هلو هلو اصدقائي الجدد

شوفو ياحلوين .. كلكم متفقين حول نقطه في رانييري هالموسم .. تخبط في ادارته للمباريات .. وهذا كان نفس اللي ابغا اوصل له حول بينيتيز .. انه خلال مواسمه الا راحت كان يخبط في بداية كل موسم .. وطبعا اي مدرب عاقل .. يشوف انه طلع من السباق على بطوله بيضاعف تركيزه على البطوله الأخرى ..

بينيتيز جاب من البدايه التشامبيونز مع الليفر .. وكانت ظروفه جدا صعبه .. لكن لما شافوا كيف صار الليفر في المباريات الاقصائيه .. الكل اشاد بـ ردة فعل المدرب واللاعبين .. لكن بعدها محليا ؟ نفس الشئ .. تكررت اخطاءه على مدى السنين .. في كل بداية موسم يتخبط في التشكيله وفي اختيار مراكز لاعبيه حتى يوصل لشئ جيد ..

انا ماانكر انه بينتيز فيلسوف تكتيكي وبارع جدا .. لكن ابغا ايضا نعطي اهتمام لاخطائه ونقارنها باخطاء رانييري ..

انا لما قلت عن سالفة ديشان ومورينيو .. كان قصدي .. انه ممكن فارق مباراه وحده بينك وبين منافسك .. ممكن ترتفع فوق .. وممكن تنزل تحت .. لأن الاعلام مايرحم ..

ناصر عزيزي هههههه انا ادري عنك فيك صفة انك تقلب جمل احيانا اذا حقدت حقدت .. بس ادري انك مدحت رانييري قبل مايحتاج تثبت لي .. وترى نقاشي مو على مدح وذنب هالمدرب كثر ماهو محاولة تفهم ليش يصير الا يصير مثلا ..

انا نوهت على تجربة رانييري مع فالنسيا .. انه ممكن ماعرف يلبي متطلبات الليقا .. حتى لو انه كان ماسك فريق بطل .. لكن بسبب انه ماعرف يمسك هاللاعبين في علاقاتهم .. وايضا ماعرف كيف يتعايش مع طريقة لعب الدوري .. المدرب فشل .. حتى اختياراته قلت لك جاب لاعبين مبدعين واخص بالذكر فيوري .. ولكن قتل مواهبهم .. بسبب انه ماعرف يتعامل مع لاعبيه لامن ناحية توظيف في الملعب ولا من ناحية تعامل خارج الملعب ..

لكن قلت من المفترض بتجاربه وبعمره تكون عنده خبره اكبر ونظره اعمق لمتطلبات النجاح في الكالتشيو .. على اللي شفته العام الماضي .. الفريق كان زين في مسيرته .. وعلى الرغم من كل الاصابات الا كان يعاني لكن مافي شئ وقف الفريق .. وقدم مباريات بطله امام الانديه الكبار ..

يعني اوجه التشابه بين اليوفي وفالنسيا بتوع رانييري كان السكواد عنده كبير وهذا الشئ يعمل مشاكل الى مدربين كثار .. يعني حاليا اظن اليوفي يعتبر عنده 24 لاعب بدون الحراس .. شيلو المصابين على جنب .. نلاحظ باقي اللاعبين موعارف يوقف على مستوياتهم بشكل واضح .. بالتالي موعارف يحط من مكان من .. حتى قناعاته مثلا موواضحه .. الا ممكن بس مولينارو

لكن اللي احب افهمه اكثر .. التعاقدات الا تصير عنده .. هل الاداره ماتعطيه اي اهتمام الى رايه ؟ او هو مايدري وش يبغا ؟

تياقو والميرون .. جبتوهم على اساس انهم مواهب مفيده .. الميرون مانعطى اي فرصه .. تياقو الا ادري عنه مالعب مع رانييري في تشيلسي .. لكن تياقو مااثبت نفسه في تشيلسي بشكل واضح .. في ليون اعتقد الدوري الفرنسي اضعف من الكالتشيو .. الكالتشيو ابدا مااثبت نفسه فيه ..

يعني الا اشوفه في النهايه السوء الا فيه بشكل اكبر صفقاته .. كلها سيئه .. فـ بالتالي هذا الا ماافهمه فيه بس معقوله كل مايروح نادي يسحبو عليه الاداره ؟ ..

يعني مثلا اذكر من العام الماضي كان فيه مفاضله بشكل كبير بين ميليتو واندرادي .. واندرادي كان معروف باصاباته الكثيره .. طار ميليتو من ايدكم راحو الى اندرادي على طول .. طيب ليه يتعاقدو معه ؟

+ لكن تخيل صحيح لو مسك الفريق في التسعينيات اذا كامورانيزي عذبه .. شحال بيسوتو مثلا .. صدقني بيخليه قلب هجوم

انتو حاليا مامر على الموسم اظن حتى شهرين .. بالتالي مازلنا في البدايه .. صبر جميل حبايبي .. يمكن تشوفو شئ ماتتوقعوه ابد

انتو عندكم زي ماقلت قدرات كامنه .. لكن محتاجه تعامل نفسي افضل علشان تطلع قدراتها .. لكن اذا بيكون تعامله مثل طريقته مع تياقو ( حتى لو انه ماقتنع فيه .. المفروض مايتعامل معاه بهالطريقه ) .. ماراح يمشي بعيد ..

وهاالشئ مايجي بس من مدرب .. بل حتى الاداره لازم تكون واضحه وقويه .. وهذا الشئ افتقدتوه من بعد الكالتشيو بولي .. لأن الصراحه التعاقدات .. تسمع بها تقول قويه .. تشوفها تقول ايس كلام

على العموم اسمحو لي على مروري وعلى هدرتي الا ماتخلص

اخوي كارلوس اذا هذي هدره منك فيازينه والله
واضح نك فاهم
بس خلن اقولك شغلة
رانييري عندما تألق العام الماضي بسبب ماعندة لعيبة زي الموسم هذا فكان يلعب مجبر بتشكيلة واحدة .
الموسم هذا ماتغير شي كثير زيادة 3-5 لاعبين وكلهم احتياط المشكلة يعني ماتغير شي ابد
البلاء ونا اخوك بمخ هالمدرب
ماعندة تكتيك ابد
اذا تقدم دخل مدافع واذا جاء عليه هدف دخل مهاجم واذا النتيجة تعادل دخل لاعب وسط
هذه شيء بديهي عنده هو هذه فلسفته المدرب مفلس
العام الماضي ايضا اغلب النتايج كان بسبب اللاعبين بعد الله سبحانة
يعني ماشفنا مباراة كان المدرب هو البطل فيها بتغييراته ولابتكتيكه
دائما البطل اللاعبون
اما الانتقالات كلها مالها داعي هذا الموسم
من اكسابي الونسو الا بولسن المعروف بكرهه من قبل الطليان بعد حادثة بصق توتي
ميلبرغ طول بعرض عمره كبير يعيني الفروض يصير خبرة يطلع ربشة!!
لكن مع هذه الانتقالات السيئة المشكلة ليست باللاعبين
المشكلة مشكلة مدرب واداراة فقط
ارجو اني اكون ماكثرت قرق بس كله عشان اليوفي

إقتباس الرسالة الأصلية كتبت بواسطة PUYOL Carles انتو حاليا مامر على الموسم اظن حتى شهرين .. بالتالي مازلنا في البدايه .. صبر جميل حبايبي .. يمكن تشوفو شئ ماتتوقعوه ابد

أول شيء ( لاتعبـت )
أهم شيء أنـه يلعب بـواقعيـة مثل العـام بدون فلسفـه زايـدة
ورب البيت سـاعات تحس أنه يلعب مبـاريـات وديـه ما تحس أنه يلعب في دوري
كل مباراه مـا أقولك يغير أسماء لاعبيـن ,, يلعب بالتشكيلـة لعـب ,,
والله يـزين الأمـور وبالتـوفيق لليـوفي ..

الســــــلام عليكم ورحمة الله وبركاته ورده

`` صبحكم الله بالخيــر ``

اسمحولي بس بقط حول من يخلف رانييري لتدريب اليوفي

أنــا ارشح وبقوة بينتيز مدرب ذكي وتكتيكي بس استبعد خروجه من الريدز

فهالحالة أعتقد ان ريكارد أفضل المرشحيــن

دونادوني ما اقتنعت فيه شخصيا وخصوصا ان علاقته باليكس مو ذاك الزود !!

وكذلك مانسيني مدرب مو بمستوى اليوفي !! وماطلعوه الانتر من فراغ

أما على ديل بييرو ان شاء الله يدرب اليوفي بس بعد عمر طويــــــــــل

والباقي صراحة ما اتذكرهم !

هذا من وجهة نظري

تقبلــوا مروري ورده

أخوكم / نــوّاف

ورده

إقتباس Cobolli : في " نـابولي " أتوقـع الفـوز والعـودة بـ الثلاث نقـاط

والله ياليت

إقتباس ]_[ بينيتيز قد يدرب اليوفي الموسم المقبل ]_[

يا رب

إقتباس ]_[ عين اليوفي على ايبوى في السوق القادم ]_[

لو يجي لليوفي كان الصداره والكأس

إقتباس ]_[ العوده لهواية المحاور المفضله ]_[

لالا الا هالمحور ((( دورو غيره )))