هلآوتين ..

والله موضوع خطير ويحتـآاج للنقأـآأش ..

إقتباس وأما سبب تشجيع البنات لإيطاليا فما تقدر تقول السبب أشكالهم , واللي فاهم بالكورة عارف وش هي الكرة الإيطالية .. تكنك على مستوى عالي وفن ممتع وراقي.. مو مثل اللي يتصارعون على الكوره وكسر وتكسير ولا يهونون الهوليجانز >>>> ما تقصد رابطتك ولا الدوري حقكم أبد

حتى بالدوري اللي تقولين ... فيه ناس تتابعه عشان كرستيانو رونالدو وغيره

انا اتكلم عموما ... وصدقيني من الاعبين الاوروبيين بالذات ... ما تابعوهم الاغلب الا لاشكالهم وبعدين عرفو النادي من ورى عشقهم للاعبهم الكويس

برايفت : الدوري الانقليزي اطلق دوري وازين من دوريكم النايم والدليل ان اشتراك الشوتايم اغلى من الجزيره

اختي الوان

إقتباس والدليل اننا لم نشاهد عاشقات سامي ولا نواف يتركون الرياضه بعد اعتزالهم او غيرهم

اختي عاشقه الزعيم 15

إقتباس وعلى فكره الي تقولك تحب لاعب مو يعني تموت عليه ماتعيش بدونه او ماتفوت مباراه عشانه لا كله كلام بكلاااام يعني مجرد اعجاب عادي ولايغرك الكلام ..!!

هلا وغلا ايه جاي عندكم فيه مانع

واضح من كلامك انك متابعه لروما ... ولانه روما انا بقولك انك تتابعين الكوره لاجل الكوره هذي ضامنها

لان روما حاليا فريق ضعيف ماديا ... وما فيه نجوم كبار ... وامكانياته على قده ...

لذلك نادر جدا ويمكن مستحيل تلقين جيل هاليومين واحد منهم يطلع يشجع روما ما فيه الا عشاقه من اول

وبصراحه توتي بغض النظر عن شكله لانه ما يهمني ... احد اساطير الكره الايطاليه وما احد يقدر يقول غير كذا

طبعا بتقولين وش دخل اللي اقتبسه من ردي باللي كتبه
لكن انا اقتبست هالكلمه لسبب ... كلامك مضبوط ... لكن اذا كانت البنت كل خوياتها بالمدرسه وبكل مكان هذا همهم وموضوعهم ... بيكبر الموضوع براسها وبيصير مو مجرد تمشي مع البنات وموضة حب لاعبين

يعني باختصار ... كل واحد منا مرات يكون بجو معين يسوي تصرف ... بعدها يقعد يفكر بينه وبين نفسه شلون انا سويت كذا ... ولو تعطيه الف ريال يعيد الحركه ما عادها

اخوي سكاي

إقتباس والسبب الآخر حسب وجهت نظري أن بعض البنات يحاولون يتابعون الدوريات الأوربيه لمجرد الموضه على اساس أبين للناس اني أفهم في الشامبيونز ليق والبريمر ليق وأعرف منهم البلوز ومنهم الريدز والديفلز وأتفلسف عند صاحباتي

يا سلام عليك هذي هي النقطه

انا ايام المدرسه كان فيه شباب ما يدرون عن الرياضه شي ... يجي يسالني بيني وبينه وش صار عشان اذا الشباب فتحو الموضوع يجادلهم ويهايط عليهم

فما بالك بعد ما انتشرت هالموضه عند البنات ... وصارو يلبسون فنايل لاعبين ومن هالكلام

شكرا لمجاملتك لي ... واتشرف بالكلام اللي قلته

اختي الهنوووف حيا الله الحكومه

مدري هي 3 واوات والا كم المهم والله موضوعي تشرف بمرورك الكريم ...

إقتباس وعقلاً لو بتابع علشان شخص جميل بقدر الاقي بالتلفزيون وش له احرق اعصابي كل مباره

اوكي بتلقى ... وهاللي تقولين عنهم انها بتلقاهم برضو بجلسات البنات يسولفون عنهم ... لكن هالايام فيه موضه اسمها لاعب حلو ... لذلك لازم تتابع مبارياته واخباره عشان تكشخ على خوياتها وتعرف تجادلهم

وزي ما قلتي انا ما اعمم ... فيه فئه من هالنوع وهم كثاااار

إقتباس لان بعض العقليات للحين ترفض اي شي للـ بنت كانها مو من المجتمع

بالعكس انا ما قلت عيب تشجع لكن قلت بحدود الادب والمنطق

وهذا الشي الحمد لله ملاحظه بردك انك عاقله ومن النوعيه الكويسه

إقتباس الهنوووف كانت هنا ورحلت

هذي اهم شي احمدي ربك انك كتبتيها <== يا ليل بينشب لامنا هذا

وصدقا شاكر لك كلامك ومجاملتك لي

ليعذرني البقيه اخوياكم تعبوني لي عودة للتعقيب على ما تبقى

هلا والله

شوف ياخوي سالفه الاعجااب بين الفنانين او الاعبين مالها داعي

يعني انا من وجهة نظري ما أأيد اني احب فنان ما يدري عني ويتقطع قلبي تقطع

وهو ما جاب خبري

اقول يازين بس الكورا بعيد عن الاعجاب

مشكور اخوي على هالموضوع

تقبل مروري بنت فهد

ياحيـا الله الهلالي

شسمه مير موضوعكـ مستهلكـ بكل متسـان
ودايماً مايناقشـون تشجيييع البنات للكورهـ

إقتباس انتشرت في الفترة الاخيرة ظاهرة ان البنات يعشقون ويتابعون كرة القدم ... خاصة الاوروبية

ايه صـادز واكثـرهم تشجيييع مهايط بـس
يعني انها بتسووي اني اعرف خخخخخخخخخخ

ولو تجيب لها مالك معاذ وتقول ذا كرستيانو بتدودل رأسه
وتقول ياملـحه

صراحتن أكثرهم مايدورن وش السالفه بس أهم شـي عندها
انها تشجع فريق اجنبـي وتشوف ناس حلوه تراكض

يعني وش فييييه محمد نور
الا على طاري نور

ترا له معجبيـــن كثير
اذكر وحدتن تقول خلتس من لونه بس ركزي في الولد والله انـه مملوح << مايخلن أحد


انه صراحتـن أشجع الاعب على لعبـه مب على شكلـه
بس اكثـر اللي ينتقدون تشجيع البنات
يحطوون في بالهم ان كلهم سوا وانهم بـس يشجعوون عشان اشكـال الاعبيـن

لا والمشكلـه في بنات يناقشون بهالأمور ويقولون حمدالله والشكر مابقى الا هي اشجع لاعب عشان جسمه والا عشان شكله
وهي حاطــه صور لراشد اولماجد المهندس بكل مكان .. !!!


متشكريـن أخيي على هالموضوع


فـجـر !

فيه بعض الردود تحس فيها نصب << بيتحرش ..

سالفة البنات مع الكورة ماهي طويلة ..

1) استمتاع باللعب ..
2) إعجاب ..

وسنبين هذين الشيئين بشيء من التفصيل :
أولاً : إذا كانت تستمتع باللعب .. وتشاهد الرياضة لأجل اللعب فهذا لا بأس به ..
ثانياً : إذا كانت تشاهد لأنها معجبة .. مانقول إلا الله يعينها على نفسها ..
انتهينا .....

^
^ أبووك يالتفصيل


وشكراً لك يالهلالي .. ومواضيعك حلوة .. بس كثر شطة هاه ..

.

.

مرحبا بـ تي في المجلس
حياك الله ورده


بالنسبه لـ سبب تشجيعنا
البنات ينقسمون لـ قسمين

يا انها تشجع للهلال أوانها تشجع للاعب معين وخلونا نكون صريحين تشجع عشان (ياسر القطاني) !

تشوف البنت ماعندها سالفه غير ياسر وياسر وصلت فيهم ان وحده اعرفها من بنات المدرسه يوم عرفت ان ياسر ملّك قامت تصيح تقول راح علي !
معليش صراحه هذي قمة قمة التخلف !


أجل تتابع مباريات عشان فيس لاعب
لو ابغى اشوف مماليح وش كثرهم والله

ولاّ تعالوا تشوفون مدرستنا اذا فاز الهلال كلهم لابسين تي شيرت الهلال من داخل
وكاتبين وراهم 20

ولاّ جدران المدرسه فيها كلمات ياربي لك الحمد بس
بس وش نسوي كل اللي بالمدرسه مراهقين توهم ماعقلوا الا القليل جداً منهم


لكن انا من ناحيتي من عرفت نفسي وانا هلاليه اقتداء بالوالد طبعاً
ومباريات الأجانب مالي فيها الا اليورو الأخير تابعته من نهايته

بإختصار حبي للهلال فوق مليون لاعب مملوح


شكراً لك يـ الهلالي 11 وحياك الله بالمجلس ورده

مع التحيه

هلا أخي الهلالي 11ورده
ماأخفيك فيه بنات تشجع علشان الشكل والجمال وإلا أخيره بس تلقاها مراهقه
وتشجع سنه سنتين ثلاث وبعدها تترك الكوره "ولو سألته شئ بالكوره ماتدري عنه "
وبالطرف الثاني في بنات تشجع علشان الفن واللعب والمتعه وأنا وحده منهم من صغري وانا أشجع الهلال ماعمري شفت مباراة علشان شكل لاعب لا محليه ولا عالميه
:
هلاليه سعودية

أخوي الهلالي 11

ودي أسوي كبسة و مانيب فاضي أقطع البصل ناد وحدة من اللي يتابعن الكورة تقطعه عني

وش عرف البنات في الكورة ؟

اللي أعرفه إن البنات يعرفون يسوون مكياج يختارون أغراض من بودي شوب .. يسوون رجيم .. يطبخون أشياء خفيفة و بعضهن بارعات

أما .. الكورة .. أحسهم ما يفرقون بين الحارس و لحاق الكور

فيه واحد بيجيني يتفلسف و يقول هذا تخلف و ألحين البنت دخلت في مجال الكورة

بأقوله حتى في كندا البنات ما يفهمون في الكورة و الشباب يعلقون عليهم في هذه الأشياء

البنات ممكن يتابعون أو يمارسون كرة طائرة .. كرة الريشة ,, سباحة .. تنس أرضي ,, ممكن ممكن ممكن ممكن تنس طاولة

أحسن شيء اللي يلعبن كرة الريشة

أحس اللي تتابع كورة مسترجلة شويتين


أخوي الهلالي .. قريت العنوان و قريت الردود و درعمت .. ما أدري إذا إني حول الموضوع و لا لا


عوافي ورده

هلا بالمانشستراوي
هلا بالمهايطي 11 ...

بالله أبي اعرف ليش كاتب الموضوع مرتين في العالميه قد قريته وهنا بعد خلاص يكفي مره وحده غصب تبي تعلمنا انك كاتب موضوع

--------------------

بالنسبة لظاهرة حب البنات للكورة عشان اللاعبين واشكالهم اللي زي كذا احتقرها يعني وش تحس به الله يهديها والله تلقاها ماتعرف الفرق بين البلنتي والفاول تحسبهم واحد

وعني,,
أنا شخصيا متابعه للدوري السعودي عشان الهلالوالدوري الاسباني عشان ريال مدريد
ريال مدريد .. أفضل فريق بالنسبة لي يكفيك انه محقق دوري ابطال اوروبا 9 مرات ..,,
يكفيك الاسطورة زيدان لعب معهم
{أنا أتابع للفن والمتعه فقط لا للشكل ,,يعني شكل بدون لعب وش ابي به }
بصراحة ما افكر اخق على اي لاعب هلالي او مدريدي ...بعدين أصلا أنا هلاليه منذ نعومة أظافري أنا هلاليه من أيام خالد التيماوي
أكون صريحة معاكم أنا ماشجعت الهلال الا عشانه بس هذا هو ترك اللعب ومازلت هلاليه (بتن وظهر)..



لا انكر انه كان عندي مشروع خقة معه .. بس هالحين لا والله مستحيل اسوي زي بعض بنات هاليومين ماعندها سيرة غير ياسر وياسر سوا وامس شفتيه وشلون جاب الهدف ومدري وش سوا وشفتيه يوم ركض ...الخ
بعدين غالبا البنات اللي يحبون الكورة عشان لاعب تلقاهم مراهقات ترى

-----------------------------







------------------------
سيرجيو راموس_روبن دي لا ريد_راؤول غونزاليس_رود فان نستلروي_فرانسيسكو بافون_ فابيو كانافارو..الخ
^^
قلي بس هذولا وجه وحده تشجع الريال عشانهم ...بس هذولا وجه وحده تشجع الريال عشان لعبهم ,يكفيك لعبهم
-------------------

الهلالي 11
كتبت عن ظاهرة منتشرة وبكثرة بعد ....
مايميز كتاباتك اسلوبك, تجيب الموضوع بطريقة عفوية ...

كل الود..