ليش اللسان يطلع كتعبير عن الموت ( تمثيل أول ) - نادي الهلال السعودي - شبكة الزعيم

ابو طـــــلال · #1 17/04/2009, 05:50 AM

هذي طنزتي بالصخرة وكثرة مواضيعه .. صرت أردى منه

الموووووووهم

أول كان عندنا ( موا هب ) تمثيل .. غناء .. إجرام .. تلحين .. مقابلات .. إلخوون إلخووون إلخووون >> يعني لغة عربية فصحى ..

التمثيل كان إحدى أهم هواياتي واللى إندفنت دفن وإنتم عارفين الرجل الشرقي والرفض من الأهل >> أحلى

ياما قتلت نفسي

.. وصطرتني ( ألم )

.. وغلتني قدام المراية

.. وياما هددتني .. وهزئتني ..

كنت ألعب الأدوار كلها لحالي وتطلع مني كلمات ( يامووووقرم ) . . و ( حئتلك ) .. و ( معلم مرعي ) .. و ( أبله نفيسة ) >> تحاول تحتك فيني وهي تاجرة مخدرات .. وانا جسم عظلات ووسيم وهي تبي واحد تنسند عليه خصوصا بعد مامات المعلم ( صابر ) زوجها .. وهي أرملة ..

وتعال شف التميلح .. وشقوة الراس .. ونظرات الثقل ..

كان ( الفم ) هو مهندس الصوت في أفلامي .. وبراطمي مساعد مهندس الصوت .. يطلع من فمي أصوات المسدسات وإطلاق الرصاص ( بوووفش ) ( بووووفش ) >> هذا إطلاق النار .. ..

وبذات الفم ( الهندسة الصوتيه ) تطلع المؤثرات الحزينه أثناء الموت .. ولحظات الوداع

وهي غالبا هالمقطع ( تررررررراااااااريرااااااا ) و ( آآآآآه وووو آآآآآه ) وبعدها أطيح بشويش علشان الحركة البطيئة تعطيك جو صح .. وتخش معها وتتأثر .. اطيح واطلع لساني !! ليه للحين أسأل نفسي

؟؟ مدري ليه أول اللسان يطلع ؟!

وبذات الفم >>>

أحييت أكثر من حفلة ... وأقمت أكثر من أمسية كانت الأدوات ( مخدات .. القديمة اللى مكتوب عليها ( أحلام سعيده ) .. ومراكي .. مساند ) وكانت تستخدم كآلة عود

أما المراويس فكانت ( قدور ) وشنط ملابس كبيرة ... ياعليها صدى ... ومايمنع نروس باللسان ... والتقسيم باللسان .. ياعلي تقاسيم حزينه أول بلساني ...

ومره أنا الفنان وهو الملحن .. والعكس .. كل مانشف ريقي تبادلنا المراكز ..

الغرفة مكتظة بالمواهب .. وللحين عندي شريط تسجيل وانا أغني وأقصد .. وأسوي مقابلة وانا بعمر 6 سنوات .. أدورة أحطه لكم إن شاء الله ..

في المدارس وفي ممرات الفصول كانوا الطلاب يفحطون ... ويمسكون جلنطات .. لكن رجلية .. يمثلون إنهم يسوقون وتفحيط .. وحده من اليدين على الطارة .. والثانيه على القير .. وجلنط مع كل لفة !!
أنا مدري وين هالسوالف الحين ؟؟ وين الجلنطات ؟! وأصوات المسدسات من الفم .. وتمثليات الإجرام والموت وتطليعة اللسان ... وين تمثيل ( الشركة ) في رمضان ؟! والكيرم .. والضومنة .. ومانوبولي .!! أطلق إختراع كان ( الأتاري ) وزر واحد وعصى !! والبنات يلعبن حريم ... تصير كبيرة وللحين تفكر باللعب وتمثل دور ( حرمة ) والحين بزر وتطالب بأمور تستحي الحرمة الكبيرة تطلبها ..

وحدة من الثنتين ... ياحنا أول ( دلوخ ) و ( سذّج )

وإلا هالزمن زمن ( العكرته ) و ( اللكاعة )

وبين هذا وذا .. أتوقع إن المشلكة في الزمن .. وطبيعة التغيير وغزو الفضائيات !! هالوقت أصبح الطفل ( يمل بسرعه ) وكلمة ( زهقااان ) اكثر ماتسمعها .. طفشااان رغم وجود جميع أنواع الألعاب .. وسبل الترفية .. والراحة !!

اول محرومين .. ومع ذلك فالين أمها ..

وش القصة يالربع ؟! ترى بموت

>> ميت الحين

أخوكم الصغير ابو طلال

R D H · #2 17/04/2009, 05:59 AM

السلام عليكم ورحمة الله وبركاته ..

السؤال الذي مازلت أدفن بالصمت جوابه

ودي أعرف كيف يسوون أصوات ( البوكسات ) بالأفلام ؟

بالذات افلام عادل امام .. تلقاه لا سطر واحد كف يطلع صوت ملعون والدين .. لكن تجي تسطر واحد بالحقيقه مايطلع مثل صوت كفوف عادل امام

أما إذا أنت كنت منغمس في ( يا مقرم ) ويا ( ابله نفيسه ) ..

فأنا كنت مهووس بشي أسمه مسلسلات تاريخيه ..

من يذكر فيكم مسلسل ( الجوارح ) و ( الكواسر ) و ( البواسل ) ..

كان بعد كل حلقه .. اجيب السيف البلاستيك حقي .. والبس قماشه طويله .. واحط شي فوق راسي يقالي مقاتل .. وأدور أي واحد اقعد اتبارز معه ..

لا ومن زود الفن .. اسوي استدارة واطعن اللي يبارزني من الخلف ..

وأتذكر فيلم ( قلب شجاع ) للممثل الأمريكي ( ميل جيبسون )

لما مسكوه الانجليز بأخر الفيلم .. وحطوه على طاوله وربطوا أطرافه بحبال قويه .. وقعدوا يشدون فيها لين ماتمزعت عضلاته ..

مره مثلت هالمشهد مع عيال خالتي .. وهم اثنين .. والاثنين شايليني وواحد يشد من رجولي والثاني من يديني لين ماقلت بكل سماجه : اسسستسسلم

وأنا للأسف ماكان لي اخوان اصغر مني العب معهم

.. لذلك كنت انتظر على أحر من الجمر عيال خالتي يجون علشان كل واحد يمثل ويسوي انه بطل المسلسل اللي يحبه .. واحنا نساعده ونسلك له ونخليه يضربنا ويسطرنا علشان يحس بالمتعه

وبعدين جيلك أنت جيل غير .. جيل السبعينات والستينات

أنتم تعبتوا علشان الاجيال القادمه ترتاح ..

وجيل الثمانينات والتسعينات كان هو الحد الفاصل بين جيلك يا أبو طلال وجيل الألفيه الجديده ..

أما جيل الألفيه الجديده رايح فيها .. على الأقل حنا كنا نقلد الفوارس والزير سالم .. أما هم يقلدون مهند ولميس ..

وبالنسبه لعنوان موضوعك .. أنا أول مره أعرف أنه على أيامك يالشايب كان اللي يموت يطلع لسانه

هذا على أيامكم ياحبيبي ..

الحين لا جا يسوي البزر أنه بيموت يقول : ( أه أه .. ئلبي ئلبي )

عزيزي أبو طلال ..

هو البتاع ده .. ( بتشموه ) شم أنت والصخره ؟ ولا بالإبر ؟

ولو سعره مناسب لي كطالب ياليت ماتتأخر .. ولا خلك كريم واعطيني جرعه مجانيه

كعادتك يالغالي . لك أسلوب بالإنطلاق في الحكي مهب صاحي ..

الله يحفظك .. واستمتعت كثيراً بالموضوع الجميل .. وواضح انك كنت تعاني من أحلام اليقظه .. ولا تدري ام طلال بس عن أبله نفيسه ..

يعطيك العافيه

ودمت بأجمل حال

abo_nasser · #3 17/04/2009, 06:01 AM

ثانيييييييييييييييييييييييييي

فورزا ميلان..

ــــــــــــــــــــــــــــــــــــــــــــــــ

هلا وغلا ابو طلووو..

انا للافس كنت داج بالتمثيل

..مره تجمعنا احنا(اخواني)

واولاد خالي نبي نسوي مسرحيه
طبعا القصه والسيناريو كل خمس دقايق يتغير

..المهم كل ما يجي دوري
بالمشهد اجيب العيد واخرب امه

..صبروا علي اول مره ثاني مره ثالث مره جلدوني..

طبعا المسرحيه اعلاه لم يتم تطبيق منها مشهدين متتاليين..وانتهت بمضارب..

بعدها حولت لافلام الاكشن والمصارعه

خصوصا المصارعه كنت اتابع الاندرتيكر وذا روك

الامريكي مو الصخره حقنا

وكنت بعد كل حلقه مصارعة اقوم اطبق في اخواني

..الى ان جاء ذاك
اليوم وامسك اخوي اللي اصغر مني وازين فيه حركة ذا روك اللي في رجلينه ما اعرف اسمها

المهم ظهره انعدم واذكر انه كان يقول استسلام وفجئه سكت

..عاد حقدت ..قلت كل ذا ولا فاد فيه.؟؟؟

واضغط عليه اكثر لين حسيت ظهره تقوس

..وبروضو ساكت

ولما فكيته واناظر فيه طلع ابن اللذين دايخ..

وقتها قلت اخوي ودع الحياه..لاني اصحي فيه ولا يرد علي ابد..

لما قررت اروح انادي امي..الا وهو يقول اَاَاَهـ اَاَاَهـ

وجلست اقنعه ما يقول لامي عشان لانجلد..وبعدها اعتزل المصارعه معي..

وبرضو افلام جاكي شان...الافلام اللي فيها كاراتيه ومهايط بشكل عام
تحصل بعد ما ينتهي الفلم الحماس واصل حده...ويبدا مسلسل التطبيق فينا..

احس اني طولت بالرد..

تشكراااااااااات ابو طلووو..

سلااااااااااااااااااااااااااااااااااااااااااااام

حتى ظلالي هلالي · #4 17/04/2009, 06:02 AM

ثااااااااااااالث

فورزا هلال

............

باك

ياشين الي يحجز ومابراسهـ رد

يؤ يعني حتى يوم وقتكم يالشيّاب

كان فيهـ تطليعت لسان

أنا اذكر كنا نطلع اللسان ونغمض العيون بعد

عشان ماتشوف احد يضحكـ وتضحكـ معهـ
وبعدها مايصدقون انكـ مت

بس والله يا انا كنت مخفهـ درجهـ أولى بالموت بهالطريقهـ

كانو اخواني يمثلون علي انهم ماتو
ويقولون جيبي لنا ماء بنموت

وانا يا حياة الشقا اجلس اصيح واقول لا تموت تكفى اصبر شوي
بجيب لكـ مويا بس لاتموت

واركض اجيب لهـ ..
ما ارجع الا احصلهم يضحكون

الشرهه ماهي عليهم على الي طيب قلبهـ ويحبهم مايبيهم يموتون ويصدقهم

ياحلاة لعب المسدسات والاكشن

قبل فترة لعبتها مع اخوي الصغير

والله ياعلي شكل وانا ماغير مطامر من درج لدرج ومن كنب لكنب

ومسويه انا بطلة الفلم .. يقتلني بس ما اموت

هو بس الي اذا قتلته لازم يموت

ايييييييييييييييهـ

ايام حلوهـ

كانت ايام حبكـ

<< شطحه

يبي لي اخذ بريك طويل بعد هالرد

اللياقه انتهت

مَاهِينُورْ · #5 17/04/2009, 06:04 AM

..

اربعة اربعة فوز الهلال بالاربعة

.......
^
^
حضي هاليومين متحسن

ثلاث مواضيع ورا بعض بالصفحة الأولى

ـــــــــــــــــــــــــ
هلا ومرحبا باللي مطلع لسانه ومسوي نفسه ميت

مواهبنا وحنا صغااار يااكثره

كنا مبدعين لكن حراام ماكان عندنا من يصقل هالمواهب

~> متعوب على كلمة يصقل

أما عن الحركات بعضها والله مالها داعي ومدري كيف نخترعها

مثل اذا تزاعلنا وجينا بنتصالح مانتصافح لا , كل وحدة تمد اصبع يدها الصغير ويلامسونهن بعض وبكذا تصالحنا

أما عن ليش نطلع ألسنتنا اذا مثلنا المووت لأن الميت يطلع لسانه

لعبة الحريييم

لو يحصلي هالحين لعبتها

لعبة الحريم تعلم البنات الأمومة والحنية بمرحلة مبكرة

..
والله الحركات واجد بس شفتك تهاوش قلت أكتب كلمتين وارسله قبل مايطق بكم عرق

إقتباس


	ورى ماتعقلون ياالعبند

ماهي بانا هُم

أنا ماضغط اضافة رد الا بعد ماخلصت قاريتن الموضوع

..
ابو طلال
موضوع ضريف وجميل

على طاري الجميل تتوقع يثبتونه ؟

وعلى طاري التثبيت وش شعورك يوم فكو المسمار عن ذاك الموضوع

؟
..
نسيت أقووول شي مهم

إقتباس


	وللحين عندي شريط تسجيل وانا أغني وأقصد .. وأسوي مقابلة وانا بعمر 6 سنوات .. أدورة أحطه لكم إن شاء الله ..

لا تنسى الله لا يهينك ذا المقطع تجيبه

..
..
شكرا مع السلامة

..
..

ريكيلمي · #6 17/04/2009, 06:05 AM

أهلين بصاحب الموضوع الظريف

قبل تتكلم عن الصخرة .. وش السالفة ؟؟ كل ما نزل واحد موضوع نزل الثاني وراه ؟؟ تتقاومون أنتم أو وش السالفة ؟؟

بالنسبة لموضوع اللسان أتوقع كنا نشوف الخرفان في عيد الضحية تطلع ألسنتها أو أن أهلنا لاعبين علينا

أما التمثيل و المراكي وصلنا فيها أكثر مما وصلتوا له

أذكر نحط المراكي في النص و نلعب تنس ( بالبنقه )

<---<< الكورة الصغيرة لعدم الناطقين بالشقراوية

و كنا نفرش عند باب بيتنا و نجلس نشوي في الشارع مع عيال الحارة و كانت قمة الوناسة

و الله ملعوب علينا يا بو طلّو

لي عودة مع موضوعك القميل و الزريف

ابو طـــــلال · #7 17/04/2009, 06:10 AM

[CENTER]

إقتباس

الرسالة الأصلية كتبت بواسطة R D H


	أولي أولي أولي أولييييييييي فورزا مدريد

إقتباس

الرسالة الأصلية كتبت بواسطة abo_nasser


	ثانيييييييييييييييييييييييييي فورزا ميلان..

إقتباس

الرسالة الأصلية كتبت بواسطة حتى ظلالي هلالي


	ثااااااااااااالث فورزا هلال

إقتباس

الرسالة الأصلية كتبت بواسطة مَاهِينُورْ


	.. اربعة اربعة فوز الهلال بالاربعة .......

ورى ماتعقلون ياالعبند

صدى الامس · #8 17/04/2009, 06:12 AM

ما اقول الا الله يخلف بس

!!

المشكلة مهيب بمهندس الصوت ولا مساعده

!! المشكلة بالعقل اللي متأكد انك فاقده من سنين طويله

! هذا تسان عندك عقل

!!
ابو طلال يابعدي الوقت تغير .. منول مهنا مغريات من دش وكمبيوترات وخرابيط .. الحين البزر ابو 7 سنين طاقها اون لاين بالسوني 3 وخذ لك من هالذبح .. منول كنت تمثل مشاهد على كلامك وتسوي سيناريو وخرابيط .. الحين ما يحتاج رأس مالها شريط سوني وكل ابو التمثيل عندك وخش جو من دون ما تبهذل مهندس الصوت ولا مساعده هههههههههههههههههههههههههه ..!
يا ابو طلال وقتكم غير .. انتم يا جيل الكتاتيب كانت قمة الوناسة انك تركض بين النخل وتطمر من ساقي لساقي ثاني هههههههههههههه ..!
منول قمة الوناسة عندكم السباحة بالقلبان ومن هو الفتيت اللي يطب رواسي ههههههههههههه !!
الحين الوقت تغير صار كل شي الكتروني الله يستر لا نصير باتسر رجل آلي

.. من كثر التطور التكنلوجي

هههههههه !!

مشكلة الشايب اذا تذكر زمان اول وشاف احفاد عياله وشلون عايشين يضيق صدره همن يجي ويكتب مثل هالموضوع ويختمها بأخوكم الصغير

هههههههههههههههههههههههه ..

الطنزة مد(ن) باليد ..

ابو طـــــلال · #9 17/04/2009, 06:18 AM

^^^^

تدري وش السبب الرئيسي اللى خلاني أكتب هالموضوع ..!!

شريت مسدس لطلال .. وقلت ودي افرحة .. عاد مسك المسدس وقلت لا لا لا .. لاتقتلني !! >> يعنني أبلعب معه ....؟!! ناظرني وقال ( وش فيك بابا )

مستنكر ؟!! فشيلة ياخي !!

صدى الأمس .. القلبان .. والسواقي .. والكتاتيب مالحقت عليهن .. بليز اخوي صدى ممكن تحكيلنا كيف كانت حياتكم أوول .. مشان خاطري

الله يخليك .. الله يخليك ... إحكيلي كيف عايشين اول

صدز شكلك تسبيييييييير ... يالله أسبوع بالكاتم صدى

يسعد صباحك ياخلفهم ..

ريكيلمي · #10 17/04/2009, 06:33 AM

إقتباس

الرسالة الأصلية كتبت بواسطة R D H


	فأنا كنت مهووس بشي أسمه مسلسلات تاريخيه .. من يذكر فيكم مسلسل ( الجوارح ) و ( الكواسر ) و ( البواسل ) .. كان بعد كل حلقه .. اجيب السيف البلاستيك حقي .. والبس قماشه طويله .. واحط شي فوق راسي يقالي مقاتل .. وأدور أي واحد اقعد اتبارز معه .. لا ومن زود الفن .. اسوي استدارة واطعن اللي يبارزني من الخلف .. وأتذكر فيلم ( قلب شجاع ) للممثل الأمريكي ( ميل جيبسون ) لما مسكوه الانجليز بأخر الفيلم .. وحطوه على طاوله وربطوا أطرافه بحبال قويه .. وقعدوا يشدون فيها لين ماتمزعت عضلاته .. مره مثلت هالمشهد مع عيال خالتي .. وهم اثنين .. والاثنين شايليني وواحد يشد من رجولي والثاني من يديني لين ماقلت بكل سماجه : اسسستسسلم وأنا للأسف ماكان لي اخوان اصغر مني العب معهم .. لذلك كنت انتظر على أحر من الجمر عيال خالتي يجون علشان كل واحد يمثل ويسوي انه بطل المسلسل اللي يحبه .. واحنا نساعده ونسلك له ونخليه يضربنا ويسطرنا علشان يحس بالمتعه ودمت بأجمل حال

ذكرتني بواحد من أخوالي مجرم حرب

كان يشوف أفلام و يجي يطبقها على العبد في الله محاكيكم

ربطني مرة في المرجيحة في عز الظهر و عمري حول خمس او ست جلست اصيح

قال و الله لو ما تسكت ما افكك باشرب موية و اجي

.. بلعت العبرة و انطميت

راح يشرب موية و نادوه يتغدى و يروح الشنب يدق في الغداء و انا مربّط في المرجيحة في عز القايلة ناسيني

ما شافني الا جدي الله يرحمه يوم جاء بيروح يأذن العصر

------------------------

و الا مرة جالس اشوف مسلسل مصري جالسين يحرثون في الأرض هالفلاحين

و اجيك أنا المهبول و ألقط الشاكوش ألزخ في خيشة الفحم و مع الحماس الا و يطق الشاكوش براسي

----------------------------------

جمعة مباركة جميعاً

المحبره · #11 17/04/2009, 06:53 AM

صبحك بالخير أبو طلال ..

لو إنك طالع ممثل كان وش مثلت ؟
طاش ما طاش و إلا مع هيفاء حسين بحدى هالمسلسلات السعودية اللي يطلعون بلبس و يرجعون بلبس ثاني

ودي أدري هم يلعبون علينا و إلا يلعبون علينا ؟

إحمد ربك بس إن أهلك رفضوا

<< عايشه الجو صدق

أول كانوا يقلدون كل شي يشوفونه .. أفلام كرتون و مسلسلات !
تلقى هذا يسوي قرندايزر و هذا الليث الأبيض و هذيك هايدي و البيت تقل به زلزال من المراكض

أما اللحين سوني و تلفزيون و كل واحد فيهم ماغير متركي و من جهاز لجهاز ..
و تراهم يطفشون لأن بجد هالأشياء بدون متعة .. مايخترعون أفكار كل شي جاهز لهم !

أما راعين أول اختراعات مثل حالتك مخدات و قدور و أبله نفيسه و مهندس الصوت

بعدين ياخي بعذر طلال ينقد عليك

هو موب عمره سنه عشان تمشي عليه حركتك ( ترى من جد ضحكني المشهد

)

شكلي طولت الحتسي .. يالله سلام ..

ابو طـــــلال · #12 17/04/2009, 07:00 AM

توء .. غريبة والله ؟!! تأخر التثبيت ؟؟ وينهم اليوم ؟ ؟

لهست على التثبيت

إبراهيم .. ياموهبة أنت .. اعلمهم إنك تبي تلعب ضد المجلس العام أخليهم مايردو ن عليك بموضوعك ويسحبون وسام أفضل عضو وأفضل موضوع .. واسلط عليك ماجد مقبل يتولجك بالإنذارات !؟؟

فكر باللى قلت لك .. ... بحكم إنك حارس مرمى مع العالمية .. ياتفوت كم هدف لنا .. وإلا سجل بنفسك كنك ماتدري ... دبر عمرك .. ومثل ماوعدتك .. بطاقة سواء بعشرة ريال تحت تصرفك

إبراهيم ماعندي إضافة على تعليقك .. تعليقك أجمل من الجمال كله >> أظحك الله سنك ..

راجع للموضوع .. بس مشغول بالي شوي بسالفة تأخر التثبيت هالمره

شكرا لك ياأبو خليل ... ألبي .. ألبي ..

الكلاسيكي · #13 17/04/2009, 07:09 AM

هلا بك اخونا الصغير ابو طلال

فعلاً اجيال اول اختلفت بشكل كبير عن هالجيل الجديد ,,
اول نصنع من لا شي شي , كل شي مانرميه نستفيد منه ..

تخطر في بالنا العاب ماطرت ع البال والخاطر ..
نحاول نسوي افلام اكشن , اثاره , ويمكن رعب

انا اول مايجوز لي الا المصارعه الحره , واول ماتنتهي تطبيق عملي

وكل واحد يختار اسمه , وخذ مطارح ومدابج

واخرتها واحد صايح
بسبب ان واحد خربها وطبق حركة " ستيف اوستن " وضربه براسه

جيل الحين كل شي متوفر وطفش عندهم , مادري وش يبون

انا ماعتبر سذاجه , بس حرفنه فينا , وقلة دبره فيهم

ابو طلال , شكراً لك ياممثلنا الخطير ,

تقبل احترامي وتقديري..
دمت بخير

MaRoUaNe · #14 17/04/2009, 07:14 AM

هلا وغلا بمعاليق قلبي

<< تراي خقيت معه

وش رايك يا أبوطلال بالي يغني في الحمام الله يكرمكم<< لزوم الصدى

<<المشكله بعض المرات يقراء قرآن

<< أزين من بعض ناس يدق عود الله يخلف

أما اللحين أستريو وحركات

إقتباس


	وحدة من الثنتين ... ياحنا أول ( دلوخ ) و ( سذّج ) وإلا هالزمن زمن ( العكرته ) و ( اللكاعة )