نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

عريب عبدالله · #5 20/01/2009, 03:49 PM

هلا أختي الضحى

أولا الكلمة اللي قالها لك مواصل معناها زين فيما لو كنت فاهمتها صح

وهي يمكن قريبة من الله يرفق بك وهي مقسمة لكم قسم

الأول لفظ الجلالة الثاني يزدي يتشديد الزاء الثالث لتس بمعنى لك

بقا معنى الكلمة اللي بالوسط ومعناها ومثل ما ذكرت فوق أقرب معنى لها عاد ترا دايم يقولونها لي وفاهمتها كذا

نطمر مشكلة كان هنا اللي أشوف أن فية معلمين يجيبون الموت
وبما أني مخضرمة وعشت كطالبة وكمعلمة وكل الحالين ما عجبني فمالك الا الصبر والإحتساب

مشكلة أختي الضحى حلها بسيط

أتصلي على أم الطالبة وتأكدي من ظروفهم الإجتماعية

إن كانوا على قد حالهم وتقدرين تساعدينهم أو توديهم للجمعية الخيرية او تجمعين لهم صدقة من زميلاتك المعلمات

وإن كانت البنت مريضة نفسيا وهذا صار معي شخصيا فكلمي أهلها يعالجونها
وأقنعيهم بضرورة العلاج النفسي

لأني صارت لي قصة عجيبة مع وحدة مثل هذي
وكنت لما تطلب مني أعطيها بدون ما أسألها وش تبين بها لأني كان عندي أعتقاد أنه ماطلبت الا وهي محتاجة
ولما قالوا لي صديقاتي أنها تطلب منهم وتألف لهم قصص خيالية عن السبب
رحمتها وقلت يمكن أنهم فقراء وجمعنا مبلغ ووديته للمشرفة الإجتماعية عشان تعطيها
وما تنحرج أن صديقاتها يعطونها أياه وناوين نقدم لها مبلغ مثلة كل شهر

لكن المصيبة أن المشرفة ماتت من الضحك علي

وقالت لي هذي أبوها مدير بنك

والبنت مجننتني بمصايبها ...الخ من التهزيء وهنا أكتشفت أني غبية درجة أولى لأنها كانت
تتلزق فيني ورحمتها من كثر النصب اللي تقولة لي وأنا أصدق كل شي لأني ما أعرف أن فية مبرر يخلي أحد يكذب
المصيبة أنها كانت تطر بأسمي تقول أنا صديقة عريب والبنات عارفين من أنا ويعطونها

وحتى أنا كانت تستغلني
مع أني ما أهضمها بس أرحمها وما أقدر أقول لها لاتجلسين معي لين جت تجلس معنا ما أحب أحرجها
ولما صارت السالفة والسالفة حقتها طويلة جلست أحقق في أمرها الين أكتشفنا أنها مزورة
شهادة المتوسطة يعني ما نجحت للثانوية

البنت مريضة نفسيا لكن مسكينة ما تعاملوا معها صح
المهم بعد هالحادثة الطويلة عرفت أن فية ناس يكذبون وأن السبب لأنهم مرضى
وعرفت أني فاهية أجل تقول لي فلانة بنت عمي والعوائل مختلفة وأصدقها

من جد فاهية

المهم لازم تتواصلين مع أهلها وتعرفين السالفة
وأتوقع أن أسرتهم كبيرة يعني الأم كل سنة تجيب واحد وجمعت لها عشرة بزران كلهم كبر بعض
فما يمديها تجمع كل هالبزران وتعطيهم الحب والرعاية الكافية ولهذا السبب بنتها مرضت نفسيا
أن السبب مشكلة أسرية من جد رحمتها

بالحب والإشراق