ليش اللسان يطلع كتعبير عن الموت ( تمثيل أول ) - صفحة رقم 3 - نادي الهلال السعودي - شبكة الزعيم

الدنيا بلوووو · #31 19/04/2009, 01:12 AM

اجل يا ( يا موقرم )

كويس انك ذاكر الشريط ذا ههههههههههه
واذا ما عندك نسخة اقدر ادبره لك من ابوي ( الجنادرية ) اللي لو تبي غطى ببسي قديم بتحصله عنده

يا البرادعي ابو طلال
ايام اول التلفزيون من الساعه 12 بالكثير يتحول الى ( تشششششش )
بعدها تطورنا
خطوط ملونه ( طووووووو)
ما فيه الا افلام كرتون واحد ومسلسل حتى لو انت ما عندك مواهب لازم يصير عندك مواهب غصب لانه من الفراغ لازم تمثل الادوار ذي حتى لو انت شين ودب وشكلك غبي وصوتك نشاز مجبر انك تقلد وتكسر حاجز الملل بس الحين والحمد لله عندك فوق 4000 قناة اذا عندك دريم بوكس ما يمديك
تخش اجواء اي شخصية ابد لانه ما تقلد ومن تخلي
وغير كذا وسائل الترفية صارت
اكثر من المستخدمين لها كل عشر دقايق طالع لك اختراع جديد
وعلى طاري انه طلال نقد عليك واستنكر عملك المشين على بالك انك تمزح معه
ما الومه الصراحة لانك يا ابو طلال ما عاد عندك استعاب انه جيلك جيل (الستينات)
يختلف اختلاف كلي عن جيل الالفين لانه جيل الالفين يعتبر المسدس اداة مزح تافه
لانه بحركه من اداة تحكم البلاي ستيشن تظهر لك تلك الحسناء ذات الجسد الممشوق
بااخراج ار بي جي تنسف وجهك
وعلى طاري المواهب كنت اذكر انسان يطلق عليه ( سمكة ) كان من ملل الحياة
يسوي من اكياس النايلون اشكال رجال من الفضاء يطلق عليهم ( سواطير ) كانت
في غاية من الجمال من جد في ايام اول مواهب بس ما فيه تطوير

ختام الرد هذا بسبب الملل والطفش لانه ما عندي افلام
ولا ما كان بهذا الطول اللي ما له داعي

ابو طـــــلال · #32 19/04/2009, 05:13 AM

إقتباس

الرسالة الأصلية كتبت بواسطة abo_nasser


	ثانيييييييييييييييييييييييييي فورزا ميلان.. ــــــــــــــــــــــــــــــــــــــــــــــــ هلا وغلا ابو طلووو.. انا للافس كنت داج بالتمثيل..مره تجمعنا احنا(اخواني) واولاد خالي نبي نسوي مسرحيه طبعا القصه والسيناريو كل خمس دقايق يتغير..المهم كل ما يجي دوري بالمشهد اجيب العيد واخرب امه..صبروا علي اول مره ثاني مره ثالث مره جلدوني.. طبعا المسرحيه اعلاه لم يتم تطبيق منها مشهدين متتاليين..وانتهت بمضارب.. بعدها حولت لافلام الاكشن والمصارعه خصوصا المصارعه كنت اتابع الاندرتيكر وذا روك الامريكي مو الصخره حقنا وكنت بعد كل حلقه مصارعة اقوم اطبق في اخواني..الى ان جاء ذاك اليوم وامسك اخوي اللي اصغر مني وازين فيه حركة ذا روك اللي في رجلينه ما اعرف اسمها المهم ظهره انعدم واذكر انه كان يقول استسلام وفجئه سكت..عاد حقدت ..قلت كل ذا ولا فاد فيه.؟؟؟ واضغط عليه اكثر لين حسيت ظهره تقوس..وبروضو ساكت ولما فكيته واناظر فيه طلع ابن اللذين دايخ.. وقتها قلت اخوي ودع الحياه..لاني اصحي فيه ولا يرد علي ابد.. لما قررت اروح انادي امي..الا وهو يقول اَاَاَهـ اَاَاَهـ وجلست اقنعه ما يقول لامي عشان لانجلد..وبعدها اعتزل المصارعه معي.. وبرضو افلام جاكي شان...الافلام اللي فيها كاراتيه ومهايط بشكل عام تحصل بعد ما ينتهي الفلم الحماس واصل حده...ويبدا مسلسل التطبيق فينا.. احس اني طولت بالرد.. تشكراااااااااات ابو طلووو.. سلااااااااااااااااااااااااااااااااااااااااااااام

ابو ناصر .. وش هالتمثيل ؟!!

والله كنك أخوي الكبير

.. مايمثل إلا دور مصارع علي

.. وأنواع ( السوبلكس الخلفي ) وانا عيوني توغرق وفيني الصيحة

وهو ولا همة !! وهو دبغ فيني وانا أقول إستسلام .. إستسلام .. إستسلااااااااام يابن ( طووووووووط )

وعقبها عاد تطلع الصيحة والتلعين .. ويخرب المشهد ونظطر لاإعادة المشهد

واللى يعين ظهري وضلوعي

بس كانت أياااام ..

حياك يابو ناصر .. نورت ياسيد المعلمين

يانت قديم جاكي شان .. انا على وقت بروسلي .. شونغا بوونغا .. >> ياقدمك يعني ياجدك تر ى بس معكوسه

" أَبُو لارا " · #33 19/04/2009, 01:57 PM

والله صدقت أول كان لعب وناسة أما لآن فتغير الوضع !!
حتى يوم كنى صغار نلعب حريم مع أخواتي

..
ونسوي مسلسل شركات نأخذ دفتر ونشققه ونخليه ريالآت

ونلعب وحنا مستناسين ..

أما المصارعة فيومياً مع أخوي نتصارع

>> نقلد الحنوتي وكين

وأخوي الذي أكبر مني كان مولع بالفن أعني به الغناء
وهو الفنان خالد عبدالرحمن ..حتى أنه يسجل صوته وهو يغني أغاني خالد..

أما اليوم فتغير الوضع أصبح الطفل حدها بلآيستيشن وغيره من الألعاب الإلكترونية
تحس أن الوضع الحالي ممل بكل ما تعنيه من كلمة ..
يمكن أننا كبرنا علشان كذا نحس أن الوضع أختلف

لآهنت يا عزيزي الكريم أبو طلآل على الموضوع الجميل