رجعنا لبقية الردود

بس اوف اول ما جيت خشيت المجلس واشوف سكيورتيه يدورون حول موضوعي قلت بس اكيد فيه احد من الحكومه رد والا يتصفح الموضوع

اختي متابعه بصمت

اشكر لك مجاملتك لي وشاكر لك مرورك السريع

اخوي كندا جالانت



قايلك ريلاكس من اول زين انك شوي هديت

وبصراحه كلامك عن كندا وواقع تجربتك هناك اضاف لموضوعي معلومات ثقافيه كويسه

انا اخبر منتخب كندا لكرة القدم ماش مو ذاك الزود ... هم يحبون الظاهر الهوكي اكثر شي

شاكر لك ردك اخوي

حتى ظلي هلالي

حصل خير ما صار شي اهم شي انك اكتشفتي اني انجلدت وانا ما لي دخل

بس ما تلاحظين ان كل كلامك لي نشبتيلي بهالفيس () ما فيه غيره

ماجد مقبل

هلا وغلا ابو مقبل وحقيقة شرفت موضوعي

إقتباس لكن صعبه ان الموضوع يتقفل قبل ما ارد

واضح اول نوايا الشر اللي بداخلك احد جاب طاري قفل احد دق عليك قالك انا رايح للبقاله وفيه بطريقي محل قفول

إقتباس خاصة اذا شفت بنت تعشق الفن الثنياني فأنا على طول ابصم لها بالعشرة انها فاهمة بالكورة ..

اوف والله الثنيان اقسم بالله انه لاعب صح وحقيقة انا استغرب الفرق بين تكريم سامي وتكريم يوسف

وزي ما قلت عادة البنت ياثر عليها الجو بالبيت حولها ... لكن المشكلة اللي تكلمت عنها هنا لو ما حولها جو يساعد او فكرت تتطور عن الجو اللي حولها

شاكر مرورك والله يبو مقبل وكل عام وانت بخير

اختي نواره

منوره يا سعد

إقتباس أتـآبعـهـآ..عشـآن مورينهو وبس..

عشان مورينهو خير اما تتابعين اوروبا كلها عشان مدرب معليش اول مرة تمر علي حاله زي ذي او انك فاهمه مورينهو شي ثاني غير مدرب

شاكر لك مرورك

الكلاسيكي

هلا وغلا بالحكومه

إقتباس ما اعتقد اننا نملك احصائه دقيقه في هالامر ,, واعتقد ان ردود العضوات تبين ان نسبة اللي يتابعون من اجل لاعب معين يمكن مايتجاوزون الـ 20% .. لان معنا احصائيه هنا ..

شف يا غالي ... نفس كل اللي ردو على الموضوع ... انا متاكد لو حصرنا الكلام فقط بالمتابعه الاوروبيه رح تلقى ان الاغلب ميولهم لنادي فيه لاعب عليه طلب هاليومين بسوق البنات السعودي

وقلتها كثير ... والله الصديقات من حول البنت يؤثرون جدا عليها وعلى متابعتها ... معليش لنفرض انت بين اربعة اصدقائك كلهم يحبون المباريات الا انت تحب الافلام ... هل تعتقد انك رح تضل مطنش المباريات وما تتابعها

رح تصير تتابعها مجاراة لهم ... يعني لو فتحو موضوع تهايط عليهم شوي

اخوي من هالنوع ما له دخل بالمباريات ... لكن مرات يجي يسالني واعطيه معلومات ونتائج ... واذا صرنا قاعدين بين شباب يصير يهايط انه يعرف كلنا نكون عارفين انه داج وما يدري شي لكن خلاص نسلك له انه عنده شوية معلومات

لذلك الهلال منذ الصغر ونحن نعرفه ومن حولنا يعرفه لكن يوم صار هالتطور بالمتابعه وطلعنا برا الهلال ... وضحت المشكله اللي نتكلم عليها الان

إقتباس تلفزيون مخربش , الف شكر لك ولطرحك ..

ايووووووووووه وش اسمك انت بالليل كذا الساعه 12

يرحم امك انا ما خلصت من الالقاب القديمه تطلع لي بشي جديد

شاكر مرورك

نور الشمس

بصراحه الحمد لله ان اخوكي جاي يشوف سبق وطلعتي من الصفحه

وش ذا على فكره اسمك الحين بالقائمة السوداء اذا جيتي خشيتي موضوع لي ما رح تطلعلك ايقونة اضافة رد

امزح والله ما شاء الله واضح من ردك انك فاهمه كرويا ونفس وضع فتاه هلاليه

يعني تكلمتي عن عدة امور واضح انك محبه للكورة بذاتها ومتابعتيها

الا اذا اخوكي اللي جا يشوف سبق هو اللي مغششك <== بينجلد

إقتباس حتى إن وحدة طبَّت بالزبالة وأنتم بكرامة و أخذت القوطي اللي عليه صورت ياسر

من جدك

حقيقه والله ما شاء الله كل ردك كلامه جميل وصعب اعلق عليه كله

لكن بعلق على الاهم ...

زي ما قلتي متابعة الرياضة ولا غيرها

بالنسبة لريبيري ... مضبوط هو حاليا يلعب مع بايرن ميونيخ الالماني ومسلم وكان اسمه فرانك ريبيري لكن بعد ما اسلم صار اسمه بلال ريبيري

بصراحه اهنيكي كانك تعرفين فريد البرازيلي

هالاعب ما عندي معلومه اكيده عنه ... لكن طلع عنه كلام انه مسلم بعد ما جاب هدف بكاس العالم الاخيره وسجد

ما ادري هل هو سجد ... او نزل يحب الارض زي غيره من الاعبين ... لكن الاقرب ومن المعلومات اللي قريتها ... ومن اسمه يبدولي انه مسلم ان شاء الله

اختي حقيقة اشكر ردك والله واضح انك اندمجتي بالموضوع وردك يدل على ثقافتك الكرويه وعقليتك الكبيره الله يكملك بعقلك

الشكر موصول لكل من رد على الموضوع

أخر باااااك للموضوع وفعلا اسعدتموني بتفاعلكم ومشاركاتكم

الفيروسه الزرقاء ورده <== ايوه كذا تعلم تحط ورد واهجد

قبل كل شي الحمد له ان ناروتو تاخر عشان تردين على موضوعي المتواضع <== القلب لموضوعي لا احد يهاوش

اشكر جدا مرورك

مدري وش ناروتو ذا لكن هالكلمه مارة علي قبل كذا انها نكهة جبن او شي زي كذا باحد الشيبسات

احسه مسلسل ... بس شكلك مدمنه عليه

بالنسبة لايام اليوفي انتي قلتيها ايام المراهقه واكثر البنات بهالفتره تكون عندهم هالمشكله لكن هالايام زادت بشكل غير طبيعي وصدقيني شي حلو الواحد يطلع على اشياء ويفهم فيها عشان يجاري اللي حوله ... لكن بحدود وبدون هياط

بما انك شجعتي برشلونه يوم الاربعاء اجل طحتي من عيني احد يشجع برشلونه يا الله لك الحمد ... اخ لو ميسي يطلع منهم بس ويجينا لمانشستر <== القلب واحد لميسي والثاني لمانشستر

بالنسبة لموضوع ياسر ... حقيقة هو كثير مرات اخذ اكبر من حجمه ... والاعلان زودها كثير مو شوي كلامك عن بيكهام اعتقد انه غير صحيح مع احترامي يمكن لانك مو متابعه مرة يعجبك بس الاعبين اللي يسجلون اهداف

بيكهام لن يمر على انجلترا لاعب مثله في دقته بلعب الكورة وتمريراته السحريه باع مانشستر وطلع ... والى الان عشاق المان يتمنون رجوعه واذا تبغي المضبوط يحق له يترزز قدام الكاميرا <== بينجلد اجل من الصبح وش الموضوع اللي يناقشنا فيه

إقتباس مدري ليش تذكرت أخوي، فيه دكتورات يدرسونه يقول والله عجوز ! لكنها حلوه فـ تشوفه يتحمس لـ محاضراتها

خخخخخخخخخخخ مدري ليش ذكرتيني فيني

انا ما اوصل لدرجة اخوكي ... لكن احس اني استوعب احسن

إقتباس حياك ربي بـ مجلسك .. أنت منا وفينا اصلاً كنت أول أخونا من الرضاع لكن يوم شاركت بـ المجلس صرت أخونا

ومع هذا فيه ناس تمن علي وتقول رجع لنا حليبنا

شكرا لمجاملتك

بالنسبة لموضوع القلب ... انتي قلتيها انا اذا ماكنت مشاركتي مليانه فيسات احس انها جدا كئيبه وانا قلتها سابقا والله ما بنيتي اي شي ولو كنت اعلم انها رح تسب مشاكل لاختصرتها ... ويوم وصلني على الخاص من عضو شكله يلعب علي قلت لازم اوضح لاني حسيت انه فعلا صار شي قبل

والحمد لله لو تلاحظي القلب اللي مشكوك اني حطيته لصاحبة الرد اشرح القلب موجه لمين <== القلب للشرح اللي تعبت عليه

اختي الفيروسه الزرقاء ورده ... اشكر جدا مرورك اللي اضاف الكثير لي ولموضوعي

إقتباس فيّو تشان

هذي جديده الاولى يا اله فهمناها شلون الثانيه بس احس انها لها دخل بناتيرو مدري شسمها

برايفت فيو : خبري برشلونه الاربعاء فازو 3 - 2

اخوي زعيم نصف الارض بالانقليش

اول شي ريلاكس واربط الحزام واتمنى توضح لي اي مفرده لغويه سوت لك ارتباك وبالنسبة لتكر انا ما استهزئت فيه ... انا استهزئ بميول البنات للاعبين الحلوين وتركهم للاعبين يقدمون مستويات كبيره لكن ربي ما عطاهم جمال مثل غيرهم

شاكر مرورك

فتاه هلاليه ورده

حاولي بس تفكري تجربي انك تسوي عوده خامسه للموضوع وشوفي وش بيصير

شكرا لك ولمروراتك كلها وتشرفيني بالعكس

اختي اورند ورده

اعتذر جدا منك يمكن عشان اسمك صعب وردك بالاسود ولاصق ببعضها سوالي مشكله وانا صايم <== صرفها

بالعكس يشرفني ان الكل يقرا موضوعي ويشارك

من كلامك انتي حبيتي فريق من مستواه ولعبه حتى بوجود كرستيانو بالمان ... لكن انتي تابعتي المان لاجل المان ... وكل هاللي يصير من اعجاب بلاعبين فترة مراهقه وبتعدي

شكرا لك واعتذر مجددا

المشاغب

منور والله منور وهارد لكم الهزيمه خسرتو بالبلنتيات عادي كان فيه منافسه

بس نصيحه لوجه الله لا عاد تحاول تسوي كويس وتنصح الناس

فهد ( شنايدر بالانقليش )

نورتني والله وبالعكس فيك الحير وهذا يدل على كبر عقلك بتعاملك مع الامور شاكر لك مرورك

برايفت : مدري ليه احس انه انت اللي ببال المشاغب

اختي منال الشمري ورده

شكرا لمرورك ... وما ودي ارد عليكي لانك تشجعين تشيلسي يع

بالعكس والله ... انتي قلتيها ... الواحد ممكن يعجبه لاعب بس ما يتابع الدنيا كلها عشانه

انا اتابع برشلونه لاجل (روعة) ميسي ... روعة ادائه طبعا لكن مستحيل احب البرشا او اشجعها ضد المان او غيره

الشكر كل الشكر للجميع والله اسعدتموني بنقاشاتكم ومشاركاتكم والاخلاق العاليه في ردودكم

كل الشكر لكل من شارك بموضوعي المتواضع وباذن الله اني عند حسن ظن الجميع

بنشتاق لمشاركاتكم مستقبلا ان الله كتب ونزلت موضوع

سي يو

كلام موثر بصراحه

وتسلم يالغالي

وماقصرت


وتسلم وتراني قريت الموضوع كله

إقتباس لو شخص يتابع كرة قدم نسائية ... وتجي وحدة مزيونه تشوت بلنتي وتضيعه انا شخصيا ... بقول يفداك القول والعارضه ... ليتني حارس واخليكي تسجلينها

مجرد انكم مع نظرة المجتمع قال البنت عيب تناظر
خلاص عيب

طيب يعني حلال عليكـ تقول كذا وتسوي كذا اذا المباراة فيها بنت
وحنا حرام علينا .. !!
مع اننا ماقلناها
بس مجرد ضرب مثل

إقتباس أما .. الكورة .. أحسهم ما يفرقون بين الحارس و لحاق الكور

إقتباس بأقوله حتى في كندا البنات ما يفهمون في الكورة و الشباب يعلقون عليهم في هذه الأشياء

إقتباس أحس اللي تتابع كورة مسترجلة شويتين

إقتباس أخوي الهلالي .. قريت العنوان و قريت الردود و درعمت .. ما أدري إذا إني حول الموضوع و لا لا

إقتباس ريال مدريد .. أفضل فريق بالنسبة لي يكفيك انه محقق دوري ابطال اوروبا 9 مرات ..,,

إقتباس بعدين غالبا البنات اللي يحبون الكورة عشان لاعب تلقاهم مراهقات ترى

إقتباس

إقتباس قلي بس هذولا وجه وحده تشجع الريال عشانهم ...بس هذولا وجه وحده تشجع الريال عشان لعبهم ,يكفيك لعبهم

إقتباس كلام موثر بصراحه وتسلم يالغالي وماقصرت وتسلم وتراني قريت الموضوع كله

إقتباس طيب هنا ليهـ ماتناظرون لأنفسكم قبل تتكلمون المشكله تقولها صريحهـ وحنا تتهموننا اننا نقول كذا ونسوي كذا وهذا كلهـ ماصار اصلا

اختي ... انا جبت هالمثال لتوضيح الامر ...

لكن انا شخصيا ... لو فعلا فيه مباراة نسائيه ووحده حلوه ... والله لو ايش اقعد اتابع المباراة عشانها ...

انا اتكلم عن الجلوس اما التلفزيون لمدة ساعه ونص ... من اجل شخص معين

يعني انا مثلا ما احب الكيرم ابدا وفيه وحده حلوه لعيبة كيرم

الحين اني اقول فلانه حلوه اوكي ... لكن اتابع بطولة الكيرم عشانها لا والله قويه

اتمنى النقطه وصلت لك

بالنسبة لمنتخب ايطاليا ... انا اشوف انه سامج ودفاعي ولعبهم غير ممتع حقيقة في اكثر الاحيان ...

هذي وجهة نظر ولا ودي يقلب الموضوع حول نقاش عن مستويات المنتخبات

لكن يقولون القرد بعين امه غزال عشان كذا اللي تتابع ايطاليا عشان دل بييرو عاجبها ... اكيد ان مهما كان اسلوب لعبها بتحبه هو ومنتخبه

واقول عاجبها (شكلا) ... لاني انا شخصيا اتابع مباراة لمنتخب ما يهمني بس لاجل لاعب يعجبني لعبه

وانا ضربت مثال لايطاليا لان هي اكثر بلد زادو مشجعينها مع موضة حب البنات ومفاخرتهم بجمال الاعبين

إقتباس أما مسألة متابعهـ الدوريات الأوربيهـ فأعتقد ان الي تتابع الدوريات الاوربيهـ هي الي تفهم بالكورهـ اكثر لانها تدور على المتعهـ والفن باللعب

مو الكل ... بالعكس انا اقول ان الدوريات الاوروبيه هي سبب هالمشكله ...

البنت اللي فعلا تتابع الكوره الاوربيه زي ما قلتي ... هذي اللي ما احد يقدر يقول شي لانها فعلا تطورت لمتابعة الكرة الاوروبيه وحلاوتها .. لذلك هي وصلت لمرحلة ثقافه كرويه عاليه ...

لكن من بين كل عشر بنات يتابعون رياضه عالميه ... تلقين ثنتين فعلا فاهمينها صح

هنا كرياضه محليه وهلال ... فيه كثير بنات وهذا اللي لاحظته هنا انهم يتابعونه من زمااااااااان

يعني عادي اخوي الصغير كان يشجع انتر ميلان وطول وهو يشجعه يوم لعبت براسه انا ثلاث شهور وهو يشجع مانشستر ويسب ابو انتر ميلان

هو اكيد ما تابع لجمال لاعبين ... لكن حبيت اوصل ان غالبا الكورة الاوروبيه بين البنات تبدا بان وحده معجبه بجمال لاعب وتاثر على اللي حولها ... وبالنهاية ما احد فاهم كوره

شاكر مرورك اللي حقيقة اضاف للموضوع كثير لكن اسلوبك هياطي جدا وانا ما لي دخل فيه عشان كذا ريلاكس انتي بعد

شجعي وتحمسي براحتك

إقتباس الرسالة الأصلية كتبت بواسطة حتى ظلالي هلالي لا انا اقول مايفرقون بين اللاعب والجمهور وش رايك فيها ذي ..!! أعتقد مو لهالدرجهـ .. أنا اعرف بنات كذا مثل ماقلت مايفرقون بس تدري مين ..!! هذولاء بنات بحياتهم ماقد شافوا مباراة إلا بالصدفهـ يعني مثلا جالسهـ وابوها يشوف مباراة ومضطرهـ تجلس معاهـ فتشوف وهي ماتدري وش السالفهـ أما تجي تقول لي ان بنت متابعهـ وتعرف الاخبار أول بأول ماتفرق فأعتقد مو لهالدرجهـ الاستخفاف طيب واذا في كندا كذا البنات ..!! يعني عشان أجانب لازم نكون زيهم ..!! طيب ممكن البنات الي انت شفتهم مايفهمون بالكورهـ بس فيهـ بنات ماشفتهم يفهمون فيها .. يعني نفس الوضع عندنا فيهـ وفيهـ .. أتحداكـ تحصل دولهـ بالعالم يكونون مهوسين بالكورهـ وكل بنات هالدولهـ مالهم فيها .. اصابع يدكـ ماهي سوى وأنا شرحت لكـ كيف وضع المتابعهـ ما اعتقد فيهـ استرجال ابد إلا اذا التصفيق والصراخ صار للعيال فهذا شيء ثاني .. ..

طيب يا حتى ظلالي هلالي

بما إنك تفهمين في الكورة بأسألك سؤال مستعدة ؟

فيه سؤال محيرني و ربي











ألحين إذا جيت أسوي كبسة أيهم أحسن أكثر الطماط و لا البصل ؟











امزح و ربي .. ريلاكس

أحسك داخلة و مصدقة الوضع

ضربت مثل بكندا لأنها دولة متقدمة جداً جداً و بتعرفين هالشيء لو تكلمتي مع أي إنسان عاش فيها

و في كندا كرة القدم انتشرت أكثر من أول

و عشان يطورونها من كل النواحي كان بعضهم يحث البنات على المتابعة .. في خاطرهم إن هالشيء بيحفز الشباب

بس اللاعبين الشباب قالوا الكورة ماهو مجال البنات .. أنا أتكلم بكوني لعبت مع فريق الجامعة و عارف هالشيء

بتقولين البنات في بريطانيا يتابعون وووو الخ .. أولاً البريطانيين فيهم همج و أصلن معظم اللي يتابعون الكرة عندهم متعصبيين و همج و الدليل حالات الشغب اليومية

و ترانا إذا قلنا مسترجلات .. مو قصدنا إنك إنتي مسترجلة

أو إن البنات اللي ردوا مسترجلات .. لا أعوذ بالله

بس هذا الشيء يسمونه مادافور .. يعني .. وشلون اشرح لك ..
ترجميها عاد في موقع ترجمه

****phore


فمان الله

وعليكم السلام ورحمة الله وبركاته

هلا بك اخوي تلفزيون ملون , الصراحه ماكان عندي رد في موضوعك لاني
مو مقصود بالموضوع , وخاصه ان البنات ماقصروا ردو عليك وبرروا
مواقفهم ورائهم من وجهة نظرك

انا اشوف انه تختلف من فتاة لاخرى , ولكن الحمد لله اكثرهم من اجل الهلال
ليس من اجل عزيز او الموري , ولكنم فيه فئه تدوراللاعب المفضل


طبعاً اللي جابني ارد , هذا الاخ اسير المحبه ..

إقتباس بالنسبه للبنات ومتابعتم للكورة انا اعتقد نسبه 50% من البنات يتابعون الكورة عشان عشان لاعب معين بدون مانصرف او نضحك على بعض يعني زي سالفه ريال

ما اعتقد اننا نملك احصائه دقيقه في هالامر ,, واعتقد ان ردود العضوات تبين
ان نسبة اللي يتابعون من اجل لاعب معين يمكن مايتجاوزون الـ 20% ..
لان معنا احصائيه هنا ..

تلفزيون مخربش , الف شكر لك ولطرحك ..
دمت بخير

يعطيكـ ألف عافية الدحمي على موضوعكـ ..


بصراحة سبق وأن رديت على الموضوع على وقت إعتزال ماجد الظاهر ..


لكن مايمنع إني أرد هنا ..

حال بناتنا الوقت الحالي يرثى له والله ..

أقول وبكل صراحة/ 95% من البنات يتابعون الكورهـ لأجل شكل اللاعب فقط ..


وألاحظ على كل الردود الموجودهـ إنها من الـ 5% الباقية ..

يعني الظاهر محد يقول لكـ أنا أتابع عشان فلان حلو كلهمـ ماشاء الله عشان المتعة ..

إقتباس سيرجيو راموس_روبن دي لا ريد_راؤول غونزاليس_رود فان نستلروي_فرانسيسكو بافون_ فابيو كانافارو..الخ ^^ قلي بس هذولا وجه وحده تشجع الريال عشانهم ...بس هذولا وجه وحده تشجع الريال عشان لعبهم ,يكفيك لعبهم

يابطنييييييييييييييييه ..

أختي بوفون مع اليوفي الله يصلحتس واسمه جالويجي بوفون الظاهر ..



- الله يرحمك ياعبدالرحمن بن سعود بس..

سألته مذيعه قالت أنت ولد الملك سعود المفروض تجلس بالمنصة موب بالإحتياط مع اللاعبين ..

قال لها/ لو جينا على المفروض كان المفروض إنكـ بالمطبخ الحين ..


شطحة/ مبروك لمدريد الإنتصار بـ السبعة ..



قد تكون لي عودهـ أخرى بعد إذنكـ فالموضوع ذو شجون ..ورده

إقتباس يابطنييييييييييييييييه .. أختي بوفون مع اليوفي الله يصلحتس واسمه جالويجي بوفون الظاهر ..

هذا مدافع الريال اخوي ...

معليش مضطر على رد سريع

اخوي شنايدر + اختي فتاه هلاليه ...

اربطو الحزام لا تنجلدون مو ناقصني هواشات انا

بافون يلعب في مدريد وبوفون في اليوفي ... وهي قالت الاسم كامل فرانسيسكو بافون وحارس اليوفي هو جانويليجي بوفون <== اتحداكم تقولون اسمه 3 مرات

وانا متاكد ان اخوي شنايدر معذور لانه راح على باله بوفون الحارس وما توقع انك تذكرين لاعب مو معروف كثير مثل بافون

اختي فتاه هلاليه ... حقيقه انا تعجبت انك ذكرتي هالاعب بالذات من بين كل لاعبين الريال مع انه ما يلعب كثير وغير معروف

حتى يوم اقتبست الاسماء فعلا تعجبت انك تعرفينه وفيه من هم اشهر منه ما ذكرتيهم

وهذا اللي خلاني اتاكد انك ما شاء الله تملكين ثقافه كرويه عاليه ومتابعه فعلا للريال
برايفت فتاه هلاليه والله ارفع القبعة لك على تعديل ردك كبرتي بعيني