|
بـثوب دوبليـن.. وغتـرة ملمـل.. وشطفـه.. ( بترجع ذيك الايام ياهلال ) حيـــــــــــــاكم آآآآآآآآآآهـ بس يا تل قلبي على رجعة الزمان كم سنة ياويل قلبي على مباراة الهلال والعربي الكويتي عام 1406 هـ نهائي كأس الخليج للاندية قبل 27 سنة كنت بزر << اوووم الرقة والنعومة... ورى ماتقول طفل ياجفس :d رحت مع ابوي للملعب اول مرة ادخل ملعب بحياتي زحمة موووت... فل اوبشن... المدرجات مليانة جماهير 12 سلندر :naughty: مهوب جماهير هالايام 4 سلندر :to::no: حماس... تشجيع... وجيه تحمر وتصفر والعيون تتطاير s13s وازيدكم من الشعر بيت... كان الجو مطر ومع ذلك المدرجات ( مالك ماطى رجل ) :yes: قسم بالله ان الوضع اللي عشته في ذيك المباراة وانا توّي صغير كان سبب مؤثر في حياتي كلها :yes: سجل سعد مبارك الهدف الوحيد في تلك المباراة وماعاد اشوف الا هالدنيا قامت وماقعدت :bigeek: اقول للوالد : وش جاهم هالمهابيل ؟؟ :bigeek: يقول لي : اجل لو لحقت على جمهور ( شق الفنيله يامبارك ) وش تقول ؟؟ :yes: هبال مابعده هبال ناس تعشق الهلال من جد s13s والحين كلّهم شيبان الله يمد باعمارهم ويرحم اللي توفى منهم :smilie47: فيهم اللي ورّث رجال :yes: وفيهم اللي ورّث رخوم :naughty: اجل بالله عليكم هذا تسمونه جمهور ؟؟؟ :to: كلمة تودّيه وكلمة تجيبه :d واللي يقول برد ... واللي يقول مشوار :to: واللي ماعنده استعداد يترك الماسنجر وقت المباراة << آبوك يالحب :d:smilie47: واللي يقول مايسمحون لي ادخّل معي كاس الشاهي :to: << منتب عاقل يالخرمان :d ترى على فكرة اقدر افتح موضوع طويل عريض واقول ورى مانصير مثل جماهيرالريال او البرشا او ارسنال او مانشستر او او..... الخ :yes: بس انا حبيت اوضح لكم ان للهلال جماهير كانوا قبلكم s13s منكم وفيكم :smilie47: اطلق من جماهير اوروبا كلها من ناحية الحضور والمؤازرة :yes: s13s كانوا يحترقون ويزبدون ويرعدون بالمدرجات s13s وخارج المدرج ماكانوا يكثرون الخرط اللي مايودي ولايجيب :yes::d على ايام رئاسة عبدالله بن سعد الله يغفر له ويرحمه :cry: اتحداك تسمع هلالي ينتقد الادارة ويثير الجماهير الكل كان مشغول بالتشجيع والدعم s13s وطبعا كلكم عارفين هلال عبدالله بن سعد... وعارفين وش سوّى :alzaeem: انا الحين بديت افكر قبل اروح مباراة باكر اني اروح للمعيقلية واشوف لي ثوب دوبلين وغترة ململ وعقال شطفه مقصّب مثل حق الملك فيصل الله يرحمه :yes: والبسهن واحس اني من ذاك الجيل :cry: على فكرة تراي هنا مانيب قاعد انظّر وانتقد الجماهير وارمي الكلام انا واحد منكم وفيكم s13s ... ومن محبتكم اقول هالكلام :smilie47: نبي بياض الوجه باكر الله لايهينكم s13s |
يعطيك العافيه حبيب البي بصراحه شوقتن لهالجو ههههههههه يمكن يكون عدم الحضور لــ احد الاسباب الي ذكرته او ان الناس اكتفت من كرة القدم يعني مانحضر الا نهائي ومباراة ديربي وكلاسيكو **اخوي تعرف انا ملقوف لازم اعرف كل شي وش سالفة هلال عبدالله << لو حصل ترسل وش سالفته برساله <<^_^ مره اخرى مشكور |
صدقت ياليت الزمان يرجع ذاك الوقت كان عمري 6 سنوات او خمس !! و الكذب خيبه ما اذكرها لكن اقسم بالله كنت انا نفسي ذيك الايام احرص اشد الحرص على متابعة المباريات يعني ما ألوم الأولين لن أنتقد الجماهير لأنها أصبحت ترى نفسها أنها فوق الأنتقاد !! أعلم أنك لم تتحدث إلا من محبه و لكن من يفهم ؟!! |
هههههههههههههههههههه الف شكر لك على الموضوع يالصخرة يا الشايب تصدق في ذيك السنة باقي ما انولدت ههههههه <<<<<<<< صغير من 1407هـ لكن اهم شي لحقت على الثنيان ^_^ دمت بود |
ان شاء الله بكره جمهور الزعيم راح يهز استاد الملك فهد هز ,,, :clapping::clapping: |
يارجال وش تقول وش تخلي جماهير الحين يبي لها إعادة تأهيل انت قلت الشاهي وقلت الماسنجر غيرك يقول مافي كراسي والي يجيك يقول في مدخنين ويحشرونا يقالك جماهير اول مايدخنون ابو بس :D ولا العسكري مايتعامل معنا زي الناس ولا الي يقولك عندي ضروف وكأن كل الهلالين عندهم ضروف ما أقول إلا الله يهديكم ياجمهور الزعيم ويخليكم لهلالكم |
إقتباس:
تبي تعرف وش سالفته ؟؟ هلال لايقهر... بطولات وانجازات متوالية... والسبب هو : الجمهور الوفي s13s وهذا هو ناتج هلال عبدالله بن سعد : كأس الملك 6 / 08 / 1404 الدوري الممتاز 17 / 1405 / 6 الدوري الممتاز 22 / 4 / 1406 بطولة الخليج الرابعة 16 / 8 / 1406 كأس الإتحاد 6 / 2 / 1407 الدوري الممتاز 9 / 6 / 1408 كأس الملك 17 / 10 / 1409 كأس الإتحاد 28 / 03 / 1410 الدوري الممتاز 25 / 08 / 1410 |
إن شاء الله جمهور الرياض يكون حاضر .. ... ألف شكر لموضوعك يــ الغالي :rose: |
موضوع مفيد وطريف............ |
ياجماعه الظروف تغيرت وزمان الاول تحول الحين مباره بكل مكان واعتقد ان العالم تشبعت كوره بشكل مايصدق انا من ذاك الزمان وذا الزمان اول الواحد يحتري المباره اسبوع ولا فيه قنوات ومباريات دوليه ولابه الاالضعوى |
الله على ذيك الايام بداية عشقي للزعيم كانت المباريات معظمها العصر و كنت ماحب الكورة ابي افلام كرتون ههههه ومن كثر ما تكون في مباريات ومن زود الطفش تابعت مباراة الهلال سبحان الله ومن ذاك اليوم و انا اعشق الزعيم |
جمهور الهلال سابقاً كان هو اللاعب رقم 1 .. جمهور يحمسك ولا اخفيك ان جمهور الهلال (وشوفتي له من خلف الشاشات) ايام الصغر هي سبب عشقي لهالنادي .. وعشق كثيرين !! لكن جمهور الهلال الآن .. هل يقوم بكل ادوارهـ!؟ هل كل مشجع هلالي وأنا اولهم نؤمن أن دورناً الأول هو تحفيز الفريق ونحاول نقوم بهالدور !! ومثل مانلوم بعضناّ .. او نحاول اننا نحسن من حضورناّ .. لابد يتجه جزء كبير من اللوم للـ الجهات المسئولة عن الجمهور .. لانها هي (الوقود) وهي (المحُرك) .. وهي من يملك الكثير من الحلول ّ لزيادة الحماس او حتى (التثبيط من المعنويات) !! ! يعطيك ألف عافيّة يالصخرّة وابشر بالي يبيض الوجه باكـّر ..!! :smilie47: هوس المُدرجات |
اني اروح للمعيقلية واشوف لي ثوب دوبلين وغترة ململ وعقال شطفه مقصّب مثل حق الملك فيصل الله يرحمه والبسهن واحس اني من ذاك الجيل الله عليك زمان اول تحول اما ثوب دوبلين الله يذكر ايامه بالخير اذا جاء عليه نقط حبحب او بسر صار يابس يتكسر من اليباس والاكمام سود صاير فوطةهههههههههه الصخرة رجعتنا للماضي من العصر وحنا بالملعب اذا بدت المبارة وجاء هدف تعانق الي جنبك وانت ماتعرفه على الفطرة والنية الصافية لو تسويها اليوم كان خذ من البقوس والركب والسب كانت الجماهير اخوة وكان اذا بقي ثلاث دقائق على نهاية المبارة ماتسمع شي من الصفير والتشجيع السنع ولو جماهيرنا هالوقت فيها الخير والبركة ويارب دائماً اشوفهم سعداء وفرحانين بفوز الهلال وتحقيق البطولات وجميع الاستحقاقات دمتمممممممممممممممممممممممممممممممممممممممم بخير يااخي صخرة لك مني كل الشكر والتقدير اسعد بكتاباتك وطرحك المميز ولاتحرمنا من مواضيعك القيمة بارك الله فيك. |
إقتباس:
اذا قبل كل مباراة مهمة لازم نقعد نتشحّذ بعض علشان نحضر ونساند ونقوم بالواجب صراحة الوضع اختلف كثير عن اول :cry: |
انا من عام 1392 هـ وانا اشجع الهلال وما خليت ملعب ما رحت له بس تعرف الكبر يجبرني على اني ما احضر وانا اتمنى اني احضر بس البلى على الشباب الي ما هو ناقصهم شي على انهم يحضرون ويتابعون المباراة الله يهديهم |
الله ع ايام زمان كانو يشجعون م قلب لكن يبيضونه الجماهير لكن إذا ماحضروا معهم عذر الاختبارات لكن بكرا نشوف حضور يشرف الزعيم |
وأنت صادق أخوي الجمهور في هـ الوقت جمهور نبي هـ الاعب وهــ الاعب مانبيه ولعب فلان ولا تلعب فلان والفريق مايشجع ولاجيت تدورهم في الملعب مالقيتهم |
يااخي والله اني متابع مواضيعك هنا وبالمجلس مشاء الله علييييييييك مشكوور بالتوفيق لك |
الله يالصخرة هذا اول نهائي حضرته بحياتي كان عمري 10 سنوات ورحت مع الوالد الله يطول عمره مع العلم ان الوالد شبابي ومهو متعلق بالكورة بس حاولت معاه الين وافق ويوم رحنا الله لا يوريك زحمة ومطر شديد وعاصفة والوالد يحاول فيني خلنا نطلع ونكمل المباراة عند عمي ( عم الوالد بيته عند الملعب ) وانا معيي يحاول فيني ويهددني يمشي للدرج وانا مطنش ويرحمني ويرجع مرة ثانية ياولد قم وانا مطنش الين انتهت المباراة وطلعت من الملعب وانا الارض ميب شايلتني ابي المدرسة بس عشان اقول لزملاء الدراسة عن قصتي مع معشوقي الهلال |
إقتباس:
:smilie47: |
إقتباس:
الف شكر اختي على مرورك |
ههههههههههههههه والله انك فله انت وابوك هع وبصراحة مافي مقارنه بين ايام زمان والحين لكن إنشاء الله ترجع مع الايام لك خالص الود ع الموضوع المميز |
لا يكثر بس :yes: جمهور منول 5 ريال دخول الملاعب الحين 20 ريال <<<< يقاله حجرلك :d ما عندهم منتدى او مكان او مساحه ينتقدون فيها واعلام مثل اعلامنا هاليوم الحين الجمهور اصبح واعي ومثقف بدرجه انك تكتب موضوع مثل هذا :to: رح للمعيقليه واشتر درزن زين :to: وش دخلنا فيك :d بتروح باكر انا بروح باتسر :naughty: لا تقعد تزعجنا مستانس انك كبير يعني :to: رح الله لا يحفظك ياجروج بن بوش :d |
اخوي فهد اشكرك على هالأسلوب الرشيق في كتاباتك000 وبصراحه انت من القله القليلة اللي احرص اشد الحرص على متابعة مواضيعهم000 لأنك ماشاء الله توصّل الفكره بسرعة وبدون تعقيد000 باختصااار (انت مبـــــــــدع)000:bs: وانا أؤيد كل حرف قلته بموضوعك000 للأسف بهالوقت بعض الجماهير صايرين(يتمننون) حتى بالجيه للملعب ولا بعد عقب المباراة يقعد ثلاث أيام متحسف انه راح ومايبقى احد بالدنيا مايعلمه انه راح للملعب000:to: ياخي تحس انه من القهر وده يتشعمط :bo:( ينط/لغير الناطقين باللهجه القصيميه )ويدخل بيت الرئيس عشان ياخذ منه العشرين ريال اللي خسرهن من" حر ماله "000:bigeek: ودايم ماتلقى على لسانه إلا العذاريب000 [اللاعب الفلاني فاااشل ليش اليوم مايسجل هدف << احد قايل لك انه جايك الكابتن رابح :ap: ] و [رئيس الرابطة قديمه كل أغانيه << على باله رايح مهرجان أبها الرجال :ap: ] و....و......و............إلخ الأعذار اللي ماتودي ولا تجيب.... وسبحان الله لاصارت الدعوى تميلح أعلن انه عااااشق للنادي" منذو "الطفوله وانه مثال للمشجع الوفي اللي اصبح عمله نادرة بهالوقت....!!!!!!!:bigeek: شاكر لك يابو فهيد هالإبداع000 وصدق احلى شي إبداع القصماااان :smilie47: وانت اكبر دليل<< اشتغل التحيز :bx: اخــــوك000 (قصيمي&&رايداوي) |
إقتباس:
تحس الاغلبية ينكشون الاعذار بعود المنقاش حق الاسنان :to: اعذار مالها اول ولا لها تالي :no: لكن الله كريم |
مشكوووور واقول يجيب الله مطر اما انا من صحيت على الدنيا وبديت افهم اعتزل الثنيان بس انا عهد سامي ويااسر والقادم احلى |
ياسلااااااااااام عليك يالصخرة كلام رائع ومميز بس تصدق إني ميت من الضحك اللع عليك وعلى إسلوبك الرائع وإن شاء الله الزعماء يبيضون الوجه بكرة والحضور بكثافة وعن جمهور الماضي صدقت كلام حقيقة وواقع يعشقون الزعيم بجنون وعن جمهور الحاضر فيهم إختلاف في كل شيء في المنتديات وفي المدرجات وفي الفريق المنافس البعض مايحضر إلا المباريات القوية فقط مثلاً مع الاتحاد والنهائي فقط والديربي وجمهور الماضي يحضر المباراة مع أي فريق كانت حتى لو من الدرجة الثالثة لانه يعشق نادي الهلال بجنون وليس يعشقه عشان لاعب مايلعب ماني حاضر للمعلب الله يصلحهم بس ويهديهم لكن الزعماء قدها وقدود إن شاء الله وفيهم الخير والبركة وبالتوفيق للزعيم ... يعطيك العافية يالغالي ألف شكر لك على مواضيع التي تبث روح الحماس .. |
يا رجال زمان أول تحول للأسف الشديد الله يعطيك العافيه بالتوفيق للزعيم |
إقتباس:
ياحبي لكم ياهلاليين الزلفي :smilie47: فيكم من ريحة الماضي... والله اعرف كم واحد صراحة لايتكررون :yes: حياك يالغالي |
إقتباس:
الف شكر ولاهنت |
وربي انك مبدع يالصـخـره وعليك اسلوب جنان الله يعطيك العافيه وعساهم يسمعون منك يارب |
يوم المبارات وانا عمري -12 يعني الى الحين ما طلعت على الدنيا |
إقتباس:
باكر يوم ثلوث ومافيه مباريات دولية ولاغيرها :yes: وحتى لو كان الواحد متشبع على قولتك... أهميّة المباراة ماتتطلب من الواحد يضغط على نفسه ؟؟ شاكر لك مداخلتك اخوي |
مبدع ياصخرة كالعاااااااااااااااااادة بس ثوب دوبلين هذا شي ثاني هههههههههههههههه والله انك صادق صايرين نطر هالجمهور يحضر وليتهم يقتدون بجمهور الجار اللي لابطولات من عشرات السنين ومع ذلك يحضرون مو جمهورنا اللي بس يحضر نهائيات وديربيات لكن بكرة ان شاء الله بيبيضها جمهورنا |
لبىى قلبك على جمال أنا بصراحه من أشد المتابعين لك <<<< قاعد يتغزل بك موضوعك في غاية الروعة والجمال من ناحية المحتوى ومن ناحية الأسلوب بصراحه أحسدك على هذا الأسلوب <<< لاتصدق الله لايضرك ويبعدك عن العين محتوى موضوعك أعجبني وأشبعني <<< لازم من أول نتكلم عنه ألا وهو حضور المشجعين ,, لازم يأخوان نؤواز الهلال مثلما ماتحدث به أخوي وحبيبي الضخرة وإنشاء الله تتحقق أمنية الصخرة في حضور المشجعين ,,, وإنشاء الله نزف الهلال للنهائي تقبل مرورررررررررررررررررررري |
إقتباس:
يازين مباريات العصر... يوم كان الثنيان يجيب حسن حمران على وجهه والجمهور يهستر من الضحك :d s13s |
موضوع شيبان يشكر عليه صاحب الموضوع s37s سجل عندك شايب قديم من أول دوري عام 1398هـ s110s الله يسامحك يالصخرة .. كشفت المستور :ap: على العموم في كل ٍ خير .. جماهير الهلال في كل زمان ومكان لهم حضور مميز ربما لهم عذرهم المقبول مع ظهور تقنيات العصر الحديث المشجع يستطيع مشاهدة المباراة عدة مرات إعادة في كثير من القنوات ويستطيع تحميل الأهداف والمقاطع التي يريدها في جواله ويستطيع معرفة كافة الكواليس .. ويستطيع ويستطيع ......الخ :tvhappy: لذلك يعزف عن الحضور الذي أصبح أكثر تعقيداً من السابق تفتيش مبالغ فيه .. مصادرة أشياء شخصية .. امتهان كرامة :to: في السابق هناك عوامل تضطر المتابع على الذهاب للملعب مرغماً قناة ناقلة واحدة .. لو جاء وقت الأخبار سحبوا علينا وخلونا :bu: لو كانت هناك مناسبة مهمة ألغوا النقل أو عرضوا المباراة في وقت متأخر :shutup: نتمنى من الجمهور الحضور لهدف معين وهو التحفيز والتشجيع وليس لمشاهدة المستوى لأن المستوى والتقييم يمكن تداركه بمشاهدة المباراة مرة أخرى في الإعادة مرة أخرى أشكر الصخرة على موضوع حساس يلامس مشاعر الجماهير لعلهم يعرفون معنى التشجيع ومعنى الحضور للملعب |
إقتباس:
مميز كما انت في طرحك الف شكر لمرورك وتفاعلك |
إقتباس:
لو اعد اللي خمّيتهم يمكن يوصلون 99 الف :to: الف شكر يالغالي :smilie47: |
إقتباس:
وفيت وكفيت يالغالي والبركة بالجيل الجديد الف شكر لك |
جمــــهور الهلال بالريـاض والله بصراحة وبدون زعـل !! ما هو مثل جمهوووووووووووور الثوب الدوبلين .. :smilie47: !! |
ــهههههههههههههههههههههــ باذن الله الجمهــــــــــور حــــــاضـــــــــر عـــــــــوافــــــــي |
أنت كنت تناظر المباراة وانا كنت بالحضانة .... توني جاي للدنيا ... اذكر الممرضة علمتني بالنتيجة ....:d والله ان موضوعك رهيب ويحمس .... :yes: ثانكس ماي فريند:alzaeem: |
إقتباس:
وان شاءالله نشوف الزعيم في اجمل صوره |
ان شاء الله بكره جمهور الزعيم راح يهز استاد الملك فهد هز ,,, |
والله عاام 1406 هـ .. بعدها بـ ثلاث سنوات .. طلعت بهالدنيا .. يعني ما لحقت على المباراة ... والله يعطيكـ الف عاافيه عالموضوع اللي يحمس .. وان شاء الله جمهوور الزعيييم ما يخيب الظن وبإذن الله الجمهوور راح يسااند الفريق في المبارياات القاادمة لأن كلها مهمة .. وبالتووفيق للزعيييييييييييم ... |
إقتباس:
تراني مسجل وانا في ثاني متوسط وقتها :d مع الخيل يا شقرا خخخخ تحياتي لك فهد :rose: |
شل الرابطة وتشوف الجمهور ...................................... |
الصخرهـ يا لبى قلبكـ يا (المؤرخ) هههههه والله ذكرياًاًاًت لا تنسى """ذكرتني حبك وانا اقول ناسيـــكـ """" تحياتـــ ــ ي"" |
موضوع اكثر من رائع تقبل مروري |
والله معاك حق جماهير اول هم جماهير الهلال بس يااخي والله معذورين يعني جماهير1406هـ غير عن جماهير الحين يعني فيه فرق في الزمن اليوم صار فيه النت والتلفزيون ملون والماسنجر هذا غير المشاغل والاسهم وووووووووووو.............الخ وهنا يبان العشق الحقيقي للهلال المشجع إللي يحب الهلال من جد يحظر بكرة |
وقصصم آنْ حلقِيْ يعوّرنِي .. فينيْ بكي :cry: ودّي آحضـر آلمبآرـآهـ .. دّخلت آلمَلعَبْ بَسْ مرّهـ وحدَة فِيْ حيآتِيْ.. كآنْ فيْهـ فعآليّـآتْ مدِري آشسمهآإ .. بروشـآتْ وطيّـآرآتْ وكآتبيْن سِيفيْن ونخلّهـ .. وآللهـ مدري آحسْ آلغبآر مغطِيْ آلصورَهـ في عقلِي :d وكمَـآنْ آفتَكر آن وـآحد من آللي يطيرُوآ في آلجَو .. هَبَد على وجَههـ خخخخخ:d آنآ آشهَد آن آلهيبَهـ رـآحت خخخخ:d وكٌل مآ آشُوفْ مبآرـآهـ للهلآإل ودي آرووح معآهُم .. آنآ بكّلم آلمسؤوليْـن .. ودّي لَو آنهُم يخلّوآ جزء للحريْم .. ظلْم وآللهـ .. آلمرـآة نصْف المجتَمع وهيْ اللتيْ تَلد آلنصْف الآخر .. آذَن المرـآة كل المَجتمَع :razz: << تكَفى يآلشيخَهـ آنتِيْ :d لآهـ كمَآنْ على قدّآم بآذن اللهـ حيكُون فيهـ محلليْن حريم :naughty: وآقوُول لحَد يرفَع حآجبَهـ ترـآهآ حصلَت :razz: طبعآ عِند الآجآنب :d وآن شَآللهـ شبَـآبنـآ مآبيفشّلونَـآ ... آكيْد فيْهـ ( شق الفنيْلَهـ يآخُووكـ ) (آنتَبهـ لآ تشْق آلبلوزَهـ .. آلفنيلَهـ يآلخوي :razz: ) ( آرمي الجوّآل آللهـ يقلعْ آللي مآيشجّع الهلآل ) خخخخخخ وآحنـآ نعشق الزعيمـ.. من جد نعشقُهـ .. بَسْ بَعيديْن عَن التعصّب :yes: يسلموووووشِن خيوووو عَ التنبيْهـ آلقوي .. لآعدمنـآإكـ :rose: |
. . اهنيك صراحه ع الموضوع الروعه مااقـول الا اه يالقهر ليتني ولد بس .. كان ولامباراه افوتها هذا الهلال ياعاااااااالم يعطيك مليون عافيه ع الموضوع الي عجبني حيل . . |
إقتباس:
الف شكر لك على مرورك وتفاعلك |
إقتباس:
شرفتني يالغالي بكلامك وتواصلك الجميل |
إقتباس:
هههههههههههههههههههههههههههههههههه يالله عاد الحين انت كبير ورجال ومعك سيارة :naughty: تروح للملعب بكل اريحية << متعوب عليها ترى :to: :rose: |
يصبحك بالخير يامطنوخ يا فهد ويعلم الله اني صادق في كلامي يوم أقرأ لك ولأمثالك أحس ان الهلال وجمهوره بخير وان الهلال ماعليه خوف واذا كان الهلال محظوظ بمحبين له يوقفون معه وهو في أحسن حال, فبمشيئة الله مابيكون الهلال لوحده لو تراجع (وأسأل الله أنه يبقى هلال دائما ولايتراجع) تعليق بسيط إقتباس:
جيل سعد مبارك ويوسف جازع والثنيان وهذال والدايل أبطال دوري 1405 ومن ثم جيل ابواثنين والتيماوي وسامي ونمشان والغشيان لاتنسى اشعار كل نجم صاعد بقيمة الهلال وقيمة قميص الهلال واسأل يوسف وسامي عن هالشي, وأكاد أجزم أن مباديء ابن سعد لو كانت تطبق اليوم لرأينا على الملاعب السعودية فريدي آخر وقحطاني آخر غير الذين نراهم ولشاهدناهم يقدمون أكثر من امكاناتهم ولاتنسى جهوده في اللجنة الثلاثية التي أدارت الهلال وقادته بعد توفيق الله للفوز بأول بطولة آسيوية لفريق محلي الله يازينها من أيام حب لي راس ابوك الله يحفظه ويطول عمره على طاعته, فهو صنع رجل يخدم الهلال وجمهوره تحياتي لك ولوالدك مجددا |
ههههههههههههههههههههههههه يسعد لي صباحك .. الحين جماهير ( موضوع جديد ) .. بعد ما يتابع ملخص المباراة من الموقع ! خلها على ربك بس .. وسعت صدري على ذا الصبح .. تقهوو --------> ماد له اميريكان كوفي |
إقتباس:
هلا وغلا اخوي :rose: |
عندما تفتح موضوع للصخرة فأنة بدون شك سيكون موضوع غير قابل للتنبؤ كاتب جميل .. ملم .. شامل .. غزير هالمرة كشفت لنا عن سر ثلاثينيتك وبالتالي تقاربنا بالعمر خاصة واني اتذكر كل الاحداث وتلك المباراة بالتفصيل الممل تحياتي لك ودمت مبدعا |
| الوقت المعتمد في المنتدى بتوقيت جرينتش +3.
الوقت الان » 05:43 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd