أتمنى من مسؤلي شبكة الزعيم أن تقترح على الإدارة الهلالية نقل جميع مباريات الهلال السعودي للمنطقة الشرقية أو على الأقل منطقة القصيم.
يعني منطقة وش كبرها وش عرضها ماتعدى الحضور 1000شخص,الملعب فاضي.
يعني نشوف الهلال إذا لعب بالشرقية أو القصيم الملعب مليان.
جدة كذلك الملعب مليان دايماً.
والله شيء مؤسف أنك تروح تشوف المباراة وتتحطم من الحضور.
اللي أبي أقوله ياجمهووور الزعيم :لا تلومون اللاعبين على هالمستوى ولوموا انفسكم ,لأنه بحضورنا للملعب يعطي دعم معنوي ونفسي للاعب نفسه,وأكبر دليل مباراتنا أمام النصر والحزم.

شوف حبيبي اولاً كلامك نوعا ما واقعي

لكن لاننسى الاجواء اللي بالرياض

ولاننسى اننا بوسط الاسبوع

ولاتنسى انك بالرياض يعني جماهير الرياض ماتبرز الا امام فرق قويه

اي شخص من الرياض وماحظر المباراه ماله حق يرد ويدافع
المباراه في الليل ترى مو الصبح وقت الدوامات .. عطها 3 ساعات من وقتك بدل التبطح في المقاهي

هذا اللي يقهررر حتى واجهت الملعب فاضيه

القصيم او الشرقيه ياليت

ويعطيك العافيه

افضل جمهور هو جمهور الشرقية مجنوووووووون , وماينلامون جمهور الهلال متشبعين من كثر المباريات

آخوي بقول لك شي ..

آمس الاجوآء باردهـ وكآن فية مدآرس وعمل عند بعض النآس

وبعدين ماتقارن مدرجآت الاستاذ بـ القصيم والشرقية وجدة

جمهور الرياض مايجي الا ايآم العطلة آو المبارايات القوية

تبي الصراحه بعض جمهوور الرياض حق هجوووله

يجي ويتسلى مو حق مباريات

تبي اللي حق مباريات جمهور الفقر فعلاً

حق حضووور والله حراام ماياخذ كاااس

ولا جمهووور الرياااض يمكن عند التفحيط ولا الهجووووله

صدقت أخوي وعلى فكره ترى الليل بهذي الأيــام طويل جداً

يعني تروح تحضر المباراه وتتعشى بعد المباراه وتتمشى وترجع للبيت

الســاع 10,30 الليل طوووووويل .

لكن وين الهمــه وين وين ..؟

اخ بس لو المباراه ببريده أو الشرقيـــه قسم بالله لو المباراه السـاع ثلاث ونص بالليل لحضرتهـا .

ياخي شوفوا جماهير نجران البارح ضد النصر الملعب مليان

جمهور الرياض جمهور نهائيات

وجمهور تذاكر مجانيه

إقتباس الرسالة الأصلية كتبت بواسطة S K Y اي شخص من الرياض وماحظر المباراه ماله حق يرد ويدافع المباراه في الليل ترى مو الصبح وقت الدوامات .. عطها 3 ساعات من وقتك بدل التبطح في المقاهي