الي يقول انها موجودة من اول كلامه صحيح لكن كانت النساء في بيوتهن والي كان يروح من الرجال قلة لاتذكر .
ايييه على ماقال القصيمي والا ماله داعي اقول وش قال !!اليوم الحريم في جهة والرجال في جهة بكرة يبي يصير يوم ويوم بعدين العوائل مع بعض خليطي مثل ماهو صاير في بعض المطاعم
ولاننسى انهم في البداية كانوا يبون السينما للأطفال !!

اللهم اقبضنا اليك غير خزايا ولامفتونين..

قهر اجل بيفوتنا قطار التقدم و الحضارة..!
اذا ماحطّوا سينما..!

F.C.H
تمسّك تمسّك ،
اللهم اكفنا شر كل من به شر !

الناس وصلت للقمر حنا للحين نفكر نحط سينما

اللحين يرحم والديكم وش الفرق بين السينما والشميسي


الشميسي يبيع افلام خليعه أوي ماشفنا الجماعه الله يعافيهم مسنترين هناك

مره يقولون اختلاط مره يقولون الافلام بتكون خليعه مره مره ,, والله تخلف

اذا فلم مناحي اللي عرض الاثنين الفات سوو ضجه هالمتشددين ,, شلون لو صار فلم اجنبي

جايبينه من القناه الثانيه بيفجرون شكلهم ,,

والله حنا نصعب الامور علينا من ايام الدشوش وهي ممنوعه الى جوالات الكاميرا اللي كانت تهرب للسعوديه

واللحين كل اللي طالبو بعدم استخدام جوال الكاميرا معهم اي فون

احسن شي بالملحق رح جمع عيال عمك وشغل نور احمر خفيف وحط لك فلم وخل معك ببسي وفشار زي الافلام الاجنبيه والعب على نـفسك حط عند باب الملحق الدخول بـ 20 ريال

لاتستغرب الشباب يداهمون بيتك ويطالبون باغلاق الملحلق


الوليد بن طلال كلنا معك من هنا الى غرفه نومك

إقتباس السينما مفتوحه مفتوحه

تذكرني باللي يقولون: أن الهيئة بتنلغي بتنلغي.!

إقتباس انا والله فتحت سينما ما فتحت ماراح تفرق معي انا عندي بالبيت قنوات الشوتايم والاوربت وكل قنوات الافلام عادي يعني

هنا مرطب الفرس..

في بيتكم و عالمك الخاص.. سو اللي تبيه..
محد قايل لك شي..

أما.. أن يفتح الباب على مصراعيه.. و بشكل عام..
هنا المشكلة

إقتباس الرسالة الأصلية كتبت بواسطة مدريدي عاشق سامي تذكرني باللي يقولون: أن الهيئة بتنلغي بتنلغي.! هنا مرطب الفرس.. في بيتكم و عالمك الخاص.. سو اللي تبيه.. محد قايل لك شي.. أما.. أن يفتح الباب على مصراعيه.. و بشكل عام.. هنا المشكلة

مدريدي حبيب ألبي انت ومرطب الفرس حقك عشان ما تفهمني غلط انا في رد سابق لي قلت لا اتمنى ان تفتح السينما ..
لكن الرد الي اقتبسته كنت اتكلم عن الواقع حبيب قلبي هو شي صاير صاير وقلت لك اذا ماراح تفتح هالسنه بتفتح بعد فترة قصيرة بعد ، اما كلامك عن الهيئة فلا حبيب قلبي الهيئة مدعومه من أكبر رجال الدولة فلا تقارن السينما بالهيئة

اما عن عالمي الخاص فـ اغلب الشباب كلهم مثلي اذا ماعندهم هالقنوات الله يخلي النت ومواقع الافلام
عشان كذا قلت دامهم راح يفتحونها يفرضون عليها انظمة وقيود ما تكون مثل سينما الامارات والبحرين والـ ... إلخ

ياشين الانبراش بالردوود

ن شاء الله رجال الدين يوقفون بوجه لكل من يريد ان يفسد بالارض

وبالاخص الوليد وحاشيته والمطبلين له

واللي يقول وش الضرر اقوله الضرر مو شرط يكون خلال سنه ولكن بالمستقبل مثلاً

أول سنة أفلام سعوديه مالها اي قصة مثل( كيف الحال ) اللي مايمثل المجتمع سعودي و(مناحي) قمة المصخره

كلمات سوقيه ونكت بايخه

طبعاً مافيه أختلاط خلال السنه الاولى الى عشر سنوات قدام والرقابه موجوده لاعلى درجه تقريباً

ثاني سنة الجمهور يطالب بأفلام عربية والسبب ان الافلام السعوديه قليله ومافيها اي شي يشد الانتباه اليها

وينال الجمهور مايريد وكلنا نعرف الافلام المصريه اغلبها رومانسيه وتبويس وتحضين وقلة حيا واذا صار تقطيع

قصة الفلم خربت لكن الجمهور يسكت خلال السنة هذي وهو يعد العده للسنه القادمه

السنة الثالثة الجمهور يطالب الرقابة من ان تقلل من عملية القص والسبب ان من طبيعة البشر ان يمارسو

القبل ولا ضير من عرض بعض القبلات

السنه الرابعه الجمهور يطالب بالافلام الاجنبيه لكن يقابل بالرفض ويقوم بشن حمله على الرقابه والمتدينين

السنه الخامسه الجمهور ينجح بحملته ويشاهد الافلام الاجنبيه

بعد عدة سنوات تبدأ حمله جديده وهي لماذا الفصل بين الذكور والأناث وأكيد راح ينجحون بذلك الوقت

والسبب بحسب رأيهم أن لا فرق بين الرجل والمرأه ولماذا الفصل ابين الجنسين

بعد عدة سنوات المجتمع يطالب بالبارات وطبعاً هناك سبب دائما وهذه االمره ليس من صالح الوطن

ان يقوم الشباب بالسفر الى الخارج من اجل الشرب وان ان هذا الشىء يضر اقتصاد الوطن طبعاً

هذه الحمله تنجح بسهوله والسبب ان المجتمع باسره طالب بهذا الا من رحم ربي وهم من وصفهم

محمد صلى الله عليه وسلم ( بالقابضين على الجمر )

وأسأل الله أن الاينجح هذا ويوفق ولاة امرنا ورجال ديننا وأسأل الله ان يهدي كل من يطالب بالسينما او غيره من المفاسد

مشكلة البعض يمطمط في الدين على كيفك ويعتبر الامتثال لاوامر الله ورسوله تشدد وانا احذر الجميع عن الخوض في المحاذير الشرعية ومنها على سبيل المثال لاللحصر

1:خروج المرأة من بيتها لغير حاجة وترززها في الاسواق اكثر من وجودها في البيت وها المرة بينفتح باب جديد (حضرتها تبي تحضر فيلم ) وسي السيد ماهو فاضي وطبعاً بسيطة الليموزين او السواق موجودين وهنا ايضاً مصيبة اخرى !!
2:بكرة بيزيد الاقبال على السينما وجود سينما واحدة لايكفي وستكثر دور السينما وعندها افلقوني اذا فرضت الرقابة كما يجب.
3:سيكون هناك عذر جديد لمن اغواها الشيطان وضلت بان يكون خروجها هذه المرة من اجل حضور فيلم وهي الله يستر على نساء المسلمين تتصرمح مع الشباب .
والامثلة والمحاذير كثيرة لامجال لذكرها .

*كانت خطبة جمعتنا عن الحياء والذي نزع من بعض نساء المسلمين في لبسها وخروجها الغير مبرر من المنزل فأي حياء تملكه تلك التي خرجت من مملكتها من اجل مشاهدة فاسق وفاسقة .

نحن في زمن كثرت فيه الفتن والمعاصي حتى راينا باعيننا غضب الله علينا من قلة مطر وبركة منزوعة في الرزق والغبار والامراض والاوبئة وبدلاً من ان نعود الى الله نزيد في ذنوبنا ومعاصينا فهل نحن منتهون.

يقول البعض ان هناك فيديو ودشوش امنعوها قبل لاتمنعون السينما وهذا والله كلام خطير فهل يستوي من شرب الخمر بمن سرق وزنا ووشرب الخمر!!

ومن يقول امنع نفسك واهل بيتك ومالك شغل في الناس فهو في خطر فحديث عائشة رضي الله عنها واضح اذ قالت للمصطفى صلى الله عليه وسلم (انهلك وفينا الصالحون قال :نعم اذا كثر الخبث) .

اللهم لاتفتنا في ديننا.

the winer
عينك عليك بآردة , أثلجت صدري بــ الرد الوآفي . . !!

ياخوي الله يرحم والديك ووالدي الجميع

وش سبب مانحن فيه الان من تفحيط ومشاكل ومضاربات وغيرها

ياخي رح شف جسر الملك فهد نهاية الاسبوع العالم تروح البحرين عشان سينما

انا وربي اروح منتصف الاسبوع للبحرين عشان سينام وربي مالي لا في الدخان ولاغيره من الخرابيط كالشراب وغيره

وش فيها اذا كانت فيه سينما حط قاعات للرجال واخرى للنساء وش المشكلة

يعني انت الحين يوم تمنعها سويت شي او جبت حل لا

وظفو الشباب سوو لهم اندية ريايضية انيدة سيارات سوو لهم سينما سوو مسرحيات والله مافيها شي

جيبو لي دليل بتحريمها اذا خايفين من الاختلاط امنعو النساء وروح اطردو ابو هنود والبنغاليين اللي جابو لنا المشاكل تبغون خراب روحو البطحاء وشوفو وتشيطرو عليهم مو علينا

بس حسبي الله عليكم

والله يا أخوان اللي يشوفكم فيذآآ مجتمعين وتناقشون مثل هذا الموضوع يقول أن أصحاب القرار ينتظرنكم توصلون لحل , علشان ياخذون رايكم .. , }

- للمعلوميه ترآآ للحين مارفعو التوصيــه ينتظرونكم .
,
,
ويقولون من وين تجينآ رفعت الضغط والسسكر .. ,لاننا أكثثر نااس تناقش القرارات اللي مثل هذي وفيه ناس تحرق أعصابها , ولا أحــد يطق لهم خبر من أصحاب القرار ,, , .

أهدآآ من كذآآ , ترآآ ما أحــد درآآ عنكم ,
وعلموني إذا قررتو علشان نرفع توصيــه .

يعطيك العافيــه حبيب قلبي السمسار الهلالــي , , ..}
c.u

شكراً اخوي على الموضوع ,السينما يمكن في السابق كان الفساد في مجمل محتواه , لكن حالياً دخل في كتابة السينما معالجة قضايا المجتمع اي كان المجتمع العربي أو الغربي بطريقه تجذب المشاهدين لها , لماذا لا نجعل السينما تخدم مجتمعنا ونعالج به قضاينا وتكون تحت مضلة الشريعة والعادات والتقاليد ,