أحبك يا هلال

على وصفك الظاهر انه لازم تعقلي ازين لك الركاده كويسه

ويعني افهم من كلامك ان الدعيع ما له شعبيه هاه والله خوياتك من جنبها

القناصه الهلاليه

إقتباس لكن الروح الروماوية تظل عندي مهما حصل

بقولك زي ما قلت لعاشقة الزعيم الظاهر

دام انك تشجعين روما اجل على مسؤوليتي انك تتابعي الكوره لاجل المتعه

فريق بامكانيات روما لو نشوف ادائه نلقى انه فعلا فريق يستاهل الاحترام

بس لا تصيرين خاقه مع الفريق كله لعيون توتي <== لازم يحارش

ايام هير مدري يو ار هير

جدة غير مدري بس استانس اذا قريت ردك على اللهجة اللي تكتبي فيها

احيانا ممكن الحماس يكون مقبول بين البنت واهلها او ببيتها ... لكن المشكله لو تطورت الامور لخارج المنزل وصار ( الهبل ) بالشوارع

وانا قلت الهبل لانه فعلا يصل لهالمرحله مرات ... ليس لشيء الا لجلب الانظار

عموما انتي يبدولي انك متعصبه ... وخويتك هاللي تغير ميولها من اتحاديه لهلاليه اغسلي يدك منها

إقتباس أيام المتوسط بصراحة كان في لاعب يعني كنت أحبو شويه اللي هوا الدوخي

ممتاز جدا عاد الدوخي فيه ملامح كويسه

بنت فهد

إقتباس يعني انا من وجهة نظري ما أأيد اني احب فنان ما يدري عني ويتقطع قلبي تقطع وهو ما جاب خبري

ليت الكل يفهم هالشي ... مع ان البعض حتى وهو فاهم ومتاكد من هالشي تلقيه يحاول يقنع نفسه انه ما يدري عن هالشي عشان يتسلى ويعيش جوه وجو اللي حوله

اختي بلو بيرد

إقتباس والمشكلة أنهم ابدا ما يفهمون بالكوره .. وحتى لو خسر فريقهم ما يتضايقون أهم شي لاعبهم المفضل وش صار ليه ..!!

هذا اهم اسباب موضوعي واللي يدل على انه فعلا متابعات للاعب ليس للنادي ككل

الهنوف

انتي نفس الهنوف الاولى والا وحده ثانيه

والله انتي اللي تهايطين وتدورين حرش مع احترامي

انا قلت ممكن يكون احد هالاسباب هو شكل سامي ونواف ... وانا ضربته كمثل وما اقصد نواف وسامي بالاسم ...

اقصد ممكن انا اختي تشوفني احي مانشستر وهي ما لها فيه ابد ... ممكن اكون انا اثرت عليها بالتشجيع ... لكن برضو هي مالت لمانشستر اكثر لان كريستيانو فيه فهمتي علي

بالنسبة لموضوع ان احنا بس ودنا نهاوش البنات ... وان البنات كل شي يمسكونه عليهم ومن هالكلام اسمحيلي غلطانه

انا بتلكم عني شخصيا ما ادري عن غيري

انا بالنسبة لي خواتي ما لهم بالرياضه كثير ... وحده من خواتي جتها فترة وبعدين تابت

كنت عادي اخليهم براحتهم ... واذا سالو اسئله غبيه اجاوب وامشي

اكثر سؤال كنت انفجر كثر ما يسالوني اياه هو ... اذا شافو سامي مثلا يلعب بالمنتخب ... يقولون الحين سامي مع المنتخب والا الهلال

اقسم بالله نفس هالسؤال دايما بس عن لاعبين مختلفين وانهم يقتنعون ان المنتخب يجمع لاعبين من لانديه ماش

ابوي كان اذا حس انهم جد يتابعون يهاوشهم لكن انا عادي والله وقلت لك بحدود الادب ...

يعني اختي تشجع وتتابع اخبار و و و و اوكي ... لكن تجي يوم معي لمحل الرياضه تشتري فانيلة طارق التايب وتروح فيها للمدرسه كثري منها

وبعدين لعلمك يوم بردك الاول قلتي يا خسارة حماسنا وتشجعينا كل هالسنين حسستيني بتانيب الضمير ويمكن قعدت دقيقه او دقيقه ونص وانا واقف دقيقة صمت واصيح

والله حقكم ولا تحسبين اني من نوع للمطبخ وبس لكن باختصر لك سبب هاللبس ...

انا طرحت موضوعي واللي خلاني اطرحه هو موضة هاليومين واللي منتشره وكنت محدد كلامي اكثر على الرياضه الاوروبيه ...

لكن انتم كلكم منتو مقتنعين ولا تجادلون الا بالهلال

الهلال اكيد الكل من الصغر تابعه سواء هو او اي نادي غيره ... لكن لو تابعتي البنات اللي يتكلمون بالرياضه الاوروبيه بتعرفين معنى كلامي وليش انا كتبت

اعذريني طولت بس اول شي انتي موظفة حكومه لازم تستحملي الرعيه ثاني شي جيتي مرتين لازم تاخذي حقك من النقاش

إقتباس >>>>>> هالمره بدون عبارتي الجميله

خخخخخخخخخخ مدري كذا يعني الاخلاق قافله ... والا ودك تعاقبيني على اسلوب نقاشي اللي ما عجبك

بعدين انتي المفروض تقولين بدون عبارتي المعهودة مثلا ما يصير تمدحي نفسك احنا نقول عبارتك الجميله والكويسه

اختي فجر

إقتباس ايه صـادز واكثـرهم تشجيييع مهايط بـس يعني انها بتسووي اني اعرف خخخخخخخخخخ

نفس اللي اقوله دائما ... سبب كبر هالمشكله وانتشارها ان كل وحده ودها تسوي اني اعرف قدام خوياتها وان انا لي احد معين خاقه معه ... هو بداية يكون استهبال لكن بالاخير يصير تحدي وكل همهم

إقتباس اذكر وحدتن تقول خلتس من لونه بس ركزي في الولد والله انـه مملوح

خخخخخخخخخخخخخ الله يقلع بليس زي اخوي يستلم الواحد بالحش اذا خلص قال بس والله قلبه طيب

عسيريه

انتي مصممة رابطتنا الرسميه ... لذلك لو قلتيلي ايه احب الهلال عشان ياسر ما رح اقولك ليه

بداية اشكرك جدا على مجهودك لرابطتنا بالتصماميم وما شاء الله تملكين افكار وتصاميم مبدعه كعادتك

كل كلامك هذا نفسه اللي يوصلني من خواتي من اللي يصير بالمدارس ... وفعلا هو شي غير طبيعي لكنه منتشر وبقوه

وبقولها للمرة المليون يمكن بيئة المدارس والجامعات اكثر شي تلقون فيها هالاشياء لان الجو يهيض ان الوحده تسوي اشياء ممكن لحالها ما تسويها والسبب خوياتها

عسيريه حقيقة مرورك شرفني ... ولاني اعلم انك ما لك دخل بالرياضة الاوربيه ولا بنص ريال لذلك الاكيد انك مريحه راسك

شكرا مرة اخرى لجهدك معنا ولمرورك

بعدين ارسو لكم على بر انا تي في والا مهايطي

هالمره احس طولت بالرد وبقوه ... واعذروني والله حاولت جاهدا اخلص كل الردود بس ماش لياقتي على الكيبور ضعيفه شيبنا الظاهر

لي عوده باذن الله

انا الون كل يوزر بالاحمر غير عن الكتابه عشان اللي ما له خلق يقرا كل الرد يقرا الجزء الخاص فيه

سي يو