إقتباس الرسالة الأصلية كتبت بواسطة الهنوووف وعليكم السلام ورحمه الله وبركاته اهلا بك اخوي الصخـرهـ اولا حنا ماحرمنا شي احله الله بس الي صاير للاسف مايرضي الله ولارسولهـ بالله مين الرجال الي يعدل بين زوجاته خلنا واقعين يعني { من كان له امرأتان فمال إلى إحداهما جاء يوم القيامة وشقه مائل ) يعني تبينا نرضى وهالزوجه افنت شبابها ( افنت اجل ) بخدمه هالرجال وتربيه عيالها وبالاخير لاطلع الشيب بالراس راح يدور غيرها صدق شين وقواهـ عين بعد حنا مو ضد الشرع بس ليتكم تطبقون الشرع بكل شي تصبرين عليه سنين وتراعين ظروفه وبالاخير لاخلصت ديونه يجازي تضحيتي بزوجه ثانيه يكفي هالعيال الي بيتزوجون وبيخلوني ناقصه ابوهم بعد هذا جزاء الزوجهـ المسكينه وهذا تقديرهـ لها كل هالسنين لانك ولد ماراح تحس بمرارهـ وحرارهـ وكل شي شين الي يصير بالزوجه لاتزوج زوجها مثال ماله داعي تربي هالشجرهـ ومتعب عمركـ بهالشموس تسقيها كل يوم وبالاخير تعطي ثمارها للجيران مو شي يقهرررر بعد الزوجهـ لو بتفكر مثل تفكير هالمحروس لاجبت له عيال وتعبت ومليت منه بطلب الطلاق واخليه يرعى عياله وبروح اخذ لي واحد شايب يدلعني جدتي تزوج عليها جدي والحين اتوقع صار له متزوج 22 سنه تقريبا وللحين مارضت عليه شكلها تحبه من قلب وماتنلام جرحها وهي في عز شبابها

هذا رد والا ( بكائية ) يالهنوف هههههههههههههه

ردك عاطفي جدا وصادر من ( انثى ) بشكل متجرّد

الف شكر لمرورك وتعقيبك

إقتباس الرسالة الأصلية كتبت بواسطة فرنسي الشرقيه كلامك سليم يعطيك العافيه على الموضوع

الله يعافيك اخوي

شاكر ومقدّر لك كرم المرور والتفاعل

إقتباس الرسالة الأصلية كتبت بواسطة يـ إني هلاليه ـلوموني انا اقول تزوج 3 زواج شرعي والرابعه خلها مسيار وغيّرها شهريا لو يجوز لنا كان ماقصرنــا

ليه وش شايفتني الله يهديك ؟؟؟

ترى السالفة يالغالية ماهي ( شهوة حيوانية ) بقدر ماهي تلبية حاجة

كلامنا عن التعدد كضرورة شرعية في وقت الحاجة للزوج دون النظر لأي اعتبارات اخرى مهبطة

شكرا لك على كل حال

إقتباس الرسالة الأصلية كتبت بواسطة يـ إني هلاليه ـلوموني انا اقول تزوج 3 زواج شرعي والرابعه خلها مسيار وغيّرها شهريا لو يجوز لنا كان ماقصرنــا

لوووووووووووووووووووووووووووووووووووووووووووووول

مانتب سهلات يالبنات

اقول اها بس حدكن واحد وعساكن تعطنه حقه بعد وتبن زود ؟

اممممممممممممممممممم

تصدقين مفكر اخذ مسيار وحده كلمتن تقولي فيه مدرسات واجد يبغن يتزوجن مسيار قلت ياهلا

مدرسه ؟ وزود على كذا مسيار

بس مشكلتي اني في مدينه أخرى

ومن الان قايله شرطي واحد وهو اني ماعرفك الا بتالي الليل

نجي للجد ...

انا اقول من حق الحرمه انه تزعل وماترضى بالتعدد ... طبيعي تغاار وتبغى الرجال له لوحده بس ... مثل ما ان الرجال يبغى حرمته له لوحده ==> تخيلوا حرمه تتزوج رجلين

انا طبعاً مو مع التعدد الا في حالات ... اؤيده بشئ واحد فقط وهو ان الزوجه تكون مقصره بحق الزوج ... بالحاله هذي انا راح اخذ عليه اما ان كانت معطتن حقوقي وحاطتن بعيونه تبشر بسعده ووناسته وطاري التعدد مايجي على لساني

الصخره بليزززز سؤال واحد ... بالله وش تأكل انت ؟

مواضيعك ماشاء الله كثيره كل يوم موضوع او باليوم كم موضوع وبنفس الوقت جميله ورائعه مره

اهنيك والله .. ولاتحرمنا وشكراً لك عالطرح

إقتباس الرسالة الأصلية كتبت بواسطة خالد الغرام انا طبعاً مو مع التعدد الا في حالات ... اؤيده بشئ واحد فقط وهو ان الزوجه تكون مقصره بحق الزوج ... بالحاله هذي انا راح اخذ عليه اما ان كانت معطتن حقوقي وحاطتن بعيونه تبشر بسعده ووناسته وطاري التعدد مايجي على لساني الصخره بليزززز سؤال واحد ... بالله وش تأكل انت ؟ مواضيعك ماشاء الله كثيره كل يوم موضوع او باليوم كم موضوع وبنفس الوقت جميله ورائعه مره اهنيك والله .. ولاتحرمنا وشكراً لك عالطرح

حي القصمان

طيب هاللي حاطتك بعيونه ومعطيتك حقوقك ماراح تمل منها بعد خمس او ست سنين زواج ؟؟

لنفرض ان زوجتك هذي ( صينية كنافة فاخرة بالقشطة الطازجة )

تبي تاكل منها اول يوم.. وثاني يوم... وثالث يوم... شهر ... شهرين.... سنة .... سنتين... ثلاث سنين

تبي تعيش طول عمرك تاكل كنافة ؟؟؟

ماراح تشتهي ( البقلاوة - البسبوسة - الهريسة - الكيك - الآيس كريم )

خخخخخخخخخخخخخخخخخخخخخخخخخ

إقتباس الرسالة الأصلية كتبت بواسطة السمسار الهلالــي وجهة نظري , ان الرجال في هالزمن مرآة وحدة والمشاغل الى راسة

الف شكر لمرورك اخوي

وجهة نظرك لها مايبررها بكل تأكيد

لا يا صخرة المنتدى..ومبدع الاعضاء...

انا قصدي لو تتزوج ثلاث كم راح يكفيك من مااال ومااال..

وانا عندي شئ بسيط صدقني لو في مال راح تتعدد الزوجااات بالمجتمع.

والسبب الرئيسي في عدم تعدد الزوجات هو قلة المااال...فقط لا غير..

فيه اسباب اخرى لكن اهمها المال..انتظر ردك وياليت تفيدنا اكثر..بمعلومات اضاافيه ولا تتوقف عند..شئ معين..تكلم عن كل ما يخص الموضوع,,

من مال ,,وموافقة الاهل,,وامور كثيره ادعها لك لانك انت من تطرقت للموضوع ياصخره,,

إقتباس الرسالة الأصلية كتبت بواسطة المووج الهلالي لا يا صخرة المنتدى..ومبدع الاعضاء... انا قصدي لو تتزوج ثلاث كم راح يكفيك من مااال ومااال.. وانا عندي شئ بسيط صدقني لو في مال راح تتعدد الزوجااات بالمجتمع. والسبب الرئيسي في عدم تعدد الزوجات هو قلة المااال...فقط لا غير.. فيه اسباب اخرى لكن اهمها المال..انتظر ردك وياليت تفيدنا اكثر..بمعلومات اضاافيه ولا تتوقف عند..شئ معين..تكلم عن كل ما يخص الموضوع,, من مال ,,وموافقة الاهل,,وامور كثيره ادعها لك لانك انت من تطرقت للموضوع ياصخره,,

شي طبيعي يالغالي

اصلا اللي ماعنده القدرة المالية ماراح يتزوج حتى ( واحدة )

لكن لو جينا على سبيل المثال لضابط... نقيب مثلا

راتبه ممتاز وبالراحة يفتح بيتين

واذا ترقى رائد او مقدم يمديه يتزوج الثالثة

هذا من ناحية القدرة المالية

موافقة الاهل وانا اخوك اعتقد انها بتكون عقلانية من طرف اهلك انت كزوج.. وعاطفية من ناحية اهل الزوجة الاولى

اهلك راح يتمنون لك التوفيق لمعرفتهم التامة بظروفك والدواعي لزواجك الثاني او حتى الثالث

لكن اهل زوجتك صدقني لو كانت مصابة بالجرب فلن يسامحوك على الزواج بأخرى

إقتباس الرسالة الأصلية كتبت بواسطة هلالي من ارض اليمن اذا حدث وتحاورت مع نصراني وقلت له : انكم تحرمون التعداد وبالتالي فالزنا منتشر لديكم .. سيقول لك : والمسلمين احل لهم الزواج باكثر من واحده ومع ذلك فالزنا ايضا منتشر !!

هلا وغلا اخوي طارق <-- ( صح اسمك طارق ؟؟ ان شاءالله ما اكون غلطان )

كلام النصراني صحيح... لكن وش السبب ؟؟

انت ذكرته ضمنيا في تعقيبك... تقول اضمن لي اولا اني اتزوج الاولى ثم اكر بالثانية والثالثة

يعني حنا بدون أي خوف من العواقب جعلنا الزواج من الاولى ( معضلة ) وشيء لايطوله الا من رحم ربي في بعض الحالات فما بالك لو فكر الرجل ان يتبعها بثانية او ثالثة

في هذه الحالة لاعجب اذا رأيت الزنا بين شبابنا منتشرا بكل بساطة

تحليلك الاخير لمبررات التعدد في السابق منطقي الى حد كبير..

لكن جاوبني على هذا السؤال بكل واقعية :

ماذا لو تزوجت... وبعد اربع او خمس سنوات من زواجك بدأت تشعر برغبة شديدة في التغيير.. ( وهذا شيء فطري ولايمكن لك ان تتحكم فيه بمحض ارادتك )

هل تبحث عن اشباع رغبتك بالحرام... ام بالحلال ؟؟

شاكر لك كرم المرور والتعقيب المميز