أحبك يا هلال

على وصفك الظاهر انه لازم تعقلي ازين لك الركاده كويسه

ويعني افهم من كلامك ان الدعيع ما له شعبيه هاه والله خوياتك من جنبها

القناصه الهلاليه

إقتباس لكن الروح الروماوية تظل عندي مهما حصل

بقولك زي ما قلت لعاشقة الزعيم الظاهر

دام انك تشجعين روما اجل على مسؤوليتي انك تتابعي الكوره لاجل المتعه

فريق بامكانيات روما لو نشوف ادائه نلقى انه فعلا فريق يستاهل الاحترام

بس لا تصيرين خاقه مع الفريق كله لعيون توتي <== لازم يحارش

ايام هير مدري يو ار هير

جدة غير مدري بس استانس اذا قريت ردك على اللهجة اللي تكتبي فيها

احيانا ممكن الحماس يكون مقبول بين البنت واهلها او ببيتها ... لكن المشكله لو تطورت الامور لخارج المنزل وصار ( الهبل ) بالشوارع

وانا قلت الهبل لانه فعلا يصل لهالمرحله مرات ... ليس لشيء الا لجلب الانظار

عموما انتي يبدولي انك متعصبه ... وخويتك هاللي تغير ميولها من اتحاديه لهلاليه اغسلي يدك منها

إقتباس أيام المتوسط بصراحة كان في لاعب يعني كنت أحبو شويه اللي هوا الدوخي

ممتاز جدا عاد الدوخي فيه ملامح كويسه

بنت فهد

إقتباس يعني انا من وجهة نظري ما أأيد اني احب فنان ما يدري عني ويتقطع قلبي تقطع وهو ما جاب خبري

ليت الكل يفهم هالشي ... مع ان البعض حتى وهو فاهم ومتاكد من هالشي تلقيه يحاول يقنع نفسه انه ما يدري عن هالشي عشان يتسلى ويعيش جوه وجو اللي حوله

اختي بلو بيرد

إقتباس والمشكلة أنهم ابدا ما يفهمون بالكوره .. وحتى لو خسر فريقهم ما يتضايقون أهم شي لاعبهم المفضل وش صار ليه ..!!

هذا اهم اسباب موضوعي واللي يدل على انه فعلا متابعات للاعب ليس للنادي ككل

الهنوف

انتي نفس الهنوف الاولى والا وحده ثانيه

والله انتي اللي تهايطين وتدورين حرش مع احترامي

انا قلت ممكن يكون احد هالاسباب هو شكل سامي ونواف ... وانا ضربته كمثل وما اقصد نواف وسامي بالاسم ...

اقصد ممكن انا اختي تشوفني احي مانشستر وهي ما لها فيه ابد ... ممكن اكون انا اثرت عليها بالتشجيع ... لكن برضو هي مالت لمانشستر اكثر لان كريستيانو فيه فهمتي علي

بالنسبة لموضوع ان احنا بس ودنا نهاوش البنات ... وان البنات كل شي يمسكونه عليهم ومن هالكلام اسمحيلي غلطانه

انا بتلكم عني شخصيا ما ادري عن غيري

انا بالنسبة لي خواتي ما لهم بالرياضه كثير ... وحده من خواتي جتها فترة وبعدين تابت

كنت عادي اخليهم براحتهم ... واذا سالو اسئله غبيه اجاوب وامشي

اكثر سؤال كنت انفجر كثر ما يسالوني اياه هو ... اذا شافو سامي مثلا يلعب بالمنتخب ... يقولون الحين سامي مع المنتخب والا الهلال

اقسم بالله نفس هالسؤال دايما بس عن لاعبين مختلفين وانهم يقتنعون ان المنتخب يجمع لاعبين من لانديه ماش

ابوي كان اذا حس انهم جد يتابعون يهاوشهم لكن انا عادي والله وقلت لك بحدود الادب ...

يعني اختي تشجع وتتابع اخبار و و و و اوكي ... لكن تجي يوم معي لمحل الرياضه تشتري فانيلة طارق التايب وتروح فيها للمدرسه كثري منها

وبعدين لعلمك يوم بردك الاول قلتي يا خسارة حماسنا وتشجعينا كل هالسنين حسستيني بتانيب الضمير ويمكن قعدت دقيقه او دقيقه ونص وانا واقف دقيقة صمت واصيح

والله حقكم ولا تحسبين اني من نوع للمطبخ وبس لكن باختصر لك سبب هاللبس ...

انا طرحت موضوعي واللي خلاني اطرحه هو موضة هاليومين واللي منتشره وكنت محدد كلامي اكثر على الرياضه الاوروبيه ...

لكن انتم كلكم منتو مقتنعين ولا تجادلون الا بالهلال

الهلال اكيد الكل من الصغر تابعه سواء هو او اي نادي غيره ... لكن لو تابعتي البنات اللي يتكلمون بالرياضه الاوروبيه بتعرفين معنى كلامي وليش انا كتبت

اعذريني طولت بس اول شي انتي موظفة حكومه لازم تستحملي الرعيه ثاني شي جيتي مرتين لازم تاخذي حقك من النقاش

إقتباس >>>>>> هالمره بدون عبارتي الجميله

خخخخخخخخخخ مدري كذا يعني الاخلاق قافله ... والا ودك تعاقبيني على اسلوب نقاشي اللي ما عجبك

بعدين انتي المفروض تقولين بدون عبارتي المعهودة مثلا ما يصير تمدحي نفسك احنا نقول عبارتك الجميله والكويسه

اختي فجر

إقتباس ايه صـادز واكثـرهم تشجيييع مهايط بـس يعني انها بتسووي اني اعرف خخخخخخخخخخ

نفس اللي اقوله دائما ... سبب كبر هالمشكله وانتشارها ان كل وحده ودها تسوي اني اعرف قدام خوياتها وان انا لي احد معين خاقه معه ... هو بداية يكون استهبال لكن بالاخير يصير تحدي وكل همهم

إقتباس اذكر وحدتن تقول خلتس من لونه بس ركزي في الولد والله انـه مملوح

خخخخخخخخخخخخخ الله يقلع بليس زي اخوي يستلم الواحد بالحش اذا خلص قال بس والله قلبه طيب

عسيريه

انتي مصممة رابطتنا الرسميه ... لذلك لو قلتيلي ايه احب الهلال عشان ياسر ما رح اقولك ليه

بداية اشكرك جدا على مجهودك لرابطتنا بالتصماميم وما شاء الله تملكين افكار وتصاميم مبدعه كعادتك

كل كلامك هذا نفسه اللي يوصلني من خواتي من اللي يصير بالمدارس ... وفعلا هو شي غير طبيعي لكنه منتشر وبقوه

وبقولها للمرة المليون يمكن بيئة المدارس والجامعات اكثر شي تلقون فيها هالاشياء لان الجو يهيض ان الوحده تسوي اشياء ممكن لحالها ما تسويها والسبب خوياتها

عسيريه حقيقة مرورك شرفني ... ولاني اعلم انك ما لك دخل بالرياضة الاوربيه ولا بنص ريال لذلك الاكيد انك مريحه راسك

شكرا مرة اخرى لجهدك معنا ولمرورك

بعدين ارسو لكم على بر انا تي في والا مهايطي

هالمره احس طولت بالرد وبقوه ... واعذروني والله حاولت جاهدا اخلص كل الردود بس ماش لياقتي على الكيبور ضعيفه شيبنا الظاهر

لي عوده باذن الله

انا الون كل يوزر بالاحمر غير عن الكتابه عشان اللي ما له خلق يقرا كل الرد يقرا الجزء الخاص فيه

سي يو

الهنوووف

كانت

هنا

ورحلت

دحمينا
مشتاق لكـ يالقاطع :$ ..

ما اتوقع في بنت تقعد تتابع دووري كامل عشان لاعب !
اتوقع ذي الشغلات ماتجي الا بالبطولات الكبيره
اللي معرووف متى وقت مبارياتها ..!

مثل كأس العالم و اليورو
وذي المتابعه منتشره بكل مكان بالعالم لدرجة
ان في مجله مسوويه تصويت
من هو اكثر لاعب اثاره !

إقتباس الرسالة الأصلية كتبت بواسطة الهلالي 11 عادة مواضيعي اقرب للسوالف + يبيلها تجيبلك تسالي وانت تقراها

ماينفع ليز ..


موضوع رائع وجميل ويبين أنك عقليه رائعه ومسليه

أما بالنسبه للعشق فحدث ولا حرج ..!!

عندك التنس الأرضي .. لي خوي لو فيه مشاغل الدنيا عنده يسحب عليهن لعيون انا ايفانوفيتش أو شارابوفا

لكن بنفس الوقت مايتابع مباراة فيدارير أو ندال ..

يعني المشكله مهب بعشق اللعبه نفسه بل بعشق ( . . . . . )

***

أما عن البنات فسمعت من وكالة يقولون !!

في الكليات مايشرون إلا البيبسي اللي فيه ميسي أو ياسر ..

ليست المشكله الأن بالشراء ..

بل أنهم يشربون القواطي من فم ياسر << أكبيره .. لكن والله هذا اللي سمعته وأتمنى أنه كذب ..


تحياتي .. ياعبد الرحمن ورده

وردهورده

مشاء الله راعي الهياط .. عندنا في المجلس .. ومنزل موضوع عن البنات بعد

حياك الله اخووي .. كل ابو دايم سير علينا ..
والله ظاهرة تشجيع البنات دايما يصير عليها خلاف وكلام .. وانتقادات .. وليه مالييييه !
مع أنه اللحين احس انه صار شي طبيعي ..
ونادرا ماتلقى بنت لها ميووول .. !
سواء محليــة ولا أجنبيـة .. !
بس اكييد كل شي بحدود

إقتباس يعني حنا يا الشباب ودنا واحد يحرث الملعب ويمتعنا ويفوزنا

انت تتفرج على لاعبـ ولا ثوور << براا

إقتباس والا صورة رضا تكر صورة رمزيه لاحد البنات

خخخخخخخخخخخخ
ليه ليه وش فيه رضا تكر .. ياحبكم للعنصرية بس اهم شي الأخلاق وانا اختك



والله عاد .. التشجيع كثررته مب زييينه .. يعني حلاة البنت تكون هاديه .. ماتدل إلا المطبخ << احس البنات يقولن مناك بس

خلاصة الموضوع أن البنات فيه وفيه .. واللي ودها تشجع فريق علشان لاعب حلو فيه ويخقق .. مشكلة تفكيرها والله يكون في عون مشاعرها ..
وكل شي إذا زاد عن حده انقلب ضده .. خاصه في شي مب من فطرة البنات اساسا

وبس ,,
عاد مروووقه على الصبح قلت خلني اتفلسف في موضوعك ..

عوااافي يالهلااالي .. ورده

اهلا اخوي الهلالي11 ..
بالنسبة لعشق البنات للرياضه ..
مو شئ جديد .. البنات ذويقات للفنون ..
ومنها فنون اللعب والرياضه ..
واكبر دليل اختيارنا وحبنا لنادينا الهلال ..
مسألة البنت تعشق لاعب وتحبه ماراح انفيها ..
لأان فيه بنات مراهقات يحبون هالاشياء ..
مثل مافيه بعض ا لشباب المراهقين يعشوق فنانات وممثلات ..
انا طبعا معارضه لهذي المسأله ..
لكن في بعض الشباب والبنات يجعلون هالحب والعشق متنفس لهم ..
عشان يشغلون انفسهم بأخبار اللي يحبونهم ويحسون ان فيه شئ
يهتمون له ..
بالعكس فيه بنات ماشاء الله عندهم ثقافه كرويه احسن من بعض المحللين
اللي يقرقون على غير سنع ..
وحتى فيه بعضهم يناظرون اي مبارة حتى لو بالدوري السوداني ..
بتنطق من اختها >>
وابشرك اذا جت مباراة الهلال نسوي بعض الاحيان دوريه ونجتمع عند بعض ..
والاستديو التحليلي حقنا غير حق الارتي محايد >> ايه هين ..

شكرا اخوي الهلالي 11 على الموضوع ..
يعطيك العافيه ..

القضية ناقشتها كثير .. وفي الأخير أطلع رابحه
أنا متابعه للهلال من طلعت على الدنيا .. البيت كله ينبض بالهلال .. وأكثر لاعب طيحني على خشتي يوسف الثنيان وشكله عادي .. لكن لعب وذكاء ومتعه بالملعب .. وسامي الجابر أحب لعبة .. خصوصاً إنه حاسم .. وريحنا كثيير ... واعتزلوا ومازلت هلالية .. و تغيرت أجيال .. ولاتغيرت أنا ..!
أما الأوروبي .. مانشستر يونايتد وريال مدريد أكثر فريقين يهموني ..
بالمقابل .. يعجبوني لاعبين لأنفسهم .. و أولهم زيدان .. ريكلمي .. جيرارد .. لامبارد <<< خلاص يكفي الصدق .. أعجب باللاعب اللي يصنع له تاريخ
أما اللي يقولون ليه البنت تطالع مباراة أو تتحمس ..!! أتمنى يعطوني سبب واحد مقنع .. لرفضهم ..! يعني ماشوف فيها مشكلة .. وأهلي راضين .. وهي رياضة مثل أي رياضة ..

في منتدى مره .. بنت حاطة صورة دروغبا وتصميم وقلوب
تكر .. والشلة الباقية .. رح لهم هناك وتلقى هوايل

صباح الخير جميعا

والله اللي بنجلد لو فكرت اهايط والا احجر لكم خلاص انا اسف كلكم صح

لكل من رد شكرا لمروركم بالبدايه

انا كلامي كان واضح ... وما قلت ان اذا اعتزل الاعب الجميل بتعتزلون معه

لان شي طبيعي ... بيعتزل واحد حلو بيجي بداله اثنين ... لازم كل مرة يطلع لاعب حلو ومن هالكلام

وقلتها انا فيه بنات يتابعون لاجل الكورة ... وفيه بنات يتابعون لاجل لاعب

كلامي يبين كثير بالاندية الاوروبيه ... يعني هنا المحليه ممكن البنت من صغرها تعرف ان النادي هذا كويس ... او اللي حولها كلهم يشجعونه فتميل له ...

لكن خارجيا ... تلقى النادي او الدوله اللي فيها لاعبين حلوين هي اللي عليها ضغط

وصدقوني ... جيل هاليومين عرف الهلال لاجل لاعب معين ... ما رح اقول رح يتركه بعده ... لكنه عرف الهلال لاجله

وللمقارنه ... صغار السن من الاولاد والبنات وساتكلم من الناحية الاوروبيه ... <== نشبت لامنا بمنتداكم

جيل الاولاد هاليومين ... تلقى اللي حوله ياثر عليه وبالاخير النادي اللي فيه نجوم كبار ومعروفين او دائما يفوز تلقونه وراه

جيل البنات ... ورى النادي اللي فيه لاعب حلو ... او بمعنى اصح ورى الاعب الحلو ... عشان بالمدرسه تكشخ على خوياتها ... واذا انفتح موضوع ما تقعد ساكته

انا ردي هذا بشكل عام توضيحا لبعض النقاط اللي لاحظت الكل تحدث عنها

باذن الله بمر مرة اخرى على الردود وي رد اشوفه معارضني والا يهايط برد عليه

شكرا لمروركم ... وشكرا لانكم كبرتو راسي اني كويس عشان جديد يعني

سي يو