إقتباس الرسالة الأصلية كتبت بواسطة عارف كل شي والله انا مؤيد لانفتاح السينما وهي راح تعرض الافلام السعوديه ومافيها عنصر نسائي وبعدين القاعه الحريم في جهه والرجال في جهه مافيه اي مشكله ,, الناس تطوروا وحنا نشوفها بالتلفزيون وبدون الوان بعد

اهلا فيك اخوي عارف كل شي

انت تقول انهم ماراح يعرضون الا الافلام السعوديه !!

صدقني حتى ولو قالوا ماقالوا فانها خطوات الشيطان وشيئا فشيئا مع الوقت لن يثبتوا على مبدأهم لأن ابليس حي مامات وسيعرضون ماهو اشد كما حصل في سينما البحرين في بداياتها والسينما هي الشراره الأولى لما بعدها فان حصلت فلا تسأل وش بيكون بعدها


اما من ناحية ان الناس تطوروا !!

تطوروا في ايش ؟؟

الحين الي يخالف امر الله سبحانه ورسوله صلى الله عليه وسلم متطور !!!

ان كان تطور فلانريده ونحن راضون عن تخلفنا ولاننسى ان نسبة 90 في المائة او اكثر من الشعب لايرضون بها فنحن بطبيعتنا ولله الحمد شعب محافظ ..

تحياتي لك اخي واتمنى ان تقبل كلامي ووجة نظري بصدر رحب

إقتباس الرسالة الأصلية كتبت بواسطة كاسبر الهلالي المتشددين يعني المطاوعه كانوو ضد الدشوش واي شيء جديد ضده واذكر اول انهم كانوو يرمون الدشوش بالسكيتون >>>>> سلاح ناري خاص للصيد خلو عنكم التشدد واللي ما يبي السينما يجلس في بيته ويطالع بالدش اللي عندهـ مع السينما

هلا فيك اخوي كاسبر الهلالي

ممكن تعلمنا وش معنى متشددين ؟؟

انا اللي فهمته من كلامك ومن تفكيرك من خلال ماكتبت ان اللي مايرضى بالمنكر ينتشر ويجاهد نفسه في طاعة الله ورسوله ويستقيم على الشرع القويم انه متشدد !!

ان كان ماسبق مقصدك فابشرك انا اول المتشددين

وان كنت فهمت ماتقصد غلط اتمنى منك ان تشرح لي معنى كلمة (المتشددين )؟


تخياتي لك اخوي كاسبر وتقبل وجهة نظري بصدر رحب

استغفر الله العظيم
كثر الرياء والنفاق بمجتمعنا
ناس ماعندها سالفة ودشير ويعارضون السينما ويقولون تخرب مجتمعنا
ويرددون كلام المشايخ ويقولون لاكلام بعد كلامهم
أولياء الله الظاهر مو مطاوعه
الظاهر بنصير زي الشيعه بغلوهم وجنانهم
طيب محلات الفيديو والدشوش والدريم بوكس والقنوات الاباحية ماشاءالله تثقف شبابنا
أما صالة عرض لفيلم مقطع تحت الرقابة وقدام جمهور
ويقولون لا هذي مو من عاداتنا
ويصير فيها اختلاط
اختلاط!!!!!!!!!!!!!!!
الرجال بوادي والنساء بوادي
أما اللي يشك بنفسه بين الرجال فهذا شي ثاني
والكتكوت اللي فوق من قال لك ان 90% معارض للسينما
والا هذي احصائيات حارتكم
أغلب الشعب طفشان من نفسة ومن ملل البلد
وياخي جوكم غير جو الناس
وبالنسبة للمتشددين فهالأشكال للأسف شوهوا الدين بكثرة مشاكلهم وتبليهم على الناس وقلة الذوق بالأسلوب والنقاش ويقول أنا أتكلم بلسان الدين
أي دين ياكابتن؟؟؟؟
ديننا الاسلامي دين يسر مو دين عسر
وماقال نروح نهاجم الناس ونتكلم ونخرب عليهم باسم الدين
أجل (غزوة فيلم مناحي)
اللهم لك الحمد والشكر

إقتباس استغفر الله العظيم كثر الرياء والنفاق بمجتمعنا ناس ماعندها سالفة ودشير ويعارضون السينما ويقولون تخرب مجتمعنا ويرددون كلام المشايخ ويقولون لاكلام بعد كلامهم أولياء الله الظاهر مو مطاوعه الظاهر بنصير زي الشيعه بغلوهم وجنانهم طيب محلات الفيديو والدشوش والدريم بوكس والقنوات الاباحية ماشاءالله تثقف شبابنا أما صالة عرض لفيلم مقطع تحت الرقابة وقدام جمهور ويقولون لا هذي مو من عاداتنا ويصير فيها اختلاط اختلاط!!!!!!!!!!!!!!! الرجال بوادي والنساء بوادي أما اللي يشك بنفسه بين الرجال فهذا شي ثاني والكتكوت اللي فوق من قال لك ان 90% معارض للسينما والا هذي احصائيات حارتكم أغلب الشعب طفشان من نفسة ومن ملل البلد وياخي جوكم غير جو الناس وبالنسبة للمتشددين فهالأشكال للأسف شوهوا الدين بكثرة مشاكلهم وتبليهم على الناس وقلة الذوق بالأسلوب والنقاش ويقول أنا أتكلم بلسان الدين أي دين ياكابتن؟؟؟؟ ديننا الاسلامي دين يسر مو دين عسر وماقال نروح نهاجم الناس ونتكلم ونخرب عليهم باسم الدين أجل (غزوة فيلم مناحي) اللهم لك الحمد والشكر

كلامك صحيح والله

ماادري الى متى بنتم نضحك على انفسنا ونقول مجتمعنا المحافظ ومجتمعنا فيه بلاوي متلتله!! طبعا متوقع بيجيني واحد الحين يقولك على الاقل احسن من غيرنا!! وماادري شدخلنا بغيرنا؟!

صج يعني كفايه كذب على انفسنا

والاخ كاتب الموضوع قاعد يفترض فرضيات طفوليه بصراحه ، وشو اللي رايح السينما لأغراض اخرى؟

الغريب اننا ننادي بالمجتمع الاسلامي وحنا كلامنا كله سوء ظن × سوء ظن وتشكيك في خلق الله

والبعض مسوي روحه وصي على المجتمع ويبي يحارب كل شي فيه مثل الاخوان اللي هجموا على فلم مناحي وعلى فكره فلم مناحي سامج ولو علي مااعرضه حتى في القناه السعوديه الثانيه !

كفانا مثاليات وكفانا استهبال خلق الله

اخوي(سامي صعب يتكرر)

البحرين والدول اول ماحطوا السينما كانوا من الاساس بيعرضون افلام غير شرعيه.. فما كان فيه بدايه ولا شي

اما حنا قلنا بنعرض افلام سعوديه شرعيه مافيها ولا منكر شرعي


طيب الحين النت والدريم بوكس والدشوش
فيها اشد من السينما ليش مايمنعونها؟؟؟


والحمد الله هاذا لاهو فيه عصيان لله ولا شي



والي مايبي السينما على باله انها حرام<< مع انها مافيها شي
لايجي





تحياتي ومشكووور عالموضووع

ولازال الكبت والقمع ضد اي فكرة ترفيهيه هو السبيل الوحيد لمعارضتها ، ولازالت الوصاية من البعض تعمل بنشاط { وكأن الله عز وجل لم يكرمك كشخص ويعطيك عقلاً تفكر فيه وتختار ماتشاء } .. ومن ثم يأتي من يفكّر ويختار عنك رغم ارادتك ..!

مع السينما وبقوووة .. وضوابط بالتأكيد.

بغض النظر اني مع السينما او ضدها


جميع المشاكل الي ذكروها الشباب او البنات انا اشوف انها تنحل


وانا متأكد من ان الفئه الي معارضين للسينما ما زارو جده قبل كذا


واذا كانو زارو جده قبل كذا فأنا اسألهم وين معارضتهم على الكباين والشاليهات الي اذا دخلتها تقول فنفسك انا اكيد خارج السعوديه ؟


طبعا البنات بدون عبايات ,, لابسين جينزات وكل وحده معاها خويها وتشوف حتى الصغار يقلدون الكبار الي اعمارهم 14و 15 و 16 و 17

وتشوف البنات معسلات ودخان وفي الصباح سباحه ولبس مايوهات ولابتوبات على الشاطئ وفي الليل سهرات ورقص وبعد منتصف


الليل كل وحده( تديت) مع خويها في الكبينه او الشاليه !! وطبعا بحضور الحشيش والشراب



طيب بالنسبه للمولات ليش ماقلتو ان الاختلاط يؤدي الى خراب المجتمعات هل تقارن المولات الي في الرياض والشرقيه مثل الي في جده ...


قد سمعت بالآيس لاند والشلال والردسي مول والصوراري و. ..و ....



ليش ما اعترضتو على الكافيهات الي يجتمع فيها الحبايب كل واحد مع حبيبته واحلى جلسه روقان



عندي كلام كثير لكن والله الوقت مايسعفني اني اتكلم فيه عن ما اراه في مدينتي الي اعيش بها ...

إقتباس الرسالة الأصلية كتبت بواسطة عارف كل شي اخوي(سامي صعب يتكرر) البحرين والدول اول ماحطوا السينما كانوا من الاساس بيعرضون افلام غير شرعيه.. فما كان فيه بدايه ولا شي اما حنا قلنا بنعرض افلام سعوديه شرعيه مافيها ولا منكر شرعي طيب الحين النت والدريم بوكس والدشوش فيها اشد من السينما ليش مايمنعونها؟؟؟ والحمد الله هاذا لاهو فيه عصيان لله ولا شي والي مايبي السينما على باله انها حرام<< مع انها مافيها شي لايجي تحياتي ومشكووور عالموضووع

هلا فيك اخوي عارف كل شي مره اخرى ..

قلت :
بنعرض افلام سعوديه شرعيه مافيها ولامنكر شرعي !!!

صدقني وانا اخوك مستحييييل يعني ماراح يعرضون نساء وموسيقى واغاني ياليت ونتمنى هالكلام ولكن صدقني صعبه لأن الشيطان موجود والقضيه بالتدرج والتمسك بالمبدأ في مثل هالأمور صعب صعب ولن يستمر طويلا ...

وقلت :
والحمدلله هادا لاهو فيه عصيان لله ولا شي..

وانا اقول نتمنى ان مايكون فيه منكر بكل انواعه فلابأس به ان كان متوافق مع شرع الله وليس مع العادات والتقاليد..


لك تقديري واحترامي على سعة صدرك وتقبلك وجهة نظري وفقنا الله واياك

إقتباس الرسالة الأصلية كتبت بواسطة مغرم كتابه ولازال الكبت والقمع ضد اي فكرة ترفيهيه هو السبيل الوحيد لمعارضتها ، ولازالت الوصاية من البعض تعمل بنشاط { وكأن الله عز وجل لم يكرمك كشخص ويعطيك عقلاً تفكر فيه وتختار ماتشاء } .. ومن ثم يأتي من يفكّر ويختار عنك رغم ارادتك ..! مع السينما وبقوووة .. وضوابط بالتأكيد.

هلا فيك ياخوي مغرم بالكتابه ..

باختصار شديد :

ان كانت اي فكره ترفيهيه موافقه لشرع الله وسنة رسوله صلى الله عليه وسلم فأهلا بها ولن يعترض عليها احد ايا كان وان كانت مخالفه لشرع الله فلن يرضى بها اي مسلم غيور على دينه..

وكما قلت فان الله كرم كل شخص بالعقل ليفكر به ولكن فيما يرضي الله ..

واما الوصايه وغيرها كما جاء في السطر الأخير فأقول باختصار :

ان الله سبحانه وتعالى امرنا في كتابه المحكم بأن نتواصى بالحق والبر والتقوى والأمر بالمعروف والنهي عن المنكر ..

وتلك ليست وصايه بل أمر من رب العالمين يجب ان نسلم به شئنا ام ابينا ..

اتمنى قبول وجهة نظري بصدر رحب وفقنا الله واياك لما يحب ويرضى .

إقتباس الرسالة الأصلية كتبت بواسطة يحيى الحيران بغض النظر اني مع السينما او ضدها جميع المشاكل الي ذكروها الشباب او البنات انا اشوف انها تنحل وانا متأكد من ان الفئه الي معارضين للسينما ما زارو جده قبل كذا واذا كانو زارو جده قبل كذا فأنا اسألهم وين معارضتهم على الكباين والشاليهات الي اذا دخلتها تقول فنفسك انا اكيد خارج السعوديه ؟ طبعا البنات بدون عبايات ,, لابسين جينزات وكل وحده معاها خويها وتشوف حتى الصغار يقلدون الكبار الي اعمارهم 14و 15 و 16 و 17 وتشوف البنات معسلات ودخان وفي الصباح سباحه ولبس مايوهات ولابتوبات على الشاطئ وفي الليل سهرات ورقص وبعد منتصف الليل كل وحده( تديت) مع خويها في الكبينه او الشاليه !! وطبعا بحضور الحشيش والشراب طيب بالنسبه للمولات ليش ماقلتو ان الاختلاط يؤدي الى خراب المجتمعات هل تقارن المولات الي في الرياض والشرقيه مثل الي في جده ... قد سمعت بالآيس لاند والشلال والردسي مول والصوراري و. ..و .... ليش ما اعترضتو على الكافيهات الي يجتمع فيها الحبايب كل واحد مع حبيبته واحلى جلسه روقان عندي كلام كثير لكن والله الوقت مايسعفني اني اتكلم فيه عن ما اراه في مدينتي الي اعيش بها ...

هلا فيك اخوي يحيى ..

صدقني وانا اخوك الناس فيها خير والنصح موجود حتى ولو لم يكن ظاهرا بل هناك نصح وتوجيه ولكن سرا لايعلمه الا رب العالمين ونحن لسنا مسؤلين عن هداية الناس ولكن الله سبحانه هو الهادي ولكن دورنا فعل الأسباب المؤديه للهدايه من نصح وتوجيه وأمر بالمعروف والنهي عن المنكر ..

يعني خلاص انتشرت هالأمور والمنكرات الي تقولها خلاص يعني نسلم بالباقي ونترك الحبل على الغارب كما يقال ونقول لانستطيع !!


يعني الحين لوفيه واحد يدخن ويشرب خمر ومايصلي نتركه ونقول ياناس هو مخربها ليش ننصحه خلوه وكل واحد عقله براسه ؟؟؟

لا لا مايصير علينا النصح والأمر بالمعروف والنهي عن المنكر وبعد كدا نقول دع الخلق للخالق لهدايتهم اهم شيء فعلنا الأسباب ..

اسف على الأطاله واتمنى تتقبل وجهة نظري بصدر رحب

هلا اخوي ( سامي صعب يتكرر )


انا اقصد بكلامي انو لو تم افتتاح دور للسينما فإنه يعتبر شي تافه جدا بالنسبه إلى ماذكرته من الاماكن الي ذكرتها مثل الكباين

والمولات الي توفر الاختلاط والفساد الي انت ماتبغاه يحصل مع السينما ,, انا اشوف انه نقدر نسيطر على الي يحصل في مكان

محدود مثل السينما


لكن مانقدر نسيطر على مجمعات ومولات كامله غير البؤر الفساد والدعاره الي تحصل في الكباين والشاليهات


تحياتي لك اخوي ,,

إقتباس الرسالة الأصلية كتبت بواسطة هلالي2008 وولي أمرها وينه ؟! اذا بيتركها تروح لحالها للسينما أكيد انه يتركها تروح لحالها للسوق ولصديقاتها وبكذا مثل ماقلتلك اللي براسها خراب بتسويه والمتربية صدقني ماراح تسوي شيء وين ماراحت .. وبعدين يا أخي وين تبي الشباب يروحون ؟! وين المشكلة اذا راحوا للسينما ؟! مهب أصرف من تسدحهم بذا الاستراحات والمقاهي ! معليش بس من وين لك هالاحصائية ؟! اذا 90% من مجتمعك والناس اللي حولك مايبون السينما صار الشعب كله مايبيها ؟! وإذا فعلاً 90% من الشعب مايبيها ليه نسبة السعوديين بسينمات البحرين فوق ال50% ؟! هذا اذا ماكان اكثر بعد ! هذا الكلام .. الله من واحد جاي هنا ويعارض السينما ويحرم الافلام وعقب مايضيف الرد يروح يشيك ع التورنت يشوف كم باقي ع الفلم اللي بيسهر عليه الليلة ! يعني من جد إلى متى هالنفاق والتصنع ؟!

هلا فيك اخوي هلالي 2008 ..

يمكن اني اخطأت وقلت نسبة 90 في المائه واحقاقا للحق انا لااملك احصائيه ولكني كنت اقصد ان الأغلبيه من الشعب وهم كثير معارضون لمثل تلك الأمور ومهما قال القائلون فالأغلبيه معارض لما تمليه عليهم فطرتهم وغيرتهم الدينيه فنحن شعب محافظ ولله الحمد حتى ولو خرجت فئه قليله معارضه ..

اما كلامك في الأسطر الأخيره عن من يعارض السينما ومن ثم يناقض نفسه فهؤلاء يمثلون انفسهم ولايمثلون غيرهم والنت مفتوح للجميع وجميع العقليات ومن استطاع ان يحتال ويراوغ في جميع المجالات فالنت مفتوح له ولأشكاله ..


واما قولك : ( ويحرم الأفلام )

فالحلال بين والحرام بين وكل ماخالف شرع الله من منكرات في الأفلام وغيرها فهو حرام ولا شك في دلك والحلال والحرام واضح في القران الكريم والسنه المطهره تدعمه .

اللي مستغرب من بعض اخواننا

المتحمسين لرفض السينما لكثره ردوده في الموضوع ...

وأنا استشفيت سبب رفضه لوجود المنكرات ..

أحب اسأل اخونا في الله

مدريدي عاشق سامي

توقيعك صوره لاعب كافر ليس مسلم وهذا منكر لا يجوز

الصور بحد ذاتها حرام وان الله توعدهم بالوعيد

نص الفتوى " * القسم الثاني: أن تكون معلقة على سبيل الذكرى مثل من يعلقون صور أصحابهم وأصدقائهم في غرفهم الخاصة فهذه محرمة فيما يظهر لوجهين:
• الوجه الأول: أن ذلك يوجب تعلق القلب بهؤلاء الأصدقاء تعلقاً لا ينفك عنه، وهذا يؤثر تأثيراً بالغاً على محبة الله ورسوله وشرعه ويوجب تشطير المحبة بين هؤلاء الأصدقاء وما تجب محبته شرعاً، وكأن قارعاً يقرع قلبه كلما دخل غرفته: انتبه، انتبه، صديقك، صديقك، وقد قيل:





أحبب حبيبك هوناً ما *** فعسى أن يكون بغيضك يوماً ما"

وهذا الرابط

http://www.islamway.com/?iw_s=Fatawa&iw_a=view&fatwa_id=21801


وايضا في توقعيك يوجد عباره " هذا الملكي اذا امر ... الكل يطيع و إذا طلب يستجاب"

سؤالي في عباره وإذا طلب يستجاب

هل تعتقد فيه ازدواجيه في تشبيه الاستجابه لرب العباد بحكم أن النادي اذا طلب يجب على الكل التنفيذ والانقياد له بالطاعه ... لماذا لاتربط النص الموجود في التوقيع بالمشيئه ؟!


علما صور اللاعب توقيعك في فتنه لبنات المسلمين ، أيضا فيه مجاهره بالمعصيه كصور لاعب كافر والصوره اساساّ حرام

أتمنى من اخواني الرافضين لفكره السينما

البحث

كيف كانت بدايه دخول تعليم البنات في السعودية

وكيف تم السماح لدخول كاميرات الجوال في السعوديه

----------

سؤالي لماذا لايكون في السعوديه سينما اسلامي

كخشبه المسرح مثلاً

كقنوات فضائيه اسلاميه



انتظرك ردودكم وبخاصه مدريدي


قفله

اخوي مدري اتمنى قبول نقدي بصدر رحب
فأن والله احترم شخصك الكريم ولكن نقدي على نقطه معينه

انا مع السينما

وضد قياده المرأه جملاً وتفصيلاً