إقتباس الرسالة الأصلية كتبت بواسطة زعيم المستديرة السلام عليكم ورحمة الله وبركاته قسم با لله ياخوي السنماء ما فيها ضرر اذا كان يوم للرجال و يوم للنساء يعني ما فيه اختطلاط ولا فيه احد قال انه بيكون اختلاط لاكن للاسف هناك ناس مع احترامي لهم متخلفه ولا تشاهد الا بعين واحده يعني عاجبهم منظر السعودين في البحرين كل اربعاء و يرجع محتمل حامل معه امراض الامير الوليد بن طلال شخص فاهم و يحب انه يحافض على الشباب في السعوديه بدل السفريات اللى كل ديرة العن من الديرة الثانيه

طيب فيه ناس تروح عشان مراقص

نفتح مراقص عشان لايروح ؟؟

إقتباس الرسالة الأصلية كتبت بواسطة F.C.H ياعزيزي أو عزيزتي إذا انت مره يعني هامك هالموضوع وبإعتقادك بأن وجود السينما فسـاد "الي يسمعك يقول بنفتح مراقص بالديره " انزين روح أنت والعالم اللى تعارض السينما وامنعوا نص البلاوي اللى بالديرة . روح امنع محلات الأفلام ولا المحلات حلال والسينما حرام وفساد .؟ وياخوي مدري وش اللى بيضرك من الموضوع مو انت وربعك ماتبونها محد غاصبكم وبيدخلكم السينما غصب . مدري وين الضرر فيه . المهم طال الزمن ولا قصر موضوع السينما منتهين منه ان شاء الله وبنشوفها اليوم قبل بكرة . الله يخلي لنا ابو متعب والوليد بن طلال

يعني وش لون نمنع ؟؟

انا اعرف اكثر من واحد اذا مروا محلات اغاني ولافيديو ينصحونه ولكن بعض اصحاب هذه المحلات تلقى رده "وش دخلك"

لااه ؟ منطق عجيب ! على كذا أجل المفروض يقفلون الأسواق والمستشفيات بعد لأن فيه بنات يتعذرون بهالاماكن وهم يتصرمحون مع الشباب .. اللي ابي اوصل له ان المنع مهوب حل واللي براسها شيء بتسويه .. ولو تحبسها بين اربع جدران بتلقى عذر وبتسوي اللي براسها !


انا قصدت عذر جديد يعني ماهو كل يوم مستشفى او سوق واضح ياأعلامي بعدين خلك واقعي وش عذر البنت الي تبي تطلع مع شاب غير انها بتروح السوق اوعند صديقه او مستشفى وبكرة بعد الله لايقوله تبي تحضر فيلم اليست هذه اعذارهن ياالحبيب ويمكن على قولك المنع ماهو حل لكن قد يكون جزء من حلول واخيراً اسألك بالله وش هي الفايدة التي سيجنيها الانسان المسلم العاقل من دفع ماله لمتابعة فاسق او فاسقة؟ غير الاثم فاالنظر للمرأة الاجنبية المتبرجة حرام والوقت المهدر في مثل هذه الامور سنسأل عنه يوم القيامة وووو!

اخي الكريم الامر اخطر بكثير من ذلك المحذور الذي شددت عليه انت واذكرك باننا معرضون للذنوب وكلنا نخطأ لكن المصيبة ان نبرر ونهون من الذنوب .

من وجهة نظري وأكررها في كل محفل الله يحفظني ،
أن النقاش حول موضوع السينما ( لا يودي ) و ( لا يجيب ) !
السينما غلط ، وحرام ، وفساد ، وما وراها خير ، "الا إذا حطوا بث مباشر لقناة المجد" ،

/،
ومن أيد السينما وطالب بها حججه واهية مردودة عليه ،
والله أعلى وأعلم .

إقتباس بيكون الجواب بكل بساطة : [[ السينما ]] .. بدال ماتروح قروشنا لـ أحد غريب خلها بديرتنا .. وبعدين ابفهم .. وين الاختلاط اذا الرجال بـ جهة و الحريم بـ جهة ؟؟ وبالعكس .. انا أطالب انهم بالقريب العاجل يبدأون بـ عرض الافلام المصرية و أفلام هوليوود و بوليوود .. واللي بيقول اني علماني او [ ليبرالي ] يقول تراه مايهمني قولوا اللي تقولون لأن آخر من اهتم لـ رأيه هو الشخص المتخلف واللي يناظر الموضوع من زاوية واحدة و ليس من كل الزاويا .. اهم شي الشعب ينبسط و يستانس و كل شي يكون تحت عين الدولة .. وقروشنا ماتروح لـ أحد غريب .. والله يرزقنا صلاح النية ..

معجبك هالحريم اللي يترززن بالأفلام الأجنبية ,, ؟؟ أو الأفلام بالعموم ,, ؟؟

لا تقول وش المشكلة يناظرها بالبيت ولا بالسينما ,,

المجاهرة بالمعصية شيء ثاني ،،

يانااااااااس ،،

ما فيه فيلم يخلو من [ موسيقى - نساء - مخالفات شرعية ] ,,

كيف تقول بحدود الشريعة الإسلامية ،، ؟؟

والله العقل ما يقبل هالكلام ،، لكن بعض الناس أتخد آلهه هواه ,, دون علم منه ,, !!

إقتباس الامير الوليد بن طلال شخص فاهم و يحب انه يحافض على الشباب في السعوديه بدل السفريات اللى كل ديرة العن من الديرة الثانيه

كلام سليم ,,

وخير دليل قنوات روتانا التي تفقه الناس في دينهم وتعلمهم الكتاب والسنة ,,

أجل وراه ما يفتح مراقص ومحلات دعارة موب أزين ,, ؟؟

علشان شبابنا ما يسافرون برى ,, !!

إقتباس قسم با لله ياخوي السنماء ما فيها ضرر اذا كان يوم للرجال و يوم للنساء يعني ما فيه اختطلاط

الموسيقى والألحان والنساء الكاسيات العاريات واللهو هدا ,, مهوب ضرر ,, ؟؟

ألا أكبر ضرر ،، ياخوي أتكلم عن الموضوع من منظور ديني ,,

أدا كان صحيح ,, بداك الوقت يـُنظر في الموضوع من باقي النواحي ,,

فالدين له الأولوية في كل شيء ,,

,,

ملاحظة بسيطة : لوح مفاتيحي ( كيبوردي ) ما يكتب حرف الـ " دال " ,, ( بنقطة ) ,,
يعني لا يجي واحد يقول مين مدرسك إملاء ,, ؟؟

أخوي (مقطوع راسي)

جرّب تضغط.. المفتاح اللي فيه هذي العلامة >> ( \ ) و هذي بعد >> ( | )


مجرد محاولة يمكن تضبط.؟

والله انا مؤيد لانفتاح السينما

وهي راح تعرض الافلام السعوديه ومافيها عنصر نسائي

وبعدين القاعه الحريم في جهه والرجال في جهه



مافيه اي مشكله ,, الناس تطوروا وحنا نشوفها بالتلفزيون وبدون الوان بعد

المتشددين يعني المطاوعه كانوو ضد الدشوش واي شيء جديد ضده واذكر اول انهم كانوو يرمون الدشوش بالسكيتون >>>>> سلاح ناري خاص للصيد

خلو عنكم التشدد واللي ما يبي السينما يجلس في بيته ويطالع بالدش اللي عندهـ


مع السينما

إقتباس الرسالة الأصلية كتبت بواسطة كاسبر الهلالي المتشددين يعني المطاوعه كانوو ضد الدشوش واي شيء جديد ضده واذكر اول انهم كانوو يرمون الدشوش بالسكيتون >>>>> سلاح ناري خاص للصيد خلو عنكم التشدد واللي ما يبي السينما يجلس في بيته ويطالع بالدش اللي عندهـ مع السينما

عن أبي سعيد الخدري رضي الله عنه قال : سمعت رسول الله صلى الله عليه وسلم يقول : ( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) رواه مسلم