المباراة النهائيه اشتر من نادي الشباب وانا اخوكـ

اريحلكـ

إقتباس الرسالة الأصلية كتبت بواسطة فيحاوي...هلالي بسم الله الرحمن الرحيم اتمنى عدم حذف الموضوع لكي يعرف الجماهير الوضع الي صاير و توصل السالفه لاداره الهلال لتدارك الموضوع بتكلم لكم عن سالفتي ،، انا كنت رايح للنادي اشتري ١٧ تذكره للمنصه ! وواجهت هذي المشكله الي جالس اقولها لكم ،، لعل و عسى نشوف حل للمرمطه و الذل الي صار يوم الاحد ! يا جماعه احد كان موجود يوم الاحد كان بنادي الهلال و شاف المهزله الي صارت !! صراحه انا اول مره اشوف هالحركه تصير !! يمرمطون الجماهير من الساعه 5 لييين الساعه 8 !! وكل شوي يقولون لهم التذاكر بتنزل الحين ،، وما نزلوها إلا 8 !! خلوا هذي لان حركه بيع التذاكر كان حلوه و مرتبه ،، الشباب صفوا طابور و انتهي الموضوع لكن المصيبه ! الي يبي تذاكر المنصه !!!!!! يا عالم مدري هل الدرجه العاديه افضل من المنصه يوم انهم يسوون الحركه هذي !! طبعاً قبل ما ندخل النادي كنا رايحين للاستاد بعدها للملز ،، لاني قايل للعيال لا تقربون النادي و بلاويه !! ولكن ما صارت تنباع إلا بالنادي و اضطريت اروح ! دخلت النادي الساعه 7 تقريباً ،، زحمه و قلق و حوسه و التذاكر كل شوي يقولون 10 دقايق و نازله شوي يقولون تبي منصه ؟! موب من هنا من البوابه الشماليه ! تروح للشماليه .. تبي منصه ؟ موب هنا من البوابه الرئيسيه ! و رايحين جايين ،، بالاخير لقيت لي سيكورتي يعرف سيكورتي جالس عند الاداره اخرتها !! ابي منصه اتمصلح مع سيكورتيه !!! pb093 يقول لي عط خويي الفلوس و يجيبها لك ! و بالاخير يرجع لي يقول ما نزلت يزوعونها على الي يبون !! المهم وصلت الساعه 9 ،، والجماهير خذت تذاكرها و مشت ،، واحنا يا حقين المنصه !!! قدرت ادخل للنادي و اوصل لباب الاداره و لقيت مرجان الي طبعاً كل يمدحه بأسلوبه الوسخ و التعامل الحلو ،، اقصد الوصخ ! جلسنا من 9 لييين 10 ننتظر الاخوان ينزلون بالتذاكر ! فجأه ينزل لنا واحد يقول مافيه تذاكر !! وقلت له ما يصير احنا هنا من الساعه ٧ و غيري من الساعه ٥ و اخرتها مافيه وش هالتعامل !!!!! و قال لي انتظر بشوف ،، صار الرجال يبي يصرفنا عشان يقدرون يوزعون التذاكر على راحتهم !! وكل شوي يقولون اصبروا 10 دقايق ! لين وصلت الساعه 11 و ينزل لك الاخوان بعد ما هلكنا و متنا برد و يجلسون بالمكتب ،، و يالله كل واحد يدخل لحاله المكتب !! هههههههههههه جالسين نختبر ولا تبيع تذاكر يا فهد !! والشباب تحسروا رص و قلق ! دخلت عنده و قلت ابي 17 تذكره و اتفل بوجهي ان شفتني بالنادي !! ،، و اخذت تذاكري الاخوان جالسين فوق يختمون و يوزعون ،، هذي لفلان هو طالب 10 تذاكر هذي لعلان يبي 20 تذكره ! و بالاخير ،، انت يالي تدفع فلوس ما تلقى مكان زين و تضطر انك تحجز كرسي على الاطراف و الغبنه تنق لهم 5100 ريال ،، و غيرك ما يدفع لهم ولا هلله و مكان زين !!! ولا بعد تاخذ بقايا تذاكرهم (يعني الشي الزايد ولا الاماكن الي ما يبونها) !!!!!!! وكل شوي ناقز واحد قصير خال يقاله سالم ،، ابي بكت كامل تذاكر ،، ابي 20 تذكره و يعطونه !! عشانه لفلان و علان العكس صحييييح جداً هناك في نادي النصر ،، شباب من المغرب قاصين المنصه و جالسين مع طلال الرشيد و يصورون مع الاعبين احنا مانبي لا نصور ولا شي نبي ناخذ تذاكرنا و نمشي و ذلونا !! للملعوميه ،، اول مره تصير لي هالحركه ! و الاشخاص الي كانوا فوق و مرمطونا اعرفهم بالاسماء انا دايم احضر مباريات بالمنصه لكن ما قد واجهت حركه سخيفه كذا !! لكن الي شفتهم بالنادي يقولون دايم تصير كذا بالنادي !! لكم الموضوع و احكموا !!

صورررررررررررررررررررررررررررررررررررررررره
مع التحيـــــــــــــــــــــــــــــــــــــــــــــه
لمن يطااااااااااااااااااااااااااااااااااااالب
بالحضــــــــــــــــــــــــــــــــــــــور
الشـــــــــــــــــــــــــــــــــــــكوى
على اللــــــــــــــــــــــــــــــــه
بصراحه اخجل من سرد قصتي
ولكن اطالب بمن يدعوا الجمهور للحضور
ان يطلع على معاناة الاوفياء من عشاق الزعيم.

يرجال والله وقحين والله عيب وبعدين ترا اهم شيء انك اخذة التذاكر لكن لازم يشوفون حل

وتبوننا نحظر الملعب يارجال مسخره وقله حيا ولا هذا تعامل !

والله معليش تدفع 5100 وانت مذلول كذا

رح مقهى معسل وادفع فتاتها قيمه راس معسل وتفرج وعندك جماهير وناس متحمسه بلا ملعب بلا خرابيط لو فيه ناس تقدر هالجماهير كان حضرنا اما انك تروح وتذل نفسك علشان تحضر المباراه الله والملعب والناس الي فيه ( بعضهم ) تجلس وتشوف ملاعن ومادري ايش وامك وامك وياايش ومادري ايش انا نفسي اعرف هالناس الي يحظرون الملعب يحطون السنتهم برا ويدخلون لاني اشوف اللسان متبري منهم يارجال مقهى شيشه اصرف لك وحماس وتجلس وانت مرتاح اجل ادفع 5100 علشان منصه ومكان عادي واتلحط يوم كامل قبل المباراه علشان اخذها ههها والله لو انها مباراه انتر ميلان شف برا انا حضرت في السانسيرو قبل سنه ياحبيبي قبل المباراه تجي عند شباك التذاكر تقول ابي تذكره مافيه منصه عندهم وخرابيط زيك زي كل الناس يقص لك ويقول اختار المكان بالكمبيوتر الفاضي زي السينما تقول هنا تروح تدخل تجلس بالمكان حقك وماتاخذ معك 5 دقايق اما هنا يجيك الخال جوهر يبغا لهازا 30 تزكره يابويا وشكرا وسلم على هذا خخخخخخخخ اشوا اني ماطيق هالملاعب ولا فكرت اروح لها الا مباراه سامي والثنيان < اختصاصي حضور اعتزالات ههههههههه

بصراحه انا تبت اني اروح للمنصه مرمطه على كيفك ويعطونك مقعد عند الشبك

يعني اللي في مدرجات الدرجه الثانيه احسن منك..


فالواحد يشتري راحته ويقعد يناظرها بالبيت احسن له..

يسلموووووووووووووووو هي المنصه توزع عشاء بلاش

غرييييييييييييبة والله!!!!


بس تحمل الله يثيبك...!


كل هذا علشان الزعييييييييييم...!

الحكومة ابخص فكونا من السياسة

والله العظيم من الساعه 7 الى الساعه 11 واحنا ننتظر تذاكر المنصة
المشكلة اللي يشوف المعاناة اللي احنا نعانيها عشان تذاكر المنصة يتوقع انها مجانية وهي ب300 ريال

لكن ماهونها الا فوز الزعيم


يعطيك العافية يازعيم

أنا أشهد على كل كلمة كتبها صاحب الموضوع

كنت راح انزل موضوع بعد المباراة النهائية لكن الأخ سبقني

من الساعة 6 المغرب الى الساعة 11.30 استلمنا التذاكر بعد مرمطة مؤلمة







.

خلونا من المباراة الي فاتت متى تطرح تذاكر المنصة

للمباراة النهائية وين مواقع بيعها

هلالي شقردد .. كالعاده تطرح للبيع بعد ما ياخذون الي يبون ،، و يوزعون عليك بقايا التذاكر " الي تحت مرره ولا على الجنب " !!

الله يكون في عونك المباريات الجاية