بـثوب دوبليـن.. وغتـرة ملمـل.. وشطفـه.. ( بترجع ذيك الايام ياهلال ) - نادي الهلال السعودي - شبكة الزعيم

Fahad Al Sudais · #1 02/02/2009, 05:55 PM

حيـــــــــــــاكم

آآآآآآآآآآهـ بس

يا تل قلبي على رجعة الزمان كم سنة

ياويل قلبي على مباراة الهلال والعربي الكويتي عام 1406 هـ

نهائي كأس الخليج للاندية

قبل 27 سنة

كنت بزر << اوووم الرقة والنعومة... ورى ماتقول طفل ياجفس

رحت مع ابوي للملعب

اول مرة ادخل ملعب بحياتي

زحمة موووت... فل اوبشن... المدرجات مليانة جماهير 12 سلندر

مهوب جماهير هالايام 4 سلندر

حماس... تشجيع... وجيه تحمر وتصفر والعيون تتطاير

وازيدكم من الشعر بيت... كان الجو مطر

ومع ذلك المدرجات ( مالك ماطى رجل )

قسم بالله ان الوضع اللي عشته في ذيك المباراة وانا توّي صغير

كان سبب مؤثر في حياتي كلها

سجل سعد مبارك الهدف الوحيد في تلك المباراة

وماعاد اشوف الا هالدنيا قامت وماقعدت

اقول للوالد : وش جاهم هالمهابيل ؟؟

يقول لي : اجل لو لحقت على جمهور ( شق الفنيله يامبارك ) وش تقول ؟؟

هبال مابعده هبال

ناس تعشق الهلال من جد

والحين كلّهم شيبان الله يمد باعمارهم ويرحم اللي توفى منهم

فيهم اللي ورّث رجال

وفيهم اللي ورّث رخوم

اجل بالله عليكم هذا تسمونه جمهور ؟؟؟

كلمة تودّيه وكلمة تجيبه

واللي يقول برد ... واللي يقول مشوار

واللي ماعنده استعداد يترك الماسنجر وقت المباراة << آبوك يالحب

واللي يقول مايسمحون لي ادخّل معي كاس الشاهي

<< منتب عاقل يالخرمان

ترى على فكرة

اقدر افتح موضوع طويل عريض واقول ورى مانصير مثل جماهيرالريال او البرشا او ارسنال او مانشستر او او..... الخ

بس انا حبيت اوضح لكم ان للهلال جماهير كانوا قبلكم

منكم وفيكم

اطلق من جماهير اوروبا كلها من ناحية الحضور والمؤازرة

كانوا يحترقون ويزبدون ويرعدون بالمدرجات

وخارج المدرج ماكانوا يكثرون الخرط اللي مايودي ولايجيب

على ايام رئاسة عبدالله بن سعد الله يغفر له ويرحمه

اتحداك تسمع هلالي ينتقد الادارة ويثير الجماهير

الكل كان مشغول بالتشجيع والدعم

وطبعا كلكم عارفين هلال عبدالله بن سعد... وعارفين وش سوّى

انا الحين بديت افكر قبل اروح مباراة باكر

اني اروح للمعيقلية واشوف لي ثوب دوبلين وغترة ململ وعقال شطفه مقصّب مثل حق الملك فيصل الله يرحمه

والبسهن واحس اني من ذاك الجيل

على فكرة

تراي هنا مانيب قاعد انظّر وانتقد الجماهير وارمي الكلام

انا واحد منكم وفيكم

... ومن محبتكم اقول هالكلام

نبي بياض الوجه باكر الله لايهينكم

ضميري هلالي · #2 02/02/2009, 06:00 PM

يعطيك العافيه حبيب البي
بصراحه شوقتن لهالجو ههههههههه
يمكن يكون عدم الحضور لــ احد الاسباب الي ذكرته
او ان الناس اكتفت من كرة القدم يعني مانحضر الا نهائي ومباراة ديربي وكلاسيكو

**اخوي تعرف انا ملقوف لازم اعرف كل شي وش سالفة هلال عبدالله << لو حصل ترسل وش سالفته برساله <<^_^
مره اخرى مشكور

Fahad Al Sudais · #3 02/02/2009, 06:30 PM

إقتباس

الرسالة الأصلية كتبت بواسطة ضميري هلالي


	يعطيك العافيه حبيب البي بصراحه شوقتن لهالجو ههههههههه يمكن يكون عدم الحضور لــ احد الاسباب الي ذكرته او ان الناس اكتفت من كرة القدم يعني مانحضر الا نهائي ومباراة ديربي وكلاسيكو **اخوي تعرف انا ملقوف لازم اعرف كل شي وش سالفة هلال عبدالله << لو حصل ترسل وش سالفته برساله <<^_^ مره اخرى مشكور

هلا بالقصمان

تبي تعرف وش سالفته ؟؟

هلال لايقهر... بطولات وانجازات متوالية... والسبب هو : الجمهور الوفي

وهذا هو ناتج هلال عبدالله بن سعد :

كأس الملك 6 / 08 / 1404

الدوري الممتاز 17 / 1405 / 6

الدوري الممتاز 22 / 4 / 1406

بطولة الخليج الرابعة 16 / 8 / 1406

كأس الإتحاد 6 / 2 / 1407

الدوري الممتاز 9 / 6 / 1408

كأس الملك 17 / 10 / 1409

كأس الإتحاد 28 / 03 / 1410

الدوري الممتاز 25 / 08 / 1410

هلالي ثنياني · #4 03/02/2009, 08:45 AM

يصبحك بالخير يامطنوخ
يا فهد ويعلم الله اني صادق في كلامي
يوم أقرأ لك ولأمثالك أحس ان الهلال وجمهوره بخير وان الهلال ماعليه خوف
واذا كان الهلال محظوظ بمحبين له يوقفون معه وهو في أحسن حال, فبمشيئة الله مابيكون الهلال لوحده لو تراجع (وأسأل الله أنه يبقى هلال دائما ولايتراجع)

تعليق بسيط

إقتباس


	وهذا هو ناتج هلال عبدالله بن سعد : كأس الملك 6 / 08 / 1404 الدوري الممتاز 17 / 1405 / 6 الدوري الممتاز 22 / 4 / 1406 بطولة الخليج الرابعة 16 / 8 / 1406 كأس الإتحاد 6 / 2 / 1407 الدوري الممتاز 9 / 6 / 1408 كأس الملك 17 / 10 / 1409 كأس الإتحاد 28 / 03 / 1410 الدوري الممتاز 25 / 08 / 1410

لاتنسى جيلين ذهبيين متتاليين قدمهما أبو عبير الله يرحمه ويغفر له ويجمعنا معه في دار خير من الدنيا بدعم من زعيم الزعيم وروح الهلال بندر بن محمد الله يحفظه ويسعده ويبارك له في حياته
جيل سعد مبارك ويوسف جازع والثنيان وهذال والدايل أبطال دوري 1405 ومن ثم جيل ابواثنين والتيماوي وسامي ونمشان والغشيان

لاتنسى اشعار كل نجم صاعد بقيمة الهلال وقيمة قميص الهلال واسأل يوسف وسامي عن هالشي, وأكاد أجزم أن مباديء ابن سعد لو كانت تطبق اليوم لرأينا على الملاعب السعودية فريدي آخر وقحطاني آخر غير الذين نراهم ولشاهدناهم يقدمون أكثر من امكاناتهم

ولاتنسى جهوده في اللجنة الثلاثية التي أدارت الهلال وقادته بعد توفيق الله للفوز بأول بطولة آسيوية لفريق محلي
الله يازينها من أيام

حب لي راس ابوك الله يحفظه ويطول عمره على طاعته, فهو صنع رجل يخدم الهلال وجمهوره
تحياتي لك ولوالدك مجددا

[الزعيم 2008] · #5 02/02/2009, 09:08 PM

ياسلااااااااااام عليك يالصخرة كلام رائع ومميز

بس تصدق إني ميت من الضحك اللع عليك وعلى إسلوبك الرائع

وإن شاء الله الزعماء يبيضون الوجه بكرة والحضور بكثافة

وعن جمهور الماضي صدقت كلام حقيقة وواقع يعشقون الزعيم بجنون

وعن جمهور الحاضر فيهم إختلاف في كل شيء في المنتديات وفي المدرجات وفي الفريق المنافس

البعض مايحضر إلا المباريات القوية فقط مثلاً مع الاتحاد والنهائي فقط والديربي

وجمهور الماضي يحضر المباراة مع أي فريق كانت حتى لو من الدرجة الثالثة لانه يعشق نادي الهلال بجنون

وليس يعشقه عشان لاعب مايلعب ماني حاضر للمعلب الله يصلحهم بس ويهديهم

لكن الزعماء قدها وقدود إن شاء الله وفيهم الخير والبركة وبالتوفيق للزعيم ...

يعطيك العافية يالغالي ألف شكر لك على مواضيع التي تبث روح الحماس ..

الـوفـا ديـــن · #6 02/02/2009, 06:00 PM

صدقت ياليت الزمان يرجع
ذاك الوقت كان عمري 6 سنوات او خمس !! و الكذب خيبه ما اذكرها
لكن اقسم بالله كنت انا نفسي ذيك الايام احرص اشد الحرص على متابعة المباريات
يعني ما ألوم الأولين

لن أنتقد الجماهير لأنها أصبحت ترى نفسها أنها فوق الأنتقاد !!
أعلم أنك لم تتحدث إلا من محبه و لكن من يفهم ؟!!

Fahad Al Sudais · #7 02/02/2009, 07:06 PM

إقتباس

الرسالة الأصلية كتبت بواسطة الـوفـا ديـــنــ


	صدقت ياليت الزمان يرجع ذاك الوقت كان عمري 6 سنوات او خمس !! و الكذب خيبه ما اذكرها لكن اقسم بالله كنت انا نفسي ذيك الايام احرص اشد الحرص على متابعة المباريات يعني ما ألوم الأولين لن أنتقد الجماهير لأنها أصبحت ترى نفسها أنها فوق الأنتقاد !! أعلم أنك لم تتحدث إلا من محبه و لكن من يفهم ؟!!

والله يابنت الحلال مشكلة كبيرة..

اذا قبل كل مباراة مهمة لازم نقعد نتشحّذ بعض علشان نحضر ونساند ونقوم بالواجب

صراحة الوضع اختلف كثير عن اول

سعود الفيفي · #8 02/02/2009, 06:04 PM

هههههههههههههههههههه الف شكر لك على الموضوع يالصخرة

يا الشايب

تصدق في ذيك السنة باقي ما انولدت ههههههه <<<<<<<< صغير من 1407هـ

لكن اهم شي لحقت على الثنيان ^_^

دمت بود

البندري بنت خالد · #9 02/02/2009, 06:10 PM

ان شاء الله بكره جمهور الزعيم راح يهز استاد الملك فهد هز ,,,

Fahad Al Sudais · #10 02/02/2009, 08:36 PM

إقتباس

الرسالة الأصلية كتبت بواسطة البندري بنت خالد


	ان شاء الله بكره جمهور الزعيم راح يهز استاد الملك فهد هز ,,,

ياليت والله... ياليت

الف شكر اختي على مرورك

Fahad Al Sudais · #11 02/02/2009, 08:34 PM

إقتباس

الرسالة الأصلية كتبت بواسطة عاشق البطل


	هههههههههههههههههههه الف شكر لك على الموضوع يالصخرة يا الشايب تصدق في ذيك السنة باقي ما انولدت ههههههه <<<<<<<< صغير من 1407هـ لكن اهم شي لحقت على الثنيان ^_^ دمت بود

نصاب وشلون صغير وتاريخ تسجيلك بالمنتدى 2002

<< اوووم الذكاء ياشيخ

سعود الفيفي · #12 03/02/2009, 12:26 AM

إقتباس

الرسالة الأصلية كتبت بواسطة الـصـخـرة


	نصاب وشلون صغير وتاريخ تسجيلك بالمنتدى 2002 << اوووم الذكاء ياشيخ

هي يالشايب

تراني مسجل وانا في ثاني متوسط وقتها

مع الخيل يا شقرا خخخخ

تحياتي لك فهد

estree7 · #13 02/02/2009, 06:13 PM

يارجال وش تقول وش تخلي

جماهير الحين يبي لها إعادة تأهيل

انت قلت الشاهي وقلت الماسنجر غيرك يقول مافي كراسي والي يجيك يقول في مدخنين ويحشرونا يقالك جماهير اول مايدخنون ابو بس

ولا العسكري مايتعامل معنا زي الناس ولا الي يقولك عندي ضروف وكأن كل الهلالين عندهم ضروف

ما أقول إلا الله يهديكم ياجمهور الزعيم ويخليكم لهلالكم