سلام

ياخي انا قايلكم قبل تسع شهور رحبوا فيني .. ماشاء الله كلكم رحبتوا محد قصر


يعني اذا احد شايف نكي اللحين لا يقول وش يبي ذا طاب صاروخ علينا .. اعرفكم من زمان يعني

بس ان شاء الله موب منقطعين مره ثانيه ..

..

إقتباس ][.. رانييري " بولسون افضل من الونسو " ..][

اللي مايطول العنب حاضاً عنه يقول

ياخي رانييري ذا لا شفته بوسط المباراه مكتف يدينه وساكت مافيه اي تفاعل مع المباراه

على طول اتذكر مدرس العلوم العصبي حق صف خامس جيم

احياناً احس ان رانييري مظلوم وعنده قدرات بس الضروف ماساعدته

واحياناً احس ان حمود السلوه فاهم اكثر منه بالتدريب

الله يعين

بعلمكم ليش داخل اهذري بقوه وودي اتوطا ببطن رانييري

تصدقون من يوم شجعت اليوفي زماان اول مره اشوف هدف يدخل على اليوفي من العمق وبالسهوله ذي وعلى ارض اليوفي ( هدف باليرمو الثاني )

قسم بالله شايف المباراه مع الوالد كان من مشجعين اليوفي ايام الثمانينات يوم كانت القناه الثانيه السعوديه ينقلون مباريات الدوري الايطالي .. يقول هذا اليوفي ولا سدوس حق ايطاليا .. الله يرحم ايام ليبي و كابيلو بس

إقتباس ][.. بالوتشي يتمنى العودة لليوفنتوس ..][

والله تابعته اكثر من مره

والله يستاهل يرجعونه لو احتياط .. خصوصاً هجومنا بدا يعجز شوي

عوافي كل من تعب ونقلنا اخبار هنا

إقتباس الرسالة الأصلية كتبت بواسطة ولد الزعيم البار

و الله تنحسدون على أعضــاء مثل بـدر ورده

إقتباس احمد رانييري كان يقصد اللياقة في الملعب والمراكض وكلنا نعرف بولسن وتابعناه مع اشبيلية تلقاه في كل مكان ولياقته عالية جداً بعكس الونسو الي دورة في تمريرة طويلة ولا مزعة الونسو وبولسن يختلفون عن بعض في كثيير من الامور وانا اشوف الونسو مثل ما وصفه رانييري انا معك ان بولسن ما قدم مستوى الا في اول مبارياته معنا ومر بمرحلة هبوط في المستوى موب بس هو الفريق كله يمر بمرحلة سيئة حتى سيسوكو نفسه الي تشيد به مستواه كان زفت وتوج مستواه بطرد امام باليرمو

مبارك بولسن انا ماكنت اعرفه قبل وماعرفته الا يوم قالو انه يبي يجي لليوفي !!

وغير كذا العام شفت اكثر مباريات اشبيليا وماكان اساسي !!

وبالنسبه لإبداعه اول الموسم انا بصراحه ماشفت شي واذكر اني اسبه وناصر يرد علي ويقول فنان وباصات بالملي وقلت له الى الحين ماهو هذا طموحنا

وقالي مع الوقت يتأقلم وتشوف ابداعه .. لكن الي اتضح لنا انه مع الوقت انكشف لنا زياده !!

وارجع اقول من قال ان بولسن حمار ركض ؟؟؟ والله حتى لياقته من نص الشوط الثاني تلقاها صفر ودايم الي يغطيه سيسوكو

وما الوم سيسوكو لو اخذ كرت احمر لأنه شايل الوسط لحاله وبولسن زي الغامدي يناوله المدافع ويرجعها له يناوله المهاجم ويرجعها له !!

هل بيرلو حمار ركض ؟؟

اترك بيرلو ..

يوم كان اليوفي يقاله انه يملك افضل محاور العالم .. اميرسون حمار ركض ؟؟؟ فييرا حمار ركض ؟؟

كلهم يعرفون شلون يوزعون طاقاتهم بس انهم يعرفون شلون يمسكون الوسط ،،، واميرسون فيه ميزه ابن ام لاعب ياخذ منه الكوره !!

اميرسون لاهو سريع ولا باصات خرافيه ولا مهاري بس انه محور وهذا الي نبيه لاعب يعرف يمسك هالمكان !!

بولسن حتى الكوره اذا جا يستلمها يستلمها وهو مدنق ،،

والونسو لاعب لياقته ممتازه ولاعب تكتيكي من الدرجه الاولى وهذى الي نبيه !!

الحين سيسوكو هو الي يستلم الكور وهو الي يفتك الكور وهو الي يبدا الهجمات ،، وبولسن عضو شرف ما يمتاز بأي شي

لكن لو الونسو بجنبه كان طيح منه نصف الحمل من ناحية استلام الكره وتوزيع الكره والتحركات الصحيحه ،،،

عموما انا استغربت بصراحه من كلامك هذا !! حتى لو اللاعب ماعنده لياقه فيه مدربين لياقه باليوفي !!

بس مثل تكتيك الونسو بالملعب صعب تحصل !!

إقتباس الخبر مصدرة الرئيسي الكوريرو ولا اتوقع يكون صحيح كان هالمبلغ بيندفع في احد فهو دييقو ولا غير دييقو

مبارك استبعد هالشي ... لأن دييقو يلعب على الواقف ويلعب بعقله زيه زي فان دير فارت وماهو حمار ركض زي ما يبي مستر رانييري !!

اليوفي يريد مودريش بـ 38 مليون يورو



اللاعب تابعناه بأمم اوروبا وبصراحه لاعب فنااان وصغير بنفس الوقت

لكن استبعد قدومه وخاصه بهالمبلغ !!

][.. رانييري " اللاعبون يقفون بجانبي " ..][

من العام وما سنعك الا هاللاعبين ...

ولو الحظ وقف معك مانت شام ريحة بطوله !!