إقتباس أخوي الهلالي .. قريت العنوان و قريت الردود و درعمت .. ما أدري إذا إني حول الموضوع و لا لا

إقتباس ريال مدريد .. أفضل فريق بالنسبة لي يكفيك انه محقق دوري ابطال اوروبا 9 مرات ..,,

إقتباس بعدين غالبا البنات اللي يحبون الكورة عشان لاعب تلقاهم مراهقات ترى

إقتباس

إقتباس قلي بس هذولا وجه وحده تشجع الريال عشانهم ...بس هذولا وجه وحده تشجع الريال عشان لعبهم ,يكفيك لعبهم

إقتباس كلام موثر بصراحه وتسلم يالغالي وماقصرت وتسلم وتراني قريت الموضوع كله

إقتباس طيب هنا ليهـ ماتناظرون لأنفسكم قبل تتكلمون المشكله تقولها صريحهـ وحنا تتهموننا اننا نقول كذا ونسوي كذا وهذا كلهـ ماصار اصلا

اختي ... انا جبت هالمثال لتوضيح الامر ...

لكن انا شخصيا ... لو فعلا فيه مباراة نسائيه ووحده حلوه ... والله لو ايش اقعد اتابع المباراة عشانها ...

انا اتكلم عن الجلوس اما التلفزيون لمدة ساعه ونص ... من اجل شخص معين

يعني انا مثلا ما احب الكيرم ابدا وفيه وحده حلوه لعيبة كيرم

الحين اني اقول فلانه حلوه اوكي ... لكن اتابع بطولة الكيرم عشانها لا والله قويه

اتمنى النقطه وصلت لك

بالنسبة لمنتخب ايطاليا ... انا اشوف انه سامج ودفاعي ولعبهم غير ممتع حقيقة في اكثر الاحيان ...

هذي وجهة نظر ولا ودي يقلب الموضوع حول نقاش عن مستويات المنتخبات

لكن يقولون القرد بعين امه غزال عشان كذا اللي تتابع ايطاليا عشان دل بييرو عاجبها ... اكيد ان مهما كان اسلوب لعبها بتحبه هو ومنتخبه

واقول عاجبها (شكلا) ... لاني انا شخصيا اتابع مباراة لمنتخب ما يهمني بس لاجل لاعب يعجبني لعبه

وانا ضربت مثال لايطاليا لان هي اكثر بلد زادو مشجعينها مع موضة حب البنات ومفاخرتهم بجمال الاعبين

إقتباس أما مسألة متابعهـ الدوريات الأوربيهـ فأعتقد ان الي تتابع الدوريات الاوربيهـ هي الي تفهم بالكورهـ اكثر لانها تدور على المتعهـ والفن باللعب

مو الكل ... بالعكس انا اقول ان الدوريات الاوروبيه هي سبب هالمشكله ...

البنت اللي فعلا تتابع الكوره الاوربيه زي ما قلتي ... هذي اللي ما احد يقدر يقول شي لانها فعلا تطورت لمتابعة الكرة الاوروبيه وحلاوتها .. لذلك هي وصلت لمرحلة ثقافه كرويه عاليه ...

لكن من بين كل عشر بنات يتابعون رياضه عالميه ... تلقين ثنتين فعلا فاهمينها صح

هنا كرياضه محليه وهلال ... فيه كثير بنات وهذا اللي لاحظته هنا انهم يتابعونه من زمااااااااان

يعني عادي اخوي الصغير كان يشجع انتر ميلان وطول وهو يشجعه يوم لعبت براسه انا ثلاث شهور وهو يشجع مانشستر ويسب ابو انتر ميلان

هو اكيد ما تابع لجمال لاعبين ... لكن حبيت اوصل ان غالبا الكورة الاوروبيه بين البنات تبدا بان وحده معجبه بجمال لاعب وتاثر على اللي حولها ... وبالنهاية ما احد فاهم كوره

شاكر مرورك اللي حقيقة اضاف للموضوع كثير لكن اسلوبك هياطي جدا وانا ما لي دخل فيه عشان كذا ريلاكس انتي بعد

شجعي وتحمسي براحتك

يعطيكـ ألف عافية الدحمي على موضوعكـ ..


بصراحة سبق وأن رديت على الموضوع على وقت إعتزال ماجد الظاهر ..


لكن مايمنع إني أرد هنا ..

حال بناتنا الوقت الحالي يرثى له والله ..

أقول وبكل صراحة/ 95% من البنات يتابعون الكورهـ لأجل شكل اللاعب فقط ..


وألاحظ على كل الردود الموجودهـ إنها من الـ 5% الباقية ..

يعني الظاهر محد يقول لكـ أنا أتابع عشان فلان حلو كلهمـ ماشاء الله عشان المتعة ..

إقتباس سيرجيو راموس_روبن دي لا ريد_راؤول غونزاليس_رود فان نستلروي_فرانسيسكو بافون_ فابيو كانافارو..الخ ^^ قلي بس هذولا وجه وحده تشجع الريال عشانهم ...بس هذولا وجه وحده تشجع الريال عشان لعبهم ,يكفيك لعبهم

يابطنييييييييييييييييه ..

أختي بوفون مع اليوفي الله يصلحتس واسمه جالويجي بوفون الظاهر ..



- الله يرحمك ياعبدالرحمن بن سعود بس..

سألته مذيعه قالت أنت ولد الملك سعود المفروض تجلس بالمنصة موب بالإحتياط مع اللاعبين ..

قال لها/ لو جينا على المفروض كان المفروض إنكـ بالمطبخ الحين ..


شطحة/ مبروك لمدريد الإنتصار بـ السبعة ..



قد تكون لي عودهـ أخرى بعد إذنكـ فالموضوع ذو شجون ..ورده

إقتباس يابطنييييييييييييييييه .. أختي بوفون مع اليوفي الله يصلحتس واسمه جالويجي بوفون الظاهر ..

هذا مدافع الريال اخوي ...

معليش مضطر على رد سريع

اخوي شنايدر + اختي فتاه هلاليه ...

اربطو الحزام لا تنجلدون مو ناقصني هواشات انا

بافون يلعب في مدريد وبوفون في اليوفي ... وهي قالت الاسم كامل فرانسيسكو بافون وحارس اليوفي هو جانويليجي بوفون <== اتحداكم تقولون اسمه 3 مرات

وانا متاكد ان اخوي شنايدر معذور لانه راح على باله بوفون الحارس وما توقع انك تذكرين لاعب مو معروف كثير مثل بافون

اختي فتاه هلاليه ... حقيقه انا تعجبت انك ذكرتي هالاعب بالذات من بين كل لاعبين الريال مع انه ما يلعب كثير وغير معروف

حتى يوم اقتبست الاسماء فعلا تعجبت انك تعرفينه وفيه من هم اشهر منه ما ذكرتيهم

وهذا اللي خلاني اتاكد انك ما شاء الله تملكين ثقافه كرويه عاليه ومتابعه فعلا للريال
برايفت فتاه هلاليه والله ارفع القبعة لك على تعديل ردك كبرتي بعيني

آحم آحم .... شف ونا اخوك الكبير

انا من وجهت نظري واللي اشوفه في العالم العربي ان البنات يشجعون كورة


عشان العبين (((( الــــحلـــويــن ))))

ما قد شفت بنت حاطه صورة لاعب شين او لاعب شكله عايدي


يشجعون عشان فلان حلو (( مثلي ))


والدليل عندك منتدى الهلال قسم الجمهور الهلالي كلة تماسيح


وفي بعض من البنوتات المحبات للكورات الكويسات




.....................................





خلاص هذا الي عندي .... وخل عنك الهياط



<< واحد مهايطي

وعليكم السلام ورحمة الله وبركاته

حيا الله الموضوع وراعيه
تبي الجد عاد
إنت فلتة زمانك
أسلوبك مرره يجنن
تقريبا دخلت مزاجي ألا شوي < لا تدقق *_^

المهم هالرد إعتبره عربون طقاق وهواش بس بشويش<فاطسه ضحك

وترى قريت الموضوع كله يعني أول مشاركة لك بس
عشان أرد عليك صح
أما الردود بقراها بعدين لأني ما أبي راسي يصدع

المهم إلى أن أكتب ردي لك أجمل الدعوات وأصدقها
أتركك في حفظ الله ورعايته.

إقتباس الرسالة الأصلية كتبت بواسطة حتى ظلالي هلالي لا انا اقول مايفرقون بين اللاعب والجمهور وش رايك فيها ذي ..!! أعتقد مو لهالدرجهـ .. أنا اعرف بنات كذا مثل ماقلت مايفرقون بس تدري مين ..!! هذولاء بنات بحياتهم ماقد شافوا مباراة إلا بالصدفهـ يعني مثلا جالسهـ وابوها يشوف مباراة ومضطرهـ تجلس معاهـ فتشوف وهي ماتدري وش السالفهـ أما تجي تقول لي ان بنت متابعهـ وتعرف الاخبار أول بأول ماتفرق فأعتقد مو لهالدرجهـ الاستخفاف طيب واذا في كندا كذا البنات ..!! يعني عشان أجانب لازم نكون زيهم ..!! طيب ممكن البنات الي انت شفتهم مايفهمون بالكورهـ بس فيهـ بنات ماشفتهم يفهمون فيها .. يعني نفس الوضع عندنا فيهـ وفيهـ .. أتحداكـ تحصل دولهـ بالعالم يكونون مهوسين بالكورهـ وكل بنات هالدولهـ مالهم فيها .. اصابع يدكـ ماهي سوى وأنا شرحت لكـ كيف وضع المتابعهـ ما اعتقد فيهـ استرجال ابد إلا اذا التصفيق والصراخ صار للعيال فهذا شيء ثاني .. ..

طيب يا حتى ظلالي هلالي

بما إنك تفهمين في الكورة بأسألك سؤال مستعدة ؟

فيه سؤال محيرني و ربي











ألحين إذا جيت أسوي كبسة أيهم أحسن أكثر الطماط و لا البصل ؟











امزح و ربي .. ريلاكس

أحسك داخلة و مصدقة الوضع

ضربت مثل بكندا لأنها دولة متقدمة جداً جداً و بتعرفين هالشيء لو تكلمتي مع أي إنسان عاش فيها

و في كندا كرة القدم انتشرت أكثر من أول

و عشان يطورونها من كل النواحي كان بعضهم يحث البنات على المتابعة .. في خاطرهم إن هالشيء بيحفز الشباب

بس اللاعبين الشباب قالوا الكورة ماهو مجال البنات .. أنا أتكلم بكوني لعبت مع فريق الجامعة و عارف هالشيء

بتقولين البنات في بريطانيا يتابعون وووو الخ .. أولاً البريطانيين فيهم همج و أصلن معظم اللي يتابعون الكرة عندهم متعصبيين و همج و الدليل حالات الشغب اليومية

و ترانا إذا قلنا مسترجلات .. مو قصدنا إنك إنتي مسترجلة

أو إن البنات اللي ردوا مسترجلات .. لا أعوذ بالله

بس هذا الشيء يسمونه مادافور .. يعني .. وشلون اشرح لك ..
ترجميها عاد في موقع ترجمه

****phore


فمان الله

الهلالي 11

آسفهـ على قساوة الرد ورده
بس تقدر تقول كنت منفعلهـ شوي وتوي استوعب
واساسا الموضوع هذا منتهيهـ من المناقشة فيهـ عقلي اشبع من الكلام

قريتهـ كم مرهـ ولارديت لاني عارفهـ وش بقول واني بحط حرتي فيكم
بس يوم شفت ولد كندا قلت هو الي بفرغ فيهـ

وانت صادق كان اغلب الكلام موجهـ لهـ
وأنا خلطت الحابل بالنابل



Canada's gallant

اسمح لي ورده
ما ابي ارد واجيب العيد مرهـ ثانيهـ

وسالفة مسترجلات يمكن ماتقصدونا حنا
بس الرأي بهالموضوع زي (اياكـ اعني وافهمي ياجارهـ)
حنا ماتواجدنا هنا إلا عشان الزعيم وحبنا وانتم تطرحون رايكم حول هالشيء

يعني لا تعليق

العذر والسموحهـ ورده

هههههههههههههههههههههههههههههه
والله موضوع حلو بصراحه انا من عشاق الهلال والله لايوريكم قبل مباراة الهلال ويش يصير فيني
من قلق وخوف واربع وعشرين ساعه مسنتره بمنتدى الزعيم
ولا انكر يعجبني ياسر بس مو معناته اني ماشجع الهلال غير عشانه بس سبحان الله ياسر خلق الله كلهم يحبونه حتى امي تنبسط لما يلعب محبوب هالولد مشاءالله عليه
حتى النصراويه يحبونه
وانا صراحه يعجبني مانشستر وبذات كرستيانو ومو عشان شكله بس اخوي يموت فيه وجلس يفرجني على مقاطعه ولعبه وعجبني فنان وخلاص صرت اشجع مانشستر بس حتى لو طلع كرستيانو بضل اشجعه
وبعدين مو كل البنات يشجعون عشان لاعب
اكبر دليل ايام خالد التيماوي وصفوق احلى من ياسر وعتزلو وحب الهلال باقي

أنآ أتآبع الريآضه..تسيفي مزآجي تسذآ..بفلهـآ..

لآجد..أنآعن نفسي أتآبعها..عشآن البيئه اللي عشت فيهـآ..يعني يكفي عندي اربع عيال..ويوم كنت صغيره بين هالعيال وبين عيال عمي الثنين حتى أبوي صار يسميني سعد

وحـبي للهلآل مو عشآن لآعب..لآوالله عشآن الفريق ككل..وبرضووووو حبي لسآمي

أمـآعآد أورووبـآ ومـآآآآآآآآآ أدرآآآك مـآآآ أوورووبـآآآآآ...وآآآه يــآآ أورووبـآ

أتـآبعـهـآ..عشـآن مورينهو وبس..

وخبـآلنـآ حنـآ يالبنـآت..على اللعيبه..شئ طبيعي وعآدي..بس تأكدووو إنه مو حب حب وعشق عشق...لآآآآآ..جست إعجـآآب..

ودي ورده

وعليكم السلام ورحمة الله وبركاته

هلا بك اخوي تلفزيون ملون , الصراحه ماكان عندي رد في موضوعك لاني
مو مقصود بالموضوع , وخاصه ان البنات ماقصروا ردو عليك وبرروا
مواقفهم ورائهم من وجهة نظرك

انا اشوف انه تختلف من فتاة لاخرى , ولكن الحمد لله اكثرهم من اجل الهلال
ليس من اجل عزيز او الموري , ولكنم فيه فئه تدوراللاعب المفضل


طبعاً اللي جابني ارد , هذا الاخ اسير المحبه ..

إقتباس بالنسبه للبنات ومتابعتم للكورة انا اعتقد نسبه 50% من البنات يتابعون الكورة عشان عشان لاعب معين بدون مانصرف او نضحك على بعض يعني زي سالفه ريال

ما اعتقد اننا نملك احصائه دقيقه في هالامر ,, واعتقد ان ردود العضوات تبين
ان نسبة اللي يتابعون من اجل لاعب معين يمكن مايتجاوزون الـ 20% ..
لان معنا احصائيه هنا ..

تلفزيون مخربش , الف شكر لك ولطرحك ..
دمت بخير