السلام عليكم ورحمة الله وبركاته هلا وغلا فيكـ اختي وجدان ماحد لايمكـ على غيرتكـ على ابوكـ والله انا وخواتي اذا جاب ابوي طاري الزواج وهو يمزح اكلناه اكل يقول الحين امكم ساكته وانتم بسم الله اكلتوني وش نسوي مانتحمل حتى لو هو مزح على العموم يعطيكـ العافية اختي وجدان
دمنا ودمتي في رضا الرحمن
موضوع جميل .. الحديث به ذو شجون , او ذي شجون ..
أو كما يراها الاخرون
الغيره امر طيب , وامر محبب للرجل والمرأه , المرأه تفرح بغيرة زوجها عليها ..
لان هذا دليل حبه لها , وكذلك الرجل , ولكن يجب ان لا نبالغ في معنى الغيره
ويصل بنا ونحن لا ندري الى ما يسمى بالغيره المذمومه " الشك " ..
ان وصلنا الى هذا فنحن غيرنا مفهوم الغيره المحمود المحبب لنا ..
اما والدك وحركته اعجبني .. اجل نوره ..
اسال الله ان يحفظ ويطيل باعمار والديك .. ووالدينا ..
الف شكر لك ع الطرح الراقي , وتقبل احترامي وتقديري ..
دمتي بخير
نجي لموضوع الغيرة يا لبى الغيرة ويا لبى اللي يغارون عاد حنا يالمشاهير نبتلش بهالغيرة .. خاصة من كثرة المعجبات << جيبوا له خيزرانة تكفون
الجد .. ان الغيرة شي حلو .. يحسسك بالحب والاهتمام بس يا شين اللي يغار ويكتم الغيرة في قلبه .. أكره هالحركة
أقصد طبعاً الغيرة الطبيعية .. أما الغيرة الزايدة فهذي مرض .. والحمد لله ما أعاني منها ولا قد مرت علي
إلا على فكرة .. أشوف ردود البنات .. كل أنواع الغيرة اللي طلعت في ردودهن كانت إما على آبائهن أو أخوانهن ( بس ) على العموم أنا ما علي من أحد .. سأدع الخلق للخالق
ايه صح باقي شي ..!
أنا على فكرة .. إنسان غيور .. وغيرتي متحجرة .. ما يحتاج أقول لكم عنها حتى ما تقولون عني متخلف
يالله جوجو .. خذي هالوردة منب حاط لك قلب خوفاً من غيرة المعجبات << لازم تجيبون الخيزرانة
اصلاً من زمان وانا أحس ان بيننا رابط بس مدري وشو , تشابه بشيء مااكتشفته للحين لامنتس اكتشفتيه علميني
هلا و الله
وه الله يسلمتس .. << مدري أحس إنتس مدحتين
تصدقين , حتى أنا و الله تجوزنين لي .. و إذا قريت بعض ردودك أوافقتس بقوه بس التشابه و الله مدري وشو إلى اللحين بدوره و لامني لقيته علمتس إياه
,,
أشوف بعض الردود تقول غيرة الحرمة غلط .. و مايصلح تجتهد بالسؤال عن الرجال !! طيب معليش و هذا صحيح .. بس غيرة الرجال ؟؟! وش السواة بها الغيرة السلبية موجودة حتى في الرجال
إذا هو يقول .. ماتروحين للسوق لحالتس .. و ماتتصلين تطلبين من مطعم .. ( بس الإتصال أما أخذ الطلب أدري مايصير تاخذه من موظف المطعم ) أو يتصل كل شوي إذا هي معزومة .. وش سويتي ؟؟ و من جاكم و وين قاعدين ؟ و ماخفي أعظم من غيرة الرجل اللي ما لأمها داعي
الغيرة من الجميع و للجميع حلوة .. بس تكون طبيعية و ماتتحول إلى ( قفص )
تذكرت قصيدة جميله يقول قائلها في شطر من البيت : أغار عليها من أبيها وأمها ....... الخ ، لا يمكن الاسترسال في القصيدة تجنبا لخدش الحياء العام
ممكن عنوان القصيدة ؟!
دورتها بـ قوقل مالقيتها ..!
إقتباس
انا لا اقتنع بتلك الغيرة التي تدعيها المرأة على شاكلة : اين ذهبت .. مع من كنت .. ماذا فعلت .. الخ تلك التحقيقات التي تسبب تعطل في الوظائف الحيوية للمخ وتجعله يصاب بحالة من المنخوليا واعتقد ان هذه ليست غيره بقدر ماهي شماعة لحالة قاتله من الفضول تتطلب تدخل جراحي
معك حق , ولكن ربما ليس فضول كما ذكرت بقدر ماهو غيرة مرضيّه
والغيره المرضيّه وماأدراك مالغيرة المرضيّه ..!
إقتباس
واي فتاه ضحك عليها بالقول ان هذا السيل المندفع من الاسئلة يظهر غيرتها وحبها لشريك حياتها فانصحها : ان تسكت حتى لا يضيق الرجل بها ذرعا ويصل الى قرار مفاده : من الخير ان تعود هذه المراة الى بيت أهلها
ماادري هالشعور طبيعي ولا لا ؟
حتى على أبوي أخوي دايم تصير لي مواقف بس ما أحس !
لا ماهوب طبيعي
عالجي نفستس قبل يصير عدم الإحساس مرض مزمن عندتس
> فوزية الدريع
إقتباس
دايم أقول [ إيه بغار عليه ,/ لا , / إيه ,/ لا ,/بس إن شاء الله ايه ]
ويمكن لا
إقتباس
ودي أطول أكثر بس أذن عندنا
برب صلاة ويمكن لي عودة يمكن
تقبل الله ادعي لي ان تخف غيرتي وانا بدعيلتس بالعكس
> طيب ورى ماكل وحده تدعي لنفسها ونخلص
مدري بس عقب اللحين ماظنتي بترجعين , مشان هيك
تسلمين حبيبتي على مرورك الخفيف الظريف التحيف
ماننحرم من طلتك يارب
.,
وجــدان ..!
ردي على الردود وانتي ساكته .,
.,
الشانزليزيه
هلوات كثير كثار وكبير كبار
يامراحب بـ 9/9 كلهم
إقتباس
الغيره
شعور حلو وطبيعي وفطري بين المرأة والرجل بشكل عام ..
لكن المفترض انها تكون بـ حدود
واللي نعرفه إن طبيعه الحرمه اكثر من الرجال غيره بـ حكم التكوين النفسي < ياحبي للفلسفة
ياحلوها من فلسفة والله
كل ابو دايم تفلسفي على راسي
وذكرتي جانب مهم غفلت عنه , غيرة المرأه اكثر من الرجل
لكن الرجل لاغار تكون غيرته أقوى ..
إقتباس
والغيره لها انواع مختلفه منها الغيره الطبيعيه وهذي مقبوله .
والغيره اللي ماهيب طبيعيه الله لايبلانا وهي اللي تتحول لـ بركان
وتجيب المشاكل اللي مالها اول ولا لها تالي ..
الغيرة المقبوله أحلى شيء
أمّا الـ ماهيب طبيعيه ألعن شيء وأبيخ شيء
والله يفكنا من مشاكل الغيره ياإن مالها حل ..!
تسلمين يالغاليه على مرورك الفلسفي الرائع
ولو ماجاء من هالموضوع الا شوفتك يكفيني , من جد زمان ماشفتك
وياهلا بالـ 9/9 كلهم
.,
وليد القحطاني
إقتباس
مظطر اطلع الحين
لو رجعت برد إن شاء الله
وذكريني برسالة خاصة إذا نسيت
شكل لابتوبك مثل حق أختي
على العموم لو مارجعت يكفيني شرف تسجيلك للحضور
ولو رجعت بتشرف أكثر وأكثر
دمت بخير
.,
عقد الياسمين
ارررحبي يابعد حيي أنتي
إقتباس
الله .. الغيرة ملح يجب أن يكون مع كل وجبة يومية ,
وما اقول غير يا زين موضوعك ..صراحة غرت منك
بس لاتكثرين هالملح عشان مايسوي الطرف الآخر ريجيم إجباري
> علمي نفسك
الصراحة الغيرة حلوة .. لكن بنفس الوقت ما ودك تدري ان اللي يغار عليك ضايقن صدره .. عشان كذا تبتلش
صحيح بتبتلش لاكنت أنت اللي تحاول تثير الغيره ., أما لو كان موقف أو بالصدفه عادي وش دخلك تبتلش .! هي اللي عقلها صغير
> طالعه منها
إقتباس
جوجو وماجوج
إقتباس
موضوعك حلو وأسلوبك كالعادة أحلى .. لي عودة عشان أقطع شوي فيكم يالبنات الخايسات ياللي فاهمين الغيرة غلط
غلط ولا صح أحمد ربك ان أحد يغار عليك غيرك يتمنى هالغيرة وانت مبتلش بها
تسلم سلطان على مرورك الحلو اللي مستحيل يخلو من الشر بس بعد حلو
ومدري اقول شكراً ولاعاد ترجع لأن خايفه من التقطيع
ولا أقول تيت وانتظرك لأن بعد يشرفني ترد مره ومرتين وعشر
بكيفك عاد
.,
فنون هلالية بجنون
هلا وغلا ومية مرحبا يابعد حيي وميتي يافنو
مدري ليه أبتسمت لما شفتك راده وقبل لاأقرا الرد حتى
على العموم منوره أكيد
إقتباس
جوجو جبتيها ع جرحي هالسنه بتقولين ليه ؟؟
تشاهديني ذلك في احد السطور من خلال ردي
افا , تسامحيني طيب ..!
إقتباس
(( الغيره أنا كوحده ما أحبهاا مااطيقها
ماتحمل اي شخص يغار عليّ )) لأن شيء طبيعي
لاغار عليك شخص من باب الحب والغلا عنده(( بيقعد يحكمك بأمور وبيقيدك
وأنا اكره مالي في الحياة احد يمشي كلمته ورأيه عليّ ))
دائما أقولها الله خلقني حر حدك هنا لاتقرب مني أنا
متمرده يعني ؟!
> أسلوب خايس
لا من جد كلامك منطقي وصحيح لامن أحد غار بيتحكم مثل ماقلتي وهالشيء مو بس شين الا يجيب المرض بعد
وياكرهي للغيره اللي مو تعبير عن مشاعر بقدر ماهي تحكم في تصرفات وأفعال شخصيه حرررره
إقتباس
آخرتها قبل كم يوم بطلع من البيت وواحد من خلق الله شافني وعطاني آمر ما
أغيره فيني قبل مااطلع طبعاً نفس عادتي اسكت واحقر واسوي الي ببالي
وآخذ العزيزة
بس والله انكسر قلبي يوم قالي أنتي ماتبن أحد يغار عليك
هو على حسب هالشخص صراحه ..! ان كنت ابيه يغار علي بسمع كلامه مو عشانه لا عشاني
وإن مابغيت , فـ خلي غيرته له لاعدمته
وبعد ترى هو صادز وراتس ماتبين أحد يغار عليتس
> كسر قلوب
إقتباس
حتى الأندونسيات ماسلمو مني من قريب بيتنا كله شباب وخوالي
والخدم مجتمعات عند باب الخدمه ومشكلة بيتنا مفتح ع بعض
وقعدين يقزقون تعرفين معنى يقزقزون
اي يشوفون وهم بيطلعون لصلاة العشاء الشباب
قمت أنا الوحيده من البنات
ورحت غصب عني هزءتهم وعطتيهم نظرات حقاره ..!! وخليتهم يغيرون مكانهم ..!!
ويلوموني فيك يابعدهم أنتي
خلهم يستاهلون قال يقزقزون ..! قزّهم التبن اي والله
هذا اللي لاقال شين وقوة عين يستاهلون ماجاهم
بس خفي عاد يالغيوره لاتنشبين للأندونيسيات يسحرونتس
من وين لنا فنو ثانيه عاد
إقتباس
الشباب ينبسطون احد يغار عليهم
اسمع الكلام يالمشاغب ينبسطون الناس مب مثلك يبتلشون
إقتباس
بس والله ياجوجو من غلاك في قلبي رديت يابعد حييّ
وواصلي واستمري قلمك رائع
يابعد كلي يافنو انتي غير وردك غير ودخلت جو وانا اقرى , وحسيت بإحساسك وكل شيء
هذي الردود اللي تاخذك لعالم ثاني وتعيشك جو
> قوة ترفيع بس والله صدق
وماعليك من أحد علميني بس متى بتروحين لسيراميك وأنا اجيتس
بنات وفاهمين بعض
هلا والله بوجدانوهـ >>( كنت بدلعك ماعرفت دلعك )
وهلا بمواضيعك
وش دعوه ؟! مابي لتس دلع بس لاتعايرين
طب وش رايتس بـ جوجو ولا مايركب , مدري بس فنو تقول هيك
إقتباس
اهـ من الغيره بس ..ماختلف عنك كثيرر ويمكن انا اردى منك
غيرتي مجنونه الله يهديني طبعا حاليا على الوالد اطبقها بالسوق عين على المحل وعين على ابوي
أجل سيم سيم
بس انتي مجنونه وانا لا
حنا اللحين ورانا ممتحنين أبائنا ماوالله يشوفون الراحه ابد وحنا معهم
بس أحسن مانعطيهم مجال , وشو له المجال اصلاً
إقتباس
بس مو حلوو انك توضحين غيرتك المجنونه لان بعض الرجال متمرد بطبعه ياهوو بيقهرك وبيعرف نقطه ضعفك او بيطفش منك
فالله يستر علينا لازم ندور حلول وطرق للعلاج
جبتيها على الجرح , مدري ليه يتلذذون بهالحركات رغم انها توجع وهم عارفين هالشيء
بس قمة المتعه عندهم , ليه ؟!
إقتباس
واستغرب البنات الي مايغارون ابدا المسألة ماتوقع لها دخل بالثقه بالنفس لاننا نغار على مو نغار من
ماتتعدى ان الشي الي ابيه مارضى احد يشاركني فيه
والغيرهـ المعقولة اوقات تحسسك بحب واهتمام الطرف الثاني ونقيسها على انفسنا
بالضبط , ياسلام عليك قلت هالكلام بردي السابق
نغار على مو من , يعني الثقه على جنب بهالمواقف تتعلق بحب التملك وبس
وطبيعي الأنثى تحب التملك
إقتباس
وياحبي له ابوك يشبه لابوي كثير وامي سريعه الانفعال لاقال مثلا بجيب خبز قالت فيه خبز
قال للبيت الثاني
تحبين ابوي ؟! وش قاعده اقول من اليوم انا , تبيتي ارتكب فيتس جريمه اللحين
خلي ابوي على جنب وركزي على موضوعي لانخسر بعض
اجل حتى انا ياحبي لأبوك أجل للبيت الثاني ههههههههههههههههههههه
لاهنتي هنو على الرد الجميل والطله الأروع
.,
بريماكس
هلا والله بالقصيم واهل القصيم نورت ياالطيّب
إقتباس
بس انتن يالبنات الغيره تصل عندكم لدرجات غير متوقعه ممكن تصل للحسد والحقد والسبب الغيره
يقال أجمل أنواع الغيره غيرة الحب وأسوأها غيرة الحقد
ياهالبنات
وراك شايل علينا ..! ماهيب واصله لشيء ان شاء الله
لان غيرتنا تملكيّه ماهي أنانيه وكره وحقد لا سمح الله
بالله وحده ماأحبها وش لي أفكر فيها وأتعب نفسي عشان أحسدها ؟!
حتى ماهيب غيرة ذي قلة عقل
إقتباس
فتاة هلاليه كل هالرد ويمكن ترجعين صدق لا قالوا ياكثر كلام الحريم
الله يعطيك العافيه يا وجدان وبعد اانا يمكن لي عوده ابد ترى ماقلد فت فت
يحووول , خلها ترجع وش عليك الله من الغيره الزايده
الله يعافيك بريماكس على الرد بصراحه فرحت فيه كثير , يمكن لأنه اول رد لك بمواضيعي ! > من كثرها
مدري بس فرحني .. تقوله طنزه انك بترجع وحتى ان رجعت حياك مليون مره
.,
باسكن روبنز
اهلين وسهلين ومرحبتين نورتي يالغاليه
إقتباس
موقف والدك مع السورية مالومك فيه ولو اني في مكانك بتهاوش معها
معي حق مو ! زين لأن ضميري كان يأنبني بعد رد ماجد يقول انها تبي تصلي ماله داعي تهاوشينها
إقتباس
انتي غرتي من السورية اجل انا اغار من بنت اختي اذا دلعها البابا والماما
اقول لهم هي عندها ام واب يدلعونها خلاص خليكم لي انا <<
تعجبني الغيوره .. انتي صادقه كل واحد امه وأبوه له , ولحد ينشب لحد
تسلمين حبيبتي على ردك الخفيف اللطيف
لاعدمتك يالغلا
يعني في حريم من الغيره كل شوي تدق وينك او ايش تسوي
ولو ما رديت الله لا يوريك وكل شوي مسجات
صدقت
بس هذي ماأعتقد انها غيره ..! يمكن فضول ويمكن تسلّط ..
إقتباس
والله انا نظام امي عاجبني اذا شافت وحده حلوه تقول لابوي شف هذي حلوه
والله ان الوالده فله
هههههههههههههههههههههه
تعجبني والله ماشاء الله طبعها حلو + ثقتها بنفسها عاليه
تسلم متعب على مرورك الخفيف لاهنت
.,
جنــــ الزعيم ـــى
هلا وغلا ومرحبا يسعد لي هالطله
إقتباس
السلام عليكم ورحمة الله وبركاته
وعليكم السلام ورحمة الله اررحبي
إقتباس
والله انا وخواتي اذا جاب ابوي طاري الزواج وهو يمزح اكلناه اكل
يقول الحين امكم ساكته وانتم بسم الله اكلتوني
هو صادز ..! وراكم كذا خلكم مثلي عاد ماأغار على ابوي , حياته وهو حر فيها
> بالحيل بالحيل
تسلمين جنوو على مرورك الجميل اللي أسعدني
.,
الكلاسيكي
هلا والله أخوي عادل نورت يالطيّب
إقتباس
الغيره امر طيب , وامر محبب للرجل والمرأه , المرأه تفرح بغيرة زوجها عليها ..
لان هذا دليل حبه لها , وكذلك الرجل , ولكن يجب ان لا نبالغ في معنى الغيره
ويصل بنا ونحن لا ندري الى ما يسمى بالغيره المذمومه " الشك " ..
حسيت ان ودي أقتبس هالرد وأرزّه بأول الموضوع لأنه يختصر أشياء كثيره ماقدرت أعبرّ عنها بأسلوبي ..
والله يبعدنا عن الشك والغيرة المذمومه .,
إقتباس
اما والدك وحركته اعجبني .. اجل نوره ..
اسال الله ان يحفظ ويطيل باعمار والديك .. ووالدينا ..
تسلم ولاهنت والله يخلي لك أهلك ومن يعزّ عليك
أسعدني مرورك لأان لك بصمة مميزه أتمنى ماأفقدها وأحرص على ذلك
شكراً لك
الجد .. ان الغيرة شي حلو .. يحسسك بالحب والاهتمام
بس يا شين اللي يغار ويكتم الغيرة في قلبه .. أكره هالحركة
سجل عندك وحده تكره هالحركه بعد
من جد ياعزتي له هاللي يغار ويكتم طيب لازم يصارح عشان يطلع اللي بقلبه
وعشان يحسس الطرف الآخر بالإهتمام مثل ماقلت
وشوله يغار ويكتم ., هذا اللي ماله دوا عاد
إقتباس
على فكرة .. أشوف ردود البنات .. كل أنواع الغيرة اللي طلعت في ردودهن كانت إما على آبائهن أو أخوانهن ( بس )
على العموم أنا ما علي من أحد .. سأدع الخلق للخالق
اشوى انك تكلمت عن الردود مو عن ( الموضوع )
عشان كذا انا بعد ماني راده وش دخلن أرد عنهم
سوري بنات صحيح أحبكم بس ماراح أحارش سلطان عشانكم
إقتباس
أنا على فكرة .. إنسان غيور .. وغيرتي متحجرة .. ما يحتاج أقول لكم عنها حتى ما تقولون عني متخلف
عمر الغيرة ماصارت تخلف ..!
بس والله فيك جد زين انك تحس وعندك أحاسس ومشاعير كنت غاسله يدي
إقتباس
يالله جوجو .. خذي هالوردة منب حاط لك قلب خوفاً من غيرة المعجبات << لازم تجيبون الخيزرانة
طبعاً بالتشابه أحس ( غير حجم الخط ولونه ) التفكير يمكن
إقتباس
أشوف بعض الردود تقول غيرة الحرمة غلط .. و مايصلح تجتهد بالسؤال عن الرجال !!
طيب معليش و هذا صحيح .. بس غيرة الرجال ؟؟! وش السواة بها الغيرة السلبية موجودة حتى في الرجال
ابشرتس موجوده بكثره بعد ..
ولا وش اللي مايخليها تدق على المطعم ..! طيب وش فيها قاعده تغازله هي ؟!
بعض الناس تفكيرهم مدري وش يبي !!
إقتباس
الغيرة من الجميع و للجميع حلوة .. بس تكون طبيعية و ماتتحول إلى ( قفص )
أطب من عاشر دور على هالحكمه
محبروفيتش حياتس الله وربي استانست برجعتك
ردك معناها اعجبك الموضوع وهالشيء يفرحني
انتي بالذاااات يهمني رأيك من بين الكل
الغيرة شي احيان تكون ماتتمنى انه موجود بالحياة لأنها بصراحه بقدر ماهي تبين حبي للشخص اللي قدام سواء ابوي , اخوي , زوجي .. الا أنها تعذب أكثر ..<تشكي منها
كل انسان بقلبه غيره .. وحلاة الغيره بحدودها يعني ماتكون زايده عن حدهـا ..
الغيرة شي احيان تكون ماتتمنى انه موجود بالحياة لأنها بصراحه
بقدر ماهي تبين حبي للشخص اللي قدام سواء ابوي , اخوي , زوجي .. الا أنها تعذب أكثر ..<تشكي منها
أحس هالسطر طالع من معاناه
معك حق والله , هي مؤلمه أكيد لكن تحسسك بشيء حلو في النهايه
إقتباس
كل انسان بقلبه غيره .. وحلاة الغيره بحدودها يعني ماتكون زايده عن حدهـا ..
صدقتِ .. أحياناً يكون الكل يحس بالغيره بس مو الكل يقدر يعبر عنها
ولا ماأعتقد قلب خالي من الغيره ( خصوصاً ) قلب الأنثى
لاعدمت هالطله يالغلا .. فرحت بشوفتك والله
دمت بخير