marsal



حياك الله أخوي مرسال

فكرتك حول التصنيف جيدة بل ممتازة أنا تكلمت عن التصنيف اللي نطلقة على الآخرين ونقيدهم فيه
بالتحديد من قبل من لهم أهمية في حياتنا

مثلا لو جالك شخص من الشارع وقالك أنت غبي ماراح يهمك لكن لو جا شخص يهمك كأب مثلاً وقال أنت غبي بيكون وقعها أكبر

تصنيف الرسول هو توظيف قدرات الأشخاص لأن القدرات تختلف من شخص لآخر وهنا أنا أتفق معك تماما

بالنسبة للتقاليد فية تقاليد بالية أخوي ومخالفة للشرع أحيانا مثلا أن البنت لولد عمها أو لواحد من قبيلتها
وبعدين ما يمكن البنت في مدينة وأهل القرية ما أخذوها أو ولد عمها عنده مخطط آخر

أو عادات أخرى في اللبس طيب مادام اللبس ما فية مخالفة شرعية وين المشكلة هذي قناعة شخصية
حتى أن الناس تتقيد بالزي السعودي أحس أنه حماقة مع أحترامي لمقرر القرار
صحيح أن فية أحكام بالعرف وما أطالب بمقاومتها لكن نعود الجيل المقبل على الحرية لنتحرر منها
مثل سواقة السيارة حاليا وفي مجتمعنا هذا ما أتفق معه لكن الجيل اللي بعد الجاي بيكون شي عادي

بالنسبة لطارق من غير مجاملة أنا أهتم كثير لتعليقاتة لأنها بحد ذاتها موضوع آخر يغني عن الموضوع الأساسي
وأنا دائما أتابع ردودة لأني تعلمت الكثير ولا زلت أتعلم من حروفة وتواجدة في أي موضوع مكسب لصاحب الموضوع

أستمتع كثيراً بحروفك أخوي مرسال وتواجدك هنا شرف لي
كل الشكر لتواجدك الراقي أيها الراقي



بالحب والإشراق

نجمة الإبداع



حياك الله نجمتنا المتألقة في سماء إبداعك


أجمل ما في موضوعي هذا رؤية أسماء لها فترة غايبة عن المجلس وأجتمتعت هنا

شاكرة حروفك الراقية هنا وكلماتك الغير مستغربة جميلتي

مثل ما قلتي لأن الطفل عجينة لابد أن نخاف الله فية وما نستغل إهتمامة بآراءنا في تحطيمة

غاليتي سعيدة جداً بك وبحروفك و بإطلالتك العذبة
كل الشكر لك ولقلبك الطاهر الندي





~بنت الزعيم~




حياك الله حبيبتي منار

حضورك أنار متصفحي غاليتي

أتفق معك كالعادة في حروفك عن التحفيز

إقتباس إن كانت هناك قيود في حياتنا نستطيع أن نتحرر منها بـ قدرتنا المهم أن لا نبقى مقيديين عاجزيين عن الإنطلاق !

فعلا التغيير يبداء من اعماق الفرد نفسة

سلمت أناملك غاليتي

سعيدة جداً بحضورك العذب وإطلالتك المشرقة
لاتقاطعين وننتظر منك عودة قوية للمجلس كسابق عهدك جميلتي





محاميه




حياك الله محاميتنا الغالية

إقتباس ولكنني احيانا اصاب با احباط عندما ارى من يتعامل مع الدين بصورة تجعل منة قيد من القيود واتاسف على حالهم ...

هؤلاء أخذوا الدين حجة للتمادي بسلطتهم
لم يكن الدين قيدا في يوم من الأيام
حتى أن اصل كل شيء الإباحة والتقييد في أمور ضيقة لأضرارها بنا أو بالمجتمع
أتدرين أن من أشد الناس عذابا يوم القيامة من حرم حلالاً
لذالك الكثير من العلماء يبتعد عن مجال الفتوى والقضاء كي لايقع في أمور كهذه

الدين يواكب التطور والتقدم ويحث على العلم والتعلم وما تراجعنا الا لتراجع فهمنا لمبادئ هذا الدين

شطحت كثير في هالنقطة

جميلتي أستمتعت كثيرا بحروفك وحضورك
وتذكري إستفت قلبك ولو أفتاك الناس وأفتوك
مادام الأمر لايغضب الله فالأمر فية سعه وحرية بدون الإضرار بحقوق وإحترام الآخرين

كل الشكر لحضورك وتمردك هنا
كل الشكر لك ولقلبك الطيب




بالحب والإشراق

رائدة الزعيم .. الظاهر موب أنا النحس .. أنتي المنحوسة

أشوا ان ردي اللي طار ما كان طويل مرة والا كان دعيت عليك

الزبدة ردي موافق تماماً لهلالي من أرض اليمن

ما ودي أعيد بعض كلامه بأسلوبي .. لذلك ارجعي لرد طارق ولا يكثر

( لن أعيش في جلباب أبي ) << هالجملة طرت علي أول ما قريت موضوعك , لو شاورتيني قبل كان خليتك تحطينها عنوان

إقتباس الرسالة الأصلية كتبت بواسطة الـمـشـاغـب رائدة الزعيم .. الظاهر موب أنا النحس .. أنتي المنحوسة أشوا ان ردي اللي طار ما كان طويل مرة والا كان دعيت عليك الزبدة ردي موافق تماماً لهلالي من أرض اليمن ما ودي أعيد بعض كلامه بأسلوبي .. لذلك ارجعي لرد طارق ولا يكثر ( لن أعيش في جلباب أبي ) << هالجملة طرت علي أول ما قريت موضوعك , لو شاورتيني قبل كان خليتك تحطينها عنوان

مهنا أشين من التصبح بوجهك أكيد يومي بيصير مثله



حياك الله أخوي سلطان

وش يقرب لك السلطان قابوس ومن هو ولي عهده

أنا مبسوطة لأن ردك الأول طااااار

ساد فيك <<<أحسن

رد طارق غطى على الموضوع

لين كتبت موضوع مرتن ثانية بأعطية طارق يعقب علية وبأستأذنك في العنوان

وراح أعتمد تعقيب طارق لأنه يثري الموضوع والعنوان اللي تختارة بأختار عكسة لأنه بيضيع الموضوع

بالنسبة للنحس فأتوقع الموضوع هو النحس كل اللي هنا ردودهم طارت وأعادوها

حتى الردود تمردت وآثرت أن يكون لها خيار آخر


أخوي سلطان سعيدة جداً بعودتك بعد إنقطاع في موضوعي
كل الشكر لحضورك الأكثر كرما بكتابة ردين هنا
سلطان ولأسمك منك أوفر النصيب
حضورك هنا أسعدني كثيراً
كل الشكر لك ولقلبك الطيب




بالحب والإشراق

هلا رائدة لقد انني اعتذر عن عدم تعديل ردي والتأخر بالرد على موضوعك



بسم الله عليك امنتك
من اولتها مخالفة لـ شروط وقوانين المنتدى ، المنتدى يمنع وضع صور النساء <= يسمع بالتحجير

إقتباس لما كنا أطفال تربينا على صح وغلط ودائما تردد الأمهات بفرح ولدي خجول ولدي شيطاني ولدي مؤدب كل هالمفردات يأخذها الطفل على أنها مسلمات وأنه مستحيل يكون غير الصورة وغير الشخص اللي في عيون الأم"الأهل" على هامش الوصف يعيش الطفل ويكيف تصرفاته يكبر الطفل ويصير المراهق الخجول المراهق المزعج المراهق المؤدب

طيب شي طبيعي نتربى على صح وغلط اما سالفت ولدي خجول وولدي شيطاني هذي
تعتمد على نفسية الانسان يعني بعض الناس تلاقيه بطفولته انواع البثاره وماخلى احد الا وفلقه
وسبحان الله لما يكبر شوي تلاقيه صار مؤدب وحبوب والعكس فيه ناس كثير كانت طفولتهم هاديه وكانو راكدين مع انهم بزران بس لما كبرو صارو مهبل
يعني انا اعرف واحد كان اعوذ بالله بثر لدرجة ان معاد فيه احد يحبه كل كلامه عن نفسه
سويت وحطيت ورديت وانا احسن من فلان وفلان المفروض يسوي كذا له سنه الحين تقريباً قسم بالله ودك تسمع صوته
الانسان انقلب 180 درجه صار خجول لدرجة انك تتضايق منه يعني لين جيت تكلمه عساه يرد عليك من خجله
صراحه للحين مادري وش سالفة هالانقلاب يمكن حس ان الناس كرهته ويمكن فيه اسباب ثانيه الي ابي اقوله ان الانسان الخجول المؤدب والاشياء هذي مايحددها الاهل
يمكن يكون لهم دور بالتربيه صح لكن بـ مجرد انهم قالو فلان خجول خلاص صار خجول طول العمر
انا معك ان الاهل بعض الاحيان يحطمون اطفالهم ويخلون مالهم شخصيه مثل اعرف بزر عندنا يالله فيه بثاره غير طبيعيه
يعني بتطلع تصلي . يقولك وين بتروح ؟ تقوله بروح المسجد . وش بتسوي بالمسجد ؟ ابصلي . ليه تصلي ؟ اعبد ربي . منهو ربي ؟ ومايخلص
انا صراحه ماتحمله لانه مهوب واحد من بزاريني اذا كثرها معي صكيته بكف وقلت فارق لكن ابوه انوااع الاجوبه
وبالعكس حلو انه يكثر اسئله لانها تفيده لكن افرضي ان ابوه كل ماقاله شي الولد قاله اقطع وخس وانثبر خلاص الطفل هينا يكون متحطم ويصير يستحي انه يسأل

إقتباس لازلنا نمارس ثقافة الإستحسان حتى بعد أن كبرنا والسبب أن هذا ما تعلمناه منذ نعومة أظافرنا وحتى بعد تجربة خروجنا من المنزل الى المدرسة ماتعلمناه في المدرسة هو الإنضباط وأن نكون كما خطط الآخرين لنا تعلموا عشان ماتخذلون أهلكم متناسين أن تعلمنا حتى نصبح أنفسنا الحياة نعيشها مرة واحدة لماذا نسمح للآخرين رسمها لنا بالطريقة المناسبة لهم مستغلين التأنيب لننفذ مايريدون صح نحن نفعل ما نوافق علية لكن بإيحاء من الآخرين "ليش درجاتك كذا فشلتنا"

انا صراحة النقطه هذي مافهمتها ومشوار اقراء الردوود عشان افهمها لكن الي فهمته منها او حاولة افهمه منها انك ماتبين يكون هناك حدود او ماتبين احد يعلمك
اذا انتي تقصدين الشي هذا وليه دايم الي أكبر مننا يرغمونا على اشياء حنا مانبيها
يمكن هم يشوفون اشياء انت ماتشوفها يعني بعد فتره بتتزوجين وبيجيك بنات واولاد
اذا انتي تقصدين الشي الي انا فهمتها ماراح تلزمينهم بتنفيذ اي شي ابداً ؟

رائدة الزعيم يعطيك العافيه عـ الموضوع

nor alshams



حياتس الله يالنور كله

إشراقت تواجدك وإن تأخرت تروق لي كثيرا
أسعد بها كما تسعد الطيور بالشروق قد تكونين على غروب شمس حروفي لتنيريها صديقتي

نور يا حليلتس تواجدتس العذب أسعدني كثيراً
إشراقتك هنا لها وقعها الجميل في نفسي
شكراً لتس صقيقتي كل يوم




هامور البورصه



قبل السلام أدفع غرامة التأخير

وين المشرفين عن ردك الأول ما أقتطعوه مثل ما صار لك في أمكنه أخرى
تصدق ضاق صدري يوم طارت ردودكم هناك<<خلاص ممنوع الشتشته

طبعا عذرك في التأخير لم يقبل لازم يكون من مستشفى حكومي ومختوم ويمكن نقبلة أو لاء

إقتباس بسم الله عليك امنتك من اولتها مخالفة لـ شروط وقوانين المنتدى ، المنتدى يمنع وضع صور النساء <= يسمع بالتحجير

تصدق توني أنتبه
ذكرتني اليوم في الدار ما اخذه جهازي أعرض درسي وكنت وكانت فيه ملقوفة تتفرج على جهازي
وشافت الصور وبدأت في أنتقاد بعضها مع أني ما أشوف فيها شي
أشين شي في الحياة الملاقيف اللي يفتشون جهازك من باب حب الإستطلاع

المهم زين قلت لي لكن البنت صغيرة والكبيرة لاتدعوا للفتنه معفنه ولله الحمد

جزئية التربية راح أعطيك مثل أضح الطفل بفرح "ماما أبي اليوم طلعت في الإذاعة المدرسية" الأم "غريبه خابرتك تستحي"
الطفل صح خجول المعلم خلاه يتجراء رجعت الأم تثبت وجهة نظرة
كبر صاحبنا شوي "طلب منه المعلم القراءة أمام زملاءة لكن لأن تقديرة الذاتي ضعيف تلعثم ضحك الطلاب وخجل أكثر"
حديث نفسه" أنا خجول ما أعرف أقول كلمتين على بعض قدام الناس...الخ من الكلام السلبي"
حبس نفسة في نظرة الأم ثم الزملاء ثم نظرة نفسه

لكن لو الأم لما جا لها ولدها فرحان شجعته يمكن يصير محاضر خطيب معلم متحدث بارع

الجزئية اللي أنت ما فهمتها
نظرة الإستحسان أنا أبي أعلم طفلي أن صلاته لربه مش لي عشان أرضى أو عشان النس يقولون صلى
تذكرت نكتته المصري اللي يمدحون خشوعة في الصلاة التفت عليهم قال لا وكمان صايم
صاحبنا أخلاقة قيد بحث عن الإستحسان
من المفترض توجيهنا لأطفالنا من خلال إعطاءهم المفتاح وتركهم يستنتجون التصرف ويختارون طريقهم بالتجربة والخطاء

المعلم يقول لطلابة خذلتو أهلكم أهلكم راح يستاءون من درجاتكم وهم اللي صرفوا عليكم سهروا عليكم هذا جزاءهم
صار الطالب يدرس عشان يسعد أهله بالنتيجة مش لأن النتيجة راح تحدد مستقبلة مش لأن نجاحة سعادة للطالب نفسه
أنا أقول وفكرتي أن نخرج من إستحسان الآخرين ونعمل لأنفسنا نصلي عشان أنفسنا ندرس لأنفسنا نتواصل مع الناس
مش عشان يقولون فلانة طيبة وخدومة أتواصل معهم لأن أنا أحب أخدمهم لأني أكون سعيدة لما أشوفهم سعيدين
لكن لو ما قدرت أخدمهم راح أقول أنا آسفة ما أقدر أسوي كذا ما أحاول أوقف مع أحد ضد مصلحة نفسي
نفسي في المقدمة وبعد ذلك يأتي الآخرين
الأم اللي تقول ضحيت عشان عيالي ما أحد حلف عليها تضحي بإمكانها تعلمهم يعتمدون على أنفسهم
هي ضحت لأن فكرة الإمتلاك تتملكها لما تفقدهم تنهار حتى لو فقدهم عشان يعيشون حياتهم
الفكرة طويلة لكن خلاصتها أعمل لنفسك أسعد نفسك ولاتقيد نفسك برضى وإستحسان الآخرين مادام الأمر لايغضب رب العالمين

طااااااارق سعيدة جدا بحروفك هنا وبالحوار معك
وتنازلت عن غرامة التأخير لأنك ما راح تدفعها

كل الشكر لحضورك الأجمل أخوي الغالي



المحبره



حياك الله حبيبتي

أسعد كثيرا برأيك وبأفكارك لأني غفلت عن كتابة جزئية مهمه وهي
أن الخروج الى ما يخالف الشريعة قيد
مثلا المدمن قيد نفسة بالمخدرات من الصنف الثاني خرج من قيد الى قيد آخر

لكن الخروج للنجاح في أفق الإسلام حرية لأن الله خلقنا وعالم بطبيعة أنفسنا ما يسعدها وما يحررها

الله قادر على إنزال أحكام فقهية لكل زمن ويحدد الأحكام هذي للفترة من عام كذا الى عام كذا

لكن أختار الله أن ينزل لنا أصول نستنبط منها وترك لنا حرية باب القياس والإجتهاد لأن طبيعتنا البشرية تميل لهذا الأمر

ما أحب أتكلم عن رأيي وفلسفتي في هذا الأمر لأنها خاصة فيني والمجال لايسع نقاشها ولا أحب أن يؤخذ نصفها

ما أود ذكرة أن التحرر غالبا للأفضل فالأصل لكل شيء الإباحة وهذا الدين جاء رحمة للناس محررا لهم
فما دامت أعمالنا في أفقه فنحن متأكدين أننا نسير بخطى واثقة نحو الأفضل

القيد ليس رحمة لأن الكثير من المقيدين حين نسمح لهم بالحرية ينحرفون

مثلا البنت اللي تلبس عباية راس في بيت أهلها لأن هذا المفروض عليها
لين تزوجت تكشف لأن عبايتها لأستحسان أهلها مش لنفسها ولعبادتها ولربها

إذا ما كانت عقيدتنا ناشئة عن قناعة وحب وثقة والا فمليون قيد لن ينفع سنعود لما نحن عليه

كنت أشوف قضية وفاء قسطنطين رحمها الله إن ماتت وخلصها الله أن بقيت حية
مرت ببالي وأنا أقراء حروفك عن فكرة القيد والحرية هي أختارت الحرية رغم جاهلية قرن الألفين لوم تقيد نفسها بقيود واهية

مشكلة فكرتي أنها جديدة نوعا ما لذا ستجد قليلا من المعارضة حتى تستوعب من جميع النواحي

كل الشكر لجمال حضورك وروعة إطلالتك البهية
وسعيدة بحروفك الراقية الندية أنرت متصفحي يا راقية




! بروفسور الزعيم !



حياك الله أخوي

سعيدة بمرورك العطر وإطلالتك الراقية
أن تنال حروفي رضى ذائقتكم فهو شرف لي

شاكرة تواجدك المتميز وكلماتك الأروع



بالحب والإشراق

اول شي نسيت اقول شي بردي الاول عن موضوعك والمفروض اني اكتبها اول سطر

اول شي موضوعك بايخ وسخيف وسامج بكيفي مهوب انتي تقولين الشباب اذا شافو موضوع بنت قعدو يمدحونه انا ابي اكسر هالقاعده

المهم

إقتباس جزئية التربية راح أعطيك مثل أضح الطفل بفرح "ماما أبي اليوم طلعت في الإذاعة المدرسية" الأم "غريبه خابرتك تستحي" الطفل صح خجول المعلم خلاه يتجراء رجعت الأم تثبت وجهة نظرة كبر صاحبنا شوي "طلب منه المعلم القراءة أمام زملاءة لكن لأن تقديرة الذاتي ضعيف تلعثم ضحك الطلاب وخجل أكثر" حديث نفسه" أنا خجول ما أعرف أقول كلمتين على بعض قدام الناس...الخ من الكلام السلبي" حبس نفسة في نظرة الأم ثم الزملاء ثم نظرة نفسه

هههههههههههههههههههههههههه اما ماما وأبي طيب قولي اماه ابتاه ولا كمليها ماما بابا

انا صراحة ماشوف ان الام والاب يقدرون يأثرون على عيالهم ويخلونهم خجولين
الخجول خجول والقوي وجه قوي وجه حتى لو قعدت امه فوق راسه وتردد ولدي خجول ولدي خجول والله ان ولدتس مغسول وجهه بمرقه اي خجول

مثل حنا عندنا طلاب بالجامعه اذا طلب منهم الدكتور يقرون قسم مايعرفون يقرون
مع انهم مافيه اقوى منهم وجه واكثر منهم نفاق قسم اني استحي اطالع فيه وهو قاعد
يتعتع اخاف احرجه يعني الي ابي اقوله ان الي ما يعرف يقرى هذا من نفسه وفيه
طلاب خجولين عندنا بالمحاضرة لو تطالع فيه نزل عيونه من الحياء اذا طلب
منه الدكتور امه يقرى تلاقيه من افضل الطلاب يعني بالعربي الخجل ماله علاقه بهالاشياء انا معك ان الام والاب يمكن يأثرون بشخصية الطفل لكن مايكون بالطريقه هذي انهم قالو ولدي خجول خلاص صار خجول

إقتباس المهم زين قلت لي لكن البنت صغيرة والكبيرة لاتدعوا للفتنه معفنه ولله الحمد

شيدريك انتي فيه هينا اعضاء مراهقين ما يدققون شينه زينه اهم شي صورة بنت الله يهديك بس تجرجرين اعضاء المنتدى للرذيله <--

إقتباس الأم اللي تقول ضحيت عشان عيالي ما أحد حلف عليها تضحي بإمكانها تعلمهم يعتمدون على أنفسهم هي ضحت لأن فكرة الإمتلاك تتملكها لما تفقدهم تنهار حتى لو فقدهم عشان يعيشون حياتهم الفكرة طويلة لكن خلاصتها أعمل لنفسك أسعد نفسك ولاتقيد نفسك برضى وإستحسان الآخرين مادام الأمر لايغضب رب العالمين

من جد عجبتني هالنقطه وهاك هالوردة على هالفلسفه
وسوري ع الرد الثاني

إقتباس الرسالة الأصلية كتبت بواسطة هامور البورصه اول شي نسيت اقول شي بردي الاول عن موضوعك والمفروض اني اكتبها اول سطر اول شي موضوعك بايخ وسخيف وسامج بكيفي مهوب انتي تقولين الشباب اذا شافو موضوع بنت قعدو يمدحونه انا ابي اكسر هالقاعده المهم هههههههههههههههههههههههههه اما ماما وأبي طيب قولي اماه ابتاه ولا كمليها ماما بابا انا صراحة ماشوف ان الام والاب يقدرون يأثرون على عيالهم ويخلونهم خجولين الخجول خجول والقوي وجه قوي وجه حتى لو قعدت امه فوق راسه وتردد ولدي خجول ولدي خجول والله ان ولدتس مغسول وجهه بمرقه اي خجول مثل حنا عندنا طلاب بالجامعه اذا طلب منهم الدكتور يقرون قسم مايعرفون يقرون مع انهم مافيه اقوى منهم وجه واكثر منهم نفاق قسم اني استحي اطالع فيه وهو قاعد يتعتع اخاف احرجه يعني الي ابي اقوله ان الي ما يعرف يقرى هذا من نفسه وفيه طلاب خجولين عندنا بالمحاضرة لو تطالع فيه نزل عيونه من الحياء اذا طلب منه الدكتور امه يقرى تلاقيه من افضل الطلاب يعني بالعربي الخجل ماله علاقه بهالاشياء انا معك ان الام والاب يمكن يأثرون بشخصية الطفل لكن مايكون بالطريقه هذي انهم قالو ولدي خجول خلاص صار خجول شيدريك انتي فيه هينا اعضاء مراهقين ما يدققون شينه زينه اهم شي صورة بنت الله يهديك بس تجرجرين اعضاء المنتدى للرذيله <-- من جد عجبتني هالنقطه وهاك هالوردة على هالفلسفه وسوري ع الرد الثاني

أولاً أنا عاجبني موضوعي لكن اللي منرفزني أنه غير مكتمل أقصد رفع ضغطي ومالقيت العبارات الأقل والأكثر نقل للفكرة
ولا يهمني عجبك أو ما عجبك لأن رأيك ما يهمني

كلمة أبي طلعت غلط<<<بس بتفوز في مسابقة الأخطاء العشرة بديهتك حاضرة


سالفة الخجل هذا الولد طبيعته خجول فمن واجب الأم دعمة وتشجيعه عشان يتجراء

أما الطفل قوي الوجه فواجب أمة أنها تعطيه دوافع إيجابية أنك عاقل محترم عشان يصير عاقل


ماراح يكون عاقل لكن ماراح يكون بثر وعدواني لما توجه أمه بثارته في شي مفيد وتعطيه فرصة يجرب ويتعلم ويعيش طفولته

مثلا وحدة أعرفها ودي أمسك عيالها وأجلدهم لين يعضون الأرض
لأنهم يحتاجون طق وحتى أمهم يبي لها طق
تخيل مخليتهم على هواهم إن طقهم بزر جلدوه ومدو لسانهم"ضربني وبكى"
وما يبقى شي ما يخربون لدرجة أن بنتها عمرها أربع سنين إذا بغت شي سوت نفسها أغمى عليها
تخيل من هالعمر وتعرف التمثيل وش بتسوي لما تكبر لأن أمهم تربيتها غلط والبنية تلفت نظرها بهالأسلوب

أي طفل تبي تفتك منه عطه وجه والعب معه خمس دقايق ويمل منك ويبحث عن وجه جديد

الأم والأب لازم يتعلمون طريقة التربية ويعطون أطفالهم مساحات

المقارنه بينه وبين طفل ثاني قيد وإطار تجيمة في سلوك واحد قيد وإطار

في علم الطاقة أنت ترسل ذبذبات للشخص اللي أمامك حتى يتصرف بطريقة معينه

يعني مثل قانون الجذب أنت تجذب السلوك لنفسك وللي حولك <<شطحت

اللي أبي أقوله عط أبنك حرية لكن علمة كيف يتصرف فيها مش ترمية بالبحر وهو ما يعرف مبادئ السباحة

أدعم توجه طفلك وخليه يجرب ويعتمد على نفسة يتحرر لكن مع معرفة مبادئ الحرية

خلنا من الأطفال

لو بتكتب قصيدة من الشاعر الأفضل بالنسبة لك

الشاعر اللي كتب قصيدة على وزن وقافيه معينة أو الشاعر اللي أخذ وزن وقافية اللي قبلة ورد عليها

الشاعر الأصلي أو الشاعر المقلد

الشاعر الأول عرف بحور الشعر وكتب قصيدة بإحساسة وقافيته الخاصة

أما الثاني فيعتبر ناضم لأنه جا وقلد غيرة حتى بعضهم ما هو فاهم المفردة

إذا حبيت شاعر مميز السبيل الوحيد أنك تكون مثله مميز هو أنك تبتكر طريقتك الخاصة في الكتابة

أنت في كتابتك للقصيدة معك مبادئ الشعر لكن لك بصمتك عليه

لدرجة أن بعض الشعراء تعرف أن البيت هذا له لأن بصمته واضحة على البيت

مثلا بدر بن عبد المحسن شاعر لكن مافية شاعر يكتب بطريقته وشعراء كثير
لما أقراء قصائدهم أقول أن بدر سبقهم بهالفكرة

العبرة في الفكرة الأولى لمن تكون أنها تكون من إبتكارك أما المبادئ فالكل يمتلكها

لكن من لايعرف مبادئ العوم سيغرق ومن تعلم المبادئ سيسبح سباحة ظهر أو فراشة أو غيرها


شكرا طارق على الوجود الثاني والا تدري من غير شكرا هذا مكانك

بالحب والإشراق

أهلا رائدة ,,,

موضوع جميل جداً و يطرح قضية مهمة ... في نظري لا أحد يقدر على منع أي شخص كان من مزاولة

أي فِعلٍ ما ، خصوصاً إذا لم يكن سبب المنع مقنعا ً!

تأطير الناس و حصر شخصياتهم حتى لو كان في مراحل الطفولة يمكن أن يتم تغييره في السنوات اللاحقة .

و مع ذلك لا أُنفي تأثير ذلك على الشخص , و لا أظن أن بينهما تناقض .


في كثير من الأحيان , نحتاج في حياتنا لأن يُحدَّد و يُوِّضح لنا معالم الطريق الذي نمشي عليه ، لكن ليس على سبيل
الإجبار .

المتألقة ,,
رائدة الزعيم ,,,
شكراً جزيلاً لكِ

إقتباس الرسالة الأصلية كتبت بواسطة A.K.N 505 أهلا رائدة ,,, موضوع جميل جداً و يطرح قضية مهمة ... في نظري لا أحد يقدر على منع أي شخص كان من مزاولة أي فِعلٍ ما ، خصوصاً إذا لم يكن سبب المنع مقنعا ً! تأطير الناس و حصر شخصياتهم حتى لو كان في مراحل الطفولة يمكن أن يتم تغييره في السنوات اللاحقة . و مع ذلك لا أُنفي تأثير ذلك على الشخص , و لا أظن أن بينهما تناقض . في كثير من الأحيان , نحتاج في حياتنا لأن يُحدَّد و يُوِّضح لنا معالم الطريق الذي نمشي عليه ، لكن ليس على سبيل الإجبار . المتألقة ,, رائدة الزعيم ,,, شكراً جزيلاً لكِ

حياك الله أخوي الغالي

حضورك هنا كان مميزا وشاكره إشادتك أخوي الغالي

أنا ذكرت في أغلب الردود أن الأفق اللي يجب مراعاته هو الشريعه وما يتضمنها وغيره فنحن محررين من قبل الدين عن قبوله

ولا أرى التناقض لأن الشريعه وضعت المبادئ ولنا الحريه ردي على أخونا هامور شرحت الموضوع فيه بشكل أكبر


كل الشكر على حضورك الراقي

تواجدك هنا زادني سعادة



بالحب والإشراق

السلام عليكم ورحمة الله وبركاته

تحيه طيبه لك أختي رائدة الزعيم ..

وكعادتي عندما أرى موضوعاً معيناً .. أضعه لدي في ( لستة المواضيع التي أنوي الرد عليها حالما أكون رايق )

وموضوعكـ هذا على رأس القائمه بالطبع .. وأخيراً اليوم غايب ما داومت وتفرغت له وقرأته كله وقاعد أكتب ردي وانا مشغل الفيديو على فيلم التايتانيك ..

.. وكعادتكـ أنتِ .. تتميزي في طرحك وفي حضوركـ .. بارك الله فيك ..


//


من وجهة نظري .. أنه لا مانع أن أكون أنا داخل إطار .. وإطار محكم أيضا ..

لكن أن أكون أنا من قمت بصنع هذا الإطار .. وليس أن يقوم غيري بصناعته لي ..


المسميات التي يطلقها الأهل على الطفل وهو صغير ستجعل بداخله مواطن ضعف كثيرهـ ..

والطفل بدوره سوف يتمسك بهذا بالسلوك الذي مشى عليه منذ البدايه من حديث أهله عنه .. لأنه يرى أنه الأفضل والأريح له ..

فمثلاً ينطبع في رأسه فكرة أنه خجـول .. فحينما يدخل مطعماً ويطلب ( سندوتش همبرجر بالكاتشب ) .. ويحضر له النادل ( سندوتش همبرجر بالشطه ) .. سيجد هذا الشخص صعوبه في الدفاع عن حقه فهو لا يملك القوه لأن يوبخ النادل على هذا الإهمال .. بل أنه سيأكل السندوتش وهو ساكت .. سواء كان بالشطه ولا بالفلفل الأسود .. فـ قد انطبعت في رأسه انه خجول ..


وبالطبع البقاء داخل الإطار الذي حددوه الأخرين لنا .. مدمراً للذات .. وسيعيش الشخص حياته كما يريد الأخرين .. ليس كما يريد هو ..



ومع مرور الوقت واستسلام المرء لمواطن الضعف لديه وللرسائل السلبيه التي يسمعها سيجد نفسه اتكالياً وعديم المسؤوليه والاخرين هم الذين يمشونه على هواهم ..



أخيتي الكريمه رائدهـ ..

أنتِ شخصيه مميزهـ .. ورد بعد رد .. وموضوع بعد موضوع تثبتين أنكـ قادره على تقديم المزيد الرائع ..

ومادامكـ أنك قمتي بكتابة هذا الموضوع .. فلا أرى أمامكـ عائق ان نسمع يوماً ما عن كتاب من تأليفكـ أنت ..

لا تسخري من كلامي .. فـ د . واين دبليو . داير ( مؤلف كتاب مواطن الضعف لديك ) .. قد تحدث في كتابه أن تأليف وكتابة مثل هذا الكلام لا يحتاج لأن تكون لديك خلفيه مهنيه في الإرشاد النفسي أو درجة دكتوراه في تفهم مبادئ الحياه الفعاله .. وهالمبادئ لا تتعلم في فصل دراسي أو من كتاب .. فاهتمام الشخص والتزامه بتحقيق السعاده الشخصيه هما السبيل لتعملها والإلمام بها ..


باركـ الله فيك يا أخيتي .. أتمنى لك كل التوفيق .. بس لو تغيري لون الخط ونوعه بتصيري بطله

تقبلِ مروري ..

دمتِ بأجمل حال