إقتباس الرسالة الأصلية كتبت بواسطة مواصل من عام 1413هـ الضحى الله يدزيلتس المشاغب كاتب الحل بآخر رد له

الله يسامحك يا مواصل ...


آسفة مانتبهت للحل ...اللهم أصلح الجميع ...



تراني من جد جلست أفكر في حل لشاب ال17 عام حزنت عليه يضيع شبابه في أمور لا يرضاها الدين ولا النخوة



العربية ولا العادات الأسرية ...ومن حماسي ...!!!!!


على فكرة يامواصل الله يرزق الجنة وما تتمنى مامعنى الكلمة (الله يدز يلتس) ولك مثلها .....

إقتباس الرسالة الأصلية كتبت بواسطة هلالي من ارض اليمن مواصل " يدزيلتس " === > نحتاج الى تعريف هذه العبارة ؟

إقتباس الرسالة الأصلية كتبت بواسطة nor alshams كلمة مواصل الله يدزيلتس معناها / الله يرد لك شوفك أو الله يرد لك نظرك .. طبعاً هو قالها عن الضحى لأنها لم تشاهد رد المشاغب ..

إقتباس الرسالة الأصلية كتبت بواسطة رائدة الزعيم هلا أختي الضحى

إقتباس الرسالة الأصلية كتبت بواسطة رائدة الزعيم أولا الكلمة اللي قالها لك مواصل معناها زين فيما لو كنت فاهمتها صح وهي يمكن قريبة من الله يرفق بك وهي مقسمة لكم قسم الأول لفظ الجلالة الثاني يزدي يتشديد الزاء الثالث لتس بمعنى لك بقا معنى الكلمة اللي بالوسط ومعناها ومثل ما ذكرت فوق أقرب معنى لها عاد ترا دايم يقولونها لي وفاهمتها كذا

إقتباس المهم طرق باب الفصل وتعجبت من يطرق باب الفصل في وسط الحصة لأن التعليمات تحذر من قطع الحصة على المعلمة حتى لا يتشتت ذهن الطالبات وينقطع الدرس وهو من وقت الطالبات ....

أجل ياما تشتت أذهاننا

إقتباس ماذا تفعل المعلمة لهذه الطالبة وهي مظهرها لا يدل على الحاجة ولا على الهموم والمشاكل ؟؟؟؟

اممممممممم
احنا دائما نحكم على الشخص من شكله فعشان كذا بيكون فيه شك كبير بمدى مصداقية البنت
أكيد أول شيء بنادي أمها وبشوف اذا البنت فعلا صادقة ولا تكذب !
يعني ممكن البنت عندها مشاكل !أو مريضة نفسيا !
أنا عن نفسي ماراح أعرف وش وضع البنت بالضبط الا بعد ما استدعي ولية أمرها

"اليوم بالصدفة فيه وحدة قالت مثل عجبني حسيته مناسب مع هالبنت اللي بالمشكلة (اللي ياكل زفر يبين على شواربه) <~ ترى مدري هو كذا بس كأني سامعته منها كذا المهم يوم فسرته لي طلع معناه إن اللي حالته المادية جيدة فـ يبين على شكله وعيشته

يعطيك العافية "الضحى"

ماجد مقبل

هههههههههههههههههـ
تراه دايم يجيب طاريك .. كل ما دق علي أحد وهو عندي يقول : هذا ماجد مقبل؟

الضحى

حلك منطقي يا أختاه .. ولكن صدقيني ما ينفع أبد
عجزت أتخيل نفسي أقول هالكلام .. ما لاق أبد
بس لا تخافين .. جننته وتشمت فيه لين بغى يصيح
خوفته ان هذا يسمى سطو وعقابه ما يقل عن السنة سجن
ما أظنه يرجع لها ان شاء الله ..!

كان هنا

الله يسلمك يا بعدهم ..!
بالنسبة لمشكلتك .. فهذي مشكلة جميع أطفالنا الطلاب
أنت بس ذاكر وشد حيلك وموب جايب لك شي من برا المنهج ..!


هلالي من ارض اليمن

ودي أحط لك قلوب .. بس عشان ما أخالف سياسة الردود سأكتفي بالورود
صدقت ان الولد مشروع منحرف محترف ,, خاصة وأن قدوته الحسن كيتا
بس يا أخي جميع الحلول ما تنفع معه .. تدري انهم فصلوه من المدرسة قبل كم يوم؟
ما رجع للمدرسة إلا يوم الأحد الماضي ..!
الله يهديه ويصلحه بس ..!

الماسة الزرقاء

هلا وغلا .. وينك يا مساميسو؟
شسمه ذا .. لو تدرين عن سوالف هالولد كان تقولين وده دار الملاحظة عشان يعقل
ويرتاح المجتمع من شره
لا تحملوني ذنبه .. والله اني مؤدب وعاقل
لكن : " انك لا تهدي من أحببت " ..!
والله يهديه ..

nor alshams
زين ان حلي عجبك
بس وش فيها القلوب؟ ما حطوها بالمنتدى إلا عشان نستخدمها
لا وبعد حطوا فيسات جديدة ودي أحطها بس لأن توي جديد عندكم ما بعد طاحت الميانة عشان أحطها
أما إذا بنستمر على هالتفكير الرجعي فبنقول ان حتى الورود اللي تحطينها مثلها مثل القلوب ..!
والدليل .. خلي بنت تعطي ولد جيرانها وردة وشوفي وش راح يفكر عنها
اللي أبي أوصل له .. ان هذا منتدى والرموز ما انحطت فيه الا عشان نستخدمها بحسن نية طبعاً .. أما اللي بيتحسس منها فأزين له يلغي خاصية الصور من خيارات المنتدى
<< عضو ليبرالي

------------------

بما أن مشكلة كان هنا ما عنده حل لها عشان يطرحه هنا ..
فبأحط مشكلة تصير لي كثير وتسبب لي إحراج كبير .. وأظن الكثير هنا قد حصلت
لهم هالمشكلة

المشكلة : يضيفني بالماسنجر عضو من المنتدى أو زائر ..!
آخذ وأعطي معه أول يومين مجاملة له .. بعدين أحس انه بثر
فأصكه بلوك بدون احم ولا دستور
بعد يوم أو يومين .. يطلع لي من ايميل ثاني ما دريت عنه يقول لي : ليه تصكني بلوك؟

بالله وش التصرف الأمثل لمثل هذه المشكلة

مواصل تصدق دايم أسمعها وما أدري وش معناها

بس أشوى فهمي قريب بس ما اقتنعت وين كلمة يرد لك شوفك

والله ذا الأولين عليهم حتسي مدري من وين يجيبونة

المشاغب>>حاف لاوردة ولا شسمة ذاك اللي لونة أحمر <<مابقى الاهي وانا اختك

حلك بايخ سليطين أنت وولد عمك في رقبة ماجد مقبل لازم ينصحكم

بس أخاف على ماجد منكم يقولون الصاحب ساحب

من جد فية مراهقة بس عاد على خفيف

سلطان من جد هالولد يبي له جلسة وشخص يثق فية عشان تتعدل أمورة

تلاحقو علية الولد محتاج عناية كلمة عن المستقبل واللي بيضيع بدون دراسة

لأنه مثل هذا يجرب كل شي ممكن يجرب المخدرات واللي ما يخافون الله كثير ويستهدفون أمثال ولد عمك

ولد عمك منفتح على الحياة ويبي يجرب كل شي لكن أهلة ضاغطين علية
وكل الوقت ما يسمعونه الا كلمات التحطيم فعقلة الباطن خلاة يسوي الشي اللي يقولونة
لازم أهلة يغيرون معاملته ويحسسونة أنهم يحبونة ويثقون فية
لأن التهزيء راح يزيدة وحلو أنك صديقة لأنه راح يتقبل منك ما أقول النصح بقدر ما هو الصواب
يعني لما يشوفك مثلة وتقولة للفلة حدود هو بيتقبل منك لأنه محتاج للحب والإنتماء
ووجد هالإنتماء في هالشلة اللي تنتقم له من أهلة والمجتمع اللي نابذينة
نظرتهم له رسخت هالقناعة بداخلة أن هذا أنا وهذي شخصيتي بالرغم أنه فية جوانب إيجابية لكن ما حاولوا يشوفونها
ولأن المراهق في هالعمر يكون شخصيته من نظرة الآخرين له فهذا اللي صار مع ولد عمك
لازم أحد فاهم يكلمة ويكلم عمك في كيفية التعامل معه والصبر علية
عمك يحب هالولد بس ما هو قادر يعبر عن حبة الا بهالطريقة اللي تزيد من سوء حالة الولد
ولدكم يبي له جلسة ويبي له ماجد مقبل يشرح لك طريقة التعامل معه>>لزقتها فماجد


الله يهدية ويفتح على قلبة من جد تعاطفت مع ولد عمك لأنه ضحية





مشكلتك الثانية

شيل إيميلك ولا تتعرف على كل من هب ودب ولا تعطية الا اللي تعرفة

بالحب والإشراق

يا اخوان شكلكم ما فهمتوني ..
انا ونيوتن ظهرنا في موسم واحد ، وكنا نلعب سوى في براعم الفيزيا مع انشتاين وجلوكوز وديوكسي رايبوز ..
بمعنى آخر ، ان الفيزيا ما طقيت له خبر ..
كذا الانقليزي ، لو بقول لكم حقيقة بتستغربون منها ، انا على فكرة عمامي انقليز .. هع

/،

المشكلة كيف اصلح من وضع المعلمين ؟
وخصوصاً الانقليزي ، لانه ما يؤمن بشي اسمه الفترات الحياتية .. يعني احس انه يوم انه طالب كان داشر والمدرس هجدهم بنفس الاسلوب ويعتقد ان هالاسلوب بيمشي الحين ..
يعني الطالب الجيد "مثلي طبعاً " .. الانقليزي عنده مثل التعبير ..
والداج ما همه لو جاب صفر كبر اذون المشاغب !
فاللي ودي اوصل له ، كيف نوصل لحل لمشكلة هذا المعلم ؟
ونحاول ننتشله مما هو فيه دون ما يحس انه غلطان ؟


والف شكر
وكمان الف شكر لكل من شارك في حل المشكلة ..
هلالي من ارض اليمن .. الهنوووف .. رائدة .. الضحى ..المشاغب :>

إقتباس بعد يوم أو يومين .. يطلع لي من ايميل ثاني ما دريت عنه يقول لي : ليه تصكني بلوك؟

الموضوع واضح يالمشاغب ، تبي تعلمنا انك سلعة رائجة في شبكة الزعيم وان الجميع يخطب ودك ..
الحل بسيط .. بلوك ثاني وانتهى المووضوع ..
او .. انك ما تصكه بلوك .. ترد عليه رد نايم ، او ما تعطيه وجه .. مع الايام ما راح يكلمك .. بعدها باغته بـ بلوك ثاني ..
صدقني هذا التكتيك خطير جداً ودايم يستعمله كوزمين خصوصاً قدام النصر ..
/،
بالنسبة لولد عمك ما عليه خوف .. حاله من حالك بتعلمه الدنيا وبيعقل ان شاء الله .. : d

الضحى :
أرى أن أفضل حل استدعاء ولي الأمر ( : ..

كان هنا
اعتقد لو تكتبون رسالة خطية بإسمكم وبإسم جميع الفصول العلمية
ويكون مصدرها (مجهول ) وتحطونها على مكتب هالمدرس
إن اقتنع ولان راسه خير وبركه .. وإن زااد راسه وتحول إلى صبة
مالكم إلا تذاكرون اللي يبيه منكم وأمركم لله ,,

المشاغب
اعتقد أحد الحلوول هو إنك تشيل الأيميل من الملف واللي يبيك راح يطلبه
منك .. أو إنك تدخل بظهور دون اتصال حتى ماتعرض نفسك للأحراج ..



شكراً أختي الضحى موضوع متميز

إقتباس الرسالة الأصلية كتبت بواسطة الضحى ماذا تفعل المعلمة لهذه الطالبة وهي مظهرها لا يدل على الحاجة ولا على الهموم والمشاكل ؟؟؟؟ نريد من كل واحد لوكان في هذا الموقف ماذا يعمل ؟؟؟؟ وبعدها نخبركم بماحصل .