؛

تصدقون دخلت وفهمت الموضوع مع أن عمري ما أخذت تذكرة تدون ليش ..!!
لاني بنت هه هه هه هه هه << وش اسوي أخوي هذا معرفه ومسوي حفظ للدخول
وألحين هو بالبر وأخاف أسوي خروج ويصفقني << أصغر مني ويصفقني يهبى
المهم هلالييييييييييييييييية موووووووووووووت
ولازم تنحل سالفة التذاكر لاني أبغى أشوووووف جمهوووور بالنهائي
<< متحمسة حدي ودي أروووووح معكم بس حدي الــ TV

؛

كويس انت صبرت وانتظرت غيرك رجع بيته..!

شباب وش المشكلة الي بالمنصه انا كنت فيها الحمدلله ولا صار شي

علمونا عشان نشوف نظبط وضعنا قبل النهائي


تقبل مروري

((( مهزله حتى بالتذاكر واسطه!!!!!!!!!!! ))))
انا صار معي نفس الشي في اعتزال سامي
طالب 10 تذاكر منصه ومسكوني الدائري (صرفوني)
وماجتني الا بطلعة الروح بواسطة شخص عزيز علي جابها لي من تحت لتحت عن طريق حمودالغبيني

شف وانا اخوك انت صادق وحاشك الكذب لكن بالغت شوي الله يهديك
صحيح انهم مرمطومنا بس موب زي ماذكرت
لان اعلان بيع التذاكر قالو يبدا من 9 وينتهي 11 وانا جيت وتمرمطت بالانتظار والي صار ان تذاكر المنصه الي موجوده لمنصه النصر وحقت الهلال جت من الساعه 11 وانا اخذت من النصر لاني طولت انتظر والتذاكر موجوده من زمان بس قاعدين يوزعون لأخوياهم وياخذون الكراسي الزينه ..

ويقولون مافيه الا منصه النصر وللأسف جلست بمدرجهم وسمعت السب والشتم وقله الحيا ..

واتمنى يكون التنضيم افضل من كذا ويوزعون التذاكر لاخوياهم قبل الموعد ..

لم اتمنى ان يحدث لك كل هذا و لكن في نفس الوقت لم اتمنى انك تفرد موضوع في هذا الوقت عن هذا الشأن فكأنك بهذا العمل تحبط الجماهير عن الحضور .. او ارتياد النادي ..
عزيزي ما حدث بالتأكيد ليس مقصود ولو كان ذلك لقالوا لك لا توجد تذاكر للمنصة تم بيعها بالكامل وانتهينا .. صح ؟ بدليل انك كنت بداخل النادي ولم تمنع من الدخول ..
احيانا الشركة الراعية تؤخر طباعة بعض الفئات لوجود مشاكل فنية بالطباعة مثل اللوقو او الشعار او بعض الاخطاء التي يستوجب تصحيحها ..
عموما مبروك التأهل للنهائي و دعواتك بتحقيق اللقب باذن الله .. و يستاهل الهلال التعب ..

يارجاااااااااال وسع صدرك

اهم شي حضرتو وفاز الهلال

الامور الادارية في مثل هذه الظروف دائما توضح ان الهلال يجب تغيير موظفيه فهم يتعاملون بفوقيه غير طبيعية على الجمهور ..!!



وينك ابو مساعد؟؟؟؟؟؟؟؟؟؟؟؟؟؟؟؟؟؟ظظ

اخوي انا كنت هناك

أولا جتني رسالة موبايلي ان البيع يبدأ الساعه 9 والى الساعه 11

والله واكلم خويي ونتحرك من الروضه لين وصلنا بحمدلله الى النادي

رحنا للبوابه الشماليه قالوا ان تذاكر المنصه بالبوابه الرئيسيه (الغربيه)

رحنا للبوابه الغربيه قالوا لالالالالالالالالالا تذاكر المنصه هناك عند البوابه الشماليه <<< طاش

رحنا للبوابه الشماليه قالوا ماعندنا شي ... هااااااو استهبال هو ؟؟

قلنا للي يبيع بالشباك ترى ملينا رايحين جايين ياليت تتأكد بدل هالمرمطه

قال خلاص عندنا بس انتظروا ساعه ..!!!

ليه ساعه ياخي ؟؟ طيب يا موبايلي ليه مرسلين رساله وكاتبين ان بيع التذاكر يبدأ الساعه 9 ؟؟

وكان عذرهم ان التذاكر جالسين يفرزونها عند الاداره .. !! هنا سؤال .. عرّف الفرز ..؟؟؟؟؟؟؟؟؟؟

الفرز هو أن تسفط لك انت وربعك تذاكر وتاخذ الاماكن الزينه وتخلي الشعب الملحطين يقشرون بصل بالكراسي اللي تحت وجنب الرابطه ...

المهم افلام وافلام لين دخلنا الساعه تقريبا عشر ونص او حدعش الا ربع مع البوابه الشماليه وقالوا ترى التذاكر تنباع في المكتب الاعلامي او العلاقات العامه والله نسيت أيهم بس المكتب اللي جنب مكتب ياسر الطلاسي <<< هلآدمي احبه هو وربعه

دخلنا يخرب بيت أبو التنظيم يمين بالله ان مقصف المدرسه ارتب بمليون مره من هالحوسه ويالله يالله هالسكرتي قدر يرتب العالم المسكينه المتمرمطه (( وانا طول وقتي اقول يلعن ابو الواسطات يا شيخ))

ونصف سرى وقلت لخويي خلك برا انا بصف وبجيب لي وبجيب لك وجلس برا الأخ وفجأه وحنا صافين سرا يدخل واحد للمكتب اللي فيه ياسر الطلاسي ويطلع معه تذكره <<<
اول ما طلع ابو تذكره قاموا الشباب اللي صافين سرا يتكلمون أحححححلى يبو واسطه بس علمنا منهو واسطتك عشان نشبكه المره الجايه ... قال لا واسطه ولا شي بس حاجزها لي اسبوع هالتذاكر .. خخخخخخخخخخخخخخخخخخ طيب الهلال ماله اسبوع يوم لعب مع الوحده والا الأخ يعلم الغيب؟؟ يمين بالله مسخره

وشوي ويطلع واحد من المكتب واثاري فيه برا واحد معه مرسيدس ويعطونه كم تذكره (( اللهم لا اعتراض)) لبى قلبها الفكتوريا بس

وفجأه السكرتي جايب واحد من ورى وحطه قدام اللي قدامي .. وسألته وش جابك هنا حنا جايين قبلك

طبعا السكرتي تورط قال انا جايبه عشان البرد ابيه يصير هنا قلت اها على غيري بس عموما ما راح يدخل قبلي

وبالاخير الحمدلله وصل دوري وادخل عند هاك الرجال قلت ابي ابي ابي رقم .. وقاطعني قال ياخي يالله اخلص مابقى الا هالمكان اللي تحت

طيب يا مسؤولين انا ضارب مشوار ودافع 300 ريال وانت يا عضو الشرف او يا اداري جالس تسفط تذاكر لربعك ليه ياخي والله ظلم

طبعا ما نعترض على حجز تذاكر لاداريي الهلال لكن فيه اشياء زايده عن حدها

والادهى رحت للملعب واصادف واحد من اخوياي جايب اربعه معه منعيال اخوانه قال لا يكون شاري الذتكره قلت ايه .. قال انا والله دبرتهن من واحد الله يجزاه خير ...

وابشركم الحين لقيت لي واحد قال ابشر بتذكرتين بالمنصه .. لعنبوا الواسطات حتى بالتذاكر


تحياتي : واحد من الشعب اللي تلحطوا بالمنصه وتذاكرها

فعلاً اتمنى يشوفون حــل لهالمشكله الكبيره !!


تشتري تذاكر منصه بـ 300 ريال وبالأخير تجلس على الدرج !!!!!!!!

اخوي جمهور ،،

اتمنى والله ذلك .. لان تذاكر المنصه صارت كابوس عندي في كل مباراه للهلال !
الان انا محتار هل احضر المباراه النهائيه او لا !
خايف اتمرمط و اتعب و اقول لنفسي احفظ كرامتك ولا تنذل من هالي يسرقون التذاكر لربعهم و يعطونا البقايا !!

المباراة النهائيه اشتر من نادي الشباب وانا اخوكـ

اريحلكـ

إقتباس الرسالة الأصلية كتبت بواسطة فيحاوي...هلالي بسم الله الرحمن الرحيم اتمنى عدم حذف الموضوع لكي يعرف الجماهير الوضع الي صاير و توصل السالفه لاداره الهلال لتدارك الموضوع بتكلم لكم عن سالفتي ،، انا كنت رايح للنادي اشتري ١٧ تذكره للمنصه ! وواجهت هذي المشكله الي جالس اقولها لكم ،، لعل و عسى نشوف حل للمرمطه و الذل الي صار يوم الاحد ! يا جماعه احد كان موجود يوم الاحد كان بنادي الهلال و شاف المهزله الي صارت !! صراحه انا اول مره اشوف هالحركه تصير !! يمرمطون الجماهير من الساعه 5 لييين الساعه 8 !! وكل شوي يقولون لهم التذاكر بتنزل الحين ،، وما نزلوها إلا 8 !! خلوا هذي لان حركه بيع التذاكر كان حلوه و مرتبه ،، الشباب صفوا طابور و انتهي الموضوع لكن المصيبه ! الي يبي تذاكر المنصه !!!!!! يا عالم مدري هل الدرجه العاديه افضل من المنصه يوم انهم يسوون الحركه هذي !! طبعاً قبل ما ندخل النادي كنا رايحين للاستاد بعدها للملز ،، لاني قايل للعيال لا تقربون النادي و بلاويه !! ولكن ما صارت تنباع إلا بالنادي و اضطريت اروح ! دخلت النادي الساعه 7 تقريباً ،، زحمه و قلق و حوسه و التذاكر كل شوي يقولون 10 دقايق و نازله شوي يقولون تبي منصه ؟! موب من هنا من البوابه الشماليه ! تروح للشماليه .. تبي منصه ؟ موب هنا من البوابه الرئيسيه ! و رايحين جايين ،، بالاخير لقيت لي سيكورتي يعرف سيكورتي جالس عند الاداره اخرتها !! ابي منصه اتمصلح مع سيكورتيه !!! pb093 يقول لي عط خويي الفلوس و يجيبها لك ! و بالاخير يرجع لي يقول ما نزلت يزوعونها على الي يبون !! المهم وصلت الساعه 9 ،، والجماهير خذت تذاكرها و مشت ،، واحنا يا حقين المنصه !!! قدرت ادخل للنادي و اوصل لباب الاداره و لقيت مرجان الي طبعاً كل يمدحه بأسلوبه الوسخ و التعامل الحلو ،، اقصد الوصخ ! جلسنا من 9 لييين 10 ننتظر الاخوان ينزلون بالتذاكر ! فجأه ينزل لنا واحد يقول مافيه تذاكر !! وقلت له ما يصير احنا هنا من الساعه ٧ و غيري من الساعه ٥ و اخرتها مافيه وش هالتعامل !!!!! و قال لي انتظر بشوف ،، صار الرجال يبي يصرفنا عشان يقدرون يوزعون التذاكر على راحتهم !! وكل شوي يقولون اصبروا 10 دقايق ! لين وصلت الساعه 11 و ينزل لك الاخوان بعد ما هلكنا و متنا برد و يجلسون بالمكتب ،، و يالله كل واحد يدخل لحاله المكتب !! هههههههههههه جالسين نختبر ولا تبيع تذاكر يا فهد !! والشباب تحسروا رص و قلق ! دخلت عنده و قلت ابي 17 تذكره و اتفل بوجهي ان شفتني بالنادي !! ،، و اخذت تذاكري الاخوان جالسين فوق يختمون و يوزعون ،، هذي لفلان هو طالب 10 تذاكر هذي لعلان يبي 20 تذكره ! و بالاخير ،، انت يالي تدفع فلوس ما تلقى مكان زين و تضطر انك تحجز كرسي على الاطراف و الغبنه تنق لهم 5100 ريال ،، و غيرك ما يدفع لهم ولا هلله و مكان زين !!! ولا بعد تاخذ بقايا تذاكرهم (يعني الشي الزايد ولا الاماكن الي ما يبونها) !!!!!!! وكل شوي ناقز واحد قصير خال يقاله سالم ،، ابي بكت كامل تذاكر ،، ابي 20 تذكره و يعطونه !! عشانه لفلان و علان العكس صحييييح جداً هناك في نادي النصر ،، شباب من المغرب قاصين المنصه و جالسين مع طلال الرشيد و يصورون مع الاعبين احنا مانبي لا نصور ولا شي نبي ناخذ تذاكرنا و نمشي و ذلونا !! للملعوميه ،، اول مره تصير لي هالحركه ! و الاشخاص الي كانوا فوق و مرمطونا اعرفهم بالاسماء انا دايم احضر مباريات بالمنصه لكن ما قد واجهت حركه سخيفه كذا !! لكن الي شفتهم بالنادي يقولون دايم تصير كذا بالنادي !! لكم الموضوع و احكموا !!

صورررررررررررررررررررررررررررررررررررررررره
مع التحيـــــــــــــــــــــــــــــــــــــــــــــه
لمن يطااااااااااااااااااااااااااااااااااااالب
بالحضــــــــــــــــــــــــــــــــــــــور
الشـــــــــــــــــــــــــــــــــــــكوى
على اللــــــــــــــــــــــــــــــــه
بصراحه اخجل من سرد قصتي
ولكن اطالب بمن يدعوا الجمهور للحضور
ان يطلع على معاناة الاوفياء من عشاق الزعيم.