناس ونتكلم ونخرب عليهم باسم الدين أجل (غزوة فيلم مناحي) اللهم لك الحمد والشكر

كلامك صحيح والله

ماادري الى متى بنتم نضحك على انفسنا ونقول مجتمعنا المحافظ ومجتمعنا فيه بلاوي متلتله!! طبعا متوقع بيجيني واحد الحين يقولك على الاقل احسن من غيرنا!! وماادري شدخلنا بغيرنا؟!

صج يعني كفايه كذب على انفسنا

والاخ كاتب الموضوع قاعد يفترض فرضيات طفوليه بصراحه ، وشو اللي رايح السينما لأغراض اخرى؟

الغريب اننا ننادي بالمجتمع الاسلامي وحنا كلامنا كله سوء ظن × سوء ظن وتشكيك في خلق الله

والبعض مسوي روحه وصي على المجتمع ويبي يحارب كل شي فيه مثل الاخوان اللي هجموا على فلم مناحي وعلى فكره فلم مناحي سامج ولو علي مااعرضه حتى في القناه السعوديه الثانيه !

كفانا مثاليات وكفانا استهبال خلق الله

اخوي(سامي صعب يتكرر)

البحرين والدول اول ماحطوا السينما كانوا من الاساس بيعرضون افلام غير شرعيه.. فما كان فيه بدايه ولا شي

اما حنا قلنا بنعرض افلام سعوديه شرعيه مافيها ولا منكر شرعي


طيب الحين النت والدريم بوكس والدشوش
فيها اشد من السينما ليش مايمنعونها؟؟؟


والحمد الله هاذا لاهو فيه عصيان لله ولا شي



والي مايبي السينما على باله انها حرام<< مع انها مافيها شي
لايجي





تحياتي ومشكووور عالموضووع

إقتباس الرسالة الأصلية كتبت بواسطة عارف كل شي اخوي(سامي صعب يتكرر) البحرين والدول اول ماحطوا السينما كانوا من الاساس بيعرضون افلام غير شرعيه.. فما كان فيه بدايه ولا شي اما حنا قلنا بنعرض افلام سعوديه شرعيه مافيها ولا منكر شرعي طيب الحين النت والدريم بوكس والدشوش فيها اشد من السينما ليش مايمنعونها؟؟؟ والحمد الله هاذا لاهو فيه عصيان لله ولا شي والي مايبي السينما على باله انها حرام<< مع انها مافيها شي لايجي تحياتي ومشكووور عالموضووع

هلا فيك اخوي عارف كل شي مره اخرى ..

قلت :
بنعرض افلام سعوديه شرعيه مافيها ولامنكر شرعي !!!

صدقني وانا اخوك مستحييييل يعني ماراح يعرضون نساء وموسيقى واغاني ياليت ونتمنى هالكلام ولكن صدقني صعبه لأن الشيطان موجود والقضيه بالتدرج والتمسك بالمبدأ في مثل هالأمور صعب صعب ولن يستمر طويلا ...

وقلت :
والحمدلله هادا لاهو فيه عصيان لله ولا شي..

وانا اقول نتمنى ان مايكون فيه منكر بكل انواعه فلابأس به ان كان متوافق مع شرع الله وليس مع العادات والتقاليد..


لك تقديري واحترامي على سعة صدرك وتقبلك وجهة نظري وفقنا الله واياك

إقتباس الرسالة الأصلية كتبت بواسطة عارف كل شي طيب الحين النت والدريم بوكس والدشوش فيها اشد من السينما ليش مايمنعونها؟؟؟ والحمد الله هاذا لاهو فيه عصيان لله ولا شي والي مايبي السينما على باله انها حرام<< مع انها مافيها شي لايجي تحياتي ومشكووور عالموضووع

عزيزي كل اللي ذكرتها فيها الخير والشر ماعدى دريم بوكس لاني ماجربته

امّا السينما وش فيها خير اذا بيعرضون فلم فيه موسيقى ونساء

ثم بعدين لاتحلل وتحرم وفق هواك

ولازال الكبت والقمع ضد اي فكرة ترفيهيه هو السبيل الوحيد لمعارضتها ، ولازالت الوصاية من البعض تعمل بنشاط { وكأن الله عز وجل لم يكرمك كشخص ويعطيك عقلاً تفكر فيه وتختار ماتشاء } .. ومن ثم يأتي من يفكّر ويختار عنك رغم ارادتك ..!

مع السينما وبقوووة .. وضوابط بالتأكيد.

إقتباس الرسالة الأصلية كتبت بواسطة مغرم كتابه ولازال الكبت والقمع ضد اي فكرة ترفيهيه هو السبيل الوحيد لمعارضتها ، ولازالت الوصاية من البعض تعمل بنشاط { وكأن الله عز وجل لم يكرمك كشخص ويعطيك عقلاً تفكر فيه وتختار ماتشاء } .. ومن ثم يأتي من يفكّر ويختار عنك رغم ارادتك ..! مع السينما وبقوووة .. وضوابط بالتأكيد.

هلا فيك ياخوي مغرم بالكتابه ..

باختصار شديد :

ان كانت اي فكره ترفيهيه موافقه لشرع الله وسنة رسوله صلى الله عليه وسلم فأهلا بها ولن يعترض عليها احد ايا كان وان كانت مخالفه لشرع الله فلن يرضى بها اي مسلم غيور على دينه..

وكما قلت فان الله كرم كل شخص بالعقل ليفكر به ولكن فيما يرضي الله ..

واما الوصايه وغيرها كما جاء في السطر الأخير فأقول باختصار :

ان الله سبحانه وتعالى امرنا في كتابه المحكم بأن نتواصى بالحق والبر والتقوى والأمر بالمعروف والنهي عن المنكر ..

وتلك ليست وصايه بل أمر من رب العالمين يجب ان نسلم به شئنا ام ابينا ..

اتمنى قبول وجهة نظري بصدر رحب وفقنا الله واياك لما يحب ويرضى .

بغض النظر اني مع السينما او ضدها


جميع المشاكل الي ذكروها الشباب او البنات انا اشوف انها تنحل


وانا متأكد من ان الفئه الي معارضين للسينما ما زارو جده قبل كذا


واذا كانو زارو جده قبل كذا فأنا اسألهم وين معارضتهم على الكباين والشاليهات الي اذا دخلتها تقول فنفسك انا اكيد خارج السعوديه ؟


طبعا البنات بدون عبايات ,, لابسين جينزات وكل وحده معاها خويها وتشوف حتى الصغار يقلدون الكبار الي اعمارهم 14و 15 و 16 و 17

وتشوف البنات معسلات ودخان وفي الصباح سباحه ولبس مايوهات ولابتوبات على الشاطئ وفي الليل سهرات ورقص وبعد منتصف


الليل كل وحده( تديت) مع خويها في الكبينه او الشاليه !! وطبعا بحضور الحشيش والشراب



طيب بالنسبه للمولات ليش ماقلتو ان الاختلاط يؤدي الى خراب المجتمعات هل تقارن المولات الي في الرياض والشرقيه مثل الي في جده ...


قد سمعت بالآيس لاند والشلال والردسي مول والصوراري و. ..و ....



ليش ما اعترضتو على الكافيهات الي يجتمع فيها الحبايب كل واحد مع حبيبته واحلى جلسه روقان



عندي كلام كثير لكن والله الوقت مايسعفني اني اتكلم فيه عن ما اراه في مدينتي الي اعيش بها ...

إقتباس الرسالة الأصلية كتبت بواسطة يحيى الحيران بغض النظر اني مع السينما او ضدها جميع المشاكل الي ذكروها الشباب او البنات انا اشوف انها تنحل وانا متأكد من ان الفئه الي معارضين للسينما ما زارو جده قبل كذا واذا كانو زارو جده قبل كذا فأنا اسألهم وين معارضتهم على الكباين والشاليهات الي اذا دخلتها تقول فنفسك انا اكيد خارج السعوديه ؟ طبعا البنات بدون عبايات ,, لابسين جينزات وكل وحده معاها خويها وتشوف حتى الصغار يقلدون الكبار الي اعمارهم 14و 15 و 16 و 17 وتشوف البنات معسلات ودخان وفي الصباح سباحه ولبس مايوهات ولابتوبات على الشاطئ وفي الليل سهرات ورقص وبعد منتصف الليل كل وحده( تديت) مع خويها في الكبينه او الشاليه !! وطبعا بحضور الحشيش والشراب طيب بالنسبه للمولات ليش ماقلتو ان الاختلاط يؤدي الى خراب المجتمعات هل تقارن المولات الي في الرياض والشرقيه مثل الي في جده ... قد سمعت بالآيس لاند والشلال والردسي مول والصوراري و. ..و .... ليش ما اعترضتو على الكافيهات الي يجتمع فيها الحبايب كل واحد مع حبيبته واحلى جلسه روقان عندي كلام كثير لكن والله الوقت مايسعفني اني اتكلم فيه عن ما اراه في مدينتي الي اعيش بها ...

هلا فيك اخوي يحيى ..

صدقني وانا اخوك الناس فيها خير والنصح موجود حتى ولو لم يكن ظاهرا بل هناك نصح وتوجيه ولكن سرا لايعلمه الا رب العالمين ونحن لسنا مسؤلين عن هداية الناس ولكن الله سبحانه هو الهادي ولكن دورنا فعل الأسباب المؤديه للهدايه من نصح وتوجيه وأمر بالمعروف والنهي عن المنكر ..

يعني خلاص انتشرت هالأمور والمنكرات الي تقولها خلاص يعني نسلم بالباقي ونترك الحبل على الغارب كما يقال ونقول لانستطيع !!


يعني الحين لوفيه واحد يدخن ويشرب خمر ومايصلي نتركه ونقول ياناس هو مخربها ليش ننصحه خلوه وكل واحد عقله براسه ؟؟؟

لا لا مايصير علينا النصح والأمر بالمعروف والنهي عن المنكر وبعد كدا نقول دع الخلق للخالق لهدايتهم اهم شيء فعلنا الأسباب ..

اسف على الأطاله واتمنى تتقبل وجهة نظري بصدر رحب