تذكرت قصيدة جميله يقول قائلها في شطر من البيت : أغار عليها من أبيها وأمها ....... الخ ، لا يمكن الاسترسال في القصيدة تجنبا لخدش الحياء العام
انا لا اقتنع بتلك الغيرة التي تدعيها المرأة على شاكلة : اين ذهبت .. مع من كنت .. ماذا فعلت .. الخ تلك التحقيقات التي تسبب تعطل في الوظائف الحيوية للمخ وتجعله يصاب بحالة من المنخوليا واعتقد ان هذه ليست غيره بقدر ماهي شماعة لحالة قاتله من الفضول تتطلب تدخل جراحي
واي فتاه ضحك عليها بالقول ان هذا السيل المندفع من الاسئلة يظهر غيرتها وحبها لشريك حياتها فانصحها : ان تسكت حتى لا يضيق الرجل بها ذرعا ويصل الى قرار مفاده : من الخير ان تعود هذه المراة الى بيت أهلها
من جانب آخر اعتقد ان الغيرة التي تفتقد الى العقل السليم مثل ( توم هانكس ) في ذلك الفلم الذي أخذ يجوب الولايات المتحدة راكضا بدون سبب مقنع
وجدان < الفيس هذا حقير اذا ضغطناه يعلق ولا لا ياماهينور ؟ وجدان منزلة موضوع هذي الساعة المباركة والله تو مانور المجلس [ يقولك : بحبك وبغار ياويلي من الغيره ] < فلسفة فتاتية تتكلمين عن الغيره وما أدراك مالغيره
هالغيره بالذات اسمع فيها ولاقد حسيت فيها .. حتى ساعات أحس إني جماد حاطين له قلب
احيانا ودي احس فيها عشان احس اني انثى بس بائت محولاتي بالفشل يعني مااذكر اني غرت ابد .. لاعلى المحيط الاسري ولاالخارجي .. لا من قريب ولا من بعيد .. الغيره عندي صفر
ماادري هالشعور طبيعي ولا لا ؟ حتى على أبوي أخوي دايم تصير لي مواقف بس ما أحس ! أحيانا أخاف أقول لايستمر تبلد إحساسي إذا اعرست عاد كلش الا ابو الشباب اللي باخذه دايم أقول [ إيه بغار عليه ,/ لا , / إيه ,/ لا ,/بس إن شاء الله ايه ]
////
ودي أطول أكثر بس أذن عندنا برب صلاة ويمكن لي عودة يمكن
يعطيك العافية وجدان موضوع حلو وخفيف كل يوم نزلي موضوع هماه !
فيه شيء غريب ..!
اللحين انا اشوف موضوعي بلاب توبي زين والتنسيق ماعليه ماشي حاله .. بس يوم شفته بلاب أختي مدري شلون قايل ؟! .. التنسيق زفت والخط صغير والألوان مدري وش هالذوق
على العموم اللي يشوف التنسيق خربان عاذرته مهوب لازم يرد
..
الضحى
هلا وغلا ومرحبا ملايين .. أسعدني جداً مرورك وتعقيبك الرائع
لاأخفيكِ ولاأقول هذا الكلام من بابا المجامله اني أحبك كثيراً والله
لاأعلم ولكنه أشبه بشعوري لأمي ..
وجودك يبعث الراحه في النفس فلا تحرمينا منه ..!
حفظكِ الله
.,
أحلاهم وأتحداهم
هلا والله بالزين كله يالله حيها الغاليه ..
إقتباس
مدري وش بسوي مع ابو العيال >> براا
نصيحه لاتعطينه وجه .. أثقلي عليه وخله هو اللي يموت غيره من قلة غيرتك عليه > والله انتي اللي برا
إقتباس
الغيرة حلوة بحدودها لانها لما تزيد بتسبب مشاكل ويمكن يدخل فيها الشك
برافووووا عليك
هذا اللي كنت ابي اوصله .. يعني أنا وأنتي غيرتنا بحدود وماراح توصل للشك أكيد
لكنه شيء بالقلب ولازم نطلعه .. وعاد وانتي أخبر مني بهالأمور
> رمتها براسك
تسلمين حبيبتي أحلانا على الطله الحلوه كرريها دايم ..
.,
ماجد مقبل
هلا وغلا بالأديب تو مانور الموضوع بطلتك الحلوه
إقتباس
وجدان منزله موضوع
اي والله تصدق ..!
إقتباس
بركان مرة واحدة بصراحة كلام كبير وجدانوفتش
أشوى عجبتك المقوله .. تصدق ماحطيتها إلا عشان المشرفين يلاحظون ابداعي ويرقوني من زعيم فعال ..!
عاد وش أبي أصير أنت اخبر مني بهالأمور بس عطوني علم قبل ., يمكن اللقب مايعجبن
> إيه وسكري الباب وراتس
إقتباس
بس انت غيرتك مدري وش تبي اللحين البنت تبي المصلى وخايف على وقت الصلاة يطلع مفروض ما تحرمين الوالد الاجر ويوصلها لهنويك
>>> امزح
انا ماكان عندي مانع , بس يوم شفت ابوي ماوده سويت هيك عشان لاأحرجه مع البنت
ماله داعي يكسر خاطرها ويقولها من زينتس اوصلتس
مسوي فيلسوف رجاءً لاتحتك فيني , خل الفلسفه لهلها اللي في الحقيقه لاأنا ولا أنت منهم
إقتباس
والله ما أدري وش اقول لك إلا إن سواليفك وناسة
أو بالاحرى إني بالي مشغول وماني عارف وش أرد
الوناسه ردك والله
وماشاء الله عليك متغير 180 درجه عن اول ليت كل اللي يتغيرون يصيرون مثلك
موب قصدي انك كنت وعه لا والله بس كنت تذب واجد ., أجل تحسبن نسيت ذبتك لي ( أجل التفعيل مايخلص هاه )
إقتباس
بس كيف وجدان منزله موضوع ولا نرد بالصفحة الاولى ما يصير
الله يطول بعمرك , كنت بوقف عند fff وبكمل بعدين , بس قلت مايصير لازم القيصر نرد عليه بأول الردود
من شان هيك أنت الختام اللحين ولي عوده بإذن الله للجميع
الغيره شعور حلو وطبيعي وفطري بين المرأة والرجل بشكل عام .. لكن المفترض انها تكون بـ حدود واللي نعرفه إن طبيعه الحرمه اكثر من الرجال غيره بـ حكم التكوين النفسي < ياحبي للفلسفة ,’ والغيره لها انواع مختلفه منها الغيره الطبيعيه وهذي مقبوله . والغيره اللي ماهيب طبيعيه الله لايبلانا وهي اللي تتحول لـ بركان وتجيب المشاكل اللي مالها اول ولا لها تالي .. بالأخير الكل يتفق على إن الغيره واجب أن تكون .. سواء بين الزوجين .. أو غيرة الأخ أو غيرة الأخت
جوجو جبتيها ع جرحي هالسنه بتقولين ليه ؟؟ تشاهديني ذلك في احد السطور من خلال ردي
(( الغيره أنا كوحده ما أحبهاا مااطيقها ماتحمل اي شخص يغار عليّ )) لأن شيء طبيعي لاغار عليك شخص من باب الحب والغلا عنده(( بيقعد يحكمك بأمور وبيقيدك وأنا اكره مالي في الحياة احد يمشي كلمته ورأيه عليّ )) دائما أقولها الله خلقني حر حدك هنا لاتقرب مني أنا
آخرتها قبل كم يوم بطلع من البيت وواحد من خلق الله شافني وعطاني آمر ما أغيره فيني قبل مااطلع طبعاً نفس عادتي اسكت واحقر واسوي الي ببالي وآخذ العزيزة بس والله انكسر قلبي يوم قالي أنتي ماتبن أحد يغار عليك
مع ذلك (( على أني ماحب احد يغار عليّ إلا أني اغار )) وبالذات هالسنه والله منهبله الناس يكبرون ويعقلون وأنا اكبرت وجيتني الغيره ((طبعا ً غيرتي ع محارمي أكثر شيء وفقط لاغير وياكثر مواقفي )) لدرجة صديقاتي يقولون فنو والله مانخبرك غيوره وش جاك قلت حتى أنا مستغربه من نفسي والله هالسنه ماادري وش بسوي برجلي بكره حتى الأندونسيات ماسلمو مني من قريب بيتنا كله شباب وخوالي والخدم مجتمعات عند باب الخدمه ومشكلة بيتنا مفتح ع بعض وقعدين يقزقون تعرفين معنى يقزقزون اي يشوفون وهم بيطلعون لصلاة العشاء الشباب قمت أنا الوحيده من البنات ورحت غصب عني هزءتهم وعطتيهم نظرات حقاره ..!! وخليتهم يغيرون مكانهم ..!! كن مافي هالبيت إلا هالمكان عاد الأندونسيات استغفر الله معقديني قبلي هواش انا وإياهم ماحب ترزرهم الله يكفيني شرهم لايسحروني
بالنسبه للغيره لوالدك الله يخليه لك شيء طبيعي بس شوفي لاصار الواحد متزوج ليش اغار عليه وأنا والله السوق ماحب ادخله مع مماليحي انارايحه اشتري واشوف نفسي وإلا يصير قلبي معاهم حلاة السوق والله مع الصديقات حتى الجامعه بعد تخيلي اقوله للي يرجعني لاتوقف عند الباب اغار عليك من نظرات البنات بجد والله ..!! بعد سيارتك عاد الشباب ينبسطون احد يغار عليهم إلى هنا اقف وراي مليون شغله ولو بكمل بصير اطول من موضوعك
بس والله ياجوجو من غلاك في قلبي رديت يابعد حييّ وواصلي واستمري قلمك رائع
هلا والله بوجدانوهـ >>( كنت بدلعك ماعرفت دلعك ) وهلا بمواضيعك
اهـ من الغيره بس ..ماختلف عنك كثيرر ويمكن انا اردى منك غيرتي مجنونه الله يهديني طبعا حاليا على الوالد اطبقها بالسوق عين على المحل وعين على ابوي
والله الغيره حلوه بس لازادت عن حدها مثل حالتنا تعتبر سلبيه شوي مارحم الا المحروس اشك اني بغطيه بالسوق بس مو حلوو انك توضحين غيرتك المجنونه لان بعض الرجال متمرد بطبعه ياهوو بيقهرك وبيعرف نقطه ضعفك او بيطفش منك فالله يستر علينا لازم ندور حلول وطرق للعلاج
واستغرب البنات الي مايغارون ابدا المسألة ماتوقع لها دخل بالثقه بالنفس لاننا نغار على مو نغار من ماتتعدى ان الشي الي ابيه مارضى احد يشاركني فيه والغيرهـ المعقولة اوقات تحسسك بحب واهتمام الطرف الثاني ونقيسها على انفسنا
وياحبي له ابوك يشبه لابوي كثير وامي سريعه الانفعال لاقال مثلا بجيب خبز قالت فيه خبز قال للبيت الثاني
يعطيك العافيه وجدان والله يعينا على بلوانا
لو غيرتي عيبي فانا كلـي إعيـوب ولو طيبتي زادت ترى مـو خطيـه عليك من بين الملا جد مـا تـوب أغار حيـل وغيرتـي مـو بيديـه حتى من النسمه إلا هبـت إهبـوب أغار لـو تلمسـك روحـه وجيـه واغارمن ظل(ن) يماشيك بـدروب
ياهلا والله بـ وجدان .. الساع المباركه اللي نشوفلك موضوع فيها اه ياطعمه الغيره بس بحدود طبعاً بس انتن يالبنات الغيره تصل عندكم لدرجات غير متوقعه ممكن تصل للحسد والحقد والسبب الغيره يقال أجمل أنواع الغيره غيرة الحب وأسوأها غيرة الحقد
فتاة هلاليه كل هالرد ويمكن ترجعينصدق لا قالوا ياكثر كلام الحريم الله يعطيك العافيه يا وجدان وبعد اانا يمكن لي عوده ابد ترى ماقلد فت فت
( لن يكون حبي لك زلزلا إن لم تهزّه الغيرة )
ـــــــــــــــــــــــــــــــــــــــــــ مَاهِينُور
ياحلو الغيره اللي تطلع الإبداع
إقتباس
تذكرت غيرة نورة اللي سكبت الاسيد على السورية شوق
هذي مو بس غيرة هذي مرض أو جنون
~> حسبي الله على ابليس انا وش ذكرني فيها
هذيك مهيب غيره مرض نفسي قسم بالله
بعدين تعالي هين اللحين انتي تحسبين على ابليس لأنه ذكرتتس
طيب وراتس تذكرينن من أتحسب عليه اللحين
إقتباس
تغارين من أبوتس ولا تغارين عليه ؟
عنوان للإثاره ولا من جدتس أغار منه
إقتباس
ذكرتين قبل مدة كنت بمكة باحد أسواقها وقفنا عند أحد الباعة ~> إيي يالفصحى
المهم جو مجموعة بنات خليجات حليوات ماعليهن ~> نتحفظ على اسم الدولة
بدأن بالاستعراض أمام أخي بطريقة الكلام و نظرات الإعجاب الى أخي الغالي ~> الزين يتقوطر ما شاء الله هع
بعد ذلك جن جنوني
فـ ماقدرت أصبر وطلعت بسسرعه بعد الأخذ بيد أخي
طبعاً مااعرف أتكلم مثلك ما شاء الله ولاّ المفروض أنصح لأن سوّن أشياء أكبر لكن ماحبيت أكتبَهْ الله يهديهن بس
تخيلي أخوي أنفتن بوحدة منهن وراح يلحقها لديرتها من بيرجعنا للقصيم ~> هذا اللي هامه
ياحبي لتس أهم شيء الرجعه بس من جد قلة حياء وراه يسوون كذا
المشكله عندهم هناك بالبحرين ( مدري حسيت ان الدوله البحرين ) ياكثر اللي يعطون وجه وش جابهن هنا ..!
واللي يقهر لمّا تشوفين بنت تستغل جمالها بأشياء مثل كذا
والله عدّي اقوم اخربط لها وجهها ,
إقتباس
وجدان
فرحت بشوفة موضوعك الجميل
وكأني بديت أغار وبنزل موضوع مثله
الله يعطيتس العافية والله يكفينا وياتس شر الغيرة غير المحمودة
وأنا فرحت بردتس اكثر وربي
وعسى دوم هالغيره بس لاتحطين حرتس بالأخبار نبي من بنات افكارتس
طلعي هالمخزون الردودي اللي عندتس بموضوع يونسنا انتظرتس
.,
المحبره
صديقتي الغاليه هلا وغلا
إقتباس
أنا ما أغار من أحد أحسن مني !! يمكن لأني ما أحب أقلد أحد أبد !!!
لكن إذا أحد أحبه أو يهمني أكيد بغار عليه و ما أبيه يهتم بغيري كثري < تعجبتس الانانية
ايه والله تعجبني
هذا الكلام اللي ابي اسمعه , حسيت انتس فاهمه وش اقصد بالضبط
اصلاً من زمان وانا أحس ان بيننا رابط بس مدري وشو , تشابه بشيء مااكتشفته للحين لامنتس اكتشفتيه علميني
أهلاً وسهلاً حياك الله يالغاليه أم الفلسفه المميزه
إقتباس
ولو نبتعد قليلاً الى السيرة النبوية كانته هناك أمثلة رائعة لغيرة الصحابة من بعضهم وغيرة زوجات الرسول(صلى الله عليه وسلم ) من بعضهم .. , سأل رسول الله صلي الله عليه وسلم عائشة يوما ً : " أغرت ؟ فتعجبت وقالت : ومالي أن لا يغار مثلي على مثلك " (رواه مسلم) .
ومن يستصغر نفسه اذا غار بعد ماقرأت ..!
ان كانت عائشه وهي زوجة رسول الله تغار عليه , ( ويلومننا حنا بعد )
إقتباس
الغيرة القاتلة
جميل ماذكرتي اسأل الله ان يبعدنا عنها , مايكفي انها تكون غيره تصير قاتله بعد
أعجبتني جداً الفاصله ماأجملها من غيره والله
إقتباس
واعتذر عن الاطالة موضوعك جداً اعجبني
ليتك أطلتي وأطلتي وأطلتي ان كان هذا هو ردك , يعجبني اسلوبك
لاهنتي على المرور الرائع
.,
بنت فهد
صديقتي +
إقتباس
والله لو اشوف الشغاله تحاكي ابوي ارتز جمبه
والله الصراحه حتى على خالي اغااار
ايه اكيد ابرتز مو جنبه إلا بينهم بعد
يقولي وش يبي يقولها وأنا اوصله لها مايحتاج فيس تو فيس
وسالفة الشاميه اللي تزين بنطلونها , طيب دامكم بمحل شوز ورى مابردتي حرتك فيها
عاد ماشاء الله الكعب يرررررررررن
واعتقد ان هذه ليست غيره بقدر ماهي شماعة لحالة قاتله من الفضول تتطلب تدخل جراحي 
الله يكفيّنا شر غيرة الزوجه على زوجها 
..
وبعدين سألت وجاوبها خلاص انتهينا بلا بشكلها ماتستحي 
الوضع العادي
